مساء الفل يا امنيه
مساء النور ياضوء
والله منوره الكرسي
انتي منوره باسالتك
انا جبت معايا شويه اسئله علي الماشي كده
ماشي ياجميل بس دول كتار اوي
ندخل بقي ع الاسئله
اوك
1- تتمنى ايه من ربنا؟
اني اعيش مرتاحه
2- حاجة متوقعتيش انها تحصل وحصلت؟
دخولي علمي رياضه
3- دايما بيقولوا ان الجامعه عالم تاني غير اي مرحله تانيه في اعتقادك ايه السبب ؟؟
لان فيها بقى الواحد مابيبقاش طفل يعني بنحس ان احنا كبرنا
وفيه قرارات بناخدها بنفسنا في المرحله دي وبنتحمل المسؤليه فيها
علشان كده لازم تبقى مختلفه اكيد
4- ماذا تعني لكى الحريه الشخصيه؟
ماحبش حد يتدخل في حياتي من غير ما اسمحله
ف حريتي عندي حاجه كبيره اوي
5- موقف ندمتى عليه في حياتك ندم شديد ؟
الحمد لله لسه ما ندمتش
6-ايه رايك بالثقه بالنفس ؟
اكيد لازم بس ماتزدش عن حدها لانها ممكن تنقلب بعد كده بغرور وتكبر
7- لو حكمتى العالم لمدة يوم واحد فما أهم قرار ستتخذيه ؟
امراسرائيل بالخروج من فلسطين
8- لو لم تكنى أنتى فمن تتمنين أن تكونين ؟
بصراحه ما اتماناش اكون حد تاني
لان اي حد فيه عيوب ومميزات فانا ههرب من عيوبي
مثلا واروح لشخصيه تانيه برده هيبقى فيها عيوب
مافيش شخصيه مثاليه
9- ماهي اجمل المواقف التى مررتى بها في حياتك ؟
يوم الاربع اللي فات بالليل اما نتيجه الثانويه العامه بانت واختي جابت مجموع حلو الحمد لله
10- هل لديكى كلمه عتاب الى شخص ما ؟من هو الشخص وما هي الكلمه ؟
اكيد ليا
بس مش عاوزه اقول اسم الشخص ده
واقوله من فات قديمه تاه
11- ماذا تفعلين في وقت الفراغ؟
ببقى على النت
12- متي تضحكي وفي عنيكي الدموع ؟
اما حد ادامي يكون فرحان وانا اكون زعلانه لازم اكيد افرحله
13- ما هي الأمنية التي تتمنيها...سرا؟
مافيش اصلي لو قولتها مش هتبقى سر
14- اية اكتر حاجة بتعجبك فى نفسك؟
مش عارفه اكيد اصحابي اللي عاملوني همه اللي يقولوا اكتر حاجه حلوه ايه
15- اية اكتر حاجة بتشدك فى الشخصية الى بتكلميها؟
انه يكون ذكي وطيب ومتواضع
16- تعملى اية لو حد قالك انك شخصية تافهة؟
ممكن ادايق بس اكتم في نفسي وماحولش ابين واسأله
انت ليه قولت كده ولو اقتنعت اكيد احاول اغير من نفسي
17- الدنيا بتمثلك اية؟
حياه عايشنها وايام بتمر فيها الحلو وفيها الوحش
اهم حاجه فيها الصبر لحد مانروح الاخره
18- امته قلتى لاء بصوت عالى و ازاى بتتعاملى مع القيود اللى بتفرضها عليكى الحياه؟
قولت لاء اما امي ماوفقتش اني ادخل علوم بس الحمد لله دخلتها
وبتعامل مع القيود بالصبر
الحمد لله
19- حلم حلمتيه ومش اتحقق؟
اني ابقى دكتوره صيدلانيه
20- حلم حلمتيه واتحقق ؟
ان اختي الصغيره تدخل طب والحمد لله هيتحقق
21- هل خسرتى صديقة قبل كده؟ وليه ده حصل؟ وياترى بتعامليها ازاى دلوقتى لو اتقابلتوا؟؟
لا الحمد لله ماخسرتش حد وعمري ما هحاول اخسر حد ما اصحابي ابداااا
22- هل ظلمتى حد قبل كده؟؟؟ وعملتى ايه لما اتأكدتى انك ظلمتيه؟؟؟ وياترى سامحك والا لا؟؟؟
برده الحمد لله ماظلمتش حد قبل كده بمشي بالمقوله يابخت من بات مظلوم ومابتش ظالم
23- هل حد ظلمك لدرجة انك قلتى مش ممكن اسامح؟؟؟ وياترى ايه الموقف لو ده حصل؟؟؟
الحمد لله بسامح اي حد سواء بقى ظلمني او زعلني وبرجع زي الاول معاه ولا اكن اي حاجه حصلت
24- ايه العيب اللى شوفتيه فى امنيه وقدرتى تتغلبى عليه وتغيريه؟
وايه العيب اللى انتى مش قادرة تغيريه؟؟
اكيد انا فيا عيوب ممكن اكون مش بثق في نفسي اوي وكسوله جدااا في اني اتعلم اي حاجه جديده لوحدي
نفسي ابقى شجاعه شويه مش كتير
25- ايه العيب او الصفة اللي ماتقدريش تتحمليها في اللي قدامك؟؟؟؟؟
انه يكون بني ادام عديم الاحساس يعني من النوع اللي بيقول الكلمه ومش عارف
بيتكلم صح ولا غلط بيرمي كلام زي الطوب
26- دموع امنيه من السهل ولا الصعب ان حد يشوفها؟
على حسب الموقف
27- ومين اللى انتى متتضايقيش منه لو شاف دموعك؟
اكيد امي واخواتي
28- نقد عايزه توجههيه لحد ؟ ومين الحد ده ؟
مافيش
29- ايه شعورك لما حد يسألك سؤال وتعجزى عن الرد عليه؟
ببص في الارض واسكت
30- مبدأ الثواب والعقاب........ايه نظرتك ليه؟؟
انتي كنتي بتدرسي علم نفس ولا ايه ياضوء
بحس انه كويس في بعض الامور والامور التانيه مش لازم يبقى فيه عقاب من الاصل
31- "ما منعك الا ليعطيك وما ابتلاك الا ليعافيك ولا امتنحك الا ليصفيك."
مارايك بهذه المقوله ؟
اكيد صحيحه ربنا بيبقى مدي لكل مخلوق رزقه ونصيبه في الدنيا
وياتري حصلك موقف لدرجة ان انتى ساعتها حسيتى انها رساله صحيحه ليكى؟؟؟
اه حصل في حاجات كتير
32-ايه اجمل ايام الدراسه ليكى(حضانه - ابتدائى - اعدادى - ثانوى - جامعه) وليه؟؟؟؟؟؟؟؟
اجمل الايام ابتدائي وثانوي وجامعه
لان حصل حاجات كتير حلوه في المراحل دي الحمد لله
نقول كفايا النهارده كده
لا كنتي سألتي حبه كمان
بقالي كتير اوي
انا عارفه لو شوفتيني هتعملي فيا ايه
بس اما اشوفك بس ده انا هوريكي
الجمعة يوليو 17, 2009 2:28 pm
)
عامة انا على كلامى لسة سفارى او الطيبات بس هاسيب حد منكم رهن 
