هذا مافعلة مهند ببنات المسلمين!

هـذا مافعله مهند بفتياتنا!...
هـذا مافعله مهند بفتياتنا!!

وضعوا قصتا خياليه غراميه... نعم تتمنى كل فتاه ان تعيشها وطورو هذه القصه حتى لامست مشاعر فتياتنا وحركت عواطفهن الساكنه البرئيه

نعم اظهروا ذلك البطل للمسلسل بشكله الذي سلب عقول الكثير الكثير من الفتيات

انتقوه اعداء الاسلام لاجل ذلك

من اجل فتاه الاسلام فقط

شاب يمتلك من الوسامه ماهو كاف لجذب الفتيات

وفوق ذلك رسموا تلك الرومانسيه بشكل يجعل الفتاه تبحر في بحـــــــــر من الخيال الواسع

لااكتب مقالتي عبثا بل واقعا رايته ولامسته بين الفتيات فاليكم مافعل بطل مسلسل ((نــــــــــــــــــــور))

مهند بفتياتنا ....** مواقف مؤلمه**

@فتاه على وشك الزواج فسخت خطوبتها ودمرت حياتها بسبب مهندلان خطيبها لايمتلك تلك الرومانسيه

@فتاه عادت لمنزل اهلها وتمت شهرا عندهم الى الان لانها قالت لزوجها قبلني كمهند

@فتاه ارتبطت بشخص من نفس الجنسيه وبدات معه علاقه محرمه

@فتاه اصيبت بحاله نفسيه وكرهت كل من حولهاوفضلت الانعزال لوحدها طول الوقت لانها على حدقولها اصيبت بتحطيم والسبب مهند
@فتاه وضعت صورته على عبائتهاوتتباهى بهى في كل مكان

@فتاه هجرت اخاها منذ بدايه المسلسل والسبب مهند

@والاخرى تخاصمت مع والدها لانه الغى القناه ولاتكلمه والسبب مهند

@والاخرى صمتت موقع خاص لعشاقات مهند

الله المستعان اين الفتيات المؤمنات بالله ماذا جرى لهن

اين الله تعالى ....؟؟

واين حب محمدا واصحابه؟؟؟

اين فتيات لااله الا الله ...؟؟

من قتلهن من الداخل ؟؟؟

هل اصبحت قلوبهن واجوافهن رخيصه هكذا؟؟؟

اين عقولهن ؟؟ كيف سيريبن اولادهن

؟؟؟؟

كيف ستنجب تلك ابطالا مثل

معـــــــــوذا ومعــــــــــاذا

ومصعــــــبا

ااااااااااااه يـــــــــــاامتي

اااااااااااااه ياامتي!!!!!!!

جميل سا ساسو

موضـــــــــــــــــــــــــــــــــــــــــــــــوع جميل جدا
جزاكى الله خيرا

شكرا ياراءد

فعلا المسلسل ده هز الدنيا

مع انه مسلسل غبي

بس الحمد لله هو اخد نصيبه من الهجوم

والكثير تنبه لخطر مثل هذه المسلسلات

فعلا والله

بس سبحان الله انا عن نفسى مش كنا بحب المسلسل دا

موضوع رائع يا ساسو
وفعلا ربنا يستر على الامةا لاسلامية يارب

الحمد لله البيت كله عندنا مش بيحبه

والله دا رخم
والبنات دى بنات تافهه

جزاك الله خيرا يا ساسو

ويا ريت تكوني متواصله معانه دايما

بمواضيع متميزه زي دي

موضوع جميل ياساسو بس عندى تعليق صغير

ليه الهجوم ده كله على المسلسلات التركيه
رغم ان الافلام السنمائيه المصريه بتاعتنا
بقت فيها مشاهد افظع من المسلسلات دى كلها
واحنا المفروض مسلمين
يعنى هما محدش يلومهم

فعلا عندك حق

احنا المفروض نلوم القنوات الفضائيه اللي ذاعت المسلسلات دي

بس كلامنا ده او ده

في الهواء

كلام بنريح بيه بعض

يعني ما بيغيرش حاجه

برضه مفهمتش قصدى

انا مقصدشي على القنوات اللى بتزيع المسلسلات دي
انا قصدى على السنيماء المصريه نفسها
بقت انيل من المسلسلات دي
يعنى من الاخر
قبل ما نلمهم نلوم نفسنا الاول(السينماء المصريه)

وصلت ولا لسه
هههههههههههه

ههههههههههههههه

والله هي وصلت من زمان

بس في الحالتين هي بايظه

كل اللي نقدر نعمله اننا نقدر نتقرب اكتر من الله سبحانه وتعالي

واكيد تلقائيا هنبعد عن الحاجات دي

سواء بقا مصري تركي اجنبي

وصلت ولا لسه Very Happy

هههههههههههههههه
وصلت برضه

طب دى لسة موصلتليش

هههههههههههههههههههه هذا مافعلة مهند ببنات المسلمين! Icon_biggrin

رااااااااائع يا ساسو

أيوة كده صحى البنات

هو ايه اللي ما وصلش يا y.h

الحمد لله انا متفرجتش عليه مع انه بيتزاع علي قنوات فضائية كتير..واحب اقول لاخواتي البنات حاجة ماتخلوش المسلسلا ت تسيطر علي عقولكم واهتموا بحاجات تانية مفيدة

وبجد موضوع جامد جدا يا ساسو

فعلا هو موضوع رااااااااااااااااااائع جدااااااااااااااااااااااا

ربنا يهدى جميع شباب المسلمين

وانا كمان يا نور ما كنتش بيطيق المسلسل دا ولا حتى اخواتى

ههههههههههههه

حلو جدا الكلام ده
ربنا يهدينى وابطل اسمع المسلسل ده
لانى بحبه جدا

بدل ما تقولى الكلام ده
قول ع حاجه تانيه
المسلسل بيناقش اكثر من جه

جهت التقصير من الزوجه زى ام مهند مع زوجها وخلاه ينظر بره
جهت السيطره اللى مسيطر عليها الجد ع البيت
جهت الحموات اللى ربنا يبعدنا عنهم بالطريقه دى
جهت الزوج اللى يتمن ان يكون ليه ابن
جهت الزوجه المحرومه من الامومه واما فعلته مع ابن زوجها
جهت العمل واهميه نور فى شركه عائله مهند
جهت الاحداث والسراعات اللى بتحدث فى المسلسل اتجاه نور والمشاكل اللى حدث ليها
....................

وغيرها كتير
المسلسل شامل اكتر من شى

بس انتى بصى عليه كويس

ولما تتكلمى ع حاجه اعرفى انك بتتكلمى ع ايه الاول
مش تتكلمى ع حاجه سمعتى عليها وخلاص
واللى بيرد يرد صح احسن ونفس الكلام ليه

انا اسف انى بقول راى بكل صراحه
بس انا شايف انه مسلسل جميل جدا
بس المشكله فى اللى بيتفرج
ولو مكنش جميل مكنش خد الاعجاب ده كله

فى كلام كتير ممكن اقوله
بس انا شايف ان ده كفايا

فعلا موضوع مهم جدا وسلط الضوء على مشكلة خطيره رغم وجود المشكلة من زمان

هي اتجاه الكل للأهتمام لمتابعة المسلسلات والافلام سواء العربية منها او الاجنبية واخيرا التركية

وسببه البحث عن شىء يفتقده اما عن ثقافة او ترويح عن النفس او بعض الحزن او الفرح والضحك او الحب والرمانسية
وانا واحد من هؤلاء

وابتعدنا كل البعد عن الكتاب من اهم وافضل كتاب وهو قرآننا الكريم الي انواع اخرى من الكتب منها الدينيه والثقافية والادبية والتاريخية والعلمية .........الخ

ابتعدنا كل البعد عن الاهل والاقارب والاصدقاء والجيران

فأنظر اليوم الى الصداقة ... الى الجيره ... الة الاقارب وصلة الدم ... الى مجلس العلم

وانظر الى كل هذا من اصله الاصيل

فقتلنا بداخلنا التأمل والتفكير في كل شىء في الكون سواء بداخل ذاتنا او في خلق الله

وعندما ننظر اننا في موقف غريب بعض الشىء

ان ما فقدناه امامنا ومن السهل ان نسترجعة ولكن دائما ننظر الى قشور الحياة

فطالما نهتم بالقشور فحياتنا ستنتهني ونحن على قشورها

فأصل كل شىء يناديك

فالجمال يناديك .. الجمال داخلك

الحب يناديك ..حبك لمن يرزقك الحب

فالخير يناديك ..الخير بالناس

المعرفة تناديك .. بحثك عن كتاب

فقرآنك يناديك .. هديك من الدار للدار

فالفطرة تناديك الى كل هذا

فالله يناديك

فهل ستلبي النداء

هذا كلام خرج من قلبي ولا اعرف كيفما خرج
حتى الان لا اعرف اصل الموضوع الذي ارد عليه
فسامحوني ان اطلت عليكم

زائر

ههههههههههههههههههههههههههههههههه

نرجع لراى زميلنا ms2ever لحد ما زميلنا الزائر يعرف هو بيرد ع ايه

طب والله كلامك يا زائر الليل كلام صح خالص

هو بس زائر اتكلم عموما بطريقة اوسع
مش خص المسلسل دا هو اتكلم على المتابعة اصلا للمسلسلات واننا ننسى بيها الناس الى يقربوا لينا فى الدنيا

اما لراى ms2ever

كل واحد لية حرية الراى انت عاجبك المسلسل غيرك مش عجبة
يعنى عادى حرية راى

انا عن نفسى مش حبيتة مش علشان مهند لا علشان انا مش ليا طولة البال انى اتفرج على 100 و حلقة بحب اعرف النهاية من اول حلقة
وبعدين انت بتقول المسلسل لو مش كان ناجح ماكنش خد الاعجاب دا كلة ماهو لازم ياخد يعنى انت بتتكلم فية اية دا مهند Very Happy

يعنى العيون الزرق والشعرالمسبسب Very Happy

طب والله ms2ever
موقف حصل قدام عيونى على المسلسل دا كنت فى نادى وقاعدة وفية شاشة عرض كبيرة بتعرض المسلسل وكان فية واحدة وواحد شكلهم مخطوبين كانوا قايمين فهو قام حاسب وهى وقفت قدام الشاشة مستنياها ومركزة بقى كان ساعتها مهند بيقول كلمتين رومانسيين شوية والله العظيم وانا بحلف خطيبها وقف جانبها مش لاحظتة اصلا
وراح هزها كدة وبيقولها يالا البت والله العظيم اول مابصت لخطيبها عارف الى شاف وحش اتخدت خالص وقالتلوا اية :shock: Very Happy

طبعا عارفين ليةاتخدت
كانت سرحانة فى جمال مهند وفجاءة:o اتصدمت بالواقع المرير Very Happy

زائر

دا مهند

هههههههههههههههههههههههههههههه
نور هو انتى بتقولى ايه

هو انتى كده رديتى

ولا تعتبروا نور رد
انا مش عارف نور بتقول ايه
احنا عاوزين حد يرد ع MS4EVER
نرجع رى صحبنا MS4EVER
ونشوف حد يرد عليه

انا هحاول ارد يافيوتشر

انا فعلا اتفرجت على حلقات كتير من المسلسل يا ms4ever

بس كان فعلا بيحصلى ملل من المسلسل وساعات احداثه بتشدنى

بس المشكله تلات اربع الى بيتفرجوا على المسلسل

بيتفرجوا علشان مهند وعيون مهند مش علشان احداث المسلسل

وعلى راى سمسمه السينما المصريه ماسابتش حاجه تتقال او تتعمل

ايه ياجماعه!!!!

ماشفتوش الاعلانات عامله ازاى والله حاجه تكسف

كلامك تمام والله يا زائر

ده رد كافي وشافي على الموضوع كله

السلام عليكم اولا

جميل جدا انك اتفرجتى ع بعض المسلسل انجل
طيب هو المسلسل كله عيون مهند فقط
انا عموما اللى عاجبنى فى المسلسل اكتر مش مهند لا انا اللى عجبنى فى المسلسل نــــــــور
اللى اساسا معمول المسلسل عليها
لانها بالفعل هى المسلسل
بافعلها باحاسيسها الرفيعه الرقيقه اللى ظهرت بيها مع زوجها ومع جدتها وصديقتها ومع حماتها الله لا يورينا حماه زيها
ومع كل من حولها
اه حقيقى فى المسلسل احداث كتير من الغرب
بس انا بتكلم عن المسلسل نفسه وعن اللى موجود بيه

نيجى لراى الاخ زائر
كلامك صح
بس انا بتكلم عن اللى بيناقضوا المسلسل ده وبيتفرجوا ع كسلسلات تانيه
اما اللى مبيتفرجش وربنا انعم عليه بده ربنا يكرمه اكتر واكتر
انا بوضح مشكله او راى وخدينه بعض الاعضاء خطا وده من وجهه نظرى انا

جولدن عندك حق فى اتفاقيتك فى راى زائر بس هل انتى مبتتفرجيش ع مسلسلات

وهل انت يا زائر مبتتفرجش ع مسلسلات

اما الاخت نور زى ما قال العضو فيوتشرمان هى عاوزه تقول ايه ارجو التوضيح
كلامك كتير بس مش موضح اى اتجاه تقولى
انا بتكلم يا اخت نور فى هذا المسلسل ومابيه من جهات يتكلم عنها هذا المسلسل
اما بالنسبه للبنات اللى بيبصوا لعيون مهند الزرقاء ويجوا ويقول ان المسلسل ده مش حلو
انا بقولهم غمضوا عنيكم عن عيون مهند وكملوا متابعه المسلسل

انا شايف ومازلت شايف ان المسلسل ليه اكتر من جهه جميله جدا
بس ننظر عليها صح
كلامى للى بيتفرجوا ع مسلسلات مش الاخرين