للنقاش -- خصوصيات الاخوه

كثيرا ما أرى في عصرنا هذا
.. وفي مجتمعاتنا
هذه .
. تدخل الأخ بقضايا أخته
.. إن كانت هذه الأخت كبيرة أو صغيرة ..

دائما
نرى هذا التدخل وفرض آراءه عليها

وبوجود الأب
.. تكمن قضيتنا
.. فالأب هو
أحق بالمعارضه من الأبن في تصرفات البنت..

ولكن .. ديما نرى تدخل الأخ ولو
حتى كان الأب موجود ..!!!!

وديما نرى معارضت الاخت من تدخل اخيها فيها
!!

المناقشــه :،،،،

1- ماهو تعليقكم على ماسبق ؟
و
هل صحيح ما يقال (( اكسر للبنت ضلع يطلع لها 24 ضلع )) ؟؟

2- هل صحيح إن
الولد غير البنت في الخطأ ؟
؟ ولا احد يستطيع التدخل بأقواله وافعاله
؟

3- هل صحيح إن لايحق للأخ يتدخل في أخته إذا كان الأب موجود
؟؟

موضوع هام
اتمنى اشوف اراء الناس فيه

بسم الله الرحمن الرحيم
اولا انا بحمد ربنا انا انا مليش اخوات ولاد
احنا كلنا بنات الحمد لله
بس انا شايفه انه طالما الاب موجود يبقى هو الى يتحكم فى تصرف البنت وليس الخ الولد
لاسباب بسيطه اهما
ان ابوها هو الى هيتحاسب على اخلاقها وتربيتها مش اخوها دا طبعا لو الاب موجود
ولو الاب مش موجود يبقى الاخ ليه الحق بتاع الاب بالظبط
انا طبعا ممرتش بالتجربه دى
يعنى ان حد يتحكم فيا
بس انا حسه انها اكيد حاجه تضايق البنت لما تشوف الاهل سيبين الولد يعمل كل ما تشتهى له نفسه وهيا كل حاجه تعملها عيب وغلط

انا شايف ان الموضوع مش مظبوط عنواناً والسبب طبعا ان الخصوصيات حاجه والسلوك حاجه تانية
انا شخصيا عمري ما اتدخل في خصوصيات اختي
لكن اتدخل في سلوكها بس طبعا مش كل السلوكيات
والبنت بتتعامل بعاطفة وممكن تسلك طريق مش مظبوط بسبب عاطفتها طبعا مش كل البنات علشان محدش يقلي بدون تعميم
لكن الولد غالباً غير كده

بخصوص سؤالك ياعقرب هل غلط الولد زي البنت؟
انا شخصيا شايف ان خطأ الولد = خطأ البنت
والشرع لم يفرق
لكن معظم العلاقات المحرمة كانت السبب فيها البنت والدليل علي كده لما ربنا قال " والزانية والزاني" بدأ بالزانية لأن المرأة هي اساس بداية العلاقة المحرمة وده عموماً
يعني متجيش واحده تقلي واحد زميلي جه كلمني عاوز محاضرة يبقي هو اللي بدأ
واجي أسال واحد : بتكلم بنات ليه يقلي بجيب منها محاضرات .. اصل كل الولاد فاشلين ومحدش بيكتب محاضرات
حتي في يوم سألت بنت بقلها انتي بتكلمي شباب ليه قالت بكل بساطه وبرود " بتسلي "
والبنات لو عرفوا الشباب بيقول ايه علي البنات كانوا لموا نفسهم
ودايما نظرة الشباب للبنات في الجامعة نظرة دونية مفيهاش احترام حتي لو زمايل برده نفس النظره مش هتتغير
يبقي من حق والأخ انه يتابع سلوك اخته علشان يحافظ عليها وده مش تقييد ولكن احترام وتقدير وخوف عليها

وشكراً

الموضوع فعلا هام جدا

اكسر للبنت ضلع يطلع لها 24 ضلع ))

انا مش متفقه مع هذا
لانه ليس بالعنف او الضرب ينصلح حال البنت

لان السلوك يتوقف على اسلوب التربية

وارى ان طريقة التربية بالعنف والتسلط

هو الذى يدفع البنات ان يسلكن اسلوب خاطىء

اما عقوبة الخطا

فالبنت والولد متساويان

قال تعالى (والسارق والسارقة فاقطعوا ايديهما)

فكل من البنت والولد متساويان فى الجزاء
والاخ له الحق فى التدخل فى اصلاح تصرفات اخته
وسلوكها وعدم اجبارها ع شى حتى ولو كان فى وجود الاب

وقد يكون الاب مشغول
والموضوع جميل شكرا للعقرب

زائر

la 7awl wala kowat ella B allah

زائر

انا موافقه سعد في كل كلمه قالها
والاخ بدل ما يكون متسلط
ليه مش يصاحب اخته ويعرفها الصح والغلط
انا ممكن اتكلم عن نفسي
انا الحمد لله والدي موجود وربنا يديم عليه الصحه ويخليه لنا يارب

بس اخواتي مكان بابا بالظبط
رغم اني الكبيره واخويا اللي بعدي اصغر مني بحوالي 3 سنين
بس دايما اعامله ع انه اكبر منه
ودايما احب اخد منه النصيحه
وهو كمان لو حس ان فيه حاجه بيجي يتكلم معايا
بمعني اننا سر بعض وكمان
بتكلم معاه في كل حاجه بمعني اصح اخ وصاحب
يعني البنت اللي بتصاحب ولاد في الكليه وغيره
لو فكرت انها تصاحب اخوها هيحصل ايه
مش هيكون احسن برضه
بس لازم برضه الاخ يدي لاخته الامان يعني مش لما تغلط
يضربها او يروح يقول لماما وبابا ويخلي الناس كلها تضايق منها
المفروض انه ينصحها الاول ويخليها هي من نفسها تحكي وتتكلم معاه في كل حاجه
وتعمل حسابه وحساب باباها قبل ما تعمل حساب نفسها

لان العنف والشده عمرها ما كانت حل
بل بالعكس ممكن تجيب نتيجه عكسيه تماما

يعني مش من البنت ولا من الولد
من اسلوب التربيه في الاساس

زائر

معلش يا عقرب
نسيت اقولك
ماضيعك دايما رااااااااااااااااااااااااااااااااااائعه
بل اكثر من رائعه

ومعلش اني طولت عليكم بس فعلا موضوع جميل جدا يستحق المناقشه