الرئيسيةالتسجيلدخول

شاطر | 
 

 لسة في الكلية أو اتخرجت وعايش في فراغ؟ عايز ترتبط بواحدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ADMIN
ادارة IT CLUB
ادارة IT CLUB


ذكر
عدد الرسائل : 182
العمر : 28
تاريخ التسجيل : 11/10/2007

مُساهمةموضوع: لسة في الكلية أو اتخرجت وعايش في فراغ؟ عايز ترتبط بواحدة   السبت نوفمبر 22, 2008 9:30 pm



ازيكوا يا شباب


في الحقيقة أنا لقيت موضوع اتكرر أكتر من مرة

شاب بيسأل انا عايش في فراغ وانا في الكلية أعمل إيه؟؟

أو انا اتخرجت ومش عارف إيه الخطوات اللي أقوم بيها دلوقتي ولا عارف هدفي

سؤال تاني بيتكرر برضه أنا عايز أرتبط بواحدة أعمل إيه؟؟؟


إيه اللي أقدر أعمله عشان الارتباط ده ما يفشلش قبل ما يبدأ؟؟



طبعا زي مانتو شايفين كده الموضوع انقسم لاتنين


الارتباط والفراغ

ولأن ليهم علاقة ببعض هتعرفوها من خلال الموضوع

فحبيت أعمل الموضوع ده عشان يفيد كل الشباب

وأتمنى فعلا إنه يفيدهم بجد

في البداية لازم نعرف إن الموضوع ده أولا وأخيرا هو تفكير بالعقل أكثر من القلب

وده برضه هتعرفوه من خلال متابعة الموضوع




نبدأ أولا بالجزء الأول من موضوعنا وهو

الفراغ وخطوات المستقبل الجيد



الخطوات اللي المفروض يمشي عليها كل شاب واللي من المفضل تكون من أيام الكلية

عشان بعد كده تساعده في مستقبله

كتير من الشباب بيكون عايش في فترة الكلية أو من بداية تانية ثانوي لحد الكلية

في حالة من اللا وعي

يعني إيه؟؟

يعني عادي الأهل بيصرفوا عليه وهو مش شايل هم حاجة وعايش الدنيا بالطول وبالعرض

وفجأة بعد ما يتخرج يتصدم بالواقع المرير

أنا آعد على الرصيف ليه؟؟

ما فيه ناس زيي ومتخرجين معايا واشتغلوا

إشمعنى أنا؟؟

وممكن كمان الشباب ده مايفوقش بعد التخرج
ده ممكن يوصل لسن 28 و 30 ولسة للأسف ما فاقش

غير كده كمان في الكارثة

بعض الشباب مش بس عايشين في لا وعي

لا وكمان بيشربوا مخدرات (بيحششوا يعني وبانجو وكلام من ده)

يعني ولا بيشتغلوا ولا فارق معاهم

وبعضهم ييجي وقت معين تلاقيهم مزهولين (وقت مايلاقوا حب حقيقي صادفهم)

أنا عملت إيه في دنيتي؟؟

أنا ضيعت العمر ده كله من غير أي فايدة؟؟

يا ترى انا هقدر أتجوز ازاي دلوقتي؟؟

هقول لأهلها إيه وهتجوز منين وازاي؟؟

ولو الشاب مش فارق معاه حاجة طول حياته دي مأساه لوحدها
مش هنتكلم فيها دلوقتي

دلوقتي الموضوع ده للشباب اللي عنده استعداد يفوق

عنده استعداد يغير حياته عشان وقت مايحب يرتبط أو يتجوز

يلاقي نفسه واقف ثابت وواثق من نفسه

للشباب اللي عنده إرادة لكن مش عارف يوجهها ازاي

لسة ماعندوش إرادة أو ممكن نقول مافكرش في الموضوع غير قليل
وعايز حد ينصحه أو يوجهه




الناس اللي لسة في الكلية (أو اللي اتخرجوا)

حاسين بفراغ وقت الأجازات أو وقت الفراغ؟؟

الحاجات اللي ممكن تفيدكوا كويس جدا كالتالي




أهم حاجة يا جماعة الكورسات،

وماحدش ييجي يقولي لا انا الانجليزي بتاعي كويس مش محتاج كورس ولا بتاع
هقولك طيب تمام الانجليزي كويس ادخل أي مركز معتمد
وروح اختبر نفسك انت في المستوى الكام
وطلع منهم شهادة على الأقل بالمستوى اللي انت فيه لو مش عايز تزيد عنه
وده لأن انتوا عارفين بلد الشهادات ومش بس مصر،
حتى لو فكرت تسافر برة لازم يكون فيه إثبات على قدراتك،
إيه اللي هيثبت للي هتعمل معاه الإنترفيو انك فعلا كويس
هو مش هيضيع وقته في المقابلة عشان يعرف انت فعلا فاهم انجليزي وللا لا،
لازم يتأكد من شهادة تثبت ده وبعدها يبقى يعمل معاك المقابلة،
وطبعا ده بينطبق على ناس معينة مش كل الشركات بتعمل كده

طبعا غير كورسات اللغة كمان كورسات تدعم الدراسة اللي انت بتاخدها

لو انت مقتدر ماديا ممكن تاخد كورسات كويسة جدا تفيدك لو فرضنا انك في كلية تجارة

فيه كورسات جامدة جدا في الجامعة الأمريكية
مجرد ماتكون معاك أكيد هتشتغل في مكان كويس إن شاء الله

زي مثلا كورس الـ MAC
Modern Accounting

كلية هندسة ليها برضه كورسات خاصة بيها ودي ليها منح

كلية حاسبات ليها تدريب كل أجازة في شركات كبيرة وجميلة جدا
لو حد احتاجها يقولي وانا اشوفله إيميلات الشركات دي

وغير الكليات دي فيه فرص كتير جدا في الكورسات

*********

ولو انت مش مقتدر ماديا فيه منح دراسية

زي منحة ITI لو تسمعوا عنها للخريجين التسع شهور وماتدفعش فيها ولا مليم

بس تمضي على إقرار بـ 15000 جنيه لو سيبتها في نصها وده لما تخلصها بيتقطع

ودي منحة في جميع تخصصات الكمبيوتر حسب ما تختار انت المجال اللي تحبه

منحة ICDL من وزارة الاتصالات ودي مش شرط تكونوا اتخرجتوا مدتها 3 شهور

وده لينك التقديم فيها

http://www.icdlegypt.gov.eg/

أو ممكن تسأل في أي مركز كمبيوتر معروف في محافظتك وتسأل عندهم منحة الـ ICDL

بس يستحسن تشترك في الموقع وتختار الشركة اللي قريبة منك

هيجيبولك رقم تليفونها تتصل بيهم وتروح

ودي بتكون بمبلغ تأمين 120 جنيه تاخدهم لما تيجي تاخد الشهادة بتاعت الـ ICDL

وحاجات كتير لو حبيتوا اسألوا وانا احاول أجيبلكوا معلومات أكتر

حد ييجي يسألني مثلا

مانا أعد مرتاح في بيتنا إيه يجبرني أتعب نفسي في دراسة تانية؟؟

أرد عليك بقى بالجزء التاني من الموضوع

كل واحد من الشباب لازم يكون عنده عزيمة إنه يعمل حاجة في حياته

عشان مستقبله، عشان لما يفكر يرتبط أو يتجوز،
عشان ما يبقاش زي اللي أعدين من غير شغل ولا هدف في الحياة

كل واحد يحاول يعمل اللي عليه وإن شاء الله ربنا هيوفقه لما فيه الخير



الجزء التاني من الموضوع

الارتباط والوقت المناسب وبعض النصائح



كتير تساؤلات من الشباب

أنا نفسي ارتبط بواحدة أعمل ايه؟؟ أقولها؟؟ هتستناني؟؟

تعالوا نفكر بعقلنا قبل قلبنا في الموضوع ده

واحد دلوقتي لسة شاب في الكلية

أو اتخرج خلاص

اللي بيفكر يرتبط مش لازم يكون أد الفكرة دي الأول؟؟

السيناريو اللي بيحصل كالتالي



واحد يعجب بواحدة يقولها أنا عايز ارتبط بيكي.. شوية بعد سنة وللا اتنين

يكتشف انه مش جاهز دلوقتي وإن اللي كان مخططله اتلخبط

يروح يقولها معلش احنا لازم نسيب بعض (أصله طيب وابن حلال مش عايز يظلمها معاه)

أمال هو عمل إيه من الأول ما هو كده ظلمها

هييجي واحد حسن النية يقولي لا

أنا ما ظلمتهاش، انا لما طلبت الارتباط كان هيبقى فيه فرصة عمل كويسة
كنت هقدر منها أعمل مبلغ وكنت هـ وكنت هـ..

بس في الآخر ده ما حصلش

يبقى لازم قبل أي حاجة تكون حاطط رجلين على خطوات ثابتة ومعروفة
مش حاجة مستقبلية باني عليها حياتك

قبل ما تفكر في الارتباط فكر الأول لو الحاجة اللي انت متصور انها هتحصل دي ما حصلتش

هل هتقدر تعمل حاجة؟؟ وقت ما تيجي ترتبط هل وقتها تقدر تتقدم لأهلها؟؟

مش هتقدر تتقدم لأهلها وتشرح ظروفك وتلاقي قبول يبقى خلاص بلاش من الأول

ليه تظلمها وتظلم نفسك؟؟

سيناريو تاني بدل ما هو يقولها اسيبك عشان حرام أعلقك معايا

واحد يلاقيها اتخطبت بعد ارتباط كام سنة وحب سنين ومش عارفة إيه

طيب ماهو مش كل البنات هتقدر تستنى

ولو قولنا إن البنت كويسة (أهلها عايزين مصلحتها من وجهة نظرهم مش هيخلوها تستنى)

مش هقول لازم يكون معاك شبكة بمش عارفة كام ولا شقة تمليك ولا الكلام ده

بس على الأقل يكون معاك مبلغ تجيب بيه دبل

وتكون في شغل ثابت مرتبه ممكن يأجر شقة ويعيشها كويس مش على الرصيف

الشغل ده بقى بالمرتب ده ييجي منييييييين؟؟
من الحاجات اللي قولناها في الأول.. إنك تكون متميز عن باقي زمايلك بالكورسات اللي خدتها

إنك تكون طموح وعندك هدف في الحياة ماشي وراه عشان تحققه

أنا مش بتكلم كلام في الهوا


***** قصه على لسان صاحبتها
اقتباس :
أنا دلوقتي مكتوب كتابي وفي البداية خالص لما جوزي كان حب يرتبط بية اتقدم لأهلي

أينعم الموضوع كان بالنسبة لهم نوعا ما مش مقنع (عايزين واحد جاهز من مجاميعه)

لكن والله لما ربنا بيريد كل حاجة بتتقدر لما فيه الخير

اتخطبت بدبل بس لمدة سنة وكان وقتها الحمد لله اتثبت في الشغل
وبقالي حوالي سنة أهه كتب كتاب ولسة مش عارفة فرحي ممكن يكون إمتى

كل ده بنحاول نعمل كل اللي نقدر عليه عشان نخلص الجهاز ونتجوز بإذن الله


يعني مش حاجة مستحيلة ولا حاجة

يبقى هنا أهم خطوة لما تحب ترتبط بواحدة هي إيه؟؟

تشوف الأول ينفع تتقدم لأهلها ولا لأ

مش هينفع بأي شكل خلاص ما تتعبش نفسك وتتعبها معاك

تطلب منها ارتباط وبعد كده ترجع تقولها اسيبك عشان ماعلقكيش
مانت علقتها خلاص تسيبها بعد إيه؟؟

ده بالنسبة لتعمل إيه قبل ما تفكر في الارتباط

طيب انت دلوقتي ما فكرتش لسة في الارتباط

تعمل إيه بقى عشان لما تفكر ترتبط تكون أدها؟؟

وده إجابته الجزء الأول من الموضوع
واللي كنا بنتكلم فيه عن إن المفروض إنك تمشي بخطوات طموحة في مستقبلك
عشان وقت ماتفكر في الارتباط تلاقي نفسك جاهز ليه رسمي
مش ترتبط في الضلمة وموضوع يفشل لأي سبب من الأسباب

وماحدش يقولي لا مش في الضلمة دانا أهلي عارفين

طيب أهلها هي عارفين؟؟ أبوها وأمها؟؟ وللا واحد بس فيهم؟؟ وللا ولا واحد؟؟ لا؟؟
يبقى في الضلمة مش في النور

أتمنى إن الموضوع ده يفيدكوا حقيقي





R O M A Z A





الرجوع الى أعلى الصفحة اذهب الى الأسفل
http://it-club.ahlamontada.com
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الأحد نوفمبر 23, 2008 1:48 am


موضوع رائع يا ادمن والله كالمعتاد وموضوع مهم
الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الأحد نوفمبر 23, 2008 2:43 am

موضوع جميل جدا جدا جدا


شكرا يا ادمن

_________________
http://gflower.computality.com/
الرجوع الى أعلى الصفحة اذهب الى الأسفل
lamis
عضو ماسي
عضو ماسي


انثى
عدد الرسائل : 294
العمر : 27
تاريخ التسجيل : 26/08/2008

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الأحد نوفمبر 23, 2008 4:47 am

موضع بجد رائع ومتكامل
انتى كنت قولت ان

كلية حاسبات ليها تدريب كل أجازة في شركات كبيرة وجميلة جدا
لو حد احتاجها يقولي وانا اشوفله إيميلات الشركات دي

طب انا كنت محتاجة التدريب دة
الرجوع الى أعلى الصفحة اذهب الى الأسفل
ADMIN
ادارة IT CLUB
ادارة IT CLUB


ذكر
عدد الرسائل : 182
العمر : 28
تاريخ التسجيل : 11/10/2007

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الأحد نوفمبر 23, 2008 9:20 pm

شكرا lamis على مشاركتك


اقتباس :
موضع بجد رائع ومتكامل
انتى كنت قولت ان

كلية حاسبات ليها تدريب كل أجازة في شركات كبيرة وجميلة جدا
لو حد احتاجها يقولي وانا اشوفله إيميلات الشركات دي

طب انا كنت محتاجة التدريب دة

بالنسبة للشركات اللي ممكن تتدربي فيها أنا هديكي إسم جروب على الياهو

تشتركي على الجروب دي ممكن تعرفي حاجات كتير عن الكلية والفرص اللي بتساعدك فيها

fci4all@yahoogroups.com

بالنسبة لبعض الشركات دي ممكن أقولك إيميلات تساعدك برضه

شركة جيزة سيستيمز ده الإيميل

ssujobs@gizasystems.com

وده الموقع

www.gizasystems.com

شركة ITSoft

jobs@itsoft.com.eg

والموقع

www.itsoft.com.eg

ITWorx

cv@itworx.com

www.itworx.com

لو سمعت عن أي شركة تانية هبعتلك إن شاء الله

الرجوع الى أعلى الصفحة اذهب الى الأسفل
http://it-club.ahlamontada.com
نُسيــــــــــبة
عضو ملكي
عضو ملكي


انثى
عدد الرسائل : 899
العمر : 26
تاريخ التسجيل : 28/12/2007

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الإثنين نوفمبر 24, 2008 12:50 am

مش هينفع بأي شكل خلاص ما تتعبش نفسك وتتعبها معاك

تطلب منها ارتباط وبعد كده ترجع تقولها اسيبك عشان ماعلقكيش
مانت علقتها خلاص تسيبها بعد إيه؟؟



فعلا جميل اوي ومنطقي اوي

وياريت كلنا نفهم كده
رائع ياادمن
الرجوع الى أعلى الصفحة اذهب الى الأسفل
ADMIN
ادارة IT CLUB
ادارة IT CLUB


ذكر
عدد الرسائل : 182
العمر : 28
تاريخ التسجيل : 11/10/2007

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الثلاثاء نوفمبر 25, 2008 12:00 am

اقتباس :
موضوع رائع يا ادمن والله كالمعتاد وموضوع مهم

شكرا ليك يا تيجر على المشاركه الجميلة
وياريت تشارك برأيك عن الحياة بعد التخرج وايه ايه اللي كنت بتعملة قبل التخرج وايه اللي ادركت انك كنت لازم تعملة على فرص العمل
الرجوع الى أعلى الصفحة اذهب الى الأسفل
http://it-club.ahlamontada.com
ADMIN
ادارة IT CLUB
ادارة IT CLUB


ذكر
عدد الرسائل : 182
العمر : 28
تاريخ التسجيل : 11/10/2007

مُساهمةموضوع: رد: لسة في الكلية أو اتخرجت وعايش في فراغ؟ عايز ترتبط بواحدة   الأربعاء نوفمبر 26, 2008 4:32 am


اقتباس :
في الحقيقه كان عندي طلب
بالنسبه للمنح بتاعت الانجليزي ياريت تقولنا معلومات اكتر عنها والمنح التانيه كمان
وشكرا ليك



اشكرك جولدن على المشاركه

اما بالنسبة للأنجليزي
لو انتي في جامعة المنوفيه
يبقى في طريقين اما كلية التجارة بتنزل منح في الانجليزي
او
مركز الخدمة العامة في الجامعة فيه كورسات هناك وبيأهل كويس ده طريق

فيه طريق اخر هيكورسات فيمراكز متخصصه
فيه في الجامعة الامريكيه
ومعهد القوات المسلحة
The British Council (القنصلية البريطانية)
Berlitz
//////////
اقتباس :
في الحقيقه كان عندي طلب
بالنسبه للمنح بتاعت الانجليزي ياريت تقولنا معلومات اكتر عنها والمنح التانيه كمان
وشكرا ليك



اشكرك جولدن على المشاركه

اما بالنسبة للأنجليزي
لو انتي في جامعة المنوفيه
في اما كلية التجارة بتنزل منح في الانجليزي
او
مركز الخدمة العامة في الجامعة فيه كورسات هناك وبيأهل كويس

فيه طريق اخر هي كورسات في مراكز متخصصه
فيه في الجامعة الامريكيه
ومعهد القوات المسلحة
The British Council (القنصلية البريطانية)
Berlitz

طبعا في تحديد مستوى قبل البدء
فيه البعض ممكن يلتحقوا بأي مركز يحسنوا فيه مستواهم في الانجليزي بحيث اما يلتحقوا في مركز متخصص من الكبار دول يبدأ من مستوى كويس ويقدر يتماشي

الرجوع الى أعلى الصفحة اذهب الى الأسفل
http://it-club.ahlamontada.com
 
لسة في الكلية أو اتخرجت وعايش في فراغ؟ عايز ترتبط بواحدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتـداكـــــــــــــــــــــــــــــــــــــــم :: الارشيف-
انتقل الى: