منال علي كرسي الاعتراف(21)

مساء الخير منال
مساء النور
مش حقول منورة الكرسى
الكرسى هوه اللى نور بيكى

الله يخليكى
بسم الله نبدا
من الاول الاسئلة كلها اجبارية
مين قال الكلام دا
حلم حلمته ومازلتى بتحلميه

انى اكون ناجحة في حياتى واشرف دينى
مكان بتحسى فيه بالراحة لما بتروحيه
مابحسش بالراحة اكتر الا اما اكون في بلدى سرس وف بيتى
لو غمتى عينك ثوانى تتمنى تفتحى ع ايه والشخص اى يجى فى بالك مين

ممكن ماجاوبش
اصحابك اللى مقربين تحبى يكون من بلدك بس

الشيماء روح قلبى
شخص لما تشفيه تفرحى
انتى
واخر تشفيه تكونى معجبة بيه شخصيا
ممكن ما جاوبش




هل تعترفى بالحب يعن ممكن منال تحب
طبعا الانسان من غير حب ما يبقاش انسان
تفضلى ايه تحب ولا تتحبى

الاتنين يعنى بتمنى ما حبش الا اللى هيحبنى ويكون من نصيبى
تعيشى الدنيا ولا الدنيا تعيشك

اعيش الدنيا

بابا دايما بقول لى يا منال اللى يجيلك بالغصب خديه بالرضا



اجمل مكان روحتيه

دريم بارك بجد مكان راااااااااااااااااائع
فى مصر الاماكن اللى نفسك تزوريها

شرم الشيخ والغردقة
بتحبى الورد

اكيد
ولو بتحبيه واتقدملك هدية من شخص تقدريه بكام

سعتها لايقدر بثمن يبقى غااااااااااااااااااااااالى قوى
ما منزلة الكلمة عندك

تعبر عن صاحبها
هل اى كلمة تقوليها اوتتقلك بتوزينها ولا بتعديها
وزى ما تيجى تيجى

اللى بيتقللى بوزنها كويس اوى ما بعديش كلمة تتقال لى بالسهل كدا وعلى فكرة دا شئ وحش جدااااااااا لانه بيخليكى تفكري كتييييييييييييييييير اوى
بتحبى اسمك ولو مش بتحبيه نفسك يكون اسمك ايه

طبعا بحبه يكفى ان ابى هو اللى مسمينى "رحمه الله رحمة واسعة "
الحياة عندك تساوى بتقدريها ازى
مش فاهمة قصدك


هل انتى راضية بالكلية اللى انتى فيها
الحمد لله "عسى ان تكرهوا شيئا وهو خير لكم "
كان نفسك تدخلى كلية ايه
حاسبات ومعلومات
الصفات التى تحبها فى اصحابك والتى تحدديها عندما تصحبى بجد

الامانة وكتمان السر والصراحة
ما الفرق بين الاصحاب والاصدقاء من وجة نظرك
الاصحاب زى ما تقولى زمالة طريق يعنى سنة اتين تلاتة وبعد كدا كل واحد ينسى التانى
اما الاصدقاء دا شئ تانى خالص لو قعد اوصف شهور مش هقدر اوصف معنى الصداقة
ما الفرق بين الخيانة والخدروهل جربت احدهم

اللى اعرفه ان هما الاتنين شئ فظيع جدااااااااا وبيجرح اوى وربنا ما يورينا اى منهما

منال جوبى على الاسئلة كلها باللغة العربية الفصحى هههههههههههههههههههههه
دا حلم بتحلميه ولا ايه
كل سنة وانتى بخير ده لما تجوبى تانى يوم العيد كان حلو ولا..............

بجد كان يوم راااااااااااائع جدااااااااا محمد واسماء طول ما احنا جين عملين يقولوا لى كان فسحة جميلة اوى

بس الصراحة تعبنا طنط معانا اوى سلميلي عليها كتيييييييييييير

بجد فرصه سعيده جدا انك موجوده معانا علي كرسي الاعتراف
الله يكرمك
وبجد مش مصدق انك كنتي موجوده معانا في أحمد غانم
لا صدق
تعرفي الاستاذه (امال) مدرسه العلوم في الفتره دي علي ما اعتقد انها كانت بتديكي
هى فعلا كانت موجودة بس اللى كان بيدينى الاستاذة"رضا المخرط"
لو تعرفيها ايه رايك فيها
هو صحيح ما كنتش بتدينى بس اعرف انها كانت كويسة جدااااااا

ايه اللي كان عجبك في مدرسه (الملحقه) اللي كان اسمها بيخوفني اوي
وانا كمان كنت بخاف من اسمها

احلى حاجة ان المدرسين كانوا بيعملوا الطلبة على انهم اولادهم او اخوتهم الصغيرين مش طالب ومدرس

مين المدرس او المدرسه اللي كان بيعجبك شرحه اوي
الاستاذة "منى نوفل" كانت بتدى عربى
الاستاذ "معتز "كان بيدى انجليزى
الاستاذة" رضا المخرط "كانت بتدى علوم

كنت من الاوائل كل شهر ولا
كنت بطلع من الاوائل
لو منهم ممكن ممكن افتكرك شويه

انا لسا فاكر الاولي اللي كانت بتطلع كل شهر في اولي اعدادي مع انها كانت اكبر مننا بسنه بس فاكرها

وهي معاكم في علوم كمان (كيمياء)

تعرفي مين في المنتدي شخصيا
كتير

تعرفي حد من السرساويه اللي هنا

شكلا
ايوة

ايه طموحاتك
انى انجح في مجالى

الجمال بالنسبه ليكي ايه
جمال الخلق والقلب الصافى

جمال الرجل يعتبر ايه بالنسبه لك
الدين والاخلاق

حاليا مصر فيها مشاكل كتير

لو تقدري تعمليلها حاجه تساعديها بيها تعمل ايه وتغيري ايه بالظبط

انجح وابدع في مجالى واغير نفسي ووحاول اغير اللى حوليا

نفس الكلام شايفه ممكن تغيري ايه في سرس تغيير للاحسن طبعا

اكون ناجحة جداااااااا في مجالى عشان يقولوا بنت سرس

ايه رأيك في الطائر

من اول ما دخل المنتدي ولغاية دلوقتي
انسان محترم جدااااااااااااااااااا
فيه تغيير ولا زي ما هو
زىما انت
لو تنصحيني بحاجه تنصحيني بايه
ركز في مذاكرتك
ايه اكتر حاجه عملتها انا شايفاها انها ضايقت مني اعضاء علي المنتدي
مافيش

اي الحاجه اللي ممكن تضايقك مني علي المنتدي
ما فيش خاااااااااااااااالص

مين هما اقرب الناس ليكي في حياتك ؟
صديقة عمرى الشيماء وولاد اختى

ايه هي المعايير اللي بتختاري عليه اصدقاءك ؟
الامانة وكتمان السر والصراحة

اكتر حاجة تضايقك ؟
الكذب

واكتر حاجة بتفرحك ؟
تصدقى مش عارفة

مين تديله الثقة اكتر اخواتك ولا اصدقائك وليه ؟
ممكن تقولى اخواتى لانى عايشة معاهم وعارفة هما بيفكروا ازاى وممكن يكون تصرفهم ايه

يا تري عمر حد قالك كلمة جرحتك او اثرت في شخصيتك ؟
لا

موضوع قرتيه ومش ممكن تنسيه ؟
موضوع كان تلموذ كتبه "عجوز تشرح معنى الحب"
بجد موضوع رااائع وتفسير تلموذ كان اكثر روعة

هل يا تري شايفة ان بكاء الرجل ضعف ؟

لا طبعا


حاجة عملتيها وندمتي عليها ؟
مافيش الحمد لله

ليس من الصعب ان تضحي من اجل صديق ولكن من الصعب ان تجد الصديق الذي يستحق التضحية
هل يا تري شايفة ان في صديق يستحق التضحية للدرجة دي ؟

ايوة صديقة عمرى وروح قلبى الشيماء

هاى منال
منورة والله
دا نورك
وانا عارف ان انا نورت
المهم
انا أول مرة أدخل ف اللعبة دى و أول مرة أسأل
وتقريبا فيه أسئلة متكررة..بس لذيذة و قليلة
بس يارب ماكونش هتقل عليكى

ماتقلش كدا
براحتك ولا يهمك

جوبى بقى ..الاسئلة كلها اجباااااااااارية




1.ايه خططك ان شاء الله ف المستقبل؟؟
والله يامودى لو ربنا كتب لى الزواج يبقة هسعى جاهدة لسعادة زوجى وتربية اولادى على النهج الاسلامى
وان لم يكن هتفوق في مجال دراستى الا وهو البرمجة
2.بتشجعى فريق ايه..أو مين هوه فريقك المفضل..مش لازم أهلى و زمالك؟؟
انا مليش في الكورة خالص

3.بتمارسى رياضة؟؟ولو اه يبقى بتلعبى ايه؟؟
لا

4.ايه هيا هوايتك المفضلة؟؟
البحث
بحب الحاجات اللى صعب تلاقيها وادور عليها لحد ما القيها
5.ايه أكتر موقف ضحكك؟؟

هو الموقف دا حصل الترم دا كنا في امتحان وكان في اتنين من زمايلنا هيمتحنوا الساعة 10 لان وراهم محاضرة في نفس ميعاد الامتحان فزملتى بتسال الدكتور هى الاجابة ممكن تطلع سالب قال لها اه
وجه عندنا وقال مستحيل الحل الصح يبقى سالب فبنقول لها كدا فراحت قالت للدكتور وجت فبتقول لها الدكتور قال لك ايه قالت بقوله هو الاجابة ممكن تطلع سالب قال لها "لا يمكن" بس تشوف شكل البنت وهى بتقول لايمكن انا جات لى هسترية ضحك
فبتقوله طيب يادكتور انا سالت حضرتك قلت لى اه قال لها اصل انا كنت عايزك تخلصي بقى

6.وايه أكتر موقف حزنك؟؟
بلاش
7.وايه أكتر موقف دايقك؟؟
هى مواقف كتير بس بلاش لانها ما ينفعش تتحكى على الملأ
8.أكيد حصلك موقف عشان تغيرى من حد او على حد..ايه كان افظع موقف قابلتيه بالنسبة للغيرة؟؟
مافيش مابحبش الغيرة لان الانسان اللى بغير عليه لو هو بيحبنى وقال لى كدا اكيد هثق فيه يبقى هغير ليه

بعتبر الغيرة عدم ثقة فاللى بيحبك
9.مين العضو اللى بتحبى أو بتبقى مستنية ينزل موضوع عشان تقريه؟؟
كل الاعضاء
10.مين العضو اللى بتحبى تقرى اراؤه و مساهماته؟؟
كل الاعضاء
11.و مين العضو اللى اتشرفتى بمعرفته ف المنتدى؟؟
اتعرفت على كتير
وبجد كل اللى عرفتهم اتشرفت بمعرفتهم
12.مين أصدقائك ف المنتدى؟؟....انا؟؟
البلبل الشادى وانت
13.قابلتى الحب الحقيقى اللى هيدوم ان شاء الله وللا لسة؟؟
ادعيلي
14.مين مثلك الاعلى ف المنتدى؟؟
الصراحة كل الاعضاء يعتبروا مثل اعلى لانى شايفة ان كل واحد له ميزة معينة
15.ومين مثلك الاعلى ف الحياة؟؟
ابن عمى
هو دكتور مهندس وهو في كندا خد الدكتوراه من هناك ولسه هناك

بس بجد قمة في الاخلاق والتواضع والطيبة
16.ايه أكتر أكله بتحبيها؟؟و اكتر لون؟؟واكتر حيوان؟؟
القرنبيط-اللون اللى بكتب بيه-مافيش حيوان معين

17.بتحبى أخواتك؟؟..لو عندك
اكيد
18.أوصفى شخصيتك ف سطر بس؟؟
انسانة عصبية طيبة حنونة
19.ماذا يعنون لكى الاعضاء الاتيين أو او صفيهم ف كلمة واحدة بس؟؟::
عاشقة القمر؟؟
عضوة نفسي اتعرف عليها
سويت؟؟
انسان دمه خفيف جدااااااا وخدوم
رؤول؟؟
انسان محترم
العقرب العجوز المبرمج؟؟
انسان دمه خفيف وخدوم
الطائر الحزين؟؟
انسان محترم جداااااااا وبن بلدى
لولا؟؟
انسانة بحبها لله ف لله مع انى ماعرفهاش
دعاء؟؟
انسانة محترمة جدااااااااااا
تلموذ؟؟
انسان بحترمه جدااااااااااااااااااااااااااا
نور؟؟
انسانة خدومة جداااااااااااا ودمها خفيف جدااااااااا
نسيبة؟؟
انسانة بجد نفسي يكون ليا الشرف واتعرف عليها
و طبعا مودى؟؟

دا اخويا بقى
دمك خفيف اوى ومحترم اوى



يارب ماكنش تقلت عليكى
عادى والله
وتعجبك أسئلتى و ماتكنش متكررة كتير

سلاااااااااااااااااااااااااااام

شكرا جدا يا منال
العفو على ايه

أولا عشان تواضعتى ورديتى على أسئلتى
ماتقلش كدا
وليه يعنى انا انسانة عادية جداااااااااااا
وهو انا كنت مين يعنى
دا انا اللى ليا الشرف انك تسالنى

ثانيا على اجاباتك الجميلة
الله يكرمك

ثالثا عشان مش هتختارينى بعديكى

بس كدا من عنيا
يا طائر مودى هيكون بعدى على كرسي الاعتراف

لا