رجل المستقبل علي كرسي الاعتراف(22)

زائر

golden flower كتب:: ازيك يا فيوتشر مان

ازيك يا جولدن

شوية اسئلة خفيفة
ولا تقيله مش هتفرق بعد الطحن اللى انا اتحنطه من سويت
يا ترى دخلت كلية علوم برغبتك ولا عشان المجموع؟؟؟
بالمجموع
ايه المجال اللي ناوي تتخصص فيه؟؟
برمجه بالسى شارب ومعاها اوركل وسكول سيرفر ان شاء الله
دايما بتتكلم عن المستقبل ياترى ايه المستقبل اللي بتحلم بيه؟
جوبته مسبقا
ايه رايك في عمل المرأة؟؟
مؤمن بيه بس مدام ما بياثرش ع حياتها الاخره والاهم
حلم تمنيته واتحقق؟؟
مفيش
موقف محرج؟؟؟
جوبته مسبقا

من هو العضو الذي تشعر انه حليفك الاسترتيجي في المنتدى؟
مفيش وده احسن ليكم

هكتب شوية صفات تنسبها للاعضاء

لو حلوه الصفات تبق ليا
هههههههههه

مثقف
طائر والفارس العاشق
هادئ
جولدن وزائر
متسرع
دا انا اكيد وممكن راؤل كمان
شاعر
تايجر ومحمد رشاد
رومنسي
عاشقه القمر
متدين
منال
محترم
نسيبه بس الكل محترم وده اكتر حاجه عجبانى فى المنتدى
عقلاني
تلموذ وسمسمه
ذو اراء متميزه
نور
مكتئب
كاره الدنيا
دمه خفيف
سويت وزائر وعقرب
ذكي
الفارس العاشق واليمامه والعصفورهوسمسمه وكل المشرفين
قارئ مميز
سما وعقرب وطائر وكل المنتدى ماعدا انا
ياريت الجزئ ده تكون اجابته بصراحه شديدة
ما هو العيب الابرز في جولدن فلور؟؟
ملحظتش عيب
ما هو الرأي المستفز من اراء جولدن فلور؟؟
هو الراى اللى استفزنى اراء كل البنات ع موضوع ممكن استفسار وموضوع مهند وانتى منهم

الى اللقاء قريبا في الجزء الثاني من الاسئلة
ع فكره هتيجى تلاقينى مشيت
انا مش هكمل ع الكورسى

زائر

سمسمة كتب:

صباح الصباح

اذيك ياباشا

انا قولت اسالك كام سؤال كده عالماشى
بس ياريت تجاوب بصراحه

س1 :- مين العضو اللى كان اسمه الفارس ؟
س2 :- ليه هو مش بيدخل المنتدى حاليا ؟
س3 :- زماااااااااااااان قوى اول ما انا شاركت فى المنتدى . كان ايه رايك فيا ؟
س4 :- كنت عاوز تعرفنى فى الحقيقه ليه . ايه السبب الجوهرى ؟
س5 :- هل انا كنت بنتقد من اجل النقد بس ؟
س6 :- ايه رايك فيا وقتها .خاصة فى مواضيع الحب و الرومانسيه و المشاكل الشخصيه ؟
س7 :- فاكر اسم الموضوع اللى كان جامد جدا و كان هيقلب بخناق ثقافى ؟
س8 :- فاكر اول مشاركه للطائر فى المنتدى ده عمل فيها ايه . ياريت تفتكر دى ؟
س9 :- تقدر تقولى .. ليه زائر الليل مختار الاسم ده لنفسه ؟
س10 :- كان شعورك ايه اول ما عرفت انى انا العقرب فى الحقيقه .؟
س11 :- كنت متوقعنى بشكلى اللى انت شوفتنى بيه ده ؟
س12 :- رايك فيا اختلف بعد اما شوفتنى عن قبل ما كنت تعرفنى ؟
س13 :- انت جبت لبان بكام جنيه .. يوم الاجتماع ؟
س14 :- ايه رايك فى الاجتماع عمتا ؟
س15 :- ايه رايك فيا و فى اقتراحاتى يوم الاجتماع ؟
س16 :- زمان .. مين كان الادمن بتاع المنتدى ؟ من سنه تقريبا ؟
س17 :- مين الادمن الحالى للمنتدى ؟
س18 :- تفتكر مين اكتر عضوين اصحاب فى الحقيقه فى المنتدى ده ؟
س19 :- لو معاك وسام .. هتديه لمين فى المنتدى ؟
س20 :- لو هتسمينى اسم تانى غير العقرب .. هيبقى ايه ؟

س1 :- انت مرتبط باى شكل من الاشكال ؟
س2 :- حبيت كام مره فى حياتك ؟
س3 :- ايه اهم صفه ممكن تشدك و تخليك تعجب ببنت ما ؟
س4 :- ايه اكتر صفه انت مش بتحبها فى البنت ؟
س5 :- عمرك قولت كلمة .. اى لوف يو ؟؟
س6 :- عمرك حد قالك ... اى لوف يو ؟؟
س7 :- صفات فتاة احلامك ؟؟ ايه
س8 :- هتعمل فرحك فين ان شاء الله ؟؟
س9 :- مين العضو اللى كل يوم .. انت بتحس انه بطباع مختلفه ؟
س10 :- اول مره حبيت كام عندك كم سنه ؟

لو انت معاك 10000000000000 دولار

قولى مين

1- ممثل تنتج له فيلم و انت مش قلقان ........
2- ممثله تنتج لها فيلم و انت مش قلقان ........
3- لاعب كوره تدفع فلوس كتير و تشتريه ......
4- الفريق اللى هتهدى له اللاعب ده ,..........
5- مطرب تنتج له شريط و انت متاكد انك هتكسب .......
6- مطرب ما تدفعش له شلن فى شريط له ...........
7- عضو تسلفه 1000 دولار .............
8- عضو ما تديلوش و لا مليم ........
9- عربيه تدفع فيها فلوس كتير و تشتريها ......
10- كاتب انت مستعد تطبع له كتاب على حسابك ......

لو معاك الحاجات دى هتديها لمين

1- ورده حلوه قوى
2- قلم جاف قيم
3- باكو بسكوت
4- لاب توب
5- موبايل جاااااااامد
6- فلوس كتير
7- عربيه
8- دوماين على النت
9- كيس شيبسى عائلى
10- ايميل بنت حلوه ..ههههههههههههه

تقول لمين الجمل دى

1- بحبك جدااااااااااااا .. لبنت ما
2- بحبك جدااااااااا .. لولد ما
3- انت غالى عليا
4- ما تظلمنيش
5- انا اسف
6- انا ندمان انى عرفتك
7- انت احلى حاجه حصلت لى فى حياتى
8- انت واخدها معايا تحدى
9- انت انانى
10- وجودك بقى زى عدمه

قولى بقى

بالنسبه لك ... من هو اول

1- زميل
2- صديق
3- حبيبه
4- عدو
5- ند
6- مساعد
7- محفز
8- محطم
9- خائن

بص انا مش هطول عليك

بجد كفاية كده

و اوعدك لو انا حبيت اسالك تانى

هاجى برضه

اوك

سلام

تحياتى
العقرب

زائر

انا جيييييييييييييت

ازيك ؟

متتخضش من كميه الاسئله المره ادى

لانها بجد كتيره اوى

نبدأ بمواقف لذيذه

وقعت ف مشكله وموبايلك مفيهوش رصيد ومعاك واحده كلمنى هتبعتيها لمين؟ ( شخص يستاهل كميه الثقه دى كلها )

معاك تزكرتين سينما لفيلم رومانسي؟ هتاخد مين؟ الاول حد من الاعضاء ف المنتدى

اتنين حد من بره المنتدى ( شخص رومانسي )

معاك تزكرتين لرحله تلف بيها العالم هتاخد مين معاك

من بره المنتدى و من جوه المنتدى ( شخص مغامر )

خدت مكافأه من الشغل وناوى تعزم حد ع الغداء بره ناوي تعزم مين ؟

حد من الاعضاء و حد من بره المنتدى ( شخص يستاهل الكرم دا )

ماذا تعني لك الكلمات الآتية .... العاطفة .... الرحمة ..... العقلانية .. موضحة إجاباتك بمواقف حدثت لك

مين من الكتاب بتحب تقري ليه ،إذا كنتي من هواة الأدب

إيه أفضل بلد تحبي تعيش فيها في جمهورية مصر العربية .

سؤال محرج ايه هو اكتر سؤال محرج اتسالته فى حياتك

انتي عرفت المنتدى منين....؟؟؟؟

اية اللي عجبك عندنا يعني في منتدانا

(قال يعني المنتدي ورث ورثته )

-تحب الكولا اكتر ولا البيبسي (بواخة بقى )

انت حبيت ولا لأ ولا انت بتحب

قولي اكثر 3 اشياء بيديقوك في حياتك

)ايه مواصفات زوجتك المستقبليه

كام مره حسيت انك ملكش لزمه فى الحياه

كااااااام مره مقدرتش تكتم دموعك

حط 3 اهداف فى حياتك تحب انهم يتحققوا فى المستقبل

بتعرف تطبخ..........واحكيللى كام مره بوظت الاكل وعملوا فيك ايه؟

ماهي اكبر مخاوفك ؟

اكتر 3 حاجات جرحتك في حياتك ؟

ايه العيوب الي شايفها في المنتدى ..؟؟

مين اكتر شخص جرحك او زعلت منه ..وياريت موقف

تحب تقول كلمة (انا اسف )لمين

ايه اكتر شىء ندمت عليه ؟

ضربت حد قبل كده؟
انضربت قبل كده؟
ايه الموقف اللى ما تنساه حتى الان اذا كنت انضربت؟
اعترف متخافش سرك ف بير
بكيت فى الكليه قبل كده؟
وليه؟
وكان معاك مين؟
يعنى كنت مع اصحابك والا قدام السكشن
كده يعنى

مين قدمللك اجمل ورده؟

اتزحلقت قبل كده؟ وكانت اخر مره امتي؟

سافرت قبل كدة ..ولو سافرت رحت فين ؟؟
-ايه اجمل فترة في عمرك وليه ؟؟

ايه هي هوايتك

لو لم اكن .............. لوددت ان اكون ..................

اكتر شيء يفرحك ؟؟

تقول لمين :
غيري طبعا حسبي الله ونعم الوكيل .
- اسف مكنش قصدي .
- الله يسهلك .

رساله تبعتيها لــ 5 من اعضاء ايه هيه الرساله ومين هما الاعضاء؟

لو سمحولك تمسك منصب قيادي في البلد تختار ايه؟ وليه ؟ وماهو اول قرار هتاخده ؟

لو اتيحت لك الة الزمن للسفر عبر التاريخ .... الي اي زمن هتسافر ؟ وليه؟

: هل العتاب ضعف ؟

؟ : ايه اكتر موقف كويس حصلك داخل المنتدى؟ و اكتر موقف وحش حصلك .

: انت انسان حادة الطباع تتميز بالمزاجيه اذ كانت العباره صحيحه فالي اي مدي ؟

هل تؤمن بالحظ و النحس و الي اي الاصناف تنتمي " متشائم / متفائل " ؟

بتؤمن بالاعمال و الكلام دا ؟

المرأه في الخيال ام الواقع تفضله ؟؟

برأيك هل يكون العطاء بلا حساب ...ام تراه يكون مشروطا ؟؟

بوصلتك فى الحياة الى اين تصوبها ..؟؟

فيوتشر؟ من هو الرجل بداخلك ..؟

تواقيعنا بالمنتديات تعكس مابداخلنا.. فيوتشر ما الذى تعكس في توقيعها؟؟؟؟

انا شايف الافتري بيظهر ف توقيعك

هل قلت يوما لا وكان مقصدك بها العكس ..؟( كنتى فين يا ايوه لما قولت لا )

الطبخة اللي حاسس انك متقنها جدا جدا و مفيش نقاش عليها وميختلفش عليها اتنين و مش بتقلدي فيها حد (يعني اللي ياكلها يعرف انها عمايلك و بس)

كنت بتقعد فين فى الفصل وانت فى ابتدائى؟

فيه مره انضربت ظلم وانت فى المدرسه؟ولو فيه احكى الموقف؟واتصرفت ازاى؟

بتحب البحر؟

كنتى تحب يكون تخصصك المجال دا ؟والا كنت تحب تكون حاجه تانيه؟وليه؟

لعبت فى الشارع قبل كده..الشارع .....ههه؟

لو حد زعللك ..بتقوله والا بتسكت؟

لو خيروك بين بلاد الدنيا كلها....ايه المكان اللى بتحب تكون فيه ...غير مصر

بكيت من اغنيه قبل كده..........وايه هيه؟

امتى قلت كفايه ..حرام؟وليه؟ دا غير دلوقتى طبعا

ندمت على حاجه قبل كده…….وما تعلمتش منها؟
لو كده
ممكن تحكيهالنا

ايه هي أكثر الفواكه اللي بتحبها؟؟
ايه رايك ف الشخص الخجول.ورايك ف الشخص الجريء؟؟؟

لو قالولك لازم تبيع حاجه من عندك هتبيعى ايه؟؟؟
اذكر موقف غير حياتك 180 درجة

امتي بتحس بالرضا عن نفسك

- دعاء بتتاثر بيه جدا ... ودعاء مفضل ليكي ...

انت مين ؟؟؟؟؟؟؟؟؟

تقدر تتخلي عن النت دلوقتي ؟؟ وتعيش من غيره كانه معرفتهوش يوما ما ؟؟

ايه الحاجة الي عملتها وكل ما بتفتكرها بتحس يالخجل كدة؟
ركبت امتنى اول عجله فى حياتك؟وكان عندك اد ايه ..وكنت بتاعتك.....فيه موقف تحكى لنا عنه مرتبط بيها؟ ( انا اول مره اركب فيها عجله كنت ف الشهدا وكنت ف 2 ثانوي وكانت البلد كلها بتتفرج عليا )

كنت بتقف فى طابور المدرسه فين.يعنى الاول مثلا

وحضرتك فى ابتدائى احكى لنا اى موقف حلو قوى ....واخر .متضايق منه..............

اول ما بتفتح التليفزيون بتتفرج على ايه .......؟

حد من اصحابك زعلت معاه قبل كده لدرجه انك ندمت انك اديتله الامان........حتى لو اتصافيتم بعد ذلك؟

رتب المشروبات الموجوده على حسب حبك ليها وايه فيهم مش بتحب تشربه خالص
شاى
قهوه
لبن
ينسون
قرفه
نسكافيه
كركاديه
علي
ايه الخبر اللى لما سمعته فرحت اوى اوى اوى
ياترى كنت عايز تبقى خريج علوم؟ من بدايه حياتك ولا كان نفسك تبقى ايه؟

بتقضى كام ساعه على النت

واى خدمه دول يجيي 200 سؤال لحد دلوقتي

اجيبلك كمان واجي

علي فكره انا شايفك دلوقتي ع الايميل بس مش عايز اكلمك

عارف انك هتولع فيا لو كلمتك

future man كتب:

:shock: :shock: :shock: :shock: :shock: :shock: :shock: :shock:
Evil or Very Mad

ماشى ماشى ماشى ماشى ماشى

عموما انا كان نفسى اسالك بس هما مظبطينك :bounce: Very Happy

فى الاسئلة خلاص
اسال اية طيب
امممممممممممممممممممممم

1-اية اول فكرة او احساس خطر ببالك اول مادخلت مبنى شئون الطلبة واستلمت شهادة التخرج
والتقدير كام صحيح

2-مين اكتر دكتور كنت بتحبة فى الكلية
3-اية اكتر مادة حبتها فى الكلية
4-لما خرجت للعالم بعد الكلية ياترى فية افكار من افكارك اتغيرت
قصدى يعنى قلت لنفسك ف اى حاجة (اية دا انا كنت حاسبها غلط خالص الدنيا مش ماشية كدة )
5- البحر بيمثلك اية

6- شخصيتك حاسس انها تمام ولا عايزة شوية تظبيط
(انا حاسة انها عايزة شوية على فكرة Very Happy

)
كفاية كدة عليك
سلاااااااام

زائر

العقرب العجوز المبرمج كتب:: صباح الصباح
صباح الصباح والليالى الملاح
ويا صباح اللى بتغنى
اذيك ياباشا
ازيك يا كبير
انت ايه اللى جابك تانى
انا قولت اسالك كام سؤال كده عالماشى
بس ياريت تجاوب بصراحه

س1 :- مين العضو اللى كان اسمه الفارس ؟
هههههههههه عيب افتن ع حد
س2 :- ليه هو مش بيدخل المنتدى حاليا ؟
جوبت مره
س3 :- زماااااااااااااان قوى اول ما انا شاركت فى المنتدى . كان ايه رايك فيا ؟
مجادل جدا وعكس الناس ومبتجيش الا بالضرب
بس من زمان وانت زى العسل بس اوع تلزق المنتدى
س4 :- كنت عاوز تعرفنى فى الحقيقه ليه . ايه السبب الجوهرى ؟
لانك كنت عارفنى وانا مش عارفك
س5 :- هل انا كنت بنتقد من اجل النقد بس ؟
لا
س6 :- ايه رايك فيا وقتها .خاصة فى مواضيع الحب و الرومانسيه و المشاكل الشخصيه ؟
مجادل ميه ميه
بس ع مين يامان
مكنتش تيجى الا لما اقنعك انا والفارس
ودى حاجه عجبتنى قوى ما تسبش حاجه الا لما تقتنع
س7 :- فاكر اسم الموضوع اللى كان جامد جدا و كان هيقلب بخناق ثقافى ؟
هتصدق انى مش فاكر انا كلت ايه فى الغداء
س8 :- فاكر اول مشاركه للطائر فى المنتدى ده عمل فيها ايه . ياريت تفتكر دى ؟

س9 :- تقدر تقولى .. ليه زائر الليل مختار الاسم ده لنفسه ؟
بيحب يكون زائر
لان الزائر خفيف
بيجي ويمشى
زي الليل والقمر اللي بيحبهم
س10 :- كان شعورك ايه اول ما عرفت انى انا العقرب فى الحقيقه .؟
كنت سعيد جدا انى اتعرفت عليك شخصيا
س11 :- كنت متوقعنى بشكلى اللى انت شوفتنى بيه ده ؟
لا انا كنت مقتنع انك واحد انا من اصحابى
ومش عاوز تعرفنى كان معايا واحد صحبى بنفسك اسلوبك
س12 :- رايك فيا اختلف بعد اما شوفتنى عن قبل ما كنت تعرفنى ؟
لا والله
س13 :- انت جبت لبان بكام جنيه .. يوم الاجتماع ؟
مش فاكر اكيد بفلوس
س14 :- ايه رايك فى الاجتماع عمتا ؟
انا اللى اسال وعموما من راى كان كويس جدا
لان كل واحد خرج اللى جواه
وحسيت انهم عاوزين يعملوا حاجه ع المنتدى
س15 :- ايه رايك فيا و فى اقتراحاتى يوم الاجتماع ؟
تمام قوى
وكنت متحمس جدا
س16 :- زمان .. مين كان الادمن بتاع المنتدى ؟ من سنه تقريبا ؟
مش فاكر والله.بس اكيد انا او زائر او صديق او .......
س17 :- مين الادمن الحالى للمنتدى ؟

س18 :- تفتكر مين اكتر عضوين اصحاب فى الحقيقه فى المنتدى ده ؟
انا وزائر
تلموذ وتايجر
عصفوره ويمامه
س19 :- لو معاك وسام .. هتديه لمين فى المنتدى ؟
نور لانها اكتر مساهمات
س20 :- لو هتسمينى اسم تانى غير العقرب .. هيبقى ايه ؟
حلابوزه
س1 :- انت مرتبط باى شكل من الاشكال ؟
لا
س2 :- حبيت كام مره فى حياتك ؟
حب حقيقى مره واحده
بس اى حاجه تانى بسميها اعجاب
س3 :- ايه اهم صفه ممكن تشدك و تخليك تعجب ببنت ما ؟
ونظرتها(الجمال الروحى انا بسميه) كلامها الصامت واسلوبها فى الكلام والحوار
س4 :- ايه اكتر صفه انت مش بتحبها فى البنت ؟
المياعه و.........
س5 :- عمرك قولت كلمة .. اى لوف يو ؟؟
اه
س6 :- عمرك حد قالك ... اى لوف يو ؟؟
اه
س7 :- صفات فتاة احلامك ؟؟ ايه
بلاش اقول احسن
لانى متاكد اللى هيخرج منى
بلاش اقول احسن
لانى متاكد اللى هيخرج منى
س8 :- هتعمل فرحك فين ان شاء الله ؟؟
تقصد تحب تعمل فرحك فين
مكان
شبيه كدا بالفرح اللى فى فيلم عوكل اللى راحه مع نور بتاع كرستينا
هههههههههه
س9 :- مين العضو اللى كل يوم .. انت بتحس انه بطباع مختلفه ؟
دا انا
ههههههههههه
مفيش فى دماغى حد معين
س10 :- اول مره حبيت كام عندك كم سنه ؟
يابنى انا قلتلك مفيش حاجه اسمها اول مرهالحب مره واحدهبس عموما لو بتسمى الاعجاب والكلام الفاضى الى كان بيحصلكنت فى تانيه اعدادىاما اللى فى اولى ثانوىكنت مفكر انها الحب بجد
بس حب حقيقى حقيقى
عرفته وانا فى تانيه كليه
ومن بعد ما سبتها مش عارف احب غيرها
وحتى ولا بمقولت وداويهم بالتى هى الدائى
معلش طولت شويه فى الاجابه
بس ممكن تكون بوصل نصيحه ليس الا
لو انت معاك 10000000000000 دولار

قولى مين
- ممثل تنتج له فيلم و انت مش قلقان احمد السقا
2- ممثله تنتج لها فيلم و انت مش قلقان ..منى زكى
3- لاعب كوره تدفع فلوس كتير و تشتريه geerard
4- الفريق اللى هتهدى له اللاعب ده ,.ACMAILN.
5- مطرب تنتج له شريط و انت متاكد انك هتكسب هانى شاكر
6- مطرب ما تدفعش له شلن فى شريط له .ريكو
7- عضو تسلفه 1000 دولار زائر وكل الفلوس لو طلب
8- عضو ما تديلوش و لا مليم .انت علشان متجبش سجاير .
9- عربيه تدفع فيها فلوس كتير و تشتريها جيب
10- كاتب انت مستعد تطبع له كتاب على حسابك .محمد رشاد

لو معاك الحاجات دى هتديها لمين
1- ورده حلوه قوى
حسب لونها اللى بتعبر عنه
مثلا لو احمر للى بحبها
لو ابيض لاعز صديق او صديقه
وهكذا
2- قلم جاف قيم
لاخى الكبير محمد
3- باكو بسكوت
ليك او لسويت علشان يبطل اسئله
4- لاب توب
يبق لابن اختى
5- موبايل جاااااااامد
لاخويه سعيد لانه بيحب الموبايلات
6- فلوس كتير
لابى يعمل كل المشروعات اللى هو عاوزها
لصديق لو طلب
7- عربيه
لاخويه حسن لانه بيحب العربيات وميه ميه فى السواقه مع انه مش عاوز يعلمنى
8- دوماين على النت
لحسام صحبى
9- كيس شيبسى عائلى
لبنت عمى لانها بتحب الشبسى
10- ايميل بنت حلوه ..ههههههههههههه
حسب نوع الحلاوه
تقول لمين الجمل دى

1- بحبك جدااااااااااااا .. لبنت ما
حسب المعنى
لو حب عائلى
يبق لاخواتى البنات
لو بنت تشمل سيده
تبق امى
لو حب زى اللى انت عاوزه
يبق للى بحبها
2- بحبك جدااااااااا .. لولد ما
ابن اختى
ولو كلمة ولد تشمل راجل
يبق والدى العزيز
3- انت غالى عليا
اخواتى
4- ما تظلمنيش
لوالدى ولاخويه الكبير
5- انا اسف
لوالدى ولاخويه الكبير
6- انا ندمان انى عرفتك
للى حبيتها
7- انت احلى حاجه حصلت لى فى حياتى
صديق ليه
8- انت واخدها معايا تحدى
الكابتن بتاعى
9- انت انانى
مفيش
10- وجودك بقى زى عدمه
مفيش

قولى بقى

بالنسبه لك ... من هو اول

- زميل
واحد كان اسمه عبدالحكم
2- صديق
محمد واسلام
3- حبيبه
اسماء(اعجاب)
م(حب)4- عدو
مفيش
بس كل واحد كان بيلعب ضد فى بطوله وقت المطش
كنت بعتبره عدو لحد اخر دقيقه وبعد كده صديق
5- ند
محمد صحبى
6- مساعد
زائر
7- محفز
الفارس وزائر
8- محطم
صديقه ليه
9- خائن
مفيش
بص انا مش هطول عليك
بجد كفاية كده
و اوعدك لو انا حبيت اسالك تانى
هاجى برضه
اوك
سلام
تحياتى
العقرب

زائر

نور كتب:

اما انت بقا يا سويت فانت محتاج كام يوم بقا

future man كتب:: [quote=]

سؤال عايزتسئله لأحد من الأعضاء ولكن هناك ما يمنعك؟؟
طيب اديكى قولتى فى ما يمنع

طيب ازاى هسأل

ههههههه

[/quote]

بتهرب من السؤال مثلا
طيب انا هغريه
ههههههههههه
سؤال عايزتسئله لأحد من الأعضاء ؟؟
ايه هو السؤال ؟؟
ومين هو العضو؟؟

زائر

سمسمة كتب:

future man كتب:: [quote=]

سؤال عايزتسئله لأحد من الأعضاء ولكن هناك ما يمنعك؟؟
طيب اديكى قولتى فى ما يمنع

طيب ازاى هسأل

ههههههه

بتهرب من السؤال مثلا
طيب انا هغريه Razz

ههههههههههه
سؤال عايزتسئله لأحد من الأعضاء ؟؟
ايه هو السؤال ؟؟
لما يكون فى سؤال عاوز اساله لحد هساله مفيش الان
ومين هو العضو؟؟
ازاى هيكون فى عضو ومفيش سؤال Razz

[/quote]

ههههههههههه
ماشي

زائر

SWEET RAPTURED LIGHT كتب:

انا جيييييييييييييت
انت ايه اللى جابك تانى
ازيك ؟
الحمد لله
طالما انا بعيد عنك
متتخضش من كميه الاسئله المره ادى
خلاص عرفت ديتها
برشمتين ودورق كهوة

لانها بجد كتيره اوى
يامعين
نبدأ بمواقف لذيذه
اوك
وقعت ف مشكله وموبايلك مفيهوش رصيد ومعاك واحده كلمنى هتبعتها لمين؟ ( شخص يستاهل كميه الثقه دى كلها )
مش عارف والله اقول مين ولا مين
كل اصدقاء اى واحد منهم يستاهل
لانى واثق فيهم كلهم
معاك تزكرتين سينما لفيلم رومانسي؟ هتاخد مين؟ الاول حد من الاعضاء ف المنتدى
زائر صحبى علشان بنتشاور انا وهو
ونتكلم عن الاجزاء الحلوه فى الفيلم
هههههههه
قديمه يامان عيب انا فيوتشر
اتنين حد من بره المنتدى ( شخص رومانسي )
واحد صحبى برده
احب اعرفك انى مش بحب اسمع افلام مع بنات وبالذات رومانسى
بيعيط بقا ولازم مناديل تبق معاك

معاك تزكرتين لرحله تلف بيها العالم هتاخد مين معاك

من بره المنتدى و من جوه المنتدى ( شخص مغامر )
زائر او صديق ليه من البلد اسمه ابراهيم
خدت مكافأه من الشغل وناوى تعزم حد ع الغداء بره ناوي تعزم مين ؟
حد من الاعضاء و حد من بره المنتدى ( شخص يستاهل الكرم دا )
زائر وحسام

ماذا تعني لك الكلمات الآتية .... العاطفة مشاعر راقيه الرحمة القوى من يعرفها العقلانية الحكيم من يعمل بها
موضحة إجاباتك بمواقف حدثت لك

مين من الكتاب بتحب تقري ليه ،إذا كنتي من هواة الأدب
لا مش حد معين

إيه أفضل بلد تحبي تعيش فيها في جمهورية مصر العربية .
مش مهم انهى بلد لانى مش اعرف اهل كل البلاد المهم
انى اعيش فى مكان هادى ومش مزعج
سؤال محرج ايه هو اكتر سؤال محرج اتسالته فى حياتك
مش فاكر والله
انتي عرفت المنتدى منين....؟؟؟؟
ههههههههههههههه
اية اللي عجبك عندنا يعني في منتدانا
انتوا يامان
(قال يعني المنتدي ورث ورثته )
اكيد مان المنتدى ده بتاعك وبتاع كل اللى موجودين عليه مش انتوا اللى عملتوه

-تحب الكولا اكتر ولا البيبسي (بواخة بقى )
ولا دى ولا دى ميرندا او فانتا ولو عصير يبق احسن
انت حبيت ولا لأ ولا انت بتحب
اللى حب اكيد هيفضل بيحب لانه مش هينسا
لو اللى انت تقصده انا حبيت

قولي اكثر 3 اشياء بيديقوك في حياتك
انى اعمل حاجه مش حابب اعملها
عصبيتى
ان واحد يكون زعلان منى وميقوليش

)ايه مواصفات زوجتك المستقبليه

جوبت مره

كام مره حسيت انك ملكش لزمه فى الحياه

كتير
وبالذات الفتره دى
كااااااام مره مقدرتش تكتم دموعك

مرتين اللى انا فاكرهم دلوقتى
معلش مش هقدر اقول هما ايه
حط 3 اهداف فى حياتك تحب انهم يتحققوا فى المستقبل
جوبت مره

بتعرف تطبخ..........واحكيللى كام مره بوظت الاكل وعملوا فيك ايه؟
ههههههههههههههههههه
-مره مكرونه دى اول مره اعملها وخلت اصحابى
يكلوها بالعافيه علشان كنا فى الشقه وبليل وكنا جعنين
-مره رز المفروض ان لونه ابيض انها صنعت ليه لون تانى
-مره فراخ بالبصل وسالوا عليها بقا زائر والفارس العاشق
هى المفروض فراخ بالبصل طلع العكس
هههههههههه

ماهي اكبر مخاوفك ؟
مفيش انا مؤمن باللى يجيبه ربنا
اكتر 3 حاجات جرحتك في حياتك ؟
جرح حبيب
جرح ظلم من اخى
جرح غدر من صديق

ايه العيوب الي شايفها في المنتدى ..؟؟
المنتدى مفهوش عيب
المنتدى محتاج اعضاء غير الموجودين الفعليين
مش اسم فقط
مين اكتر شخص جرحك او زعلت منه ..وياريت موقف
اللى حبتها لاننا مقدرناش نكمل (ده المهم(

تحب تقول كلمة (انا اسف )لمين
لوالدى ولاخى ولصديق لو قصرت معاه

ايه اكتر شىء ندمت عليه ؟
جوبت مره

ضربت حد قبل كده؟
فى مطشات اه
اما عادى
انا مره اتخنقت مع واحد وضربت
واحد قالى انت بتتشطر عليه علشان تعرف حركتين
من يومها ببعد عن اى مشاكل ودى علمتى شويه الصبر

انضربت قبل كده؟
- من ابويا اكيد
- واخوى الكبير مره
-وفى بطوله جمهوريه اترنيت حتت علقه مش هنساها ابدا
بس اللى جننى انى بعد ما خرجت من المطش طبعا مهزوم
لقيت الكابتن بيسقف ومبسوط منى
قالى انت كنت بتلاعب لاعب منتخب وانت ضربته ووقعته
مره يافرحتى مره وهو ضربنى الف مره
-مره الكابتن بتاعى كنت اول سنه اللعب ف حياتى كونج-فو
دخل عليا واحد اكبر منى 10 سنين رنى حتت علقه
بسال الكابتن ليه قالى علشان تنشف وتجمد
ههههههههههه

ايه الموقف اللى ما تنساه حتى الان اذا كنت انضربت؟
اعترف متخافش سرك ف بير
ما انا فضحت نفسى فوق اهو
بكيت فى الكليه قبل كده؟
كنت هـ
وليه؟
ملكش دعوه
وكان معاك مين؟
مفيش حد
يعنى كنت مع اصحابك والا قدام السكشن
كده يعنى
لا طبعا
مين قدمللك اجمل ورده؟
شكلك بتدخل فى اللى ملكش فيه كتير
واحده ياعم من البلد
اتزحلقت قبل كده؟ وكانت اخر مره امتي؟
كنت فى اسكندريه واقف ع صخره بنظرللبحر وواحد صحبى نادهلى قالى تعال بسرعه
انا قلت فى حاجه اتحركه بسرعه الصخره كانت عامله زى الصابون
اتزحلقت ورجلى اتشرحت اقصد جروح
سافرت قبل كدة ..ولو سافرت رحت فين ؟؟
انا بعتبر اى مكان فى مصر مش سفر
علشان كده لا
-ايه اجمل فترة في عمرك وليه ؟؟
فتره الكليه طبعا والابتدائية كنت برن البنات كل علقه وعلقه
والعكس صحيح
ايه هي هوايتك
الرسم
الكونج-فو واختها كيك بوكس

لو لم اكن مصرى لوددت ان اكون مصرى.
اكتر شيء يفرحك ؟؟
فرحت امى وابى منى لما بعمل شى ويضحكوا وهما بيدعولى
تقول لمين :
غيري طبعا حسبي الله ونعم الوكيل .
فى اللى بيحصل فى فلسطينين الان
- اسف مكنش قصدي .
- الله يسهلك .
هههههههه

رساله تبعتيها لــ 5 من اعضاء ايه هيه الرساله ومين هما الاعضاء؟
مش عاوز اشفكم هنا (ع الكورسى اقصد)
سويت
عقرب
سمسمه
دعاء
اليمامه
والعصفوره
لو لاكتر من 5 يبق لكل اللى فى المنتدى واولهم طائر
هههههههههههههه مع انى عارف انى كتب 6
لو سمحولك تمسك منصب قيادي في البلد تختار ايه؟ وليه ؟ وماهو اول قرار هتاخده ؟
الشباب والرياضه.
علشان اجيب كل مدربين الصين
من مدرسه شاولين هنا يدربونى .
الاهتمام باللعاب الفرديه شويه
لان بجد مصر فيها ابطال محتاجين رعايه واهتمام
لو اتيحت لك الة الزمن للسفر عبر التاريخ .... الي اي زمن هتسافر ؟ وليه؟
طبعا وقت وجود النبى عليه الصلاه والسلام
علشان اشوفه واتعلم منه واكون خدام ليحضرته عليه الصلاه والسلام

: هل العتاب ضعف ؟
لا قوه لما بتعاتب صحبك يبق انك متمسك بيه
؟ : ايه اكتر موقف كويس حصلك داخل المنتدى؟ و اكتر موقف وحش حصلك .
مش فاكر بس ممكن نقاشى مع الاعضاء ع موضوع عندى استفسار
والكل كان بيجادلنى وانا كنت بخنق ع نور هههههههه
*****
لما انا انتظرت حضرتكم ندخلوا ع الشات
يوم الاجتماع الساعه 10 لدرجه انى مكنتش
ناوى ادخل تانى بس قلت لو عملت كده هصغر فى نظركم

: انت انسان حادة الطباع تتميز بالمزاجيه اذ كانت العباره صحيحه فالي اي مدي ؟
اى نعم. لا طبعا انا مش حاد انا ديمقراطى فى كل شى
الا ع اهل بيتى فى الخروج عن طوعى او اعصى امر ليه

هل تؤمن بالحظ و النحس و الي اي الاصناف تنتمي " متشائم / متفائل " ؟
لا طبعا انا مؤمن جدا بالقضاء والقدر ولما يحصل شى ليه
بكون مقتنع ان ده قضاء وقدر
متفائل
بتؤمن بالاعمال و الكلام دا ؟
اه
المرأه في الخيال ام الواقع تفضله ؟؟
اكيد الواقع
بس الخيال ليه مذاق اخر نوع رومانسى من طراز تانى
برأيك هل يكون العطاء بلا حساب ...ام تراه يكون مشروطا ؟؟
ايوه
بوصلتك فى الحياة الى اين تصوبها ..؟؟
لاتجاه الشمال طبعا يعنى هتكون مخرفه
ههههههههه
للى يعمله ربنا سبها للظروف
فيوتشر؟ من هو الرجل بداخلك ..؟
رجل زى اى رجل يحب يعش حياه هاديه ويحاوط ع اهل بيته ويوفر ليهم كل السعاده
ويكون ناجح فى عمله ويحاول يظهر فى بلدك لى بلده
تواقيعنا بالمنتديات تعكس مابداخلنا.. فيوتشر ما الذى تعكس في توقيعها؟؟؟؟
اكيد لان ده اختيارك
بس مش كل اللى بداخلك جزء فقط

انا شايف الافتري بيظهر ف توقيعك
يعنى شفت الافترى فى توقيعى ومشفتهوش فى اسئلتك
هههههههههههههه
ياعم دا انا غلباااااااااااان
بس ان زى ما قلت بحب اللعبه دى
هل قلت يوما لا وكان مقصدك بها العكس ..؟( كنتى فين يا ايوه لما قولت لا )

مش فاكر
الطبخة اللي حاسس انك متقنها جدا جدا و مفيش نقاش عليها وميختلفش عليها اتنين و مش بتقلدي فيها حد (يعني اللي ياكلها يعرف انها عمايلك و بس)
كنت بتقعد فين فى الفصل وانت فى ابتدائى؟
احمد يبق اكيد فى الاول
فيه مره انضربت ظلم وانت فى المدرسه؟ولو فيه احكى الموقف؟واتصرفت ازاى؟
اه منك لله فكرتنى
بصوا بقا
كنت فى حصه انجليزى
والمدرس وقفى
ومش فاكر ليه ضربنى
انا فاكر لما ضربنى كان بيضربنى بخرطوم ميه طخين ع السمانه(الكتف)
اكتر من مره وانا فضلت ساكت (كنت لاسف مؤدب وانا صغير)
والله لدرجه ان البنات اللى فى الفصل عيطوا من اللى بيشفوه
وانا واقف وساكت
والدموع نزلت منى لوحدها من شده الالم
وبعدين لما تعب من الضرب قعدنى
ولما خلصت الحصه خرجت وكان المدير بينادى عليا
سبته ومشيت جدى قابلنى فى الطريق(واحد راح فتن ع طول)
اخدنى ورحنا المدرسه واحنا ريحين فى الطريق اخويه محمد كان لسه جاى من الكليه
لما شفنى كده بدا يغلى وطبعا مقدرش يعمل حاجه لما جدى قاله اسكت
رحنا المدرسه ولما المدير شاف الضرب فصل المدرس ده من المدرسه نهائى
بس محمد اخويه قام عليه كان هيكله بس المدرسين مسكوه ومسكتش الا لما جدى سكته
دى تقريبا تالت مره ابكى وهى الاول
بتحب البحر؟
بعشقه وبعشق ثورته
كنت تحب يكون تخصصك المجال دا ؟والا كنت تحب تكون حاجه تانيه؟وليه؟
لا انا كنت عاوز ادخل فنون جميله بس منه لله مش عاوز اجيب فى سيرته
لعبت فى الشارع قبل كده..الشارع .....ههه؟
اكيد بس مش كنت شقى قوى
لو حد زعللك ..بتقوله والا بتسكت؟
بحاول اتملك نفسى ع قد ما استطيع
لو خيروك بين بلاد الدنيا كلها....ايه المكان اللى بتحب تكون فيه ...غير مصر
امريكا علشان بحب الشعب الامريكى كحياه
هما اللى عملوا كل ده فى امريكا
بكيت من اغنيه قبل كده..........وايه هيه؟
لا بس الاغنيه اللى بتاثر فيه قوى
مقدرش انساك محمد حماقى
جاى ع نفسك ليه مدحت صالح
وده لسببين معينين
امتى قلت كفايه ..حرام؟وليه؟ دا غير دلوقتى طبعا
ليك طبعا فى الاسئله اللى فاتت دى بقا مش دلوقتى
ندمت على حاجه قبل كده…….وما تعلمتش منها؟
اه واتعلمت
لو كده
ممكن تحكيهالنا
جوبت مره

ايه هي أكثر الفواكه اللي بتحبها؟؟
التفاح والموزوالفروله تقريبا كده كل الفواكه
ايه رايك ف الشخص الخجول.ورايك ف الشخص الجريء؟؟؟
مش بحب الخجول لانه مش بيعرف يعبر ع اللى جواه زى كده
العكس الجرئ
لو قالولك لازم تبيع حاجه من عندك هتبيعى ايه؟؟؟
هبيع الجهاز اللى عندى علشان اشترى واحد احسن
هههههههه
ممكن ابيع الموبايل
اذكر موقف غير حياتك 180 درجة
هههههههههههههه
مش موقف
عموما
انا ياعم كنت بكلم بنات عادى جدا لحد ما دخلت اولى ثانوى
وكنت برده عادى فى الاول ضحك وهزار وايزى خالص
لحد ما واحده خنقت عليا اتصالات فى البيت ومياعه فى المدرسه
بسببها مردتش اكلم بنات فتره الثانويه كلها
لحد ما طلعوا عليها البنات اكتر من اسم
كان بيشتقوا لابن عمى كان مدرس فرنساوى
(هو ليه ابن عمك بقا كده مش زيك ايزى )
قالى فريق منهم كان مسمينى عدو المراه وفريق احترسوا من احمد
والببع(لان اى بنت كانت تيجى تكلمنى كنت اكسفها ومرداش اكلمها)
لحد ما دخلت الكليه وبقت فاشل زى ما انتوا شيفين

يعنى ممكن تقول انقلبت 180 وبعدين انقلبت 180 تانين
هههههههههههههه
امتي بتحس بالرضا عن نفسك
وقت لما اصلى واعطى الصلاه حقها يعنى اطول قوى فيها
- دعاء بتتاثر بيه جدا ... ودعاء مفضل ليكي ...

اللهم مالا سهل الا ما جعلته سهلا
انت مين ؟؟؟؟؟؟؟؟؟
انا احمد
تقدر تتخلي عن النت دلوقتي ؟؟ وتعيش من غيره كانه معرفتهوش يوما ما ؟؟
اه طبعا
ايه الحاجة الي عملتها وكل ما بتفتكرها بتحس يالخجل كدة؟
هو موقف مع بنت بس محبش احكيه
ركبت امتنى اول عجله فى حياتك؟وكان عندك اد ايه ..وكنت بتاعتك.....فيه موقف تحكى لنا عنه مرتبط بيها؟ ( انا اول مره اركب فيها عجله كنت ف الشهدا وكنت ف 2 ثانوي وكانت البلد كلها بتتفرج عليا )
ههههههههه متخيل زى واحد صحبى نزل المشروع بالعجله
انا بقا اتعلم وانا صغير ابتدائى
والحمد لله محصلش حاجه وحشه

كنت بتقف فى طابور المدرسه فين.يعنى الاول مثلا
لا التالت
وحضرتك فى ابتدائى احكى لنا اى موقف حلو قوى
كنت بلعب مع اصحاب شله صبيان وشله بنات بنضرب بعض بالعصيان
انا كنت بضرب البنات فى الفصل انا واحد صحبى
ومره واحده سبنى ومشى قامت البنات قفلوا الفصل وصحبكم جوه
اعمل ايه اعمل ايه قلت اقفذ من الشباك ع التره
قفذت بره ع التره وانا فرحان ببص ورايسا لقيت بنات تانيه منتظرانى بره
ومش هقولكم ايه اللى حصل اللى كان هممنى بعد كده اصحابى سبونى وراحوا فين
موقف تانى كان معايا ابن عمى(محمد) وكان معايا عمى(اسامه) بس صغير كان من سنى
المهم وانا فى الفصل واحد جه قالى اللحق اسامه بينضرب
طلعت انا ومحمد جرى كان بيضربه صديق بعد كده(اسلام) المهم عملنا تشيله
جامد واحنا بنضربه واحد يمسك وتلاقى التانى يطلع فوق السور ويطير عليه بالرجل وضرب بالحزام لحد ما فقد الوعى
طبعا يا فكك بعد كده
جبنا اللى ما بيعتقش عمى معوض ده كان الببع بتاع المدرسه
عمى معوض شال اسامه ومحمد كل واحد ع دراع ولو كان عنده تالت كان شلنى انا كمان معاهم
وهاتك يضرب
وانا بقا اخذت نصيبى لوحدى كنت فرحان انى مكنتش من ضمن الاتنين وياريتى مافرحتش
انا لوحدى يعنى خد حريته وهو بيضرب
ومن بعديها انا واسلام اعز اصدقاء
واخر .متضايق منه.انا حكايته مره.

اول ما بتفتح التليفزيون بتتفرج على ايه .......؟
مش بفتحه اصلا
لو يبق ع فيلم
او اخبار
او اى حاجه تضيع وقت
حد من اصحابك زعلت معاه قبل كده لدرجه انك ندمت انك اديتله الامان........حتى لو اتصافيتم بعد ذلك؟
اه بس ده بسبب مكر واحد صحبى تانى حب يوقعنا فى بعض
رتب المشروبات الموجوده على حسب حبك ليها وايه فيهم مش بتحب تشربه خالص
2-شاى
7-قهوه
3-لبن
1-ينسون
5-قرفه
4-نسكافيه
6-كركاديه
علي
ايه الخبر اللى لما سمعته فرحت اوى اوى اوى
جوبت مره
ياترى كنت عايز تبقى خريج علوم؟ من بدايه حياتك ولا كان نفسك تبقى ايه؟
ع فكره انت بتقرر الاسئله باسلوب تانى
بتقضى كام ساعه على النت
تقريبا 8 ساعات
واى خدمه دول يجيي 200 سؤال لحد دلوقتي

اجيبلك كمان واجي

علي فكره انا شايفك دلوقتي ع الايميل بس مش عايز اكلمك

عارف انك هتولع فيا لو كلمتك

زائر

future man كتب:

SWEET RAPTURED LIGHT كتب:

بتؤمن بالاعمال و الكلام دا ؟
اه

هههههههههههههههههههههه

طب والنبي عايزك تعملي عمل لواحد صاحبي تجيبله اسهال

24 ساعه ف ال 24 ساعه

لمده الشهر بتاع الامتحانات دا

ههههههههههههههههههههههههههههه

دا هياخد معاه شهاده من الدكتور يعملولوه بيها لجنه خاصه

وهتبقي اللجنه دي ف الحمام

ومش ترابيزه وكرسي

لا ترابيزه و قاعده

هههههههههههههههههههههههههههههه

ياخرابي ؟

يلا بقي حضر العمل وسيب الاسم عشان هقولك عليه ف الاخر

هوه معانا هنا ف المنتدي وعارف نفسه

زائر

هههههههههههههههههه

جامد يااااااااااااض
اوعى يكون اللى بالى بالك
انت كده هتزعله منك لو عرف
والله اقوله
ههههههههههههههه

بالنسبه للأعمال
بجد انا مؤمن بيها زى ما مؤمن بالسحر

وهى حصلت لناس ادامى والله الكلام ده بجد
وده حصل لواحد قريبى وواحد صحبى

معلش مش هقدر احكى ع الموقفين
وع فكره ده بيحصل لقليل الايمان اللى بعيد عن ربه