الرئيسيةالتسجيلدخول

شاطر | 
 

 حسب الله ونعم الوكيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: حسب الله ونعم الوكيل   السبت ديسمبر 27, 2008 7:17 pm



افتحوا قناة الجزيرة يا جماعة واتفرجوا على الى بيحصل فى غزة
وواتفرجوا على الكوارث الى بجد حرام على العرب لاغيت دلوقتى يقفوا كدة قدامها من غير ما يعمولوا حاجة

والله انا عن نفسى اتمنى انى ابقى فى فلسطين دلوقتى علشان والله االعظيم وحلفان انا مستعدة اضحى بنفسى واعمل اى حاجة ضد الخنزير الصهيونى الى حسب الله ونعم الوكيل فيهم

بيضربوا صواريخ على عزة ومناظر بجد يتقطع القلب علشانها واطفال بجد حرام بجد انا مش قادرة
ربنا يقف معاهم يارب
والله بجد انا حزينة جدا ونفسى العرب ولو لمرة واحدة نعمل حاجة

حسب الله ونعم الوكيل
ياريت ياجماعة يبقى دا محور نقاشنا مش اى حاجة تانية
نفسى نفكرنعمل اية لاخوانا الفلسطنين ولو حتى فكرة مش تنفيذ
لان صدقونى لو فضلنا مطنشين هيبقى الدور علينا احنا
هو دا الى نفسى العرب تفهموا ان الدور علينا احنا
وبجد لو شفتوا المجازر الى شفتها النهاردة على قناةالجزيرة هتلاقوها مجازر ضد الانسانية مش الشعب الفلسطينى بس
فياريت حد يتحرك من العرب
بس ياترى هل من مجيب ؟

_________________
[ندعوك للتسجيل في المنتدى أو التعريف بنفسك لمعاينة هذه الصورة]


امحي زنوبك
من هنا

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: حسب الله ونعم الوكيل   السبت ديسمبر 27, 2008 7:30 pm

بجد يا نور اصعب حاجه انك تحسي انك مش قادره تقدمي ليهم المساعده


شيئ مخزي جداااااااااااااااااااااااااااااااااااااااااااااااااااااااااااااااااااااااااااا

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: حسب الله ونعم الوكيل   السبت ديسمبر 27, 2008 9:24 pm


والله يا نور انا اكلمت عن الموضوع ده مع ناس زمايلي كتير

لاما يضحكوا عليا لاما ينفضوا للموضوع خالص

وبجد انا عن نفسي نفسي اعمل حاجه

وفكرت انك تكوني حاليا في فلسطين

انا كمان فكرت في كده ونفسي اكون واحد من المجاهدين دول

ونبقي يد واحده

بس في الاول والاخر بنكلم ومحدش بيسمع محدش بيعمل

بس نفسا برتاح لما بكلم هنا علي المنتدي

بس من جوه دمي بيغلي

وبجد انا مستني اليوم اللي مصر تكون مستهدفه فيه والصهاينه يدخلوا مصر

لاني ساعتها هنعرفهم احنا مين

هنعرفهم المسلمين علي حق

هنعرفهم خير جنود الارض

يارب

_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
سما
عضو ملكي
عضو ملكي


انثى
عدد الرسائل : 733
العمر : 27
تاريخ التسجيل : 14/11/2007

مُساهمةموضوع: رد: حسب الله ونعم الوكيل   السبت ديسمبر 27, 2008 9:31 pm

والله الواحد دمه بيغلى من اللى حاصل

بجد مناظر تقطع القلب
والمشكله ان حكوتنا لها يد فى الموضوع دا
يعنى قمه الظلم
والله يمكن الشعب المصرى اكتر شعب حزين
علشان اللى حصل من حكومته
ربنا ينتقم منهم (((خونه)))
ويارب مع اهل فلسطين كلهم
بجد حاجه صعبه جدااااااااااا
الواحد مستنى رد الشعب المصرى علشان يفهم العرب ان احنا ضدد اللى بيحصل
وان حكومتنا حاجه واحنا حاجه تانيه
الرجوع الى أعلى الصفحة اذهب الى الأسفل
manal
عضو ملكي
عضو ملكي


عدد الرسائل : 1069
تاريخ التسجيل : 04/12/2007

مُساهمةموضوع: رد: حسب الله ونعم الوكيل   السبت ديسمبر 27, 2008 9:35 pm

بتكلمى بجد يا سما الحكومة المصرية لها يد في اللى بيحصل دا


انا لله وانا ايه راجعون
الرجوع الى أعلى الصفحة اذهب الى الأسفل
سما
عضو ملكي
عضو ملكي


انثى
عدد الرسائل : 733
العمر : 27
تاريخ التسجيل : 14/11/2007

مُساهمةموضوع: رد: حسب الله ونعم الوكيل   السبت ديسمبر 27, 2008 9:46 pm

ايوه يامنال مصر لها يد منهم لله

اللى حصل زى ما الجزيره قالت
ان وزيره الخاريجيه الاسرائيليه جت زارت مصر
وكمان واقف معاها وزير الخارجيه بتاعنا
الست قالت فى ما معناه انهم هيبيدوا حماس
والباشا اللى جنبها ولا نطق بكلمه تمام (((دا العادى بتاعهم)))
وقالوا ان اسرائيل مش هتضرب ولا اى حاجه رغم انهم على علم باللى هيحصل
وطبعا قافلين المعابر ومخنقين على الفلسطينين
جت اسرائيل منها لله ضربت
بعد الهنا بسنه قامت مصر بفتح المعابر ((تعبوا وربنا))
طبعا الشعب العربى شايط من مصر وطبعا له حق
بس الواحد نفسه انهم يفهموا ان دى الحكومه وليس الشعب
الرجوع الى أعلى الصفحة اذهب الى الأسفل
manal
عضو ملكي
عضو ملكي


عدد الرسائل : 1069
تاريخ التسجيل : 04/12/2007

مُساهمةموضوع: رد: حسب الله ونعم الوكيل   السبت ديسمبر 27, 2008 9:56 pm

بجد انا لله وانا اليه راجعون

بكدا يبقى حفرت قبرها باديها

هما نسيوا للى حصل للعراق لما وقفت مع امريكا ضد الكويت

ربنا يستر
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: حسب الله ونعم الوكيل   السبت ديسمبر 27, 2008 10:10 pm

عيب ياجماعه نقول ان مصر شريك في المؤامرة ضد الشعب الفلسطيني
الدور المصري لا غبار عليه .. لكن حركة حماس عاوزه الضرب بالجذمة لأنها هي السبب في اللي بيحصل في غزة
حماس تضرب صاروخين علشان تجرح اسرائيلي واسرائيل ترد بمئات القتلي .. فعلا معادله متزنه جداًً .. اللهم عليك بحماس
وبعدين مصر ياجماعه محقة تماما في غلق معبر رفح ...
حتي انا كنت كاتب مقال عن الموضوع ده وقلت فيه رأيي
وده رابط الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
ياريت تقرأوه وتشوفوا تعليقات الناس


الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: حسب الله ونعم الوكيل   السبت ديسمبر 27, 2008 10:35 pm


لا تعليق

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
ساسو
مشرفة
مشرفة


انثى
عدد الرسائل : 507
العمر : 27
تاريخ التسجيل : 07/08/2008

مُساهمةموضوع: رد: حسب الله ونعم الوكيل   السبت ديسمبر 27, 2008 10:44 pm

ياا جماعة بجد والله انا متاثرة قوى لدرجة انى لما سمعت كدة كنت هتجنن لانى اولا ليا واحدة قريبة

منى وصحبتى قوى من فلسطين اول ماسمعت كدة اتصلت بيها بجد كانت منهارة ومعرفتش اهديها

خالص بجد انا نفسى حد يتصرف نفسى حد يعمل اى حاجة بجد انا عايزة انتقم منهم بجد انا عايزة

اصرخ باعلى صوتى حرام حرام ياجماعة لازم نفكر نعمل اى حاجة ليهم ابسط حاجة نعملها الدعاء

وحسبى الله ونعم الوكيل فكل من اشترك فى المجزرة دى ربنا ينتقم منهم

عارفين انا كنت بكلم صحبتى دى وكنت خايفة تتهمنا احنا المصريين فى اللى حصل دة بجد حرام
الرجوع الى أعلى الصفحة اذهب الى الأسفل
sun
عضو ملكي
عضو ملكي


ذكر
عدد الرسائل : 384
العمر : 28
تاريخ التسجيل : 21/11/2007

مُساهمةموضوع: رد: حسب الله ونعم الوكيل   السبت ديسمبر 27, 2008 11:45 pm

فعلا انا معاك ياسعد

حماس استفزت الاسرائيلين بصاروخ او اتنين

وتقريبا حماس هتلاقيها جرحت اسرائيلى وخلاص

شوفوا قصدها اسرائيل عملت ايه؟؟

لحد دلوقتى عدد الشهداء تقريبا 200

غير الوحشيه والمناظر المرعبه الى ضد اى انسانيه

هيا معروفه كل الحروب سببها الحكومات

والاخر الى بيروح فيها المدنيين

بجد منهم لله وربنا ينتقم منهم
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: حسب الله ونعم الوكيل   السبت ديسمبر 27, 2008 11:46 pm

ياسما لا ياسما


هو دا الى هما عاوزينوا

انهم يوقعوا مصر فى العرب ويفضوا لمصر

انا بقى الى عرفتو ان جماعة قسام هى السبب

وانا مع راى سعد الجزار

الى ماتعرفهوش ياسما

ان مصر كانت وسيطة بينهم وخلاص اتقفت مع الفلسطنين والضفة الغربية وقطاع غزة انهم مش يضربوا صواريخ

وكمان اتفقوا مع الاسرائلين

تقوم مجموعة حماس ولا قسام

مخلين بالشروط ويقولوا لاسرائليين لا هنضرب

راح الاسرائليين عملوا كدة

اديهم ضربوا فعلا بس للاسف الشعب الفلسطينى هو الى اتظلم بينهم الاطفال الغلابة

عارفة يا سما مصر الى بيتكلموا عليها دى قالت لحماس انتوا مش اد الاسرائليين ومع ذلك عاندوا وادى نتيجة العند ولسة الله اعلم اية الى يحصل

كفاية بقى كل حاجة تحصل فى العرب يبقى اول حد يتلام هو مصر بجد كفاية

لو قالوا هنحارب كل العرب يقولوا مصر الى تحارب لو قالوا هنعمل اية يبقى مصر الاول الى تعمل مصر مصر مصر اكن مصر دى هى العرب او بمعنى اصح الى خلفتهم ونسيتهم وساعة ما تيجى الطوبة ومصر ياعينى ووشبابها وولادها الى يحاربوا ويموتوا تيجى تسالى انتوا فين ياعرب

سلام عليكم خليكى يامصر انتى لوحدك

يا سما دا الفلسطنيين بيدوا رنة لليهود بيعرفوهم مكان الاسلحة فين يعنى الخيانة جاية منهم هما مش منا احنا

واحنا مش مطلوب منا اننا نقف لوحدنا ضد الاسرائليين ياما العرب كلهم يقفوا

ياما بلاش من اصلة

وياريت بقى نسيب مصر فى حالها

ولو رجعنا الذاكرة بتاعتنا شوية لورا

هنلاقى الله يرحمة انور السادات كان جايب للفلسطنين كرسى فى البرلمان الاسرائيلى علشان يجوا ويحلوا مشكلتهم وكانت ساعتها القوة معانا احنا

لكن اية الى حصل قالوا على السادات خاين واديهم بيندموا اشد الندم على انهم رفضوا دعوة الريس السادات الله يرحمة

المهم كلة الى صعبان عليا فىالموضوع الاطفال والله بجد حاجة تخلى الميت يصحى

فبجد حسبالله ونعم الوكيل فى كل اسرائيلى بيقتل فلسطينى برىء

وحسب الله ونعم الوكيل فى كل فلسطينى خان بلدة

_________________
[ندعوك للتسجيل في المنتدى أو التعريف بنفسك لمعاينة هذه الصورة]


امحي زنوبك
من هنا

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
omnia
عضو ملكي
عضو ملكي


انثى
عدد الرسائل : 1176
العمر : 27
تاريخ التسجيل : 20/03/2008

مُساهمةموضوع: رد: حسب الله ونعم الوكيل   الأحد ديسمبر 28, 2008 12:02 am


والله يا جماعه انا لما شوفت اللي حصل في التليفزيون النهارده الصبح

قلبي اتقطع على الفيلسطينيين والله الله يكون في عونهم

وعلى فكره مصر ماكنتش تعرف حاجه عن ان فلسطين هتنضرب

همه عملوا كده علشان يوقعوا العرب في بعض

الله يكون في عونهم
الرجوع الى أعلى الصفحة اذهب الى الأسفل
سما
عضو ملكي
عضو ملكي


انثى
عدد الرسائل : 733
العمر : 27
تاريخ التسجيل : 14/11/2007

مُساهمةموضوع: رد: حسب الله ونعم الوكيل   الأحد ديسمبر 28, 2008 12:15 am

هو دا الى هما عاوزينوا

انهم يوقعوا مصر فى العرب ويفضوا لمصر
مين هما اسرائيل يعنى

انا بقى الى عرفتو ان جماعة قسام هى السبب

وانا مع راى سعد الجزار

الى ماتعرفهوش ياسما

ان مصر كانت وسيطة بينهم وخلاص اتقفت مع الفلسطنين والضفة الغربية وقطاع غزة انهم مش يضربوا صواريخ

وكمان اتفقوا مع الاسرائلين


دا على اساس ان فعلا اسرائيل تمام وغلابانه وبتسمع الكلام
مهما اتفقوا مليون مره
كان نفذوا
لا ولا اى حاجه حصلت

تقوم مجموعة حماس ولا قسام

مخلين بالشروط ويقولوا لاسرائليين لا هنضرب
الصراحه معرفش الحوار دا

بس انا مش مصدقه لان هما
اكتر ناس عارفين ايه اللى
هيحصل

راح الاسرائليين عملوا كدة

لا مش كده
دى سياسه اسرائيل طول عمرها
تنيم وتضرب
تقول مش هضرب وتلاقيها تانى يوم
بتضرب
حتى تركيا لسه بتقول دى اهانه لها
علشان كانوا فى تركيا وقالوا مش هنضرب


عارفة يا سما مصر الى بيتكلموا عليها دى قالت لحماس انتوا مش اد الاسرائليين ومع ذلك عاندوا وادى نتيجة العند ولسة الله اعلم اية الى يحصل


يعنى يانور انتى عاوزاهم يناموا مش قد اسرائيل خلاص استنى لما يجى الدور عليا فى الشهاده واموت
اصلى مش قدها
وبعدين لما مصر حاربت فى اكتوبر كانت قد اسرائيل
ولا فى ايام الرسول كانوا بيبقوا قله وربنا ينصرهم
لازم يجاهدوا علشان بلدهم


كفاية بقى كل حاجة تحصل فى العرب يبقى اول حد يتلام هو مصر بجد كفاية
لا مش كفايه طول ما الحكومه متواطئه مع
اسرائيل وعاملا الف حساب
هنفضل كده
ومش احنا بس وكل حكام العرب

لو قالوا هنحارب كل العرب يقولوا مصر الى تحارب لو قالوا هنعمل اية يبقى مصر الاول الى تعمل مصر مصر مصر اكن مصر دى هى العرب او بمعنى اصح الى خلفتهم ونسيتهم وساعة ما تيجى الطوبة ومصر ياعينى ووشبابها وولادها الى يحاربوا ويموتوا تيجى تسالى انتوا فين ياعرب
قولى فين مصر بتاعت زمان
ولا فين عرب زمان
فين السعوديه وغيرها يمنعوا البترول
عنهم
فينهم يقفوا مع بعض
وبعدين الصراحه مصر مش بتعمل حاجه
خالص
ولا ليها اى دور
غير انها تقول استنكر
ونعمل اتفاق ما يتمش

سلام عليكم خليكى يامصر انتى لوحدك

الله عليكى يا مصر
حكامك ما شاء الله
يا سما دا الفلسطنيين بيدوا رنة لليهود بيعرفوهم مكان الاسلحة فين يعنى الخيانة جاية منهم هما مش منا احنا

انا قولت كده بس مش معنى كده ان احنا
ميصعبش علينا الابرياء
والاحرار
وديننا مهما كان دى دوله عربيه
يعنى علشان فيهم خونه نظلمهم كلهم
كدا هنخلى اللى بيكره سياسه مصر
يكره شعبها
زى ما قولنا فى وفى
ومش نأخد حد بزنب حد
ربنا اللى بيحاسب

واحنا مش مطلوب منا اننا نقف لوحدنا ضد الاسرائليين ياما العرب كلهم يقفوا

ياما بلاش من اصلة
واحنا حتى فكرنا نقف

دا احنا اقل ناس فى خدمتنا
يا بنتى لولا انه مكسوف مكنش فتح لهم
يتعالجوا
وبعدين اقولك زمان مصر كانت هى اللى متبنيه القضيه
دلوقتى مصر متحامله على القضيه
وماشيا مع اليهود وامريكا
وبتخاف على نفسها((دا طبعا الحكام بتوعنا))

هنلاقى الله يرحمة انور السادات كان جايب للفلسطنين كرسى فى البرلمان الاسرائيلى علشان يجوا ويحلوا مشكلتهم وكانت ساعتها القوة معانا احنا

زمان قول للزمان ارجع يا زمان
هنفضل عايشين على الذكرى
كده مش هنحقق حاجه خالص


لكن اية الى حصل قالوا على السادات خاين واديهم بيندموا اشد الندم على انهم رفضوا دعوة الريس السادات الله يرحمة

دى عنك حق فيها اكبر غلطه عملوها
بس عارفا هما مش حبوا السادات
اصلوا مكنش بيتكلم كتير
جمال بقى حبيبهم
هو تمام بس كان بيعمل شو حلو
والعرب كده بيحبوا الافلام
ههههههههههه

فبجد حسبالله ونعم الوكيل فى كل اسرائيلى بيقتل فلسطينى برىء

وحسب الله ونعم الوكيل فى كل فلسطينى خان بلدة
الرجوع الى أعلى الصفحة اذهب الى الأسفل
3atif
عضو ملكي
عضو ملكي


ذكر
عدد الرسائل : 340
العمر : 27
تاريخ التسجيل : 27/12/2008

مُساهمةموضوع: رد: حسب الله ونعم الوكيل   الجمعة يناير 02, 2009 7:51 am

انا معاكى يا سما واعيد نشر الموضوع
[ندعوك للتسجيل في المنتدى أو التعريف بنفسك لمعاينة هذه الصورة]

كتب فهمي هويدي

هذه معلومات إسرائيلية لا نستطيع أن نقطع بصحتها، لكننا لا نستطيع أن نتجاهلها.

في حديث للإذاعة الإسرائيلية باللغة العبرية تم بثه صباح الأحد الماضي «28/12» قال يحئيل زيسمان ـ المعلق الإسرائيلي المعروف ـ إنه كان من الواضح أن إسرائيل ما كان لها أن تقدم علي عمليتها الكبيرة في غزة لولا أنها حصلت علي ضوء أخضر من بعض الدول العربية، وتحديداً من مصر، وفي تحليله للموقف العربي قال زيسمان إن التصريحات التي أدلي بها وزير الخارجية المصرية أحمد أبوالغيط يوم السبت تمثل أوضح صور لحال القبول العربي بالعملية، ذلك أنه حين قال في تصريح صحفي مُعلناً أن مصر حذرت حماس وأن من لا يستمع إلي تحذيرها فلا يلومن إلا نفسه، هو مؤشر واضح علي قبول القاهرة بما حدث لغزة، ودليل واضح الدلالة علي صدور الضوء الأخضر من القيادة المصرية.

في نفس اليوم قالت كرميلا منشيه ـ المراسلة العسكرية للإذاعة ذاتها ـ إن الاتصالات الشخصية التي أجراها كل من رئيس الوزراء إيهود أولمرت ووزيرة الخارجية تسيبي ليفني مع المسئولين العرب آتت أكلها في توفير الظروف المناسبة للشروع في العملية العسكرية التي لم ينفذ مثلها منذ عام 1967.. وأكدت كرميلا أن إسرائيل استغلت حقيقة موقف الأنظمة العربية الحانق للغاية علي حركة حماس من أجل توفير غطاء عربي لعمليتها الواسعة، معتبرة أن الصمت الرسمي العربي هو دعوة صريحة لمواصلة العمل ضد حماس في القطاع.

يوم الإثنين «29/12» نشر موقع صحيفة هاآرتس علي الإنترنت تقريراً لمراسلها زفاي باريل تحت عنوان يقول: دول عربية رئيسية مهتمة بإضعاف حماس، وفيه ذكر أن إغلاق مصر لمعبر رفح لإحكام الحصار الإسرائيلي المفروض علي غزة أصبح أحد محاور السياسة المصرية ، وأن من يتابع البيانات الرسمية العربية وهتافات المتظاهرين في العديد من العواصم العربية، يخيل إليه أن الذي شن الحرب ضد غزة هو مصر وليست إسرائيل، أضاف المراسل أن مصر والسعودية اللتين تعتبران حماس حليفاً لطهران تفضلان التريث لبعض الوقت، إما في أن تنهي إسرائيل سيطرة حماس علي القطاع، ولذلك فإن القمة العربية المنتظرة لن تنجح في التوصل إلي شيء إيجابي طالما بقيتا الدولتان الكبيرتان.

ذكر عاموس هارئيل المراسل العسكري لصحيفة «هاآرتس» في تحليل نشر في عدد الأحد الماضي «29/12» أن إسرائيل انطلقت في بداية هجومها العسكري علي غزة من ذات الفكرة التي انطلقت منها الولايات المتحدة في غزوها للعراق وأفغانستان، التي تمثلت في حملة «الصدمة والرعب»، وهي التي تنبني علي استخدام قوة تدميرية هائلة جداً، علي أمل أن تترك تأثيراً صاعقاً لدي «العدو»، وشدد هارئيل علي أنه تبين من خلال ردة فعل حماس، ومن الخطاب المتحدي الذي ألقاه رئيس وزراء حكومة غزة إسماعيل هنية، أن مبدأ الصدمة لم يحقق الهدف المرجو منه.

عوفر شليح المعلق العسكري لصحيفة «معاريف» كتب في عددها الصادر في «29/12» قائلاً إن قيام وزير الحرب إيهود باراك باشتراط وقف إطلاق الصواريخ لإنهاء الحملة علي غزة يمثل مقامرة، وذكر أن إسرائيل سبق لها أن اشترطت إعادة جندييها المخطوفين في لبنان والقضاء علي بنية حزب الله التحتية كشرط لإنهاء عمليتها في مطلع حرب عام 2006، لكن الحرب انتهت دون تحقيق تلك الأهداف.

شكك رون بن يشاي كبير المعلقين العسكريين في صحيفة يديعوت أحرونوت «27/12» في جدية تصريحات بعض المسئولين الإسرائيليين الذين يؤكدون أن هدف إسرائيل هو إسقاط حكم حركة حماس، وأشار إلي أن هناك مخاوف من أن يؤدي إسقاط حكم الحركة إلي تولي الجناح الأكثر تشدداً فيها مقاليد الأمور في القطاع، منوهاً إلي ما حدث في حرب لبنان الأولي عندما قامت إسرائيل بطرد قوات منظمة التحرير من لبنان، فقد فوجئت بصعود نجم «حزب الله» الذي تبين أنه أكثر خطورة من منظمة التحرير، وأضاف أن تجربة الأمريكيين في العراق وأفغانستان تدلل علي أن إزاحة نظام موجود بقوة محتل من الخارج ليس بالضرورة تؤدي إلي أن يحل مكانه نظام أكثر اعتدالاً.

ما رأي جماعتنا في هذا الكلام؟.
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: حسب الله ونعم الوكيل   الجمعة يناير 02, 2009 10:50 pm

انت ايه رأيك انت ياعاطف ...؟

هل انت مصدق كلام فهمي هويدي وكلام الصحف الإسرائيلية ؟؟

الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: حسب الله ونعم الوكيل   السبت يناير 03, 2009 12:14 am

حراااااااااااااااااااااااااااااااااااااااااااااااااااااااااام

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
3atif
عضو ملكي
عضو ملكي


ذكر
عدد الرسائل : 340
العمر : 27
تاريخ التسجيل : 27/12/2008

مُساهمةموضوع: رد: حسب الله ونعم الوكيل   الإثنين يناير 05, 2009 1:17 am

سعد دا رأيى

معلومات إسرائيلية لا نستطيع أن نقطع بصحتها، لكننا لا نستطيع أن نتجاهلها لكن انا شايفها بتتحقق قدامى على ارض الواقع


ايه هوا اللى حرام يا جولدن
الرجوع الى أعلى الصفحة اذهب الى الأسفل
سهر.علوم
مشرفة
مشرفة


انثى
عدد الرسائل : 583
العمر : 26
تاريخ التسجيل : 04/12/2008

مُساهمةموضوع: رد: حسب الله ونعم الوكيل   السبت يناير 17, 2009 9:30 pm

بجد حسبي الله ونعم الوكيل

الله ينتقم منهم ...ويا ريت العرب يتحركوا ويعملوا حاجة

مش هانستني لحد ما ضيع فلسطين ...
الرجوع الى أعلى الصفحة اذهب الى الأسفل
 
حسب الله ونعم الوكيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: