هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالتسجيلأحدث الصوردخول

 

 عفوا : الشباب المصري غير متاح حاليا

اذهب الى الأسفل 
+5
sun
3atif
golden flower
العقرب العجوز المبرمج
نور
9 مشترك
كاتب الموضوعرسالة
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

عفوا : الشباب المصري غير متاح حاليا Empty
مُساهمةموضوع: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 2:55 am




هل أنت ولامؤاخذة مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-

أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..


طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة بنفسي ( الكلام دا على لسان كاتب الموضوع الاساسي ) وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..

طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين وياريت بنصلي ..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟


الرجوع الى أعلى الصفحة اذهب الى الأسفل
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 2:57 am

حقيقا عجبنى الموضوع دا اوى



لان فعلا مهم جدا

واحب اسمع رايكم فية
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB
العقرب العجوز المبرمج


ذكر
عدد الرسائل : 6053
العمر : 34
تاريخ التسجيل : 19/11/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 3:29 am

يا نور موضوعك جاااااااااااااامد جدا




انا كنت متردد ارد و لا لا

علشان مش عاوز حد يقول عليا انى مغرور او اى حاجه


انا الحمد لله متابع مجالات كتير باستمرار الحمد لله يعنى


انا اه مش بقرا باستمرار او بشكل يومى


لكن ن دايما يومى مش بيخلى من اى معلومه جديده سواء كانت
مرئيه - مسموعه - مقروئه


لكن مش شرط تكون فى السياسه و لا الادب


انا بتابع اى حاجه انا عاوز اعرف عنها




نور .. بجد موضوعك جامد

انا اعرف معلومه بتقول ان الانسان الطبيعى المفروض يوميا يقرا
20 دقيقه على الاقل

ده المعدل الطبيعى


فكام واحد مننا بقى مش فى المعدل الطبيعى خالص



و بخصوص الثقافه المفقوده .. كلامك كله مظبوط



شكرا ليكى
الرجوع الى أعلى الصفحة اذهب الى الأسفل
golden flower
مشرفة
مشرفة
golden flower


انثى
عدد الرسائل : 2517
العمر : 35
تاريخ التسجيل : 28/04/2008

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 3:35 am

قضيه مهمه جدا اللي طرحتيها يا نور



وانا شايفه ان المشكله ان الشباب مبيستغلوش وقتهم ولا التقنيات الحديثه في العلم والبحث عن المعرفه كل همهم الرياضه والفن و الافلام وشوية حاجات ملهاش لزمة

وكمان مبيحبوش القراءة ولو قرأوا يبقى رياضه وفن برضه

السبب انهم متعلموش من صغرهم يقروا ايه احنا بس علمناهم ازاي يقروا

وكمان مش حاسين بنعمة الوقت اللي ربنا ادهالهم

ولا عايزين يواكبوا العالم الحديث والتطور

انا شخصيا اتمنى كل الناس تستمتع بالقراءه


انا اهم واجمل هوايه عندي القراءه بعشقها جدااااااااااااااااااااااا


يعني لما يجوا يقلدوا الغرب يقلدوهم في الموضه والحاجات التافهه مش في العلم والتطور
الرجوع الى أعلى الصفحة اذهب الى الأسفل
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 3:54 am

اولا بشكرك يا عقرب انت وسوسوعلى الرد

وفعلا عندكم حق
المشكلة ان خلاص احنا بقينا مش بنبص للتطور خالص
دلوقتى كل الى على فكر الشاب المصرى انة اقصى حاجة يتخرج يدخل الجيش يشتغل يتجوز وكدا يبقى اشطة اوى وتمام

فى حين ذلك فى الدول التانية الشباب مش كدة خالص يعنى زى ما ادوا مثال فى الموضوع دولة الهند الى مفروض مصر تبقى اغنى منها بكتير
لكن شوف الفرق فى كل حاجة لانهم بيدورا على التطور باستمرار وانهم يحاولوا يكتشفوا كل جديد فى التكنولوجيا وبيبقى الشاب بسم الله ماشاء الله عندة 15 سنة وبيبقى رهييييييييييييييب
تعالى انت بقى امسك شاب مصرى عندة 15 سنة وشوف وقارن
اكيد عارفين المقارنة هتبقى ازاى

وللاسف هيجى على العالم وقت هيبقى الى بيحكم الشعوب فقط تطورهم وعقولهم والتكنولوجيا بتاعتهم
ياترى ساعتها مصر هتبقى عاملة ازاى :|
الرجوع الى أعلى الصفحة اذهب الى الأسفل
3atif
عضو ملكي
عضو ملكي
3atif


ذكر
عدد الرسائل : 340
العمر : 35
تاريخ التسجيل : 27/12/2008

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 4:10 am

انا شايف ان الكلام توصيف مظبوط للحال دلوقت لكن عشان نخرج بحاجه مفيده لازم نقترح حلول مش بس نعرض المشكله المعلومات اللى ذكرت فى الموضوع طبعا (مع الشكر لنور والمجهود الرائع) اعتقد ان معظمنا يعرفها او على الاقل حاسس بيها لكن المهم دلوقت الحلوووول ايه ؟ ايه؟
الرجوع الى أعلى الصفحة اذهب الى الأسفل
sun
عضو ملكي
عضو ملكي
sun


ذكر
عدد الرسائل : 384
العمر : 35
تاريخ التسجيل : 21/11/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالثلاثاء ديسمبر 30, 2008 11:48 pm

فعلا موضوعك رااائع يانور ويستدعى فعلا المناقشه


انتى عندك حق ان الشباب كلها او معظمها حياتها هزار فى هزار

وانا شايفه ان السبب مش فينا لوحدنا كشباب

اولا: كلنا مرينا بمرحله ثانويه عامه وشوفنا الى بيحصل مافيش نوم

وتقريبا اليوم كله مذاكره غير الى اصلا مجتهد وبيذاكر مذاكره جد من الابتدائى

يعنى بمعنى اصح حصله كبت من الكتاب ومنظره بس

انا كنت فى اجازه الصيف بكره اشوف كتاب قدامى ودى حقيقه على الاقل حصلتلى انا واخواتى

وده عيب فى طريقه تعليمنا والناس الى اخترعونا طريقه التعليم دى

ثانيا : واحنا فى المدرسه كان فيه حصه اسمها مكتبه اكيد كله فاكرها

انا كنت بقضى الحصه دى ممكن فى الفصل وقاعدين زى الجزم

وياسعدنا وهنانا لو قضناها فى الحوش نلعب يبقى امنا دعيانا

المجتمع الى فرض علينا كده او بالمعنى الاصح النظام

ولا ايه رايكم؟؟؟؟
الرجوع الى أعلى الصفحة اذهب الى الأسفل
omnia
عضو ملكي
عضو ملكي



انثى
عدد الرسائل : 1176
العمر : 34
تاريخ التسجيل : 20/03/2008

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالأربعاء ديسمبر 31, 2008 12:18 am


عندك حق يا انجل والله
هوه احنا اصلا كان عندنا مكتبه في المدرسه
انا بيتهيقلي ان المكتبه اللي في المدرسه دي للزوار فقط
ده اذا كان اصلا الواحد بيروح المدرسه

شكرا يا نور على الموضوع الجميل ده
الرجوع الى أعلى الصفحة اذهب الى الأسفل
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالأربعاء يناير 07, 2009 1:00 am

العفو

وشكرا ليكم على رايكم يا جماعة
وياريت الحال يتغير باذن الله
الرجوع الى أعلى الصفحة اذهب الى الأسفل
كنزى
عضو ملكي
عضو ملكي
كنزى


انثى
عدد الرسائل : 646
العمر : 34
تاريخ التسجيل : 26/12/2008

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالأربعاء يناير 07, 2009 2:12 am


فعلا الشاب المثقف دلوقتى عمله نادره جدا
يمكن السبب ان دلوقتى الناس بتقلد الغرب تقليد اعمى
بيشوفوا من زاويه واحده لكن مش بيقلدوا من كل حاجه
كمان الغرب مش كويس يعنى الثقافه فيه قليله برضو
فهما لو فيه حاجه كويسه فى الغرب مش بيقلدوها
وبيقلدوا الوحش بس
الرجوع الى أعلى الصفحة اذهب الى الأسفل
أمير الــــــــزمان
مشرف
مشرف
أمير الــــــــزمان


ذكر
عدد الرسائل : 1053
العمر : 35
الموقع : Monofia
تاريخ التسجيل : 05/11/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالخميس يناير 08, 2009 2:32 am


والله الشباب مظلوم
يطور نفسة أذاى وهو انة عارف كدة مش شغال او كدة مش شغال
فا مبقتش فرقة معاة كتير
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي



ذكر
عدد الرسائل : 771
العمر : 38
تاريخ التسجيل : 22/12/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالسبت يناير 10, 2009 9:16 pm

فعلا دي حقيقة .. الشباب المصري غير متاح

لكن انا هتكلم عن نفسي .. انا معظم معلوماتي من علي الانترنت والباقي من الكتب وبعد ما اشتريت شاشه LCD مش هفتح كتاب

- بقرأ المصائب ( الأخبار ) يوميا من مواقع مثل
محيط
العربية
الجزيرة
المصري اليوم
بي بي سي العربية
جوجل للأخبار

- قرأت كتب كثيره جدا وخصوصوا في
الفرق والمذاهب , قرأت عن الماسونية والاشتراكية والرأسمالية والتغريب والماركسية والشيعوية والشيعة والديمقراطية وعن النصاري ولم اقرأ كثيرا عن اليهود
قرأت في العقيدة والفقه ولم أقرأ في السيره الا في سيرة سيدنا عمر بن الخطاب
-----
اجمل كتاب قرأته هو كتاب الله والعلم الحديث
اجمل كتاب فكري هو كتاب الدكتور علاء بكر ويتكلم عن بعض المحاضرات الفكرية والشريعة الاسلامية
وأيضا كتاب: تسرب الفكر الباطني الي الشرائع السماوية من سلسلة الظاهر والباطن

قرأت بعض كتب الدكتور ابراهيم الفقي
كنت بذاكر في كتاب برمجه خطية من يومين مفهمتش حاجه
----------

افضل موقع لي هو موقع ويكيبيديا العربية فهم موسوعه لا حصر لها

اتابع دائما اخبارالشركات التالية
- مايكروسوفت
-جوجل
-ابل

قناتي المفضلة هي الجزيرة الوثائقية

برنامجي المفضل هو الاتجاه المعاكس علشان دايما بتحصل خناقه

-----------------

شكرا نور علي الموضوع
الرجوع الى أعلى الصفحة اذهب الى الأسفل
أمير الــــــــزمان
مشرف
مشرف
أمير الــــــــزمان


ذكر
عدد الرسائل : 1053
العمر : 35
الموقع : Monofia
تاريخ التسجيل : 05/11/2007

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالأحد يناير 11, 2009 1:04 am


الاتجاة المعاكس أوعة تكون بتعمل كدة
كمان وانت ماشى فى الشارع
هههههههههههههههههههههههههههه
الرجوع الى أعلى الصفحة اذهب الى الأسفل
golden flower
مشرفة
مشرفة
golden flower


انثى
عدد الرسائل : 2517
العمر : 35
تاريخ التسجيل : 28/04/2008

عفوا : الشباب المصري غير متاح حاليا Empty
مُساهمةموضوع: رد: عفوا : الشباب المصري غير متاح حاليا   عفوا : الشباب المصري غير متاح حاليا Icon_minitimeالأحد يناير 11, 2009 1:14 am

ههههههههههههههههههههههههههههههههه




انا كمان بحب الاتجاه المعاكس
الرجوع الى أعلى الصفحة اذهب الى الأسفل
 
عفوا : الشباب المصري غير متاح حاليا
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: