هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالتسجيلأحدث الصوردخول

 

 """المحقق كرومبو"""

اذهب الى الأسفل 
+5
دعاءdody
golden flower
lamis
مادو
الطائر الحزين
9 مشترك
كاتب الموضوعرسالة
الطائر الحزين
ادارة IT CLUB
ادارة IT CLUB
الطائر الحزين


ذكر
عدد الرسائل : 4012
العمر : 34
تاريخ التسجيل : 26/01/2008

"""المحقق كرومبو""" Empty
مُساهمةموضوع: """المحقق كرومبو"""   """المحقق كرومبو""" Icon_minitimeالإثنين يناير 12, 2009 10:20 pm


اهلا بيكم

النهاردة حصلت حاجه كوميدى خالص

(نور) إشترت 2 كيلو برتقال أبو صرة علشان عندها شوية برد

ولما وصلت بيهم لباب العمارة إفتكرت إنها نسيت تشترى نص كيلو لبن علشان
اخوتها

وكان واقف أما باب العمارة على الرصيف التاني 3 من اعضاء المنتدى


الأول : (زائر) اللى كان واقف بيسمع فى الام بى سري اغنية ريمكس

الثاني : هو(الطائر) اللى كان واقف بالموتوسيكل بتاعه مستني واحد زميله في نفس العماره

والثالث : وهو( فيوتشر) واللى كان بيشرب عصير قصب فى المحل اللى قدام العمارة

فسابت ( نور ) كيس البرتقال جمب باب العمارة ورجعت علشان تشترى اللبن


ولما إشترت اللبن ورجعت ملقتش كيس البرتقال


ولما سألت التلاته إذا كان حد فيهم شاف كيس البرتقال بتاع نور قالوا ..

زائر: أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجني من المود بتاع الاغنية ..بجد حاجه لا تطاق ..ال برتقال ال .

الطائر: هع هع.. برتقال ايه اللى انت جايه تقولى عليه وواجعه دماغنا علشان 2 كيلو برتقال أبو صرة .. لو لاقتيه هاتي واحدة.. هع هع.

فيوتشر : لا انا مشفتش اى أكياس برتقال خالص انا واقف بشرب العصير حتى لسه مخلصتهوش .. تاخد شوية يا

نور

معرفتش مين اللى سرق كيس البرتقال

بس أنا عرفت

لو انتوا كمان عرفتوا

اتصل على الرقم ده

زيرو اربع اصفار صفرين

وإبقى قابلنى لو كسبت حاجه ..

خلصنا هزار بأه مع أصحابي فى المنتدى اللى بعزهم

طبعا دا هزار وفى نفس الوقت نفكر سوية فى حكاية( اتصل الان) ويمكن تكسب موش عارف ايه والدقيقة بجنيه ونص من اى موبايل ورقصنى على واحدة ونص لو جنابك كسبت

وفى شكل جديد وإستيل حلو وإعلان لذيذ زى إعلانات المفتش ( كرومبو) اللى عملنا نموذج منها طريقة جديدة ومبتكرة لتشطيب جيوب سعادتك من رصيدك ، يمكن فكرة الاتصال موش جديدة لكن فكرة الاعلان جديدة مما دفع كتير من السذج للإتصال ظنا منهم انهم عباقرة خلاص ووصلوا إلى الجاني وهو نفسه لا يدرى انه حياخد على- لامؤاخذه- قفاه .

وعلشان العملية تباه محبوكة يقولك مع بداية كل حلقة جديدة الفائز فى الحلقة اللى فاتت فلان الفلاني من المنطقة الفلانية ولا انت عارف اصلا إذا كان الكلام ده حقيقى ولا لأ ..هو موش جايز ميكنش اصلا فيه حد بيفوز بحاجه وكله بس سحب من رصيد جنابك .. طب على فرض وخلينا ناس زى الفل نيتهم بيضاء زى فانلة الزمالك وفرضنا إن واحد فاز طب الاختيار ده بيتم على أساس ايه أو زى العالم اللى بتطلع فى التليفزيون ما بيقولوا( أليات الاختيار) ..

يعنى هم مثلا يقعدوا اسبوع يلموا فى مكالمات وفى الاخر ياخدوا أى نمرة وخلاص بدون اى أليات للأختيار .. أيوه المفتش كرمبو لذيذ وبن حلال واعلان اشطه وانا بحبه لكن معنديش استعداد اخسر أى قرش فى عملية انها واثق 100% إنها فى الهوا شاشى

هى المشكلة اللعب على حته الاحتياج عند الناس الغلابة ، وعلشان كده تلاقى كتيره اوي برامج اتصل وإكسب زى برنامج من دول على إحدى القنوات نسبنا من العيال الخنافس اللى بتطلع فى البرنامج ده ونركز فى شوية البنات اللى فيه اللى عاملين فيها مذيعات وواقفين يترقصوا على الاغاني والطبلة ، وواحدة منهم بتطلع بلبس اقل حاجه تتقال عليه انه (فاضح ) وفكرة البرنامج يحطلك شوية حروف تختار منها إجابة السؤال اللى هما بيحطوه وشوف السؤال الروعة ده ( حاجه فى أوضه النوم ؟؟) والناس تتصل اللى يقول مخدة واللى يقول مرتبه واللى يقول دولاب وتقريبا ألوف المكالمات فصصت كل حته فى اوضة النوم ومسبتش اى حاجه وطبعا كلها إجابات غلط لتأتي الاجابة بعد ساعتين او اكتر من البرنامج وهى ( الرسيفر) مع ان اساسا مفيش علاقة بين الرسيفر وأوضة النوم وموش شرط ونادرا ما بيتحط فيها ولا هو يعتبر قطعة من اوضة النوم لكن العملية كلها استغلال للمتفرج اللى طمع انه يكسب اوضة نوم لو جاوب صح ، والعيب موش فى القنوات دي ولا فى البرامج دي لكن العيب فى اللى بيمسك موبيله ويقول ( الووووووو ممكن اشترك معاكم) .

ومتنسوش تقولولى مين اللى اخد البرتقال .
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
مادو
مشرف
مشرف
مادو


ذكر
عدد الرسائل : 4030
العمر : 34
تاريخ التسجيل : 09/12/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالإثنين يناير 12, 2009 10:32 pm


اللى سرق كيس البرتقال

مين ياتري


انتا يا طائر تيجى منك


حرامى على اخر الزمن


لالالالالا انا مش مصدق



الرجوع الى أعلى الصفحة اذهب الى الأسفل
lamis
عضو ماسي
عضو ماسي
lamis


انثى
عدد الرسائل : 294
العمر : 34
تاريخ التسجيل : 26/08/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالإثنين يناير 12, 2009 10:39 pm

برتقال اية يا طائر انتة شكلك جعان اساسا
روح كل يا ابنى وتعالى
او ممكن اعزمك
الرجوع الى أعلى الصفحة اذهب الى الأسفل
golden flower
مشرفة
مشرفة
golden flower


انثى
عدد الرسائل : 2517
العمر : 35
تاريخ التسجيل : 28/04/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 2:33 am

بجد يا طائر دي اعلانات غبيه وضياع للوقت والفلوس


وضحك على الناس وبجد اخررررررررررررررر تفاهه

انا بتنرفز جدا لما بشوفها
الرجوع الى أعلى الصفحة اذهب الى الأسفل
دعاءdody
مشرفة
مشرفة
دعاءdody


انثى
عدد الرسائل : 6252
العمر : 36
تاريخ التسجيل : 18/07/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 5:49 am


عندك حق والله ياطائر فى كل الى قلتة
كل دة بيبقى نصب على الناس


والى سرق البرتقال هو زائر
ههههههههههههه
الرجوع الى أعلى الصفحة اذهب الى الأسفل
زائر الليل
ادارة IT CLUB
ادارة IT CLUB
زائر الليل


ذكر
عدد الرسائل : 1022
العمر : 36
تاريخ التسجيل : 20/10/2007

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 6:03 am

ماشي يا دودي
اضحكي اضحكي هو الجهاز باظ من شويه
انا بقيت حرامي برتقال على اخر الزمن
انا ما اخذتش حاجة
وعلى فكرة
ماكنوش 2 كيلو
دول كيلو ونص بس
يا نور
ضحكوا عليكي
علشان تعرفوا اني ما سرقتش حاجة
المرتقان المرتقان المرتقان اصفر اخضر بصره سكرىىىىىىىىى


بس
بجد موضوع مهم يا طائر
لانهم بيستهيفوا الناس ويضحكوا عليهم
وعلى رأيك العيب في اللي بيتصل بيهم
الرجوع الى أعلى الصفحة اذهب الى الأسفل
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 6:34 am

ههههههههههههههههههههههههههههههههههههههههههه

ماشى واالله لولا الامتحانات كنت جييت وعصرتلك ال2 كيلو الى محيرينك دول Mad
بس عموما هاقول اية ما انت رايق ماوركش data base Evil or Very Mad
ال برتقال ال Evil or Very Mad
الرجوع الى أعلى الصفحة اذهب الى الأسفل
دعاءdody
مشرفة
مشرفة
دعاءdody


انثى
عدد الرسائل : 6252
العمر : 36
تاريخ التسجيل : 18/07/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 6:38 am



الى بيتصل بقى



مش احنا طبعا

الرجوع الى أعلى الصفحة اذهب الى الأسفل
noga
عضو متواصل
عضو متواصل
noga


انثى
عدد الرسائل : 58
العمر : 31
تاريخ التسجيل : 09/11/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 6:43 am

بجد الاعلانات دى اخدت عقول الناس وفى ناس كتير بتتصل بيهم
عموما انا كنت بتصل بالرقم اللى قلت عليه بس بيدينى مشغول من الزحمه
قلت اقول الاجابه على المنتدى احسن
الاجابه هى الطائر سورى يعنى الحرامى لانه عرف كان كام كيلو
الرجوع الى أعلى الصفحة اذهب الى الأسفل
noga
عضو متواصل
عضو متواصل
noga


انثى
عدد الرسائل : 58
العمر : 31
تاريخ التسجيل : 09/11/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 6:45 am

اه نسيت اقول حاجه ياريت تبطل يا طائر العاده اللى فيك دى ده حتى حرام نور كانت محتجاهم
الرجوع الى أعلى الصفحة اذهب الى الأسفل
كنزى
عضو ملكي
عضو ملكي
كنزى


انثى
عدد الرسائل : 646
العمر : 34
تاريخ التسجيل : 26/12/2008

"""المحقق كرومبو""" Empty
مُساهمةموضوع: رد: """المحقق كرومبو"""   """المحقق كرومبو""" Icon_minitimeالثلاثاء يناير 13, 2009 8:03 am

بصوا انا شايفه ان الناس اللى بتتصل

مش ناس عبيطه وفهما انها هتكسب كل الحكايه
انهم ناس فاضيه
فعلا اللى بيتصل بيبقى فاضى مش لاقى حاجه يعملها
وغالبا مش هو اللى بيدفع فاتوره التليفون
فمش حاسس بالفلوس اللى بتتداخد منه
هو عاوز يتسلى ويضيع وقت
الرجوع الى أعلى الصفحة اذهب الى الأسفل
 
"""المحقق كرومبو"""
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: