جماعة الإخوان المسلمين وعمرو خالد

السلام عليكم ورحمة الله وبركاته
الموضوع ده ياجماعه عن جماعة الاخوان المسلمين وعمرو خالد
البعض شايف اني متحامل عليهم .. طبعا بيتكلموا وخلاص .. لكن متحامل ليه .. محدش بيسأل!!
زي ما يكون كل واحد منكم عارف محاسنهم .. وبيعلق وبيقول انت متحامل .. طيب عرفتوا إزاي؟ .. مستني ردكم
وياريت محدش يقلي عمرو خالد بيتكلم في الدين .. انا هرد عليهم واقول المستشرقين كانوا بيتكلموا في الدين
وكل من هب ودب بيتكلم في الدين .. بس مين اللي يحكم اذا كان الكلام صح والا غلط
احنا بنسمع بس .. شايفين واحد ممثل زي عمرو خالد بيتكلم بإسلوب غريب زي مايكون هيعيط وهو مش فاهم اللي بيقوله وتلاقي نص كلامه غلط وكلام في العقيده وفي ذات الله وفي النبي وهو لو واعي وفاهم كلامه .. يبقي ربنا يرحمه ويتوب عليه .. واحنا طالما الراجل متأثر أوي يبقي كلامه صح .. وطالما ناس اهتدت علي ايدية يبقي الراجل ماشي علي خطي الحبيب!!

منتظر تعليقاتكم بس ياريت بدون عاطفة وبدليل
ده دين ياجماعه يعني محدش يقلي دي وجهة نظري .. وجهة نظرك بدون دليل الافضل تخليها لنفسك
واللي معندوش تعليق ميردش لو سمحتوا .. أظن انا نبهت علشان ميبقاش فيه زعل
كلمة لاتعليق مش عاوز اشوفها

اولا السلام عليكم

الحقيقه العنوان بيوحي ان في كلام كتير داخل الموضوع

الا ان الموضوع مفيش فيه حاجه تتناقش

يعني انا مش فاهمه حضرتك داخل تقول ان بتكره الاخوان وبكتره عمرو خالد؟؟

طيب نرد نقول ايه؟؟

بس قول اللي مش عاجبك واحنا نرد عليك

مينفعش تنقد جماعه بكاملها او فكر برمته

حدد نقاط النقاش لو سمحت يا سعد

واعتقد انك محتاج تعرف اكتر عنهم

وحكايه الاستاذ عمرو خالد

المفترض اننا نصدق اللي بيتكلم ده الاصل

يعني هو اصلا مش بيقول حاجه محتاجه تتصدق ولا لا

معلش يعني ممكن توضح ايه الغلط اللي عمرو خالد ارتكبه

ياريت نحافظ على هدوء النقاش

الحقيقه العنوان بيوحي ان في كلام كتير داخل الموضوع
فعلا

الا ان الموضوع مفيش فيه حاجه تتناقش
طب ازاي .. راجعي الموضوع كويس

يعني انا مش فاهمه حضرتك داخل تقول ان بتكره الاخوان وبكتره عمرو خالد؟؟
انا مقلتش اني بكره الإخوان أو عمرو خالد انا بقول مش عاجبني فكر الاخوان

طيب نرد نقول ايه؟؟
دي حاجه ترجعلك

بس قول اللي مش عاجبك واحنا نرد عليك
اظن انا سألت في الاول وقلت انتوا شايفين اني متحامل علي أي اساس

مينفعش تنقد جماعه بكاملها او فكر برمته
لأ ينفع .. الاسلام نهي عن التفرق وعن مايسمي بالجماعات

حدد نقاط النقاش لو سمحت يا سعد
عمرو خالد وجماعة الإخوان المسلمين .. بين المؤيدين والمعارضين

واعتقد انك محتاج تعرف اكتر عنهم
الحمد لله عندي خلفية كويسه .. علي الاقل مكنتش فتحت موضوع للنقاش

وحكايه الاستاذ عمرو خالد
المفترض اننا نصدق اللي بيتكلم ده الاصل
كلامك صح ومنطقي الاصل في المسلم الصدق ولكن ماذا نقول في قول الله تعالي
"فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا"

يعني هو اصلا مش بيقول حاجه محتاجه تتصدق ولا لا
يعني لما يقوال الرسول بيهزر نصدق علي طول ونهلل لسيادته !!

معلش يعني ممكن توضح ايه الغلط اللي عمرو خالد ارتكبه
حاضر بس لما اشوف باقي التعليقات

ياريت نحافظ على هدوء النقاش
ان شاء الله

شكرررررررررا نسيبه علي التعليق الجميل

انا بحترم رايك كل انسان حر ف رايه

بس انا راي مخالف لرايك تماما

مينفعش تنقد الاستاذ عمرو خالد كشخص واظن لو كلامه غلط مكنش اثر ف الناس بالشكل ده

والناحج دايما له اعدائه

ولو كنت مش عاجبك فكر الاخوان لانه فيه عيوب

ياريت تخلقلقنا فكر جديد خالي من العيوب

واكيد اي كلمه اسلام او عن دينا هنحبها وهنمسك بيها

وكل واحد يحككم عقله

يعني مش ناخد الامور كمسلمات لان ده غلط

يا اخ سعد مش عارفه انت متحامل على عمر خالد ليه

انا هرد بس على النقطه اللي انت قولتها

بتقول ان عمر خالد قال ان الرسول كان بيهزر
طيب مهو ده الواقع والحقيقه من خلال قراءه سيره المصطفى عليه الصلاة والسلام
وممكن داعيه تاني يقول الرسول كان بيمزح يعني بيستخدم اللغة العربيه الفصحى يبقى هتفرق؟؟؟

وبالنسبه لمزاح الرسول فهناك اكثر من موقف ولكن مزاح طبعا غير مزاح العصر الحالي

ياريت اكون وصلت الفكره

وياريت كمان تكتب ايه وجه معارضتك لعمر خالد في نقاط معينه وواضحه عشان الموضوع يتضح اكثر

بس انا راي مخالف لرايك تماما
رأيك واحترمة طبعاً
مينفعش تنقد الاستاذ عمرو خالد كشخص واظن لو كلامه غلط مكنش اثر ف الناس بالشكل ده
ده مش مبرر ...
ساعات الكلام الغلط بيأثر في الناس .. والا ليه بعض ضعاف النفوس بيتركوا الدين الإسلامي .. بسبب التبشير للنصرانية .. هل كده يبقي كلامهم صح طالما أثر فيهم؟!!

والناحج دايما له اعدائه
الراقصه دينا من أفضل الراقصات في مصر ولها أعداءها .. هل معني كده انها ناجحه ؟
برده مش مبرر

ولو كنت مش عاجبك فكر الاخوان لانه فيه عيوب
ياريت تخلقلقنا فكر جديد خالي من العيوب
انا مبتكلمش علي فكر جديد .. وبعدين هو الدين الاسلامي ميكفيش والا ايه؟
فكر ايه والدين الإسلامي موجود!!

واكيد اي كلمه اسلام او عن دينا هنحبها وهنمسك بيها
وكل واحد يحككم عقله
فعلا .. لو كل واحد حكم عقله مكنش الرد ده اتقال !!
كلام اي شخص لازم يتوزن علي ميزان الشرع
لو صح قبلناه
لو غلط نرفضه ونحذر منه
ده الطبيعي .. ده لو احنا بجد خايفين علي ديننا

يعني مش ناخد الامور كمسلمات لان ده غلط
مش فاهم تقصدي ايه

يا اخ سعد مش عارفه انت متحامل على عمر خالد ليه
علشان شخص جاهل .. ومبتدع ومضل

بتقول ان عمر خالد قال ان الرسول كان بيهزر
طيب مهو ده الواقع والحقيقه من خلال قراءه سيره المصطفى عليه الصلاة والسلام
وممكن داعيه تاني يقول الرسول كان بيمزح يعني بيستخدم اللغة العربيه الفصحى يبقى هتفرق؟؟؟
معاكي حق بس الموقف مش كامل .. الموقف كان حديث الرسول لبعض الصحابيات يوم العيد عندما قال حديث ناقصات عقل ودين فقال عمرو خالد مش يمكن بيهزر معاهم
الله يقول " وما ينطق عن الهوي إن هو الإ وحي يوحي "
وعمرو خالد يقول بيهزر معاهم!
وبعدين ياجولدن دي قطرة من بحر .. مجرد اقتباس لتوضيح الفكرة

وبالنسبه لمزاح الرسول فهناك اكثر من موقف ولكن مزاح طبعا غير مزاح العصر الحالي
معاكي حق برده

ياريت اكون وصلت الفكره
وصلت .. وانا رديت

وياريت كمان تكتب ايه وجه معارضتك لعمر خالد في نقاط معينه وواضحه عشان الموضوع يتضح اكثر
اكيد طبعا بس لما نشوف باقي التعليقات

اولا احب اقول ان يمكن مفيش علاقة بين الاخوان المسلمين وعمرو خالد دا اولا وانا مش عايز اتكلم عن جماعة الاخوان المسلمين انا الصراحة بيعجبنى تفكير الراجل دا جدا وانا بقول تفكيرة يعنى شوف مثلا اخر حملة عملها عن الادمان الراجل عملى مبيقعدش يخطب ويهلل شاف ان شباب المسلمين نصهم راح للادمان بدا ينزل الشارع ويعمل مجموعات من الشباب تنشر وع فى الشارع فى الجامعات وهكذا لما الرسول اتشتم هو اول واحد فكر يعمل برنامج مدبلج للغات اجنبية يعرف فية الاجانب من هو محمد صلى الله علية وسلم والراجل يا اخى يخطى ويصيب ومش عشان مش عاجب الجماعة السلفين وقعدين يقولو علية كلام انة مرتد وكلة شاف الفديوهات اللى شباب السلف عملها عنة وممكن تفتح اليوتيوب وتشوف ازاى الشيخ محمد حسان او الشيخ ابو اسحاق او الشيخ سعيد رسلان اللى عامل شريط بيشتم فية الاخوان وعمرو خالد بس فى النهاية الشيخ محمد حسان معترض او بيصحح اخطاء للشيخ عمرو خالد وانت يا سعد اظن انت مش شيخ او فقية او على نفس علم عمرو خالد عشان تعترض علية وتحكم علية لان الراجل فى الاخرة هيقف قدام ربنا ويطالب بحقة منك مينفعش تقول اصل انا سمعت الكلام دة من الشيخ كذا
"إِذْ تَبَرَّأَ الَّذِينَ اتُّبِعُوا مِنْ الَّذِينَ اتَّبَعُوا" فياريت منحمكش على الناس بسهولة او ناخد احكام غيرنا
ونرددها "كفى بالمرء اثما ان يحدث بكل ما يسمع" وانا عايز اقولك حاجة انت مكنتش هتخسر حاجة لو سكت لكن انت كدا هتحاسب على كلامك " ما يلفظ من قول إلا لديه رقيب عتيد"
يا سعد خد بالك لحوم العلماء مسمومة ومش عارف متى نصبنا انفسنا حكام على ضمائر وافعال الناس مش عارف والله اختم ازاى

انا مع رأى تايجر

كلامك تمام تايجر
ومش المفروض نحاسب الناس
احنا ناخد الحلو من كل انسان
ومش مغصوب اخد الوحش

اولا احب اقول ان يمكن مفيش علاقة بين الاخوان المسلمين وعمرو خالد دا اولا وانا مش عايز اتكلم عن جماعة الاخوان المسلمين انا الصراحة بيعجبنى تفكير الراجل دا جدا وانا بقول تفكيرة
طيب متردد ليه .. بتدافع عن شخص متعرفش حاجه عنه غير تفكيرة ؟؟!!
انا بتكلم في دين مش تفكير

يعنى شوف مثلا اخر حملة عملها عن الادمان الراجل عملى مبيقعدش يخطب ويهلل شاف ان شباب المسلمين نصهم راح للادمان بدا ينزل الشارع ويعمل مجموعات من الشباب تنشر وع فى الشارع فى الجامعات وهكذا لما الرسول اتشتم هو اول واحد فكر يعمل برنامج مدبلج للغات اجنبية يعرف فية الاجانب من هو محمد صلى الله علية وسلم
برده مش مبرر علشان نتغاضي عن أخطائه في الدين .. الممثلين نزلوا في الشارع وعملو مظاهرات للتنديد بالحرب علي غزة .. هل ده يخلينا نتغاضي عن أخطائهم

والراجل يا اخى يخطى ويصيب ومش عشان مش عاجب الجماعة السلفين وقعدين يقولو علية كلام انة مرتد وكلة شاف الفديوهات اللى شباب السلف عملها عنة وممكن تفتح اليوتيوب وتشوف ازاى الشيخ محمد حسان او الشيخ ابو اسحاق او الشيخ سعيد رسلان اللى عامل شريط بيشتم فية الاخوان وعمرو خالد
ياسيدي الفاضل المسألة مش مسأله عاجب او مش عاجب .. ده دين عارف يعني ايه دين .. الناس دي لو متكلمتش عن جاهل زي ده يبقي لزمتهم ايه ... وبعدين الناس دي بتتكلم بقرآن وسنه .. حضرتك بتتكلم بإيه يمكن اقتنع بكلامك

بس فى النهاية الشيخ محمد حسان معترض او بيصحح اخطاء للشيخ عمرو خالد وانت يا سعد اظن انت مش شيخ او فقية او على نفس علم عمرو خالد عشان تعترض علية وتحكم علية
معاك حق .. بس مش معني كده لو واحد سألك وقلك هل السرقه حرام تقله مش عارف اصل انا مش فقيه!!
طالما دارس المسألة كويس .. اتكلم وقول .. يعني مش لازم تكون مخلص البخاري ومسلم ودارس فقه وعقيدة وسيره علشان تقول ان السرقه حرام

لان الراجل فى الاخرة هيقف قدام ربنا ويطالب بحقة منك مينفعش تقول اصل انا سمعت الكلام دة من الشيخ كذا
"إِذْ تَبَرَّأَ الَّذِينَ اتُّبِعُوا مِنْ الَّذِينَ اتَّبَعُوا" فياريت منحمكش على الناس بسهولة او ناخد احكام غيرنا ونرددها
بص يا أخي مش من طبعي اني احكم علي حد كده وخلاص بدون دليل .. انا اسمع الطرفين
وبعدين نرجع للقرآن والسنه ونوزن الكلام ونشوف مين الصح ومين الغلط .. مش علشان شخص عاجبني فكره أدافع عنه حتي لو معرفش اي حاجه عنه .. مجرد تفكيره عاجبني!!

"كفى بالمرء اثما ان يحدث بكل ما يسمع" وانا عايز اقولك حاجة انت مكنتش هتخسر حاجة لو سكت لكن انت كدا هتحاسب على كلامك " ما يلفظ من قول إلا لديه رقيب عتيد"
ولكن لاتنسي الساكت عن الحق شيطان أخرس

يا سعد خد بالك لحوم العلماء مسمومة ومش عارف متى نصبنا انفسنا حكام على ضمائر وافعال الناس
فعلا لحوم العلماء مسمومه .. لكن عمرو خالد حذر منه البر والفاجر
فهو ليس من العلماء ولكن من المبتدعين الضالين

[size=29لكن عمرو خالد حذر منه البر والفاجر
فهو ليس من العلماء ولكن من المبتدعين الضالين

لا حول ولا قوة الا بالله

مينفعش تتهمه بالضلال والابتداع لان ده امر عظيييييييييييييييييييييييييم

[/size]

اولا انا قولت تفكيرة عشان انا مش فقية او شيخ دين عشان احكم على كلامة دا واحد تمام
ثانيا موضوع اخطائة فلو افترضنا جدلا انة مخطى فربنا قال" يأيها الذين آمنوا عليكم أنفسكم لا يضركم من ضل إذا اهتديتم إلى الله مرجعكم جميعا فينبئكم بما كنتم تعملون" ياريت تفرا الاية تانى
عشان خطرى وافهمها كويس النقطة التالتة المثل اللى انت ضربة بتاع اللى بيسرق للاسف غير مطابق للحالة ولو افترضنا انة مطابق فانت مش اهل للفتوى ولما حد يسالك اعمل نفسك ناصح وقل مش عارف والله ما هتخسر حاجة انما بتحب تتكلم يبقى انت كدا بتفتى صح ياريس وساعتها استحمل
جزاء من من أفتى بغير علم انت حاسس انك عندك العلم تمام اظن بقيت النقط مكررة لو ركزت هتلاقينى مغطيها

في كم كبير من التعليقات وده شيء كويس .. طبعاً كلها ضدي وده طبيعي .. اي حد بيتكلم في الدين وهو متأثر أوي ويمكن يكون بيعيط كمان لازم نتأثر بيه ومش مهم بقي صح والا غلط !!
-----------------------------
بعد التعليقات دي هبدأ من بكرة كتابة بلاوي عمرو خالد .. ورأي العلماء فيه
بقرآن وسنه ورأي العلماء
مش علشان عاجبني فكره او كلامه بيأثر فيه يبقي أدافع عنه
ياريت بعد كده كل واحد يكتب دليل علي صحة كلام عمرو خالد
انا بقول غلط ومعايه دليل
وانتو بتقولوا هو صح بس انا عاوز دليل
الدليل هو القرآن والسنه مش علشان ناس اهتدت علي ايدية يبقي بيتكلم صح

اولا انا قولت تفكيرة عشان انا مش فقية او شيخ دين عشان احكم على كلامة دا واحد تمام
طيب ما انت قولت ان عاجبك تفكيرة ... علي اي اساس بنيت إعجابك ده؟؟

ثانيا موضوع اخطائة فلو افترضنا جدلا انة مخطى فربنا قال" يأيها الذين آمنوا عليكم أنفسكم لا يضركم من ضل إذا اهتديتم إلى الله مرجعكم جميعا فينبئكم بما كنتم تعملون" ياريت تفرا الاية تانى
عشان خطرى وافهمها كويس
هبقي سعيد جدا جدا لو انت فسرت معناها ....

النقطة التالتة المثل اللى انت ضربة بتاع اللى بيسرق للاسف غير مطابق للحالة ولو افترضنا انة مطابق فانت مش اهل للفتوى ولما حد يسالك اعمل نفسك ناصح وقل مش عارف والله ما هتخسر حاجة انما بتحب تتكلم يبقى انت كدا بتفتى صح ياريس وساعتها استحمل جزاء من من أفتى بغير علم انت حاسس انك عندك العلم تمام اظن بقيت النقط مكررة لو ركزت هتلاقينى مغطيها
ياسيدي الفاضل انا عاوز اوصلك معلومه .. اني مش لازم اكون مذاكر كل الكتب علشان افتي واحد في مسألة
" هل السرقه حرام أم لا"
انت لو سألت عيل صغير وقلتله السرقه حرام والا حلال أكيد هيرد عليك ويقول حرام طبعاً
يبقي كده الواد افتي بغير علم ؟
لو مش عارف أو شاكك يبقي تقول مش عارف احسن طبعاً
لكن الحمد لله انا درست عقيده وفقه وفرق وأديان
وموضوع عمرو خالد مش أول مره أتكلم فيه

يابنى بس هقولك على حاجة اقرا فى اى كتاب فقة هتلاقى الامام احمد ابن حنبل قال راى وجايب دليل من القران والسنة على رائة وتلاقى الامام الشافعى مثلا جايب راى مخالف خالص وبردة جايب
دليل من القران والسنة واكبر دليل الامام الشافعى لية فقهين فقة لما كان فى العراق وفقة لما جة مصر والاتنين لنفس الشيخ فياريت مدخلش نفسك فى قصص كبيرة مش هتفيدك بحاجة انت شايف عمرو خالد وحش متخدش منة ومتسمعلوش وخلاص انما متشوهش سمعة الراجل لان دا فى النهاية
بيرسم صورة ليينا مش حلوة خالص

على اساس ان الراجل مجدد فى الدين ولية تفكير عملى وكل الناس لمسة دة اما تفسير الاية فبتقول
ان انت التزم وملكش دعوة بالباقى لان فى النهاية كلنا هنرجع لربنا وهو اللى يحكم بنا واخد بالك انت اما مسالة الفتوى ياخى اقولك اية بس دا الشيخ العز ابن عبد السلام غاب يطلب العلم اربعين سنة وفى خلال الاربعين سنة دول مكنش بيفتى فى اى قضية لحد موصل اربعين سنة وبعد كدا استأذن من شيوخة انة يبدا يفتى وانت من كتابين جاى بتحكم على واحد بالضلال والردة

Tiger كتب:: يابنى بس هقولك على حاجة اقرا فى اى كتاب فقة هتلاقى الامام احمد ابن حنبل قال راى وجايب دليل من القران والسنة على رائة وتلاقى الامام الشافعى مثلا جايب راى مخالف خالص وبردة جايب
دليل من القران والسنة واكبر دليل الامام الشافعى لية فقهين فقة لما كان فى العراق وفقة لما جة مصر والاتنين لنفس الشيخ فياريت مدخلش نفسك فى قصص كبيرة مش هتفيدك بحاجة انت شايف عمرو خالد وحش متخدش منة ومتسمعلوش وخلاص انما متشوهش سمعة الراجل لان دا فى النهاية
بيرسم صورة ليينا مش حلوة خالص

ممكن مثال علي كلامك ده

Tiger كتب:: على اساس ان الراجل مجدد فى الدين ولية تفكير عملى وكل الناس لمسة دة اما تفسير الاية فبتقول
ان انت التزم وملكش دعوة بالباقى لان فى النهاية كلنا هنرجع لربنا وهو اللى يحكم بنا واخد بالك انت اما مسالة الفتوى ياخى اقولك اية بس دا الشيخ العز ابن عبد السلام غاب يطلب العلم اربعين سنة وفى خلال الاربعين سنة دول مكنش بيفتى فى اى قضية لحد موصل اربعين سنة وبعد كدا استأذن من شيوخة انة يبدا يفتى وانت من كتابين جاى بتحكم على واحد بالضلال والردة

مجدد ازاي يعني .. جايب دين جديد .. يا أخي لو كان خيراً لسبقونا اليه
بالنسبة لتفسير الآيه : انت لقيت سطرين علي النت وجايبهم تفسير!
ده تفسير الايه في تفسير بن كثير
[ندعوك للتسجيل في المنتدى أو التعريف بنفسك لمعاينة هذا الرابط]

التفسير صفحه طويله جدا بس عاوزك تركز في الجزء ده من التفسير
وَلَيْسَ فِيهَا دَلِيل عَلَى تَرْك الْأَمْر بِالْمَعْرُوفِ وَالنَّهْي عَنْ
الْمُنْكَر إِذَا كَانَ فِعْل ذَلِكَ مُمْكِنًا .

العز بن عبد السلام مش حجه علي الاسلام .. القرآن والسنه حجه علينا فقط
العز بن عبد السلام مش نبي
ولا الامام الشافعي نبي
كلهم قالو ان صح الحديث فهو مذهبي
يعني لو كلام الشافعي مخالف لحديث النبي .. أظن ناخد بكلام النبي ونضرب بكلام الشافعي عرض الحائط كماقالو جميعاً

انت بتقول يا سعد

مش عايز اشوف رد لاتعليق
لكن للاسف
موضوع زى دا مش يترد علية الا
ب لا تعليييييييييييييييق
لان بجد حرررررررررررررررام انك تتهم راجل زى دا او حتى تجيب سيرتة باى شىء

وانا شايفاة انسان محترم جدا وربنا يباركلوا يارب
وطريقتة فى شرح مواقف الاسلام راااااااائعة
وبتوصل المعنى للكبير والصغير
فياريت بلاش نشوة صورة راجل محترم زى دا
وانا شايفة ان كتييييييييييير بيحبوة جداومن غير اى مقابل وانا منهم والعبد الى الناس تحبوا بالشكل دا
اكيييييييييييييد ربنا بيحبة لان ربنا لما بيحب حد بيحبب عبادة فية
وفى الاخر قول مهما تقول
ومش هارد الا
ربنا يباركلك يااستاذ عمر خالد يارب
ويجعلك سببا فى هداية الناس يارب
ويبعد عنك اعدائك يارب ويحميك يارب لانك بجد يا استاذ عمر خالد انسان رائع فسيبك من اى كلام يتقال عليك وامشى فى طريق هداية شباب المسلمين وربنا يباركلك يارب

انا معاكم ياجماعة فى رايكم

ربنا يبارك فية يارب

واحنا طول عمرنا هنفضل نحبة ونسمع لية ولا اى كلام هيغيرنا

لان دايما اى انسان ناجح بيلاقى اعداء كتيرة

هو كفاية انو بدا يشتغل عملى مش يقول خطب وخلاص

مشفتش ياسعد نجاحة وانجازاتة فى برنامج صناع الحياة واللى عملة فى مصر

حرام ننسى لية كل دة ونهاجمو بالطريقة دى

بس انا كفاية عليا ان مرة كنت باسمع للشيخ سالم فى تفسير الاحلام وحد حلم بالاستاذ عمر خالد

عارف رد وقال رؤية الصالحين خير حاجة بالمعنى دة لانى مش متذركة نص كلامة معنى كدة ان هو شايفة صح

وانتو عمالين تهاجمو الاستاذ عمر خالد وهو اساسا مش بيفتى وبيعمل كل دة علشانا

وسايبين مفتى الديار المصرية على جمعة وفتاوية الغلط هو دة الراجل اللى الواحد

يهاجموويعترض علية مش الاستاذ الفاضل

وانا الحمد لله كنت واحدة من اللى كانو هيشتركو معاة فى حملة صناع الحياة الجديدة وبدانا فعلا

وعملنا دراسة جدوى كانت المشكلة عن التسرب من التعليم بسب الفقر بس الحملة توقفت فى

مصر الله يسامحهم اعداء النجاح

على الرغم ان الناس المسؤلين عن الحملة فى بنى سيف بداو فى التنفيذ عملى وفعلا عملو

مشاريع لاسر فقيرة عندهم حد طلع من التعليم

وننسى لية كل دة ونهاجمو بالطريقة دى والله ربنا هيحاسبنا

والله يا جماعة
انا ممكن ما شفتش إلا رد او اتنين بالكتير عن الموضوع دة
أظن ان ايام الرسول ما كنش فية جماعة اسمها أخوان مسلمين
او جماعة سلفين وجماعة الامربالمعروف والنهى عن المنكر و...... هكذا
انا بصراحة أؤمن باليقين تام ان الاسلام فى القلب الانسان واظن الانسان حدد هذا
فى خمس حاجات وطبعا كلنا عارفنها
وعمرو خالد يا سعد انت ممكن تقول علية انا مابحبوش لكن لا تعيب فية
فإن بعد الظن اثم
وعلى فكرة انا مبحبوش ولكن لحاجات يمكن ما تعبش عمرو خالد كداعية اسلامى
وشكرا ليك يا سعد على الموضوع الرائع دة
وعبى فكرة انا بكرة أى جماعة لانى مش مؤمن بيها لانى ممكن اكون عارف ربنا كويس
وأحسن من ناس متمثلة فى شعار اى جماعة

انا في قمة الأسي لما الآقي ناس جامعيين .. بتحكم علي أشخاص من مجرد اسلوبه وشكله!!!
مفرقناش كتير عن اللي معاهم ابتدائية
الناس اللي طلبت انها تعرف ليه انا متحامل دي ناس بتفهم علي الاقل عاوزه تعرف ليه؟؟
---------------------

لان بجد حرررررررررررررررام انك تتهم راجل زى دا او حتى تجيب سيرتة باى شىء
انا هرد عليكي براحه علشان خاطر بنت اختك
ممكن تقوليلي حرام ليه .. مفيش حاجه حرام بدون سبب !!

وانا شايفاة انسان محترم جدا وربنا يباركلوا يارب
وطريقتة فى شرح مواقف الاسلام راااااااائعة
وبتوصل المعنى للكبير والصغير
مش احنا اتفقنا بلاش موضوع وجهة نظري دي .. شايفه حاجه صح هاتي دليل علي صحة كلام

فياريت بلاش نشوة صورة راجل محترم زى دا
انا مشوهتش صورته انا بحذر منه بس

وانا شايفة ان كتييييييييييير بيحبوة جداومن غير اى مقابل وانا منهم والعبد الى الناس تحبوا بالشكل دا
اكيييييييييييييد ربنا بيحبة لان ربنا لما بيحب حد بيحبب عبادة فية
حسن نصر الله كتير من المسلمين السنه بيحبوه بجهل هل معني ذلك ان ربنه بيحبه وهو بيكفر الصحابة
ومنهج الشيعه من أفسد المناهج علي وجه البسيطه

وفى الاخر قول مهما تقول
ومش هارد الا
ربنا يباركلك يااستاذ عمر خالد يارب
ويجعلك سببا فى هداية الناس يارب
ويبعد عنك اعدائك يارب ويحميك يارب لانك بجد يا استاذ عمر خالد انسان رائع فسيبك من اى كلام يتقال عليك وامشى فى طريق هداية شباب المسلمين وربنا يباركلك يارب
ردي عليكي هيكون بالأيه دي
"لَا يَضُرُّكُمْ مَنْ ضَلَّ إِذَا اهْتَدَيْتُمْ"
ده شيء يرجعك .. وحسابك عند ربنا

وسؤالي لك
اذا كان الحفاظ علي الدين في ابعاد عمرو خالد .. فهل نبعده أم نتركه يفسد الدين ؟
أيهما أولي
منتظر ردك

أظن ان ايام الرسول ما كنش فية جماعة اسمها أخوان مسلمين
او جماعة سلفين وجماعة الامربالمعروف والنهى عن المنكر و...... هكذا
كلامك صحيح ... التفرق والتحزب منهي عنه في الاسلام

وعمرو خالد يا سعد انت ممكن تقول علية انا مابحبوش لكن لا تعيب فية
فإن بعد الظن اثم
انا مش بعيب فيه وبعدين ميبقاش عيب لما الاقي حرامي واتكسف اقله ياحرامي .. العيب اني مقلش امسك حرامي
(مجرد مثال)
.. وبعدين كلامي مش مبني علي ظنون ..لكن علي حقائق ملموسه وهقولها في موضوع

شكررررررا امير باشا

ياريت تقولى الظنون دى
يا سعد واكون شاكر جدا
لانى بجد نفسى ألاقى مبرر
لعدم حبى لية
بس يكون صادق مش مبنى على مبدا الدردشة والكلام

بص ياسعد انا عارفه كويس ان انت صممت تكتب المووع دة مخصوص لما لقيتنا ردينا عليك فى الموضوع الى فات انا عارفه كدة كويس ومدام انت صممت تكتب موضوع بحاله عن عمرو خالد ماشى مفيش مشكلة لا انت اول واحد ولا اخر واحد هيهاجمه وعايزة اعرفك شئ مهم كمان مش لازم تحس نفسك ان انت الصح على طول ماشى يعنى مش لازم كل واحد يرد ترد عليه وكانك انت الصح واسلوبك بيقول كدة لان المواضيع دى ربنا بس اللى هيفصل فيها ولتانى مرة ياسعد وهفضل اقولهالك انت مش من حقك انك تتهم حد ولا تحذر الناس منه ولا تقول عليه الكلام اللى بيتقال دة مش عاجبك متسمعش عادى احنا اصلا خدنا على الكلام دة كتير وانا مش بدافع عن عمرو خالد كشخصية انا بدافع كمبدأ بيتكرر كل يوم مع داعية او شيخ من شخص حافظ كلمتين من حد او سمعهم من حد وجاى يسمعهم انت بقى زى مابتقول ان الشيخ محمد حسان قال كدة انا عايزة اقولك ان عمر الشيخ محمد حسان ميهاجم حد ولا يغلط فى حد بالشكل دة ماشى عارف ليه لانه فاهم الدين كويس لو هو مش مقتنع بيه يروح يكلمه مش هيقعد يشتم فيه زى ما عملت وعلى فكرة بلاش تحاسب الناس على اخطاها كل واحد فينا يروح يبص لنفسه الاول قبل مايحاسب حد واكيد ربنا هو اللى هيفصل الموضوع دة فى الاخر لان هو وحده بس الى عارف نوايا الاعمال مش احنا وعلى فكرة كمان عمرو خالد انا مش متفقة معاه فى حاجات كتير وان شاء الله هتيجى الفرة قريب وهكلمه وهقوله الحاجات دى بس انا هعمل كدة عشان مرحش اتكلم من وراه اللى عايز ينصح حد يروح يكلمة (النصيحه على المللأ فضيحه؟؟)ماشى وحرام عليك انك تحكم عليه وتقول انه مبدع لانك لو دورت فى حياتك هتلاقى انك ممكن تكون بتعمل اشياء انت مبدع فيها والدن نهى عنها بس للاسف الناس مش فاهمه انا عايزة اقولك انا مش بتكلم وخلاص لا انا عارفه كويس انا بقول واا كان على البدع انا الحمد لله بدرسها وعارفه كويس ومستعدة لاى نقاش مع اى حد انا مش بهرب
ةبعدين كمان الموضوع مش مستاهل عند منك على الرد اللى فات انك تكتب موضوع بحاله
ولعلمك عمرو خالد ربنا نوله شئ مش اى حد ينوله وبصراحه انا نفسى بقول انا مستحقوش ومشفتش حد ناله قبل كدة عارف هو ايه انه شارك فى غسل الكعبه من جوه فاهم يعنى ايه غسل الكعبه صدقنى مش اى حد ينولها ياسعد على الاقل السعوديين فقط اللى هما مسئولين عن الموضوع دة ولكن دة كرم من ربنا ليه احسبه كذلك ولا اذكى على الله احد وتانى بقولهالك بلاش تتكلم على حد وتظلم وتغلط ماشى بعيد عن انه داعيه فانه شخص مثلى ومثلك لا يجوز ان اتكلم فى غيبته عنه الا بكل خير حتى لو كان وحش ومتفرحش اوى ان الشيخ ابو اسحاق مع احترامى ليه انه ينزل شريط عن عمر خالد دى مش حاجة حلوة يعنى بالعكس عيبة اوى كمان لما تخرج منه الله يهديهم
المشكلة ان الشباب اللى لسه طالع دالوقتى يقرا كلمتين ويبدا يهاجم فى المشايخ وكانه عالم ومش انا اللى بقول الكلام دة لا الكلام دة قاله قبلى الشيخ محمود المصرى قال مهما كان منقعدش نهاجم فيهم وناكل فى لحومهم انت متعرفش كدة ولا ايه
روح اتصل بيه وكلمه وقوله اللى بتقوله وخلى عندك الشجاعه لان اللى انت بتعمله دة مش ليه فايدة بس اتصالك يمكن يغير شئ ولو مش معاك الرقم ابقى قول وانا ادهولك وشكرا ياجماعه على ردودكم ومتنساش يا سعد افتكرها دايما(أفعل ماشئت كما تدين تدان)
الديان لا يموت
وجزالكم الله خيرا