هل نسامح ام ننتقم؟!

اخواني واخواتي في المنتدى تحية طيبة ،،،
يسرني ان اشارك معكم في هذا المنتدى المتألق وهذي اول مشاركة لي في هذا المنتدى اتمنى ان تنال على اعجابكم

هل نسامح أم ننتقم ؟؟

عندما تتألم وتجرح من أعز الناس هل تفكر بالإنتقام

.. أم .. العفو والتسامح ..؟

من منا ينتقم إذا جرحه أعز الناس ومن منا يصافح عن خطأه

ويداري جرحه بآهاته ويسامح غاليه الذي تسبب له

بألم لا نهاية لحدوده ...

قضية هي البحر بحد ذاتها وآرائكم هي شاطئ الأمان لها ،

ا لإنتقام ... التسامح ؛

بينهما جسر طويييييل لا يلتقيان أبدا ، فهل أنت / أنتِ

ممن ينتقمون إذا تعرضوا لأي جرح أكان سببه

عدم الوفاء / الخيانة / الكذب .....الـخ ...

أم أنك ممن يقدمون على التسامح والغفران بحق من اخطأ

في حقك وجرحك جرح مازلتَ منه تعاني .....

هذه القضية هي بين أيديكم اليوم .. لنناقشها سويةً

ولتعرف نفسك أكثر في هذه المواقف هل تنتقم أم ..

تسامح وتعفو ..؟

فلنتناقش معاً ولا يسعني إلا أن أذكر أن النقاش هو رأي

معارض لرأي آخر بحسن الأسلوب وطيب الحروف ،

وأخيراً ما هذه القضية إلا منا وإلينا ويجب علينا أن نبلي

أحسن البلاء في النقاش فنحن أهلا للرقي بالفكر والنقاش

والسمو ....

على ما اظن

انى هاسامح
لانى انا ماشية بمبدا انك سامح واغفر للناس
علشان لما تقع فى مشاكل صعبة
ربنا يبعتلك الى يسمحوك ويغفرورلك

فاهمانى

يعنى احسن حاجة انى اسامح واسيب القدر هو الى ياخد حقى
ومافيش احسن من القدر فى اخدان الحق
حتى ولو بعد مرور الاف السنين
وشكرا سهر على الموضوع الجميل

شكرااا ليكي يا نور علي مشاركتك

وانا شايفة زيك بالظبط ان التسامح لابد منه

زائر

مش عارف بصراحه

بس انا بقول علي حسب الموقف

لو دا شوه صورتي قدام الناس وكرهني ف نفسه

و طلع ندل

ف انا اندل منه

بصراحه برضوا مش عارف علي حسب الموقف

او علي حسب المحطه مش هتفرق كتير

شكرااا ع المرور سويت

بس انا رايي ما تبقاش اندل منه تبقي احسن منه يعني ردهاله

بطريق غير مباشر مش تعمل زي ما هوه عمل هو كده هيرتاح

يعني مش لو واحد سب وقال الفاظ بزيئه تعمل زيه

وممكن انفعالك ده هايريحه

زائر

اريح مين ؟

ما اللى ميعرفش يقول رز

انا اقصد انفعالي من وراه او بيني وبين نفسي

لأ نسامح طبعا

لان ربنا بيسامح مهما عملنا

احنا العبيد مش هنسامح بعضنا

وكمان دينا امرنا انا نسامح بعض مهما حصل

شكراا ع المرور يا ساسو

اعتقد انى اسامحة لانى مش بحب الانتقام
بس بعد ما اواجهة بالموقف
الاول علشان لو كان عندة ولو ذرة احساس هيعاتب نفسة
واصعب حاجة عتاب النفس

صح يا لاميس

هو ده احسن عقاب

شكراا لمرورك لاميس

زائر

انا هقول اكيد مسمحاه لاني مش بحب ازعل اساسا من حد
ومهما كان جرحه ليا ممكن آخد ع خاطري وازعل بس ازعل عليه مش منه
ودي مشكلتي مع الناس عموما و اللي بحبهم خصوصا اني مش بعرف ازعل منهم ده ساعات ممكن انا اللي اروح اصالحهم بس ده لما يكونوا غاليين عليا اوي اوي يعني
انما الناس التانيه احسسهم بغلطهم وهما اللي يعتذروا وبصراحه ما بصدق وكأني انا اللي زعلتهم
بس بالامانه مهما اي حد جرحني مش زعلني بس بسامح وبسامح اوي وبنسي كل اللي حصل
وساعات بحس انه ضعف مني

ممكن حد يقولي ده صح ولا غلط

لا مش غلط ولا حاجة يا نبض

التسامح دا شئ جميل جداااااااااااا والانسان المتسامح بتبقى شخصيته رااااااااااااااائعة

طبعا بسامح الشخص اللى يزعلنى

لانى بحط نفسي مكانه وقول لو انا اللى كنت مزعله حد واعتذرت هنتظر ايه من الشخص دا
فطبعا هنتظر انه يسامحنى فبسامح انا الانسان دا

"حب لاخيك ما تحبه لنفسك"

وعمتا انا بحب دائما التمس الاعذار للناس

شكرا سهر على الموضوع

انا لما بزعل من حد من الناس القريبين مني بحاول انسى واقنع نفسي انه مش غلطان

لكن لو تكرر منه كده انا مش هقدر انتقم لبقايا حبي للناس دي وفي نفس الوقت مش هقدر انسى

وهحاول ابعد بهدوء عنهم

شكراا لمروركم جميعاا

وشكراا ع الاراء ..وبجد اراءكم اعجبتني جداا لان معظمها التسامح

والود والعدل فعلا لاتنتقم من احد قد فعل شيئا قد ضايقك

لانه يوم لك ويوم عليك