سؤال محرج للبنات

لو تقدم لكي شاب صفاته الاتي:

وسيم
متدين
ذكي
مثقف
لماح
طيب
رومانسي
مؤهل عال
طموح
المهم كل الصفات متوفره

ويعمل هذا الشاب كناسا في الشوارع .. فهل ستوافقي عليه؟
مش عاوز تحوير في الكلام .. عاوز رد علي السؤال علي طول
الراجل لف مصر علي شغل ملقاش .. قرر يبقي كناس
انتي هتوافقي والا لأ
ولو كنتي مخطوبة والولد ده فقد عمله الاول وقرر بعد عذاب ان يعمل كناسا .. هتفضلي مخطوباله والا لأ؟
طيب لو بتحبيه هتعملي ايه .. هتوافقي يبقي خطيبك كناس في الشوارع ؟؟

ههههههههههههههه
أية السؤال دة

مش عارف يا امير اهو جه في بالي وخلاص .. عاوز اوصل لحاجه

اسفه جدا مضطره اضحك

ههههههههههههههد

انا ليه مش عارفه بحس انك بتتخانق وانت بتتكلم

عموما هرد عليك بدون لف ولا دوران

لو اتقدملي يا سيدي اللي انت بتقول عليه ده

انا مش هوافق

يعني يا جماعه الدوله فيها اكتفاء من كل حاه الا اللي بيكنسوا الشوارع؟؟

البلد مليانه شغل

واحنا كده بنعلق فشلنا على شماعه البطاله والظروف السيئه

هو اكيد عنده قصور ف ناحيه من نواحي مؤهلاته

انا مش بقولك لازم يكون بيشتغل بشهادته وف مجال تخصصه

لكن برضوا لو بيشتغل شغل مش قد كده بس بيطور ف نفسه وطموحه عالي

مفيش مانع لانه كده هيكون بالعكس مكافح ومااستسلمش للظروف

يا جماعه هو احنا اما نكون متساخلين اوي او متزمتين اوي

احنا لازم نبقى عملين وواقعين

وشكرا ليك يا سعد

والسؤال مش محرج ولا حاجه

(اظن كده بدون لف ولا دوران)

واسمحلي انا اسالك لو الشخص ده اتقد لاختك هتوافق ولا لا؟؟

انا سؤالي محدد يانسيبه .. بس انتي برده لفيتي ودورتي .. ماعلينا
انا قلت هو طموح بس مش لاقي نصيبه كده ياستي!!
بالنسبة لسؤالك الأخير .. الرأي رأي اختي .. مش انا اللي هتزوج

زائر

انا عن نفسي هرفض اني اشتغل كناس

الشغل مش حرام

بس انا اهلي مصرفوش عليا ف تعليمي عشان اطلع ف الاخر كناس

وانا مش اتعب ف الدراسه وف المزاكره واقري واتثقف عشان ابقي من طبقه

اقل من ف الثقافه

كل اللى اقدر اقولهلك يا معلم

ان كل حاجه وليها عدلها

وانا اكدب اي بنت تقولك اني هوافق عليه

اول حاجه هيه هتعملها انها هتظلم نفسها

بكل صراحة

لأ طبعا

لاسباب
اولا احنا مش عايشين لوحدنا هنرفض ونوافق بمزاجنا فى اهلنا والمجتمع اللى عايشين فية واكيد

مفيش حد هيوافق على حد كدة

وانا لو بصيت للمستقبل مش هرضى ان يكون ابو اولادى شغلتة دى

زائر

ادي اول واحده خلعت

ياسويت السؤال للبنات .........
انا سائل السؤال ده لسبب في دماغي
سيبهم بقي يردوا

SWEET RAPTURED LIGHT كتب:: انا عن نفسي هرفض اني اشتغل كناس
الشغل مش حرام

ايه الكلام المتناقض ده .. بتقول الشغل مش حرام ورافض تشتغل كناس!!
وبعدين المفروض ان الانسان يتعلم علشان عاوز يتعلم .. مش علشان عاوز يشتغل

بصراحه انا كمان مش هوافق

لان التكافؤ الاجتماعى من شروط الزواج ولو بصيت هتلاقى مش مساله انه كويس وبس لا ممكن يحصل بينا مشاكل كتير بسبب كدة هيبقى متخيل دايما انه اقل منى وهنفضل دايما فى مشاكل هو طبعا الشغل مش عيب بس هو يعنى مش هيلاقى قدامه الا المهنه دى لا طبعا انا لا اعتقد ان فى شاب فى مؤهل عالى وهيشتغل الشغل دة حتى لو مش لاقى شغل

فين اللف والدوران يا سعد؟؟؟؟؟

قلت مش هوافق

زائر

انا غلطان

انا

اســــــــــــــــــــــــــــــف

اقتباس :: وانا مش اتعب ف الدراسه وف المزاكره واقري واتثقف عشان ابقي من طبقه

اقل من ف الثقافه

اللى يقرا كدا يقول انك مقطع نفسك اما بالنسبة لسوالك يا سعد فليس من المنطق ان نحكم على اشياء ليست منطقية بالمنطق يعنى واحد بكل المواصفات دى ازاى هيشتغ كناس

زائر

اتريق يا عم اتريق

كل دا عشان امتحنت

5 مواد شيلت منهم 6 ؟

انت لو تعبت تبقى تعبت من كتر الشيل مش من كترة المذكرة وبس بقى ياعم لا عمك سعد يتهمنا باننا بنهزر لا سمح الله فى موضوعة

ياجماعه دي كلها افتراضات ممكن تحصل .. انا بسأل البنات ياتايجر لسبب عاوز اعرفه
وبرده هسأل الشباب سؤال بس بعدين

زائر

كتر الشيل ؟

كل دا عشان انت بتجيب جيد جدا ؟

و امتيازات ؟

وكمان شغال وانت اصغر عضو ف المنتدي ؟

وبعدين متنساش ان العقرب كمان بيشيل

دا شايل 14 ماده

ما تكلمه هوه كمان

انا مش هوافق
وكمان كلام تايجر مظبوط مافيش حد هيبقى بالمواصفات دى وهيشتغل زبال
انت خيالى اوى ياسعد

ههههههههههههههه اولا انا مش فاهمه السوال ده السؤال اصلا مش راكب على بعضه

ايه طموح ومثقف وذكى وبيشتغل كناس ايه التناقض ده ياراجل

بس يمكن يكون قصدك على حالة خاصة اوي

في ظروف معينة...يعني مثلا ممكن تقصد مثلا بره مصر

يعني مثلا الدكتور ابراهيم الفقي شخصية ليها مكانتها في العالم

رغم كدة في احد مراحل حياتة كان بيسغسل اطباق

ومعروف طبعا انه انسان ناجح في حياته

بس زي ماقولتلك ظروف خاصة جدا

يعني مينفعش السؤال يتسال كدة غير في وصف ظروف خاصة وتفاصيل

وعموما الزواج قسمة ونصيب..

(ماتخفش) Very Happy

زائر

بصراحه الجماعه اللي ردت مش سابت حاجه نقولها
بس انا كمان مش هوافق
بس انا شايفه ان الولاد والبنات اتفقوا ع جواب واحد وبكل ثقه بدون لف او دوران
وهي
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
بس انا عايزه اسألك سؤال انت بتقول ان السؤال ده
لهدف في دماغك
ممكن نعرفه

ولا انت خايف لما تخلص الكليه تيجي تدور ع شغل مش تلاقي فتشتغل .............
بس لو سمحت من غير زعل ده مجرد سؤال؟؟؟؟؟؟؟؟؟

الاختلاف ف الرأي لا يفسد للود قضيه

للاسف يا نبض القلب

سعد مش هيقدر يرد عليكى ! Sad

لانه رحل عن المنتدى

و مش هنعرف ايه اللى كان بيدور فى دماغه ! coffee1

اذا ... ليس هناك سوا حل اخر !

و هو اللجوء للافكار الحربيه !

احنا لازم نعمل عملية عسكريه ! عووووووو

و نعمل هجوم .. و دفاع

و مافيش مشكله لو هناك خط نص و جون ! affraid

و انا ان كان عليا ! عندى محاضره بكره الصبح الساعه 9
هاخلصها و اجيلكم على هناك .

اهو علشان الحق حاجه لو فيه اكل ! guns

و بس

زائر

طيب بما انك ولد ممكن الولاد بتكون فاهمه بعض شويه
انت رأيك ايه ممكن يكون ايه سبب السؤال؟

وممكن يكون ساب المنتدي ودور ع شغل قبل............
ما يفوته القطر

والموضوع مش محتاج حرب الموضوع محتاج السياسه

لو فاتة القطر ياخد القطر اللى بعدة مفهاش مشاكل يعنى او يروح مواصلات
هو السوال لو اتقدم ليكى حد بالشكل دة هتوفقى