الرئيسيةالتسجيلدخول

شاطر | 
 

 انواع شبكات المعلومات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: انواع شبكات المعلومات   الثلاثاء فبراير 10, 2009 3:39 am

السلام عليكم



كما
قلنا قبل ذلك شركة سيسكو هى شركة متخصصة فى صناعة حلول وتكنولوجيا شبكات
المعلومات و لذلك فكان عليها تنظيم التكنولوجيا التى تقوم بصناعتها على
هيئة كورسات ومواد علمية ومن ثم امتحانات لتحديد مدى خبرتك كمهندس شبكات
وقوة علمك والتكنولوجيا التى تستطيع ان تطبقها او تنفذها واليكم التفاصيل
الكاملة لكورسات سيسكو العالمية













يلا بينا نبدا كورس الشبكات اول خطوة فى سلم عالم الشبكات العجيب
شبكة معلومات : هى مجموعة من اجهزة الحااسب الالى ( بما فى ذلك نتورك برانتر .... الخ ) متصلة مع بعضها البعض لكى توفر خدمة للمستخدمين

تتكون اى شبكة من الاتى

1- اجهزة كمبيوتر: وتنقسم اجهزة الكمبيوتر الى نوعين

الاول
: اجهزة الكمبيوتر المستفيدة من الشبكة وهى اجهزة كمبيوتر ذات مكونات
هاردوير عادية ( بما فى ذلك لاب توب و برانتر ونتورك برانتر و نتورك
كاميرا ..... الخ ) وتسمى المستخدمين ( hosts or end users ) . طبعا انتم
عارفين شكل اجهزة الكمبيوتر العادية واللاب توب والبرنتر العادية . طيب
ياريت تبحثوا عن البرنترات والكاميرات الاتية

Printer Hp LaserJet 3055 ALL-in-One , Samsung CLX-3160
Camera D-Link DCS 900 , D-Link DCS 2120


الثانى
: الخوادم (servers ) وهى اجهزة كمبيوتر ذات مكونات هاردوير عالية وتستخدم
لكى تخدم المستخدمين ويستفيد منها بقية اجهزة الشبكة . وتقدم هذة الخوادم
خدمات مثل خدمات البريد الالكترونى ( smtp , pop3 , imap ) وايضا خدمة نقل
الملفات (FTP) و خدمة تصفح الانترنت (http , https ) . ولكن هناك سؤال هل
الخوادم تاتى جاهزة تم تهيئتها للخدمة التى سيقدمها الخادم ؟؟ . الاجابة
طبعا لا لان مهندس الشبكات هو المسئول على تهيئة الخادم على حسب متطلبات
شركتة ويقوم بجعل كل خادم يقدم بتقديم الخدمة بعد زبط اعدادات هذة الخدمة
. يعنى من الاخر هيجيلك الخادم كاى جهاز كمبيوتر ثم عليك اختيار نوع نظام
التشغيل (سواء لينكس او ويندوز ... الخ ) الذى سوف تستخدمة فى تقديم اى
خدمة وبعد ذلك تقوم بعمل الاعدادات (settings) لتقديم الخدمة . هناك سؤال
اخر ما فائدة انى اشترى خادم بمكونات عالية باسعار عالية طالما انا الذى
ساقوم بتهيئة الخادم ؟؟ . الاجابة ببساطة ان لو انت مهندس شبكات فى شركة
صغيرة بها 50 جهاز كمبيوتر فانت لست محتاج الى خادم تتكلف مكوناتة المادية
40 أو50 أو 100 الف جنية وذلك لان هناك مكونات اجهزة كمبيوتر فى وقتنا
الحالى عالية وتستطيع ان تخدم 50 او 60 جهاز كمبيوتر بخاصة اجهزة dual
core , core2due . فى نهاية كلامى الخادم هو جهاز كمبيوتر وعليك انت
كمهندس شبكات ان تختار مكوناتة المادية ( الهاردوير ) حسب امكانيات شبكتك
وحسب عدد الاجهزة الموجودة على الشبكة لكن تذكر ان فى الشركات الكبيرة
عليك ان تختار خوادم ذات مكونات عالية . ياريت تتدخلوا على المواقع الاتية
شوفوا مكونات الخوادم ذات مكونات هاردوير عالية

http://h10010.www1.hp.com/wwpc/pscmisc/vac/us/en/en/proliant/proliant-dl.html



http://www1.euro.dell.com/content/products/category.aspx/enterprise?c=ae&l=en&s=bsd&~ck=mn









2- اجهزة الشبكة:

وهى
الاجهزة التى تستخدم لربط الشبكة وتوصيل جميع اجهزة الكمبيوتر على شبكة
واحدة مثل السويتشات و الروتر وغيرها . كل الاجهزة المستخدمة فى ذلك كالاتى

Repeaters, hub, bridge, switch, router, NIC and modems
ياريت تتعرفوا اكتر وتبحثوا عن الامثلة الاتية





Router Cisco Series 1800 ( Model 1841 )
Router Cisco Series 2600 ( Model 2620 )
Switch Cisco Catalyst 2920
3- التوصيلات ( Connectivity ):
وهى كيف سيتم التوصيل بين اجهزة الكمبيوتر واجهزة الشبكة وبين اجهزة
الشبكة وبعضها . وقد يكون التوصيل سلكيا (wired ) وقد يكون لاسلكيا
(Wireless )




انواع الشبكات : تنقسم انواع الشبكة الى انواع كثيرة ولكن انا هتكلم عن اكثر الانواع شهرة كالاتى

1- LAN (Local Area Network)
هى توصيل اجهزة الكمبيوتر بشبكة فى خلال مسافة صغيرة تقريبا ا كم . بس دة
تعريف نظرى اووى عشان كدة انا بقولك التعريف العملى هو توصيل اجهزة
الكمبيوتر مع بعضها البعض بشبكة سواء داخل شركتك او مصنعك او حتى داخل
النت كافية . كل هذة الشبكات تسمى شبكة محلية (LAN )



2 – WAN (Wide Area Network)
هو توصيل مجموعة من الشبكات المختلفة مع بعضها البعض مثلا توصيل شبكة شركة
" أ" مع شبكة شركة "ب" مع شبكة شركة "ج" مع شبكة شركة "د" . وطبعا لان
احنا قولنا قبل كدة مينفعش نوصل كل شبكة بالتانية عن طريق كابلات فبالتالى
بنستخدم شبكة التليفونات وبالتالى فاننا نستخدم الانترنت لربط جميع
الشبكات مع بعض . وبنستخدم لتنفيذ ذلك الدى اس ال (DSL ) او Standard Router


3 – SAN (Storage Area Network)
تعنى
شبكة تخزين البيانات . وهى عبارة عن جهاز مكون من جزئين مجموعة من الهارد
ديسك (اكتر من هارديسك ) و كروت شبكة ويتصل هذة الجهاز عبر الشبكة باى
جهاز كمبيوتر . ويكون هذا الجهاز بمثابة هارديسك كبير الحجم يستخدم لتخزين
البيانات الضخمة ويتم استخدامة بواسطة جهاز الكمبيوتر المتصل بة عن طريق
الشبكة . يتصل عادة عن طريق شبكات الفيبر ( كابلات الفيبر ) مع جهاز
الكمبيوتر . يستخدم عادة SAN فى تخزين قواعد البيانات فى الشركات الضخمة
وخاصة الشركات التى تعتمد فى تطبيق تكنولوجيا المعلومات على قواعد
البيانات . خلاصة الكلام ان SAN هو عبارة عن هارد يسك يتصل باى جهاز
كمبيوتر من خلال الشبكة . ياريت تشوفوا المثال الاتى



http://www-03.ibm.com/systems/storage/san/
http://www-03.ibm.com/systems/storage/san/b-type/san80b-4/index.html



4 – VPN (Virtual Private Network)
VPN
هى شبكة افتراضية تخيلية . الهدف منها هو ربط اكثر من موقع مع بعضهم البعض
وتبادل الملفات بين شبكات مختلفة ولكن تخيليا او بمعنى اصح عن طريق
استخدام الانترنت مثلا كوسيط . طبعا كلنا عارفين ان جميع اجهزة الكمبيوتر
المتصلة مع بعض بشبكة واحدة تستطيع تبادل الملفات بسهولة ولكن اذا كان
هناك اكثر من شبكة ومتباعدين جدا وتريد الربط بينهم فانك ستحتاج الى ان
تعمل VPN و مثلا على ذلك اذا كنت مهندس شبكات فى شركة لها 3 فروع حيث ان
الفرع الاول فى القاهرة والفرع الثانى فى الاسكندرية والفرع الثالث فى
اسوان فانك لن تستطيع ان تربط جميع شبكات كل الفروع الا من خلال VPN وذلك
لكى يتم تبادل الملفات بين كل الاجهزة الموجودة فى الشركة ( الموجودة فى 3
فروع ) وكانهم على شبكة واحدة.











السلام عليكم -------- انتهى الدرس الثانى -------- قريبا الدرس الثالث


الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: انواع شبكات المعلومات   الثلاثاء فبراير 10, 2009 5:52 am


جميل جدا ومبسط

في انتظار الدرس الثالث



شكرا ليك يا تايجر

_________________
http://gflower.computality.com/
الرجوع الى أعلى الصفحة اذهب الى الأسفل
الباشا
عضو فعال
عضو فعال


ذكر
عدد الرسائل : 72
العمر : 28
تاريخ التسجيل : 01/03/2008

مُساهمةموضوع: رد: انواع شبكات المعلومات   الخميس فبراير 19, 2009 10:54 am


شكرا ليك على التعب ده
انا على فكرة مبدورش على حاجه فىالشبكات كويس
ياريت تئولى على بعض المواقع اللى اقدر استفيد منها كويس
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: انواع شبكات المعلومات   الخميس فبراير 19, 2009 11:14 pm


مجهود رائع كده يا تايجر


ربنا يكرمك و ييجعلك مصدر لافادة الجميع


شكرا ليك

_________________


------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
omnia
عضو ملكي
عضو ملكي


انثى
عدد الرسائل : 1176
العمر : 27
تاريخ التسجيل : 20/03/2008

مُساهمةموضوع: رد: انواع شبكات المعلومات   الجمعة فبراير 20, 2009 2:33 am


شكرا ياتايجر
ومنتظرين المزيد
الرجوع الى أعلى الصفحة اذهب الى الأسفل
 
انواع شبكات المعلومات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الكمبيوتر والإنترنت :: الشبكات والصيانة :: الشبكات-
انتقل الى: