توقعاتي في مادة لغة تجميع اللي دايما تخيب!!

السلام عليكم ورحمة الله وبركاته
بما إننا كلنا مسجلين لغة تجميع ومحدش فاهم حاجه غيري
وبما إني توقعاتي دايما بتخيب
ايه رأيكم ياجماعة نحل اسئلة كتاب اسمبلي اللي في نهاية كل تشابتر
احساس بيقول ان الامتحان لن يتعداها
يعني اللي عنده حل لسؤال معين يحطه
وربنا يكرم

الكلام جميل جدا .. و الفكره حلوه يا سعد
و انا متفائل , بالرغم من صعوبة الماده ..

و اول ما اوصل لحاجه هتلاقوها هنا !

اولا كده

ده لينك لموقع عليه دوره كامله فى الاسمبلى
و الدروس كلها قريبه جدا جدا من منهج الكتاب

و اللينك ده منقول من منتدى كمبيوتاليتى ..
و صاحبة الموضوع كانت العضوه golden flower

و ده اللينك يا جماعه

http://www.kettaneh.net/programming/assembly.htm

و باذن الله الكل يستفاد و نعدى الماده باعلى التقديرات

و الله الموفق
فكره جامده يا سعد
و اتمنى الكل يعاون

شكراً عقرب وان شاء الله هحط حلول الباب الثاني ... ولو حد شايف ان إجاباتي غلط ياريت ينبهني

فكره حلوه كتير والله يا جماعه وان شاء الله نشتغل معاكم

زائر

انشاء الله الكل يتعاون

جميله اوى الفكره

وانا معاكم ان شاء الله

طيب بخصوص
segment:offset
ازاي نحل اللأسئلةة اللي عليها
نفترض مثلا جايب سؤال ومديني بس ال
segment register
علي سبيل المثال
1000H
ازاي نجيب ال
start Address and End Address
ببساطه وبدون تعقيد هنضيف صفر في نهاية الرقم وده يبقي ال
start Address
وهيساوي
10000H
طيب نجيب النهاية ازاي؟
ببساطه هنجمع عليه
FFFFH
يبقي النهاية هيكون
End Address = Start Address +FFFFH
1 0 0 0 0 H
+
F F F F H
________
1 F F F F H

واي خدمة

رائع يا سعد فكرة رائعة
وانا معاكم ان شاء الله

بجد فكرة راثعة
بس الى أجمل لو حد فاهم حاجة فى المادة
ياريت نبدا مثلا بشرح الباب الاول والمهم الى فية
وهكذا الباب التانى والمهم فية دى بقة بجد لو أتطبقت هتبقى
فكرة احلى وربنا معانا كلنا بأذن الله

زائر

خلاص يا جماعه ابدأوا
بقي عشان
انا مش فاهمه ولا كلمه ف الماده
دي

ولا انا كمان فاهمه حاجه
فبليز الى عارف حاجه يقولها

start Address
وهيساوي
10000H

End Address = Start Address +FFFFH
1 0 0 0 0 H
+
F F F F H

ممكن اعرف بس على اى اساس
غيرت قيمه الstart address

فعلا احنا لو مساعدناش بعض محدش هيساعدنا
انا كمان هركز بحثي عن الباب الثاني لانه هيدخل في الميد ترم ده حاليا
واي لنكات او دروس او كتب هحطها هنا باذن الله

الكتاب دا حلو

http://abooks.tipsclub.com/index.php?act=view&id=48

الباس
tipsclub

عاشقة القمر كتب:: start Address
وهيساوي
10000H

End Address = Start Address +FFFFH
1 0 0 0 0 H
+
F F F F H

ممكن اعرف بس على اى اساس
غيرت قيمه الstart address

اهلا عاشقة انا بصراحه فهمتها كده من الموقع ده
http://mirror.href.com/thestarman/asm/debug/Segments.html

احنا بنضيف صفر في نهاية القيمه اللي مديهالنا اكننا ضربناها في 16
يعني بنضيف
0H
في نهاية القيمة

هو فى مد ترم للدكتور أسامة

اة ياامير
فية محاضرة يوم الثلاثاء الجاى الساعة 4
وكمان فية يوم الاربعاء عادى

والامتحان يوم الاحد الجاى لا الى بعدة اة الى هيبقى ورا الاربعاء دا
وهيبقى على الاول والثانى
وباذن الله الدكتور ينزل الشيت احنا مفروض اقناعناه اخر مرة احنا شوية بنات وشوية اولاد كدة
يا رب يا مسهل

يارب يا نور يارب انا مش عارف أى حاجة فى المادة
ربنا يستر

أسئله من دماغي بعد مذاكرة الباب الثاني
1- قارن بين real mode و protected mode ؟
2- ليه أجهزتنا مش بتشيل اكتر من 4 جيجا ميموري؟ السؤال للأذكياء فقط
3- ما فائدة الـ segment:offset ؟
4- ايه الميزة الموجودي في البروسيسورات من 80386 الي p4 ومش موجوده في 80286 ؟
5- هل جميع البروسيسورت تمر ب real mode operation ؟ ومتي؟
6- هل يتم استخدام ال segment-offset في protected mode ؟
7- هل يعمل الويندوز علي بروسيسور 8088 ولماذا؟
8- ما هو المسجل الذي يشير الي اماكن في الذاكرة ووظيفته لم تتغير مع جميع البروسيسوات؟

ازاي نحل اسئلة
selector and descriptor
في البداية كده وببساطه وبدون اي تعقيد لو ذكر في المسألة قيم لـ G = 1 او 0
يبقي احني شغالين علي البروسيسورات من 80386 الي بينتيوم 4 وده اللي يميزها وجود الـ G bit
لو مذكرهاش خالص يبقي احنا شغالين علي البروسيسورات 80286 الي الاقل
--------
طيب نحل ازاي
المسئلة بيجي فيها 3 اجزاء
1- الـ base address
2- الـ limit address
3- قيمة الـ G

اول حاجه نبصلها زي ما قلت قيمة ال G
بعد كده نبدا حل ... هو هيطلب منك حاجتين واحده منهم موجوده ومش محتاجه عبقرية
هيطلب منك الـ Start address وده هو برده ال base address يعني موجود في المسألة اصلا
يعني كل اللي محتاجينه ال end address وده سهل جدا وهيساوي
End = base + limit
-----------
مثال علي كده
صفحة 68
base = 10000000H
Limit = 001FFH
هنجمعهم علي بعض عادي طالما قيمة ال G = 0
والحل هيكون هو 100001FFH

طيب لو ال G =1
كل اللي هنعمله هنزود في اخر القيمة بتاع ال limit
XXXH
يعني قيمة ال Limit = 001FFXXXH

ونجمع عادي معتبرين كل X هي نفسها الـ F
يعني هتكون القيمة = 0001FFFFFH
ونجمع بقي

توقعاتي في مادة لغة تجميع اللي دايما تخيب!! 78491455

واي خدمه يارجاله البنات لأ Evil or Very Mad

جزاكم الله خيرا يا سعد
شكرا كتييييييييييييييييييييييييييييييير

يعني فهمتي والا اروح انتحر واريح دماغي

طيب ياجماعه بخصوص النظري الكتير في بداية الفصل الثاني وصعوبة حفظة
احنا عاوزين نحط طريقة مبسطه للحفظ
احنا عندنا نوعين من الريجيستر
1- ريجيستر متعددة الاستخدام
2- ريجستر مخصصة الاستخدام
-----------
نبدا بالاولي وهي الريجيستر متعددة الاستخدام هنكتب كلام ثابت لكل الريجيستر ... يعني مثلا جميع الريجستر ممكن نكتب وظيفيتها بالطريقة دي

is a multipurpose register that addressed as 32-bit register or AX 16-bit register or (AL,AH) 8-bit registers

الجزء اللي بالاحمر ثابت علي الريجيستر متعدده الاستخدام واللي ملهاش Low-High ريجيستر وهنغير AX علي حسب نوع الريجيستر

- EAX يستخدم للعمليات الحسابية زي الجمع والطرح
- EBX يستخدم لتخزين ال offset داخل الميموري
- ECX يستخدم كعداد لعمليات الحسابية
- EDX يقوم بتخزين نواتج العمليات الحسابية
- EBP يستخدم للإشارة الي اماكن محدده في الذاكرة
----------------------
الفرق بين الريجستر EDI و ESI
مع EDI هنقول
is a multipurpose register that addressed as 32-bit register or DI 16-bit register and used to address string destination for string instruction.

ومع ESI هنقول
is a multipurpose register that addressed as 32-bit register or SI 16-bit register and used to address string source for string instruction.

الفرق كلمه بين الاتنين ,,, والاتنين بيشتغلوا علي Strings

وشكرررررا

تسلم يا سعد كمل

طيب يا جماعه بالنسبه للشبتر الاول صفحه21 فيه the TPA
ياريت اللي عارف حاجه عن الموضوع ده يقولها