الترم التانى

موضوع: الترم التانى السبت فبراير 21, 2009 7:08 am

السلام عليكم ورحمة لله وبركاته ...
بمناسبة إننا راجعين الترم التاني من هذا العام .. أحببت أن اكتب هذا الموضوع وهنا بالذات في منتدى علوم....

يا ترى بتذاكروا إزاي ؟ study

في وجهة نظري إن المذاكرة عموما وفي كلية علوم خصوصا لها أربع مستويات :

مذاكرة تصنع دبلر .... بعيد عنكم Sad

ومذاكرة تصنع ناجح Smile

ومذاكرة تصنع متفوق Very Happy

ومذاكرة تصنع عالم:shock:
يا ترى إيه الفرق ؟

فلنبدأ تصاعديا ،، المذاكرة اللي تؤدي للفشل بالتأكيد كتييييير مننا يعرفها وجربها قبل كدة ، و إن شاء الله محدش يجربها تاني .... وهي أسهل مذاكرة :
تنفض للمحاضرات والسكاشن ، وتقضيها كافيتيريا وتعيش حياتك .
لو حبيت تعمل متفوق بتروح تحضر آخر محضرتين .
متفتحش المادة غير ليلة الامتحان ، أو حتى تبدأ مذاكرة كل مادة في اليومين اللي قبل امتحانها .

وبكدة اضمنلك إنك تدبلر ولا حول ولا قوة إلا بالله

طب بالنسبة للمذاكرة للي تصنع ناجح أو تخليك تجيب تقدير (مقبول بالعافية ) وطبعا كنا بنجربها على طول بعد ما نتلسع من الطريقة الأولى للمذاكرة ......
وخطواتها كلآتي :
تحضر لك شوية محاضرات على شوية كورسات على شوية ورق تصوره من المكتبة .
أو تحضر معظم المحاضرات من غير ما تكتبها .
وتيجي في آخر كام يوم من الترم تعصر نفسك وتجيب آخرك مع شوية المحاضرات على شويتين الورق على الكتاب إن وجد .

وبكدة ممكن تجيب تقدير مقبول ، أو ممكن لو ربنا كرمك أوي جيد

الطريقة الثالثة (مذاكرة تصنع متفوق ) :
تستعن بالله وتخلص النية لله سبحانه وتعالى ، وكل ما كانت علاقتك بربنا أوثق كل ما كان تفوقك أكبر
تحضر المحاضرات بانتظام ، وتكتبها كويس .
تهتم بالعملي إلى جانب النظري طبعا لأنه هو الأساس .
بتذاكر على مدار الترم ...... وعلى حسب مقدار تحصيلك بيتحدد تقديرك

والنتيجة هنا بتفرق على حسب شغلك في الثلاث حاجات اللي فاتت ،، ممكن توصل من جيد جدا لامتياز لأنك تكون من الأوائل......

أما بقى المذاكرة اللي تصنع عالم ............ فدى محور الموضوع ، فصحصح أوي معايا وركزززززززززز :

أولا : استعن بالله وحسن صلتك بالله ، واجعل نيتك لله
ثانيا : ضع نصب عينيك .. أن تكون عالما في تخصصك لتخدم دينك وأمتك بهذا العلم ... ولا تشغل همك كله في الشغل وغيره .
ثالثا : لا أقول أحب العلم .. ولكن أعشق العلم الذي تتعلمه .
رابعا : عليك بخطوات مذاكرة المتفوق التي سبق ذكرها .
خامسا : لا تكتفي بما يدرس إليك في المقررات ، ولكن تطلع لما هو أعلى ، والزم مكتبة الكلية ، وغيرها من المكتبات .
سادسا : ربط العلوم والمقررات التي تدرسها ببعضها وبما تجد في بحثك الخارجي ، وتطبيقها على الواقع ، وهذه هي أولى خطوات الابتكار
سادسا : ابحث و إن لم يطلب منك بحث ، وحاول أن تتعرف على كل ما هو جديد في المجال الذي نويت أن تكون عالما فيه.
سابعا : إياك أبدا أن ترى نفسك أقل ممن اكتشفوا واخترعوا من العلماء قبلك -ولكن لا تتكبر- ، وإياك إذا فكرت في فكرة إنك تقول لنفسك : لو كانت تنفع كان غيري عملها ،، لأن لو كان كل من لديه فكرة قال هذا لما تقدم العلم ...

والنتيجة إن شاااااااء الله عااااااااااااااااااااااااااااااااالم ،، لا تقولي جيد جدا ولا امتياز

وأسأل الله العظيم أن يوفقنا لكل خير .... والسلام عليكم

ملطووووووووووووووووش من حتة تانية

جميل جدا الموضوع الملطوش ده يا ساندي

بجد روعه

ياريت تجيبلنا مواضيع تاني

ومتغيبيش عن المنتدى

شكرا ليكي

شكرا ليكى ياسندى

موضوعك جميل ورائع

كلام جميل جدا يا ساندى و موضوع رائع

و فعلا فى وقته

لازم كل حد مننا يقدر اهمية العلم اللى بيتعلمه
و يقدر الفرع من العلوم اللى هو اتخصص فيه

و دايما بيقولو

حب ما تعمل . حتى تعمل ما تحب

لازم كل واحد مننا يعرف انه بيدرس و لازم يتفوق
فى مجاله

كلام جميل جدا و فى وقته فعلا

شكرا ليكى يا ساندى

فى انتظار باقى مشاركاتك الرائعه

جميل جدا يا ساندي

رائع يا ساندى موضوع جميل جدا

نورتى يا جولدن
وشكرا ليكى يا ساسو

وكلامك عاقل جداا يا عقرب
شكرا لمرورك يا امنية

اما انتى بقي يا نور ف انتى منورة المنتدى كلة يا جميل

الترم التانى 471-ha10

كلام في التمام يا ساندي