هتتجوزها ؟

موضوع: هتتجوزها ؟ السبت أبريل 04, 2009 9:29 pm

السلام عليكم ورحمة الله وبركاته

الموضوع سوالين

هل تقبل ان تتزوج فتاه اكبر منك فى السن ؟

و انتى

وهل تقبلى ان تتجوزى شاب اصغر منك فى السن ؟

زائر

من سني ممكن
انما اصغر مني
صعبه اوي

وانت تتجوزها اكبر منك؟؟؟؟؟؟؟؟؟

موضوع: رد: هتتجوزها ؟ السبت أبريل 04, 2009 11:24 pm

لا طبعا ماينفعش
أصلى لو اتجوزت واحدة أكبر منى..ممكن أحس ان انا قليل جمبها
حتى لو تفكيرى متواصل معاها

ممكن نسمع رأيك انت ياعقرب؟؟ونبض تقول وجهة نظرها؟؟

موضوع: رد: هتتجوزها ؟ السبت أبريل 04, 2009 11:55 pm

الرسول صلي الله عليه وسلم اتجوز السيده خديجه وكانت اكبر منه ب25 سنه.
ممكن تحصل بس لو فرق السن صغير سنه او سنتين بالكتير اوي
مادام الانسان ده قادر يحتوي البنت يبقي ايه المانع

لو اتزنأت ممكن اعملها ههههههههههههههههههههههه

موضوع: رد: هتتجوزها ؟ الأحد أبريل 05, 2009 12:03 am

هههههههههههههههههههههههههههههههههه

موضوع: رد: هتتجوزها ؟ الأحد أبريل 05, 2009 4:29 am

شكرا يا عقرب على الموضوع

بس موضوع ان اتجوز حد اصغر منى دى صعبة شوية

هحس دائما انة عيل قدامى

دى وجهة نظرى

موضوع: رد: هتتجوزها ؟ الأحد أبريل 05, 2009 4:45 am

كويس ان الناس دخلت و تفاعلت مع الموضوع بجد

انا الموضوع ده فكرت فيه كتير جدا

و دخلت مرات على النت و قريت حاجات كتير عن الموضوع ده
و كل اللى اتوصلت له تلت حاجات !

ان دايما المراه بيبقى تفكيرها فى حاجات كتير اكبر من الرجل
و من المعروف ان مخ المراه اكبر من مخ الرجل بدليل ان المراه
عندها قدرات كتير جدا فى اطار حياتها من ادارة الامور الاسريه و كده
و لو المراه اتزوجت واحد اصغر منها ممكن جدا فعلا تحس انه عيل ادامها
و بالتالى دايما بنلاقى ان دايما بيبقى الرجل اكبر من زوجته
و دى غالبا بتكون معظم العلاقات اللى بتستمر و ممكن نقول عليها ناجحه
ده اولا

ثانيا بقى

و دى حاجه معروفه علميا . ان الست بتعجز قبل الراجل
و بيبان عليها تقدم السن اكثر من الرجل
و دى حاجه معروفه بدليل ان سن اليأس عند المراه تقريبا 50 سنه
فى حين ان الرجل حتى الان لم يتحدد له سن لليأس !

ثالثا , و ده الاهم

من المهم جدا ان الرجل يحس ان زوجته كلها شباب و حيويه
و على قدر كبير من الجمال و لو كانت المراه اكبر من زوجها
افتكر ان علامات التقدم فى السن هتبان عليها بشكل واضح
و ملحوظ جدا

و من المعروف برضه ان لو المراه حست انها مش فى شبابها
ادام زوجها بيكون عندها شعور كبير . انه ممكن يرتبط بمراه اخرى
تكون على قدر اكبر من الجمال
او تكون اصغر فى السن !

و بالتالى انا من وجهه نظرى عمرى ما اقبل اتزوج بواحده اكبر منى
فى السن

حتى و لو بسنه واحده !

انا بالنسبه ليا هفكر فى انسانه تكون اصغر منى على الاقل

بسنتين !

و افتكر ان ده المعدل الطبيعى لاى من الزيجات الناجحه !

طبعا فيه اكثر من علاقة زواج المراه فيها اكبر من الرجل
و بتنجح

لكن الدلائل العلميه هى هى برضه و مش بتتغير من حاله لاخرى !

ده رايى

شكرا

زائر

جميل اوي يا عقرب ال3 نقط اللي قولت عليهم
بس لو من سنك مش ينفع؟؟؟؟؟؟؟؟
بس انا فعلا من رايك
لان انا لو ارتبطت بانسان اصغر مني هحس انه ابني او اخويا الصغير فمينفعش خااااااااالص
وحتي لو زنقت زي ما ضوء قالت
انا عندي افضل كده ولا اني ارتبط بانسان اصغر مني
وانا احب دايما احس ان الشخص اللي هرتبط بيه ده رجوله
وحمايه احس معاه بالامان يكون ليا معاني كتير اوي

ممكن نسمع رأيك انت ياعقرب؟؟ونبض تقول وجهة نظرها؟؟

شكرا جدا يا مودي
ع اهتمامك برايي
وبكده تقريبا كلنا متفقين ع راي واحد

موضوع: رد: هتتجوزها ؟ الأحد أبريل 05, 2009 6:35 am

تقريبا يا نبض الاراء واحده فعلا

بس الكلام و الاراء دى كلها . كلها من الواقع النظرى

بس اوقات كتير جدا فكرتنا عن حاجات كتير اوى بتختلف

و بجد ضوء المكان اثارت موضوع مهم جدا
حتى و لو كانت قالت الموضوع بمحمل الهزار

الا ان الواحده ممكن تكون مضطره فعلا
انها تتجوز واحد اصغر منها !

غير كده الحياه الزوجيه و الاستقرار و كده
دى حاجات بتبقى ربنا مقدرها لينا

شكرا للتفاعل مع الموضوع

موضوع: رد: هتتجوزها ؟ الأحد أبريل 05, 2009 6:44 am

والله بيبقوااكبر من بعض يمكن ب5 سنين يعنى مناسبين اهو

وبيبقوا استغفر الله
ناقر ونقير ومش طايقين بعض
السعادة الزوجية من رايى مش متوقفة على سن او او او
السعادة الزوجية متوقفة على المودة والرحمة الى ربنا قالهم فى القراءن الكريم
واكبر مثال ليناالى مفروض نخدة قدوة لينا
قصة سيدنا محمد علية افضل الصلاة والسلام مع السيدة خديجة
يعنى نجحت اهى
المهم ان الاتنين يلاقوا مع بعض التفاهم والمودة والرحمة والاحترام ساعتها مش هتفرق والله سن او مش سن

موضوع: رد: هتتجوزها ؟ الأحد أبريل 05, 2009 5:34 pm

علي فكره ياعقرب انا مش كنت بهزر

انا اعرف ناس كتير متجوزين والست هي الاكبر في السن

والحقائق اللي انت جبتها انا معاك فيها لكن لكل قاعده شواذ

ممكن تكون الست من الناس اللي مش بيبان عليهم السن

وفيه تفكير رجال بيبقي اكبر من سنهم وما اكثر ذلك في الواقع

لكن المهم في الموضوع ده التقبل من الطرفين وكمان ان الراجل يقدر يحتوي البنت ومش يحسسها بفرق السن وان هي الاكبر
وبيتهيأ لي انا اول ما اتكلمت قولت مثال سيدنا محمد صلي الله عليه وسلم والسيده خديجه
ومن اهم الاشياء ان الاتنين يلاقوا نفسهم مع بعض وكمان التفاهم من اهم الاشياء بينهم
وبتحصل كتير جداااااااااااااااااااااااااااااااااا وكل يوم
والواقع ممكن يفرض نفسه لاسبابه الكتييييييييييييييييره انا قولت وجهه نظري من الواقع اللي بشوفه وبيحصل مش اكتر

واقول لنبض القلب ان الرجوله مالهاش دعوه بالسن الرجوله دي اخلاق ومبادئ
زي ما فيه رجاله كبيره في السن وسوري هما مش كده
وشباب ممكن يكونوا بميت راجل
حتي البنات ممكن نقول البنت دي بميت راجل ده مش راجع لاننا بنوجه لها اهانه لكن ده لان الرجوله اخلاق مش نوع

الرجوله اخلاق ومبادئ

ياريت تكوني فهمتي وجهه نظري

والاختلاف في الراي لا يفسد للود قضيه

موضوع: رد: هتتجوزها ؟ الإثنين أبريل 06, 2009 1:23 am

حتي البنات ممكن نقول البنت دي بميت راجل ده مش راجع لاننا بنوجه لها اهانه لكن ده لان الرجوله اخلاق مش نوع
الرجوله اخلاق ومبادئ

الله عليكى يا ضوء المكان
برافوووووو

موضوع: رد: هتتجوزها ؟ الإثنين أبريل 06, 2009 5:09 am

انا شايف ان الراجل لازم يبقى اكبر من الست ودا عشان حجات كتير يعنى منها ان يكون عاقل ويقدر يتحمل المسئولية ثانيا انا المراءة بتعجز قبل الراجل فلازم الراجل يبقى اكبر من المراءة بكذا سنة بحيث هم الاتنين يبقو متناسبين اما ضوء المكان فهى بتقول انها ضربت مثل بالرسول صلى الله علية وسلم انة اجوز السيدة خديجة وهى اكبر منة بس اظن ان ضؤ المكان نست او تناست ان الرسول صلى الله علية وسلم اجوز غيرها منهم السيدة عائشة وكانت تعتبر سنها صغير فلو موافقة ان جوزها يجوز عليها يبقى تمام قوى مفيش مانع ان الواحد يجوز واحدة اكبر منة انما احنا للاسف بنعتبر ان الواحد يجوز تانى اهانة لا تغتفر فيارت تفكر تانى فى الموضوع من كل جونبة ويا تقبلة كلة يا ترفضة كلة

موضوع: رد: هتتجوزها ؟ الإثنين أبريل 06, 2009 5:55 am

احب اقول لتايجر ان الرسول صلي الله عليه وسلم ما اتجوزش الا بعد ما توفيت السيده خديجه رضي الله عنها
وبعدين انا قولت انهم لو متوافقين مع بعض وشوفت ده كتير جدا وكان الزواج ناجح
والله لو كان الانسان اللي انا عايزاه وتوفرت فيه شروطي يبقي هوافق
بس يكون رااااااااااااااااااااااااجل بمعني الكلمه مش اي رااااااااااااجل والسلام

وبعدين الجواز ده مش حاجه سهله يقدر الواحد انه يقررها بين يوم وليله دي حياه تانيه

والظرف بتختلف من انسان للتاني

موضوع: رد: هتتجوزها ؟ الإثنين أبريل 06, 2009 8:43 am

اقتباس :

وبعدين الجواز ده مش حاجه سهله يقدر الواحد انه يقررها بين يوم وليله دي حياه تانيه

ايون عندك حق

انا هخلص واتجوز علطول

بس ادعولي ابوها يرضي اخطب بعد امتحانات السنه دي

وقبل ده وده انجح

موضوع: رد: هتتجوزها ؟ الإثنين أبريل 06, 2009 9:01 am

i think that he will agree

موضوع: رد: هتتجوزها ؟ الإثنين أبريل 06, 2009 3:58 pm

وانت ايه اللي خلاك تـthink بس

i think وبس

لا

متاكد كمان

ومتقوليش ليه

[size=18]مبروك يا طائر مادو جبلك agree[/size Very Happy

عقبالك يامادو]

ههههههههههههههههه

جبتله الموافقه

ماشى يا كنزى
هو حر

لو سمع كلامى هو الكسبان [ندعوك للتسجيل في المنتدى أو التعريف بنفسك لمعاينة هذه الصورة]

زائر

ايوه كده اقعد ذاكر عشان تنجح ويوافقوا
عليك يابني ونفرح فيك

قصدي نفرح بيك

انا اذاكر

انت كده بتشتميني sigh

لا تعليق

موضوع: رد: هتتجوزها ؟ السبت أبريل 11, 2009 5:25 pm

نور كتب:: والله بيبقوااكبر من بعض يمكن ب5 سنين يعنى مناسبين اهو

وبيبقوا استغفر الله
ناقر ونقير ومش طايقين بعض
السعادة الزوجية من رايى مش متوقفة على سن او او او
السعادة الزوجية متوقفة على المودة والرحمة الى ربنا قالهم فى القراءن الكريم
واكبر مثال ليناالى مفروض نخدة قدوة لينا
قصة سيدنا محمد علية افضل الصلاة والسلام مع السيدة خديجة
يعنى نجحت اهى
المهم ان الاتنين يلاقوا مع بعض التفاهم والمودة والرحمة والاحترام ساعتها مش هتفرق والله سن او مش سن

انا شخصياً مقتنع برأي نور
تصحيح لرأي العقرب بخصوص مخ المرأة
مش صحيح إن مخ المرأة أكبر من مخ الرجل .. بالعكس مخ الرجل وزنه 1.25 كيلو لكن مخ المرأة 1.00 كيلو أو أقل
دي حقيقة علمية ياجماعة مش تعصب للرجل