عدد الرسائل : 6053 العمر : 34 تاريخ التسجيل : 19/11/2007
موضوع: مش هتفرق ! الخميس مارس 19, 2009 7:46 pm
علشان انا فاضى
مش هترفق كتير
لو حد فيكم بص على الجمله اللى فوق هيلاقى اسمها مش هترفق كتير ... بس انا اقصد اكتب مش هتفرق كتير !
بس انا مش هرجع و اعيد الجمله تانى .. لسبب واحد بس.... انها مش هتفرق كتير !!......
كل مره بتكون اجمل من اللى قبلها .. مش عارف هى فعلا جميله و انا اللى مش واخد بالى ..؟ و لا هى بتبقى جميله بس لما بكون عاوز اشوفها ...؟ الغريب فى الموضوع انى عاوز اشوفها على طول
فعلا زى ما فهمت ... هى جميله و انا مش اخد بالى !!!
عاوزانى احبها و هى مش بتحب البنت اللى بحبها ... و طبعا لا دى و لا دى هحبها ..... مبدا جامد شكلى همشى عليه كتير ... و ممكن يكون ده السبب اللى مخلينى حتى الان مش عارف انجح فى اختبار القياده ...ماهو فعلا هانجح ازاى فى اختبار القياده و انا تقديرى فى الكليه مش كبير ... بس مش مشكله انا اصلا مش عندى عربيه ...!!!!!!!!!
دورت على اخر مشاركه فى الموضوع الجامد اللى فى القسم لقيتها شكرا ... الرد اللى قبله برضه لقيته شكرا .. الرد اللى بعد الرد اللى قبله لقيته برضه شكرا ....... رجعت لقيت الرد اللى بعد اللى قبله برضه شكرا
وقتها بس عرفت بس ليه الموضوع ده نزل فى قسم المواضيع المكرره .......!!!!
184 ده الرقم اللى مكتوب بعد اسمى على الايميل ... لما كله سالنى اشمعنى الرقم ده ..؟؟ قولتله عادى لو عاوز تخليه 180 بس مش مشكله بس ابقى شوف مين اللى هيفتحلك !!!!!!!!!
عامللى فيها طويل قوى ... هو اساسا طويل بس مش قوى ... و الدليل على كده الضرب اللى اخده اخر خناقه ....!!!!! .....
انا قريت كتير عن الفضاء و اكتشفت من خلال حلقه علميه طويله جريمة قتل حصلت فى انجلترا من اكتر من 2500 سنه و الغريب انى الاقى احد الاعضاء لسه مستمر فى قرائة الكلام ده و ما اكتشفش حتى الان انى كتبته بس علشان انا فاضى ...
من الطبيعى ان لما حد يكتب كلام فاضى ... علشان هو فاضى ... يبقى اكيد ان الشخص اللى بيقرا الكلام ده
واحد مثقف جدا بدليل انه بيعرف كل اخبار الفضاء ..!!!! من غير ما يكون عنده مركبه فضائيه .!!!
اجمل حاجه لما هى قالت لى بحبك ... انا استغربت قولت ياااااااااه معقوله لحقت اعجبت بيا بسرعه كده .. ماهو مش معقول تكون لحقت عرفت شكلى بالسرعه دى .... بجد غريبه لما هى تحبنى من غير ما تكون شافتنى ولا مره ... و الناس الاغبيه بيقولولك ان الواحد ما ينفعش يحب حد هو لسه ما شافهوش... انا بحب تلاته زمايلى اعرفهم من يوم ما اتولدت ... عادى يعنى
الاغنيه اللى بسمعها حاليا بقالها كتير عماله تتعاد .. قومت اتطمنت على المديا علشان كان بيكح امبارح لقيته سليم روحت شوفت الاغنيه لقيتها حلوه و شغاله عادى ... الجميل فى الموضوع انى ما استغربتش عادى انا اللى حاطط الاغنيه تلت مرات ورا بعض فى الليست
طبعا الكل دلوقتى زعلان من شركة البلاستيك لانها عملت لى المشترك اللى طالع منه الفيشه داخله على الكيسه بتاعتى و طبعا الكيسه طالع منها الكابل بتاع الكى بورد و طبعا انا كتبت الكلام اللى فوق ده من خلال الكى بورد
بس على فكره ما لكمش حق تزعلو ... بجد مالكمش حق تزعلو لو بكتب من على اللاب توب
يعنى مش محتاج كى بورد و اكيد مش عاوز الكابل بتاعها و فعلا زى ما انت بتقول مش هحتاج للكيسه و طبعا خلاص الفيشه اللى طالعه من الكيسه مش موجوده اساسا .. يبقى المشترك براءه و معاه شركة البلاستيك
بس الكلام ده لو انا كنت بكتب من على اللاب توب ... لكنى قولت لو .....
يعنى انا لو منكم ما اكلمش شركة الكهرباء تانى .......
ايه مستغربين ليه ... هو مصنع البلاستيك بيشتغل ازاى !!!!!!!!!!!!
كان المفروض ان اصبح لصا .. لكن ظروفى سائت فاصبحت طالبا فى كلية العلوم
احلى تحية لاجمل ناس
اليكم اجمل خواطرى
علشان فاضى
محمود
الشهير ب العقرب العجوز المبرمج
اتمنى تعجبكم !
و اللى عجبته يقولى تمام و اللى ما عجبتهوش يجاملنى و يقولى حلوه اوى
نور مشرفه عامه
عدد الرسائل : 5392 العمر : 36 تاريخ التسجيل : 26/10/2007
تماااااااااااااااااااااااااام ومليون تماااااااااااااااااام والله يا يا عقرب انا بجد بتنبئلك بمستقبل باااااااااااااااااااااهر بس تلاقى نقطة البداية الى كلنا مش عارفين نلاقيها وانت تبقى تماااااااااااااااااااااااااااام وياريت تحطها فى مجلة للكلية والله هتبقى جااااااااااااااامدة
بس بردة اوعى تنسى لو سمحت يعنى
تبقى تسيب عليها ماية علشان تفك
golden flower مشرفة
عدد الرسائل : 2517 العمر : 35 تاريخ التسجيل : 28/04/2008
عدد الرسائل : 12 العمر : 32 تاريخ التسجيل : 24/03/2009
موضوع: رد: مش هتفرق ! الخميس مارس 26, 2009 6:17 am
اي يا حج الخواطر دي دنتا بقي فاضي فعلا عموما في حجات عجبتني وحجات غامضه وحجات معجبتنيش المهم ان اللي عجبني نسبتو 40 في الميه يعني ناقصلك 20 وتعدي ابسط ياعم مش حارمك من النجاح اهو بس هتتراقب يا ريس
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
موضوع: رد: مش هتفرق ! الخميس مارس 26, 2009 6:48 am