العقرب العجوز المبرمج

مساء الفل مره تانيه يا عقرب
ورجعتلك ومعايا شوية اسئلة ياريت يعجبوك وتجاوبني بصراحه
يمكن نبقي اصحاب

واحد يا عم الحج

انت بتحب تكون في علاقة عاطفيه

اتنين ياريس

تفتكر العلاقة العاطفيه لما بتطول بترخم وتبقي روتين ولا عندك حل للموضوع دا

تلاته يا نجم

لو انتا عاطفي والبنت اللي بتحبها مبتعرفش تعبر عن مشاعرها هتبقي محبط

رابع حاجه يا بيه

لو اكتشفت في يوم ان البنت اللي بتحبها فيها صفة مش كويسه وكان الحب اللي بينكم قوي والصفة دي مدمره هتعمل ايه

خامس حاجه بقي علشان تبقي خمسه وخميسه

رتبلي دول من وجهة نظرك علشان اعرف هنبقي اصحاب ولا لا

"بنت بتحبها وعاوز تصارحها "
" واحد صحبك "
" واحده قريبتك "
" راجل في بينك وبينو مصلحه "
" رئيسك في العمل "
" امام المسجد اللي بتصلي فيه ونقول الجمعه علشان دي بيبقي شيء ثابت "

حطلي بقي في الاخر شعارك انتا الخاص من واقع خيالك اللي بتحكلنا عنو في كل مواضيعك
في حياتك .

شكرا يا عقرب

البيت علي فكرة بيقول ومانيل المطالب بالتمني ولكن تؤخذ الدنيا غلابا او شدادا في رواية اخري وافتكر درستو ايام مكنت في المدرسه
بخلاف كدا انا محتار اصاحبك ولا لا بس انتا شكلك بتحب الشعر والرومانسيه
وهنبقي اصحاب ياريس بس متعملش كبير عليا

اه عاوز اسألك عن حاجه صحيح انتا ليه بتقلب معظم الكلام تهريج

اي ياريس انتا بتدور في قاعدة بياناتي ولا ايه
وبعدين مالك اتعصبت عليا دحنا المفروض بدأنا صحوبيه
عموما يا عم الحج متزعلش وخليها عليا
بس هدي اعصابك
سلام

أدهم مين..؟؟
انا مودى

ايه ياعقرب
مش حاسس ان كرسيك سخن شوية

لقيت نفسى فاضى..قولت أتسلى على العقرب شوية


واليك التالى :
1. أكيد بتحب الغناء..ايه أغنيتك المفضلة فـ 2009..؟؟

2. ايه رأيك بشباب وبنات الجيل الحالى..؟؟

3. ايه الفريق اللى انت بتشجعه حاليا..؟؟

4. ايه الفرحة اللى مش قادر تنساها..؟؟ اجبارى

5. البحر من وجهة نظرك..بيمثلك ايه..؟؟

6. الدولة اللى نفسك تكون مصر زيها..؟؟
واشمعنى اخترت الدولة دى..؟؟

7. مين أكتر عضو انت شايفه بقى يشتغل كتير ف المنتدى..؟؟

8. مين هوه حيوانك المفضل..؟؟وليه..؟؟

9. تعمل ايه: لو شفت واحد بيغرق أدامك وانت مابتعرفش تعوم....
تخاطر بحياتك وتنقذه..والنجاح مش مؤكد..؟؟
وللا تسيبه يغرق..وتقول كلب وراح..؟؟

10. تقدر تقول ايه هيا نقطة ضعفك..؟؟

11. اعتذار الرجل للمرأة ذل وللا احترام للذات..قول وجهة نظرك..؟؟

12. وجه نصائح تحب تقولها لخمس أعضاء ف المنتدى..؟؟

13. هل الحب انتصار للقلب أم هزيمة للعقل..؟؟

14. هل تعترف بالصداقة بين ولد وبنت..؟؟

15. ايه رأيك ف أدهم فارس..؟؟
قول كل حاجة عجبتك فيه..واللى ماعجبكش.....بدون مجاملة خالص
العقرب معروف عنه انه صريح ومش بيجامل

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

يللا ياعم أى خدمة..أسئلة ببلاش أهى
عشان ماتقولش لحد بس ان مودى حارمك من حاجة


سلاااااااااااااااااااااااااااام