هل توافقى ام لا؟؟؟؟؟؟؟؟؟؟؟؟؟؟

بسم الله الرحمن الرحيم
ازيكوا يا احلى منتدى واحلى اعضاء

(الموضوع دة للشباب والبنات
وبذات البنات)

هل لو شاب متدين وكويس وفى
مواصفات احلامك

بس

المشكله

انك الصغيرة
وليكى اخت كبيرة
لسه نصيبها ما جاش

هل
توافقى
وتقولى
دا نصيب وارزاق
افرضى نصيب الكبيرة ما جاش

اقعد انا كدة

ولا

تخافى على شعورها
انك الاحلى
علشان كدة اتجوزتى الاول

وممكن تزعل منك وتغير منك
وتخسريها
لانك بجوازك ممكن
الناس تقول
كلام عنها
وانها كبرت
ومجوزتش لغيه دلوقت
الصغيرة اتجوزت الاول
طيب يا ترى
ليه؟؟؟؟

كلام الناس بقا
دا جواز يعنى كلام الناس مهم برضه

سلام
اتفضلوا قولوا رايكم

حلو اوى الموضوع يا توتى
انا من راى ان كل شىء نصيب
وكل شىء باوان
ولو ربنا رايد ان الجوازه تتم
بتم والله يا توتى من غير اى مشاكل ان شاء الله
وعلى فكره الى هيحط فى دماغه كلام الناس يبفى ميعملش حاجه فى حياته خالص
احسن الناس يقولوا...................

الموضوع ده جميل اوى يا تولين

و انا افتكر لو عندى بنات و البنت الصغيره جالها حد
متقدم لها و مناسب
افتكر انى هاوافق و مش هافكر فى انها الصغيره و اختها الكبيره
لسه ما اتجوزتش

ده غالبا هيبقى رايى

موضوع جميل جدا ياتولين
وانا لو اختي الصغيره جالها واحد مناسب جداا
عمري ما هضايق انها تتخطب قبلي
ده نصيب وكل واحد بياخد نصيبه

انا هوافق لان كل شىء قسمة ونصيب

واختى طالما بتحبنى عمرها ما هتحط فى دماغها غيرة او كلام من دة بالعكس هتفرحلى يمكن اكتر ما انا فرحانة

ودة كلة بيرجع لعلاقة الاخوات مع بعض

والايمان بالقسمة والنصيب

وشكرا ياتولين على موضوعك

شكرا اوى لجوجو
وعقرب وامنيه
ودودى على
مروركم الجميل

بحترم رايكوا جدا

بس رايى برضه

بذات لو انتى من قريه
ان لازم الكبيرة الاول
علشان زى ما قولت الكلام بتاع الناس
ومهم كلام الناس اوى فى الجواز
وغير كدة ممكن اختها الكبيرة تتعقد
ويجلها احباط وعدم ثقه
اوك هاتبقى فرحانه لاختها
بس برضه من جواهها نفسها تتجوز
وفرصتها ما اضعش
وهيبقى عندها عقدة وانها الاقل من اختها
وان لما الصغيرة تتجوز
يبقا كدة قفلتى الباب على اختك الكبيرة
ان الناس تيجى يخطبوها
للاسباب الى قولتها
ولازم برضه تفكر فيها
وفى مصلحتها

وانتى ممكن يجيلك بعد كدة
دا
رايى

قولوا
بقا
رايكو

على فكره يا توتى
فى بعض الاحيان الخت الكبيره كل ما يتقدملها عريس ترفض
بسبب او من غير سبب
طيب دى بقى والنبى هتوقف حالها وحال اختها كمان
فى الحاله دى طبعا
الصغيره لو جالها عريس
مناسب لاااااااااااااااازم توافق
والكبيره بعدها صدقينى لو جالها اى حد هتوافق
هتلحق نفسها يعنى
وفى حالات تانيه بتبقى البنت الكبيره مثلا يعنى
مرتبطه بشخص معين ومستنياه لحد ما ظروفه تتحسن او او او........
فى الحاله دى بردضو الصغيره لو جالها حد لاااااازم توافق

اما بقى الناس الى بيحشروا نفسهم فى كل حاجه
يرزعوا دماغهم فى الحيط sigh

دا راى
تقبلى مرورى

والله دى قسمه ونصيب

وانا شايف ان اختها لازم تكون فرحانه

وطبعا فى يوم هيجلها نصيبها

ولو ما جاش يبقى ربنا عايز كده

اما بالنسبه لكلام الناس

لو بقينا نخاف فى اى حاجه هنتخذها من كلام الناس

يبقى عليه العوض ومنه العوض

مساء الخير
الموضوع ده بيختلف من اسرة واخرى
ومن بلد لاخرى
وهكذا
بس الموضوع حساس اوى ومرتبط بالعلاقة والتفاهم بين الاخوات
وقدرتهم على التعامل مع بعض
والقدرة على الاقتناع بالراى من كل من الاخر
وتمنى السعادة للاخرين اجمل ما فى الموضوع
يعنى لو الضغيرة تحب اختها تكون سعيدة هتستنى لما ترتبط
ولو الكبيرة هتحب اختها الصغيرة ترتبط هتساعدها فى اختيارها
دى بقى روابط تساهمية بينهم
ههههههههههههههه
الاحسن
يفضلوا الاثنين مع بعض
يتجوزوا مع بعض ويفضلوا مع بعض
مش عاوزين صداع
هههههههههههههههههه
تولين
شوفى للاختين عريسين مع بعض
تولين هتشتغل خطبة
اى خدمة للجنسين هية فى الخدمة
وربنا يتمم بخير
هههههههههههههههه
وكدا المشكلة تنحل
فى بين الناس
قصدى مع الخطبة تولين

هههههههههههههههههههههه
هههههههههههههههههههههههههه
جميله يا بلبله
ومادو وحبيبتى جوجو
رايكو جميل

بس برضه
لسه

المشكله قائمه
كلام الناس مهم يا مادو
بذات فى الجواز

كلام الناس لا بيقدم ولا ياخر

مش كده ولا ايه

يا بنتى دى عاده سيئه

ولازم نتخلص منها

لان مش كلام الناس هو اللى هيقف عقبه ادامنا

معاك يا مادو

بس فى الجواز بيفرق

لان الواحد لما يتقدم
يسال عن العروسه الاول
وبيسال الناس
لانه ما يعرفهاش لسه

وممكن لما يلاقى انها الكبيرة
ولسه
والصغيرة سبقتها
هاشك

تمام

بس اعتقد ان انا مش هتقدم لواحده

الا لما اكون واثق فيها هيا

واكون عارفها بالتاكيد

عن نفسى انا

زائر

مع كامل احترامي ل ارأكم

التربيه زي السلو بتبقي متورثه

علي حسب تربيه والدك ليكي هتربي بنتك وابنك بيها

السلو كذلك دا شئ متورث عن الاباء والاجداد السابقين

والله يجازيه اللي كان السبب ف اختراع السلو المهبب دا

خصوصا ف الارياف

هتقولي اللي يمشي ورا كلام الناس لا هيجيب ولا هيودي

انتي مش عايشه لوحدك ف الدنيا

واللي ميسمعش ل رأي الناس هياخد خطوات غلط كتيره

ف نفس الوقت ان رأي الناس دا كله غلط علميا

لان دا ممكن يجبرني ان من كتر العرسان اللي متقدمين ل بنتي الصغيره

اوافق علي اي عريس يتقدم ل بنتي الكبيره منغير ما اسأل عنه

او اعرف هوه شغال فين او او او او

ودا غلط برضوا اني لو استعجلت يبقي انا دمرت البت دي

ف لفترض مثلا طلع عنده لاقدر الله الايدز او فشل كلوي لاقدر الله

او اي مرض يبقي حكمت عليها تعيش طول حياتها ارمله ؟

لو فضلت مصمم علي موقف الناس وان مينفعش الصغيره تتجوز قبل الكبيره

طب افرض الكبيره مالهاش نصيب انها تتجوز يبقي تعنس الاتنين وتخليهم جمبك ؟

فيه كمان حاجه انتو مش واخدين بالكم منها

ان دا ممكن يكون حرام شرعا والله اعلم ( انا بقول ممكن )

لاني مسمعتش قبل كدا ان الرسول او القرأن ان الكبيره تتجوز قبل الصغيره

محدش يزعل اني بهاجم السلو دا

بالعكس دا انا من اول المستفيدين ب السلو دا دا لحد دلوقتي واقف ف صاالحي

و احنا يا جماعه بنتكلم ف قضيه لا رجاء منها ابدا وعمرنا ما هنعرف نغير السلو دا ابدا مهما كان

لاني شوفت بعنيها ان حتي المتعلمين ماشيين ع السلو دا

ف مستحيل ابدا انك تلاقي حد يتغير او يمشي ب طريقه غير اللي البلد كلها ماشيه بيه

اقتباس :

هتقولي اللي يمشي ورا كلام الناس لا هيجيب ولا هيودي

انتي مش عايشه لوحدك ف الدنيا

واللي ميسمعش ل رأي الناس هياخد خطوات غلط كتيره

ف نفس الوقت ان رأي الناس دا كله غلط علميا

امال ايه الصح

احنا عندنا حصلت كتير والصغيره اتجوزت قبل الكبيره

عادى

بس اللى مش عادى كلام الناس

يفضلوا يقولوا ده حصل كذا والكبيره مش عارف ايه

فلو سمعنا لرايهم

مفيش حاجه نافعه خالص

ده االلى بقوله

كلام الناس لابيودى ولايجيب

فى الحاجات اللى زى دى

زائر

[quote="a_mado"]

اقتباس :

[size=29]
بما انك خصصت الكلام وانك فعلا متاخدتش كلام الناس علي انه معيار

ف الموقف اللي زي كدا يبقي احييك

اصل متقنعنيش ان معني ان واحده تقول الا هوه انتي يا حلوه متجوزتيش ليه؟

ابسط رد يتقالها وانتي مالك

ولما يجيوا يتكلموا سوا الحريم بقي والكلام اللي يجيب الضغط والسكر واللذي منه

وتلاقي ام محمود و ام ابراهيم بيتكلمو

ام محمود : الا البت بنت السباعي اللي شغال ف شركه البتنجان البرتقاني بيقولوا هيجوز بنته الصغيره قبل الكبيره

ام ابراهيم : يادي الحوسه ؟!!! بجد يا ام محمود

ام محمود : اه والختمه والنيعمه الشاريفه

ام ابراهيم : ازاااااااااااااي ؟ دا ميصحش خالص وقبل علي بنته ب كدا ؟ ( كأنه راماها ل كلاب السكك تنهش ف لحمها )

ام محمود : ايوا يا اختي دا اللي ينجزر اللي كنا بنقول عليه متعلم ونواره طلع مطلع عنين بناته وهيمرمطهم وعايز يخلص منهم

ام ابراهيم : لا مينفعش طبعا الكلام دا احنا لازم نقول ل ام معتصم ( مزوجه امام اكبر مسجد ف القريه ) تخلي ابو معتصم الشيخ علي يكلم السباعي و يخليه يرجع ف كلامه

واتحولت القضيه منهاا شخصيه الي قضيه قريه وانتخابات مين موافق علي جواز بنت السباعي لعريسها و الناس اللي مش موافقه معاها حق الفيتو

دا نموذج للكلام اللي بسمعه ف البلد لما بروح هناك يعني

لكن فيه مواقف تانيه ف الحياه تستاهل انك تاخد رأي الناس

بدليل انك بتاخد رأي جيران العاروسه

والعاروسه بتسأل وبتاخد رأي جيران العريس

اصل هما مش 2 كيلو ونص جزر بشتريهم واخرطهم وخلصت ؟