هل ذكاء المرأة يخيف الرجل؟

هل ذكاء المرأة يخيف الرجل؟ولماذا؟

ولو كان الجواب بالايجاب..ماعواقب هذا الخوف وماانعكاساته على الواقع
بالنسبة للمرأة والرجل؟ماهي التبعات ....

لماذا يحرص الرجل دائما كل الحرص على أن تكون زوجته اقل منه في
الذكاء والمركز الاجتماعي ،

ولماذا يشعر بالقلق إذا حدث العكس !!

هل المرأة المتفتحة الذكية تقف حجر عثرة أمام الرجل فيما يخص عالمه
الخاص داخل البيت وخارجه .

هل تفوق المرأة وإظهار قدراتها أمام شريك حياتها وتفوقها يشعره
بالضآلة بجانبها ،

وهل السبب الرئيسي لارتفاع نسبة العنوسة بين السيدات المتميزات
إبداعيا وبين عدم الإقبال على تلك المرأة من

طرف الرجال للزواج منها هو ذكائها وتميزها ؟

وأخيراً ....

لماذا لا يفتخر الرجل بكون شريكة حياته أفضل منه مثلما يريدها أن
تفخر بتفوقه ؟؟؟؟

الموضوع
ده شوفته فى احد المنتديات وعجبنى

وحبيت
اشوف ارائكم

مادو

موضوع رائع جدا

هل ذكاء المرأة يخيف الرجل؟ولماذا؟

ايوة لان الراجل فى اكتر الحالات عاوز زوجة متدينه وحلوة

والذكاء مش مشكله عندة

وبالعكس ماببقاش عاوزة زكيه ومتميزة فى مجالها

ممكن علشان ما تتعالاش عليه
وما يحسش انه الاقوى
واوحش احساس عند الرجل انه يحس انه الجانب الاضعف
بالعكس عاوز يبقى دايما الاحسن منها
ودايما اعتقاد خاطى ان الست الشاطرة والمتميزة متكبرة
وهتتكبر عليه

ولوان دا غلط
لان الذكيه هاتفيده كتير باراء
والست الذكيه مهما كانت شاطرة ومستواها اعلى منه
تحسس زوجها انه الافضل شخص علشان يقدرها زيادة

ولو كان الجواب بالايجاب..ماعواقب هذا الخوف وماانعكاساته على الواقع
بالنسبة للمرأة والرجل؟ماهي التبعات ....

عواقبه طبعا ان ممكن واحدة ممتازة فى مجالها
وزوجها يغير من نجاحها لانها اعلى منه نجاحا

ويخيرها بينه وبين شغلها
واصعب اختيار وممكن تختار الاول
بس هتحس ان قيمتها فى شغلها وتعبها ضاع
وممكن كانت تفيد ناس فى شغلها
ولو التانى هتخسر الزوج

بس فى قصه ان بنت رئيس مايكروسوفت
سالت ابوها مرة لو اختار شغلى ولا بيتى
وهى كانت ممتازة فى شغلها
قال ابوها تربيه العظماء احسن من انك تبقى العظيمه

لماذا لا يفتخر الرجل بكون شريكة حياته أفضل منه مثلما يريدها أن
تفخر بتفوقه ؟؟؟؟

نفسى اعرف السبب
ممكن بسب انه انانى عاوز النجاح له بس

على فكره الكلام دا مش صحيح

الرجل يحب انها تكون ذكيه علشان دا فى الاخر بيأثر على العلاقه بتاعتهم
للاحسن طبعا
اما لو المرأه غبيه او لا تجاريه فى الذكاء
هيضايق ويحسن انها مش فهماه
واكيد لما فكر يتجوز كان علشان واحده لما يتكلم معاها تفهمه
وكمان فكره انها تكون افضل منه مش مؤثر كتير
الا لو كانت تتفوقه بمراحل كبيره اوى وواضحه
ساعتها هيحس انه اقل ودا بيبقى حاجه مش حلوه

اقتباس :

موضوع رائع جدا

شكرا يا تولين

انا شايف ان ده بيختلف من شخص لاخر

مثلا لو الزوج مثقف اكيد عايز زوجته مثقفه عشان يفهموا بعض والحياه تمشى

اما لو الزوج جاهل ممكن حاجه من الاتنين

يا اما عايزها جاهله زيه عشان ما يبقاش ليها السياده

يا اما عايزها مثقفه متعلمه عشان تفيده وتفيد ابنائه فى المستقبل

انا شايفة انها بتختلف من شخص لاخر بس على حسب شخصية الرجل نفسة
والبيئة الى اتربى فيها

ممكن يكون رجل مثقف بس اتربى وسط بيئة مش بتعترف بامراة ولا بذكائها وثقافتها

وبتبقى الشخصية المسيطرة علية هى شخصية سى السيد زى ما بيقولوا

شكرا مادو علي الموضوع
انا شخصيا اتمني ان تكون زوجتي ذكية جداً حتي لو اذكي مني علي الاقل هتريحني وهتفهمني بسهوله ... كلام sara صح وتمام
--------
الرجل والمرأة كل واحد ليه دور في المجتمع والبيت
ودور المرأة الطبيعي هو بيتها وتربية أبنائها

فعلا دي بتبقي علي حسب الراجل نفسه وطبيعته وانشاؤه

يعني فيه رجاله بيحوا نجاح زوجاتهم ويتمنون لهم الخير ورجاله تانيه مش بيحبوا يرتبطوا بالست الاذكي

اقتباس :: هل تفوق المرأة وإظهار قدراتها أمام شريك حياتها وتفوقها يشعره
بالضآلة بجانبها ،

دا ممكن يرجع لثقة الزوج بنفسه وحبه لنجاح زوجته

اقتباس :: وهل السبب الرئيسي لارتفاع نسبة العنوسة بين السيدات المتميزات
إبداعيا وبين عدم الإقبال على تلك المرأة من

طرف الرجال للزواج منها هو ذكائها وتميزها ؟

مش ممكن البنت هي اللي بترفض ومش لاقيه الانسان اللي يتناسب مع ثقافتها وعلمها ومركزها اكيد زي ما الراجل من حقه يختار هي كمان من ابسط حقوقها

بس اعتقد انه دايما الراجل بيحب الست الذكيه اللماحه اللي تقدر تفهمه

وبعدين ذكاء الست دايما مطلوب لانها تقريبا هي محور واساس الاسره

وقرات في احد المقالات ان الست عقلها بيقوق الراجل بمراحل لان الراجل فتره المراهقه بتخلص عنده في سن متاخر وكمان ممكن بعض الرجال يصابوا بالمراهقه المتاخره
يعني الرجال تقريبا بيقضوا فتره كبيره من حياتهم مراهقين

وكمان ربنا قال " ان كيدهن عظيم "

شكرا يا سعد على المشاركه

كلامك مظبوط يا ضوء

بس انا بعتبر ان ذكاءالمراه سلاح المستقبل
لها وللرجل بنفس الوقت التي يمكن من خلال عقلها
وذكائها

يمكنهم من الوصل الى القمة