بعد العودة - حكايتي مع مسلسل نور

السلام عليكم ورحمة الله وبركاته

ذهبت لحضو سبوع بن عمي الصغير متأخراً .. فلم أجد غير أبناء عمي جلال وإبنة عمي عبد المولي وأختي جلسو معي نتحدث إذا بها ابنة عمي الصغيره ( 17) سنه تقوم مسرعه متجهه الي التلفاز سألتها هو فيه إيه قالت مسلسل نور ، قلتلها مسلسل ايه ؟ قالت مسلسل نور قلتلها بتاع مهند قالت ايوه .. قلت ينها اسود في بيتنا وفي بلدنا من الخليج لقريتي وبيت عمي .. يادي الخيبه .
المهم قام الجميع وتركوني ليشاهدو المسلسل مع إني اسمع عن هذا المسلسل منذ عام ولم أفكر للحظة أن اشاهد ولو حلقة واحده .. المهم قررت أشاركهم وأسمع أول حلقة من مسلسل نور
جلست معهم نشاهد المسلسل

وأثناء متابعتي بدأت إشاهد لأول مره في حياتي في المسلسلات علي التلفزيون المصري قبلات ساخنه لمسات
الحقيقة كت محرج جداً بقلهم ايه القرف ده قالولي بكل برود غمض عينك
قلت في بالي ينهار اسود انا اللي مكسوف والبنات مش مكسوفين؟!!
قلت كده مش نافع
ناديت علي زوجة عمي ( المنتقبة ) قلتلها عاجبك اللي بيحصل ده .. قالت يادي مهند وسنينه .. قلتلها طيب وبعدين .. لم تفعل شيئاً
اتصلت بعمي .. ياعمي مينفعش المسلسل ده يتعرض هنا ده عيب وميصحش .. قال هنعمل ايه بقي .. قفلت السكه
نظرت الي ابنة عمي الطلبة في كلية الطب قلتلها شيخه آيه امال فين الصلاة اللي بتصليها ده انتي بتصلي الركعه في 3 ساعات بصتلي وضحكت وسكتت ولم تحرك ساكناً
حتي جاءت امي سألتهم بتتفرجوا عليه ايه ردوا عليها مسلسل نور اقعدي اتفرجي ياعمتي المهم قعدت معاهم .
سرحت وبدأت أفكر ولاد عمك كده امال البنات اللي متعرفش عنهم حاجه عاملين ازاي بدأ الشيطان يوسوس لي بطريقه عجيبه .. ايه اللي يضمنلك ان البنت اللي انت متكلم عليها مش بتعمل كده ؟
استعذت بالله من الشيطان وتركتهم يتابعون المسلسل
بعد مرور يوم علي هذه الحادثة
نادت علي امي وقالت لي تعالي قلتلها نعم
قالتلي هاتلي مسلسل نور ... قلتلها نعم ياختي ليه؟؟
قالتلي اتفرج عليه .. قلت مينفعش معندناش ارضي مفيش غير قنوات الدش
حمدت الله .. لم يتفش هذا المرض في بيتي وخرجت من المنزل ..

رأيكم إيه في المصيبه اللي حلت علي بنات المسلمين
البنات بيعملوا كده ليه .. البنات العاقله بقوا مجانين
فعلا ناقصات عقل
بعد ما كانت ثقتي في 20% فقط من بنات مصر
اصبحت 10 % فقط

ههههههههههههههه

مسلسل نور
مش عارفه انا حبيت المسلسلات التركى اوى بس ماعدا المسلسل دا
وبرضو مش عارفه ليه اتشهر اوى كده
من حوالى شهر او اكتر كنت مع اختى فى القاهره فى سكن الاطباء بتاعهم
وطبعا السكن بيبقى فى بنات كتتتتتتتتتتتتتتتتير وكان فى غرفه كده فيها التليفزيون
كنا زهقانين قلنا نروح نتفرج على التليفزيون
انا اول ما دخلت اتصدمت كان المسلسل شغال
وتقريبا بنات السكن كله بدون استثناء
قاعدين مبرقين للتلفيزيون
وكمان مفيش اماكن وواقفين
كل ده علشان المسلسل
والغريب انه مش ليه قصه اساسا

بس اكيد فى ناس برضو مش بيحبوه

زائر

اللهم لا تحاسبنا بما فعل السفهاء منا

اهلا بيك مره تانيه يا سعد

الموضوع ده لذيذ

و الله يا سعد انا حتى الان عمرى ما شوفت ولا دقيقه من المسلسل ده
و كان نفسى اوى اتفرج عليه
لسبب واحد بس .. نفسى اعرف بيتكلم عن ايه يعنى
و لا قصته ايه المسلسل ده علشان يحقق النجاح ده كله
و الانبهار الشديد ده كله

يا عم دانا زمايلى الاولاد بيتكلمو عنه
و اما قولت لهم ايه ده يا جماعه .. المسلسل ده مشهور ليه
واحد قالى علشان البطل بتاعه امور و له ردود فعل حلوه و نظرات
و تعبيرات جميله و بتاع !

انا مش عارف ايه المسلسل ده يا سعد و الله
و يبدو فعلا ان المسلسل ده اللى بيشاهدوه بنات كلهم
بس فيه ناس كتير برضه مش بتحبه و مش بتتابعه برضه!

الموضوع فعلا محتاج ان الواحد يفكر !

اما بخصوص ان البنت اللى ان شاء الله الواحد هيتجوزها
بتتفرج على المسلسل ده و بتعمل كده و لا لا !
فدى حاجه انا اقدر اقولك ان دوام الحال من المحال
اذا كان فيه بنت كتير بتتابع المسلسل ده لانه عاجبهم حاليا
مين عارف كمان فتره معينه اما يكون فيه بيت و مسؤوليه و حياه كامله
افتكر ان النظره هتتغير !
اوى .. يعنى حركات البنت حاليا فى سن الجامعه او مرحله الجامعه
صعب اوى يكون مقياس منبا بما ستكون عليه فيما بعد

ثانيا / انت ولد و انا ولد و مش شرط ابدا ان البنات تكون شايفه الدنيا
زى ما احنا شايفينها
ممكن يكون نظرتهم للاشياء بتسيطر عليها العاطفه اكثر

و الموضوع ده انا مش اقدر افيد فيه
لانى ولد ! . و مش شرط يكون تفسيرى ده سليم ابدا

شكرا سعد على الموضوع الجميل

اذا كان فيه بنت كتير بتتابع المسلسل ده لانه عاجبهم حاليا
مين عارف كمان فتره معينه اما يكون فيه بيت و مسؤوليه و حياه كامله
افتكر ان النظره هتتغير !
اوى .. يعنى حركات البنت حاليا فى سن الجامعه او مرحله الجامعه
صعب اوى يكون مقياس منبا بما ستكون عليه فيما بعد

عندك حق ياعقرب
احنا حياتنا دلوقتى عمرها ما هتكون زى بعد الجواز اكيد هتتغير علشان هيكون فى مسئولية
وكمان لية المسلسل دة بالذات الى عملين علية مشكلة
فى افلام مصرية ومسلسلات ممكن تكون اوحش منة مليون مرة

ومنور المنتدى ياسعد

انا والله عمرى ما اتفرجت على مسلسلات تركيه خالص ولا اصلا عاوزه اتفرج
انا بتفرج على الحاج متولى
الضوء الشارد
الحاجات الحلوه بتاعتنا دى

اولا اهلا بيك مرة ثانية معانا سعد وبرحب بيك تانى

ثانيا انا مش كنت بحب المسلسل دا اصلا اتفرجت حلقة بس وما بقتش اتفرج علية
ومرة تانية اهلا بيك معانا ومنور المنتدى

بالنسبه للمسلسلات التركيه بشكل علم هى كويس جدااا
لكن فعلا مسلسل نور ده ملوش قصه

رأيكم إيه في المصيبه اللي حلت علي بنات المسلمين
البنات بيعملوا كده ليه .. البنات العاقله بقوا مجانين
فعلا ناقصات عقل

ولا اعتقد علشان احنا بنتفرج على المسلسلات دى نكون ناقصات عقل ودين

زائر

البنت معروف عنها الحياء

ومعني ان بنت تتفرج علي مشهد ساخن من بتوع مهند

يبقي مفيش حياء

ويبقوا اتجننوا

ايوا فعلا اتجننوا

وف الاخر يأما بيعنسوا

يأما بيجوا العباسيه يتعالجو

هههههههههههههه

واشمعنا مهند الى بتتكلم عنة
ماتقول هانى سلامة
ولا اى ممثل

زائر

هاني سلامه مين ؟

هوه دا ممثل ؟

دا سر من اسرار السينما المصريه

مينفعش اقوله هنا بدل ما تاني يوم تلاقوني ارهابي ومتذمد

ع العموم انا بكره اي حاجه تركي

اي حاجه تمسهم بكرها

وعلي فكره بقي

مهند اللي انتو طالعين بيه السما دا

هوه قايل معلومات عن نفسه

وبيتفاخر بيها

مينفعش اقولها

بس اعقتد انكم عارفين انا اقصد ايه

ع العموم ولا مهند ولا عمار و اسمر ولا الحركات دي بتاكل معايا

انا بسأل سؤال

مين ليه مراره يتفرج علي مسلسل 200 حلقه ؟

بجد والله ؟

مين ليه مراره يعد قدام التليفيزيون اصلا اكتر من نص ساعه ؟

دي حاجه تعل

طيب سيبك من مسلسل نور

بس بجد بقية المسلسلات التركية كلها جميلة احسن من المسلسلات المصرية
الى بقت كلها شبة بعض فى احداثها مافيش اى حاجة جديدة

والله الى مش عاجبه ميتفرجشى

ومين قالك بقى اننا طالعين بمهند ده السما؟؟

وكمان بالنسبه للمشاهد الى بتقول عليها دى

فى افلام مصريه فيها مشاهد اسوء من كده بكتير
لا وايه طالعينلى بالفيلم السما

وحاجه تانيه
هاتلى مسلسل مصري يكون له قصه مختلفه عن اى مسلسل تانى
كل المسلسلات بيتكلموا فى حاجه واحده

حمدالله على السلامة يا سعد والعود احمد
والله احنا كنا بنتكلم فى الموضوع دة يوم الخميس بس للاسف مكنش حد شاف المسلسل
بس اللى عايز اعرفة ازاى حد يتابع مسلسل 100 حلقة فيما اكثر وهل المسلسل نجح لان
فية فراغ عاطفى عند البنات ام انة كان مشهور اصلا فلما اتفرجنا علية كنا مستعدين نفسياً ان احنا نشوفها ونؤيدة مش عارف بس على اى الفروض الشيخ ابن التيمية بيقول فى الزمن السيئ يطفو كل
شى قبيح واظن مفيش اسوا من الزمن دة [ندعوك للتسجيل في المنتدى أو التعريف بنفسك لمعاينة هذه الصورة]

عاشقة القمر كتب:: بالنسبه للمسلسلات التركيه بشكل علم هى كويس جدااا
لكن فعلا مسلسل نور ده ملوش قصه

رأيكم إيه في المصيبه اللي حلت علي بنات المسلمين
البنات بيعملوا كده ليه .. البنات العاقله بقوا مجانين
فعلا ناقصات عقل

ولا اعتقد علشان احنا بنتفرج على المسلسلات دى نكون ناقصات عقل ودين

وجهة نظري الشخصية .. ماهو مش معقوله ان البنات تتفرج علي قبلات ساخنه وانا اكون قاعد وسطيهم مكسوف !!
وفي الاخر يقولولي غمض عنيك!
وبعدين ده الأصل في المرأة نقصان العقل والدين .. هل من إعتراض ؟

دعاءdody كتب:: طيب سيبك من مسلسل نور

بس بجد بقية المسلسلات التركية كلها جميلة احسن من المسلسلات المصرية
الى بقت كلها شبة بعض فى احداثها مافيش اى حاجة جديدة

!!!!!!!!!!!!!!!!!!!!!!!!!!!!!!!!!!!
فين ايام ليالي الحلمية وذئاب الجبل ومين اللي ميحبش فاطمة وحمدي باتشان في إعلان رابسو

عاشقة القمر كتب:: والله الى مش عاجبه ميتفرجشى

ومين قالك بقى اننا طالعين بمهند ده السما؟؟

وكمان بالنسبه للمشاهد الى بتقول عليها دى

فى افلام مصريه فيها مشاهد اسوء من كده بكتير
لا وايه طالعينلى بالفيلم السما

وحاجه تانيه
هاتلى مسلسل مصري يكون له قصه مختلفه عن اى مسلسل تانى
كل المسلسلات بيتكلموا فى حاجه واحده

إحنا بنتناقش في قضية مسلسل أخد أكبر من حجمه لمجرد ان بطل المسلسل وسيم
وبعدين الأصل ان المشاهد دي عيب وميصحش اننا نتفرج عليها سواء في مسلسل او في فيلم حتي لو كان مصري
وبعدين البنت بتتأثر بالمشاهد دي أكتر من الولد بسبب الفراغ العاطفي عند البنت زي ماقال تايجر بالضبط

Tiger كتب:: حمدالله على السلامة يا سعد والعود احمد
والله احنا كنا بنتكلم فى الموضوع دة يوم الخميس بس للاسف مكنش حد شاف المسلسل
بس اللى عايز اعرفة ازاى حد يتابع مسلسل 100 حلقة فيما اكثر وهل المسلسل نجح لان
فية فراغ عاطفى عند البنات ام انة كان مشهور اصلا فلما اتفرجنا علية كنا مستعدين نفسياً ان احنا نشوفها ونؤيدة مش عارف بس على اى الفروض الشيخ ابن التيمية بيقول فى الزمن السيئ يطفو كل
شى قبيح واظن مفيش اسوا من الزمن دة [ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك ياتايجر
المسلسل ده للأسف وضحلي حاجات كتير كانت مستخبية !
ولاعزاء للسيدات

انا بكرة المسلسل دة جدا بجد غبى اوى
وانت الحكاية اللى حكيتها دى يا سعد فكرتنى ببنت عمى رحت عندها فى مرة لاقيتها قاعدة قدام التليفزيون وعمالة تعيط وبتعيط بطريقة والله زغفتنى قلتلها مالك يابنتى قالتلى اصل نور ومهند اتخانقوا خناقة جامدة قلتلها الله يحرق نور ومهند فى الارض ياشيخة اقلبى على حاجة تانية قالتلى لومش عاجبك متتفرجيش
بس بجد مسلسل مستفز جدا
بس فية مسلسلات تركية جميلة اوى وانا كنت متابعة سنوات الضياع بس كان مختلف عن مسلسل نور تماما

ماله سي السيد
انا بقي عملت سي السيد

دخلت البيت لقيت ولاد اخواتي بيتفرجوا عليه وكانت الحلقه لسا بدائه الحمد الله

روحت قالب القناة
وشاخط فيهم وقولتلهم اللي هيكلم [ندعوك للتسجيل في المنتدى أو التعريف بنفسك لمعاينة هذه الصورة]

وروحت قالب جايب قناة
ميلودي تريكس [ندعوك للتسجيل في المنتدى أو التعريف بنفسك لمعاينة هذه الصورة]

لا طبعا اوعي حد يصدق
ميلودي تريكس ايه

المشكله يا جماعه بجد في الاب والام

لما يشوفوا اولادهم
بيتفرجوا علي حاجه زي كده ويسكتوا او يقعدوا يتفرجوا معاهم
فين الحياء فين الايمان

المفروض ان الاب
والام دول بيكونوا قدوه لاولادهم من صغرهم
فلما تجد الابناء
بيفرجوا علي حاجه زي كده يبقي فيه ضعف ايمان وتقصير من الاباء

قال رسول الله (ص){ لا يدخل الجنة ديوث. قالوا: ومن الديوث يا رسول
الله؟ قال: الذي لا يغار على محارمه }

وصدق الشاعر: ما كانت العذراءُ
تُبدي سترها *** لو كان في هذه الجموع رجال

فاحذر يا من انطمست
في نفسه معاني الغيرة ولم يرب أولاده عليها انك لن تُمنع من دخول قصرك ومنزلك إنما
تمنع من الجنة..

اللهم اهدنا فيمن
هديت وتولنا فيمن توليت
وقنا واصرف عنا شر ما قضيت إنك تقضي بالحق ولا يُقضَى عليك إنه لا يُذَل من واليت
ولا يُعَز من عاديت ...

عوده موفقه يا اخ سعد

وياريت تتواجد معانا
زي الاول بمواضيعك وردودك المميزه

زائر

ايه الجمال دا ؟

سنوات الضياع ؟

مش كدا ؟

اللي نرمين ماتت وعمار فيها مات مرتين وصحيوا تاني ؟

ايه الهكس دا ؟

ما احنا ناس فاضيه صحيح

بالمناسبه يا جماعه انا هنزل شويه معلومات بجد

اللي هيقراها ويتمعن ف كلامها

و يفكر صح

هيتعقد ويكره نفسه زي ما انا كاره نفسي كدا

هههههههههههههه

يا سويت عمار ونرمين فى دموع الورد
اما يحيى ولميس فى سنوات الضياع
وفعلا عندك حق المسلسلات فيها حاجات غريبه شويه بس بنعديها
واساسى فى اي مسلسل ان قلب البطل يقف ويقولوا دا مات
ويرجع قلب يدق تانى عادى Rolling Eyes

اهلا بيك يا سعد مرة تانية فى المنتدى

وبالنسبة لموضوع المسلسل دة

اعتقد انة نجح لانة كان رومانسى شوية الرومانسية الى الشعب المصرى مفتقدها

بسبب الظروف الكتيرة الى احنا عارفينها

زائر

طيب ب الزمه فيه حد بيخلصوا علي طلق مسدس

وينقلوه ع المستشفي

ف ظرف 3 دقايق ف المسلسل

يقوم خارج و ماسك الفرفر ( المسدس ) ف ايده

ويروح ينتقم

يتضرب عليه رصاص تاني

ولا يهمه

واللي يغيظك اني لما بعلق علي الهكس دا

الاقي حد يقولي انت تطول تبقي زي عمار ؟

بص دا رااااااجل

يعتمد عليه

مش عارف بيدخل ف اي حته يتخاف عليه

والقرونجي ماله ؟

انا اللي مالي ومال الناس دي ؟ ولا اللغه اللي تعل

( مو غلط امعالييييييييم )

صدقوني مضيعه وقت ومسلسل مالهوش لازمه

حد يديني استفاده واحده من انه يتفرج علي مسلسل

ولو فيه ولو استفاده

يقولي بقي العيوب اللي شوفتها من ورا المسلسل ؟

يا سويت انتة لو ركزت مع المسلسلات والافلام والى بيحصل فيها

هتتجنن يا ابنى