الرئيسيةالتسجيلدخول

شاطر | 
 

 عدوى المنتديات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: عدوى المنتديات   السبت مايو 02, 2009 1:22 am



عدوى المنتديات


من حوالى 9 شهور كنت عند زميلى اللى هواحمد الرخ " الطائر الحزين" .. و كنت قاعد انا و هو و مجموعه زمايلنا
و بالصدفه قعدت على الجهاز عنده و كنت انا مشترك فى منتدى حديث اسمه it club و كنت برضه جديد
فى المنتديات . كنت صاحب مبدأ ... سلبى المبدا كان او ايجابى ما كانتش بتفرق معايا كتير ..!!

و بعد اسبوع من وجودى عن الرخ .. لقيت فيه عضو جديد اسمه الطائر الحزين و ف تالت مشاركه له
قالى انت عضو بتنتقد فقط من اجل النقد و قالى ان حب الظهور سيطر عليا و جعل منى عاله على المنتدى
طبعا انا ما كنتش اعرف مين ده .. و ليه بيقول عليا كده .
كنت وقتها عند البشمهندس محمود فايد (صاحب مشروع البرمجه بدون كود) و هو قريبى ابن خالتى و لما
شاف رد الطائر كنت انا قررت الانسحاب من المنتدى .. لكن البشمهندس محمود قالى لا .. بلاش تنسحب
و دخل بعضويتى و اتكلم شويه و قال انه ما ينفعش كده كلام الطائر و بتاع .. ووقتها دخل زائر الليل و قال
للبشمهندس محمود ما تقلقش ده العقرب ده فى عينينا و مش هنزعله تانى ! king

فاتت الايام و بعدها باسبوع كنت عند زميلى اللى هو الطائر الحزين .. و قالى مين ياعم العضو اللى داخل يخبط فيك ده و مسمى نفسه الطائر .. روحت انا قايل له يا عم ده واحد كده مش عارف ماله .. بس بمجرد ما خلصت الجمله و من نظرة الطائر ليا ... ربطت بين كلمة الرخ و كلمة الطائر .. و طبعا ابتسامته كانت افضل تاكيد ليا ان العضو اللى دخل ينتقدنى على المنتدى ده و بيطالبنى بالرحيل من المنتدى هو زميلى اللى عرف المنتدى عن طريقى و حتى بدون علمى affraid


وقتها كان المنتدى جامد جدا جدا .. كان فيه ناس كتير بس دلوقتى خلاص ما بقوش يدخلوا خاااالص
امثال "الفارس – عصفورة الجنه - اليمامه البيضاء – ضحية ثقه –فيوتشر مان ... و ناس كتير اوى
مش هانساهم

كان جو المنتدى اكثر من رائع ... كنا نرجع من الكليه نعمل اللى ورانا و على الساعه 9 نلاقى الناس كلها على المنتدى احنا عددنا ما كانش كبير خالص ... و الغريب و اللى مش هتصدقوه اننا عمرنا ما سمعنا عن مشرف فى المنتدى الفتره دى .. بجد عمرنا ما سمعنا عن مشرف كنا نعرف ان زائر الليل ة فيوتشر مان هما المسؤولين عن المنتدى ماسكين رتبه ايه بقى .. ما كانتش بتفرق معانا خالص

كنا حاطين 10 او 11 موضوع فى الالعاب و كان الاقبال عليهم رهيب ... و كام قسم كده و كانوشغالين اوى و كان عندنا قسم اسمه .. (الحب و الرومانسيه و المشاكل الشخصيه ) و ده تم اغلاقه ثم حذفه بعدها لان الناس حست ان المنتدى كده بعيد تماما عن اسره فى كلية علميه


ما كانش حد يعرف التانى على المنتدى خاااالص يعنى انا ناس كتير اوى كانو عاوزين يعرفوا مين العقرب ده
الى كان عاوز يشوفنى علشان يضربنى و اللى عاوز يقولى انت رخم و اللى عاوز يقولى انت اضافه جميله للمنتدى و ناس كتير اوى كانت موجوده على المنتدى و كان التعارف بينها مطلوب و بعد فتره مش كبيره الناس
بقت معروفه لينا كلنا و بدنا نعيش جو جامد جدا فى المنتدى




طيب ... انا حكيت القصه دى ليه ؟
طيب ليه يكون مكانها النقاش الجاد ؟


ده المراد من الموضوع اللى انا كاتبه ده ... اولا انا عضو فى منتديات تانيه تبع كليات فى الجامعه برضه
ابرزهم منتدى قسم العماره كلية الهندسه بشبين الكوم ... انا هناك عضو معروف جدا
و منتديات تانيه زى منتدى تجاره اللى كان الطائر اتكلم عنه كتير و اللى حاليا تقريبا بيتفكك نهائيا


ايه اللى بيجرى يا جماعه بقى .... للى بيجرى ان المرحله اللى احنا بنمر بيها دى مرحله طبيعيه جدا
احنا خلاص يا جماعه شبعنا من المنتدى ده و من اى منتدى .. ضحكنا و لعبنا و هزرنا و اتناقشنا
قولنا كلام كتير اوى .. كل واحد مننا اصبح كتاب مفتوح لمعظم الناس اللى بقت موجوده فى المنتدى
يعنى ممكن واحد قبل ما يدخل الموضوع .. بمجرد ما يقرا العنوان بتاع الموضوع يقدر يخمن
رد واحد زى سويت او العقرب او تايجر او نور او اى حد ... هيقدر يخمن رد العضو ده
هيبقى عامل ازاى !!

و لما فات اكتر من سنه و احنا اعضاء على المنتدى ده و مشاركاتنا اصبحت مثل مشرفى المنتديات الكبرى
و اصبحت تحسب بالافات المشاركات ! .. هنبدا ندور على حاجه اكبر .. او قد تكون حاجه اهم و الاهم ده
هيبقى حسب ميول كل عضو معانا على المنتدى ده ... يعنى الاولويه بتاع المنتدى عند اى حد هتبدا تقل


منتدى هندسه اللى تعتبر ظروفه زى ظروفنا اصبح هو الاخر من اشهر النائمين لان الناس اللى عملوا المنتدى
ما بقوش يدخلو المنتدى لانهم خلاص عملوا المنتدى و علموا نفسهم و بعد كده بداوا يبصوا للمنتدى من فوق
و الكل بقى يدور على الافضل .. و الاهتمام بالمشاركات اصبح اقل بكثير


و ده نفس حالنا هنا فى المنتدى كلنا بدنا نبص للمنتدى من فوق .. انا هنا مش بقصد اننا بنتكبر على المنتدى
لا انا مش اقصد كده انا اقصد ان المنتدى علمنا حاجه مهمه و هى ثقافة المنتديات و كيفية التواجد على شبكة
الانترنت و كيفية التعامل عن طريق الكتابه مع الاخرين
فينا ناس خلصت و اشتغلت و ناس قربت تخلص و ايقنت انها تعلمت من المنتدى اى انها تخرجت من مدرسة الانترنت المنتميه لها و بالتالى اصبح الاهتمامات مختلفه



طيب و ايه الحل
احسن حاجه ان مافيش حل واضح او محدد ...!!!
المشكله يا جماعه ان مافيش دم جديد فى المنتدى ... عنده الانتماء الكافى لدرجة انه فى يوم من الايام يكون هو اقدم عضو فى المنتدى .. يعنى لو بصينا على الناس اللى معانا فى المنتدى هنلاقى ان ناس كتير فى سنه رابعه
و ناس كتييييير جدا فى سنه تالته .... و بيتهيا لى ان مافيش حد من سنه تانيه خالص غير سهر علوم و نبض القلب
و مودى باشا رايح تانيه ثانوى !

و ده معناه ان المنتدى قاااااااااايل للسقوط
لو كان المنتدى مبنى كنا عرفنا نرممه ... لكنه للاسف ليس مبنى !!

بس مافيش حاجه مالهاش حل ... و الحل اللى احنا محتاجينه يا جماعه

ان العضو يحس ان المشاركه الواحده منه تساوى الاف المشاركات فى قيمتها !!!


و الكل يبدا ينتج و يفيد ... و يترك مقاعد الطالبين و يتجه الى قاعده المنتجين
ننتج احلى ثمار تكون هى اخر وجودنا على منتدى زى منتدانا


و احب اعرف الناس ان العبره مش بعدد الاعضاء على المنتدى و لا عدد المتواجدين فى ال 24 ساعه الاخيره
لا طبعا عمرها ما كانت بتتحسب كده
قيمة المنتدى بجد تتحسب بقدر الناس اللى موجوده على المنتدى ده .. عاوزين كلنا نبقى مفيدين منتجين متميزين
كل منا فى مجاله .. و يكون منتدانا ده ملتقى الناجحين .. يكون هو مورد صغير لبعض الثقافات اللى محتاجينها
قبل ما نطلع لعصور الحياه المختلفه سواء كان عمل او جيش او حتى سفر !

اتمنى كل الناس تبقى متميزه و نبقى كلنا ناجحين .. و اكيد زى ما احنا ناجحين فى التعامل مع منتدانا ده
و كلنا بنحبه اوى كده .. اكيد هنقدر نتميز فى حاجات تانيه كتيره اوى ..

و اهلا و مرحبا بالكل فى دنيا التميز





اجمل دعواتى لبداية حياه جميله .. علميه كانت او غير ذلك
المهم ان يكون النجاح هو سمتها الاساسيه


و الى اللقاء فى توضيحات اخرى


اخوكم
العقرب العجوز المبرمج
مدير المنتدى

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: عدوى المنتديات   السبت مايو 02, 2009 1:43 am

ههههههههههههههههههههههههههههههههه

راااااااااااااااااااااااااااااااااااائع



















يا طائر والله الى عملتة فى العقرب happy2

ورائع كلامك يا عقرب بردة وعندك حقك بجد برافووووو

_________________
[ندعوك للتسجيل في المنتدى أو التعريف بنفسك لمعاينة هذه الصورة]


امحي زنوبك
من هنا

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سهر.علوم
مشرفة
مشرفة


انثى
عدد الرسائل : 583
العمر : 26
تاريخ التسجيل : 04/12/2008

مُساهمةموضوع: رد: عدوى المنتديات   السبت مايو 02, 2009 9:27 pm

ان شاء الله يا عقرب المنتدي يتحسن


ويا ريت يبقي الفترة الجاية نركز شويه ع الجانب اللعلمي والخاص بالكاية وخصوصا ان الامتحانات قربت


شكراا ليك
الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: عدوى المنتديات   الثلاثاء مايو 05, 2009 1:40 am


كلامك واقعي الى حد كبير يا عقرب
لكن اكبر ما يؤثر سلبا على المنتدى وتفاعل الناس معه هو الركود العلمي

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
مادو
مشرف
مشرف


ذكر
عدد الرسائل : 4030
العمر : 27
تاريخ التسجيل : 09/12/2008

مُساهمةموضوع: رد: عدوى المنتديات   الثلاثاء مايو 05, 2009 1:52 pm

كلامك صح يا جولدن وسهر

فعلا اعضاء كتير ممكن يدخلوا

لو لقوا ان المنتدى بيهتم بالجوانب العلميه كمان

وهيزداد تفاعلهم مع المنتدى ومع الاقسام الاخرى

شكرا ياعقرب


الرجوع الى أعلى الصفحة اذهب الى الأسفل
 
عدوى المنتديات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: