الرئيسيةالتسجيلدخول

شاطر | 
 

 حب ربنا علامه فى حياتك!!!!!1

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حور الدنيا
مشرفة
مشرفة


انثى
عدد الرسائل : 222
العمر : 28
تاريخ التسجيل : 06/01/2009

مُساهمةموضوع: حب ربنا علامه فى حياتك!!!!!1   الثلاثاء مايو 05, 2009 12:07 am


بسم الله والصلاة والسلام على رسول الله...



النهاردة
حابين كالعادة نتكلم على الطريق اللى ربنا فتحهولنا وفتح قلوبنا
ليه...هنتكلم على الحاجة اللى قايمة عليها كل حاجة عملناها وكل حاجة
بنعملها وكل حاجة هنحلمها ان شاء الله..



هنتكلم عن حب ربنا...الله ..المولى عز وجل...



احنا
خدناها طريق ورسالة...احنا لسه فى اوله..بنقول ياهادى....وهنكمل فيه وهنستمر..وهنكبر فيه باذن الله..وهنوصل لكل قلب عاصى ..بعيييد عن
ربنا...




مش هنعدى الا لما نخلى كل ذرة فى كيان اى خلق من مخلوقاته..يهتف ويقول..بحبك يارب...


لالا..مش مجنون...مش بقول اى كلام...




دى رسالتنا ياجماعة....ده شرف الدين اللى لازم نشتغله...على الاقل ناخد النية..خد النية بس....


الرسول عليه افضل الصلاة والسلام..وهو نازل كده من على الجبل بعد التكليف...
لو
كان قعد يفكر ويقول ياااا يارب..كل دوول..كل دول فى رقبتى ..الارض اللى
ماليانة ذنوبب ..وماليانة معاصى...الناس اللى ليل ونهار موريهاش حاجة الا
الخمر....الجاهلية والعبيد والرق....بيوت الرايات الحمرا...


الارض اللى نصها بيعبدو بنى ادم..والباقى بيعبد بقر ولا نار ولا صنم ولا جايب حيوان وعامله عرش وقاعد يعبده...


كل
ده كان قدام الرسول ...لكن ايه ده خلااااص..داق الحب وعرفه...قال ايه بقى
سيدك..قال لو جابوا الشمس فى يمينى والقمر فى شمالى علشان اسيب الدين ده مش
حسيبه....



انت ياصغير مش عارف تسيب شوية حاجات علشان ربنا..مش عارف تموت نفسك علشان اللى خلقك...



ياجماااعة يااخواااااتى...



عايزين
ربنا يبقى اغلى من روحنا...عايزين حب ربنا يبقى شوقنا..يبقى شغلنا..يبقى
قرة عنينا...يبقى حياتنا وتفكيرنا...انت مستوهون ليه بحب ربنا...مستهون
ليه تعيش احلى الاوقات..اخلى اللحظات..احلى المشاعر...




حب ربنا اقوى من الخوف من الله...ولازم طبعا الاتنين...




بس الكلام عن حب ربنا اقوى من الكلام عن الموت وسكراته..
اقوى من الكلام عن القبر وعذابه...
اقوى من الكلام عن القيامة واهوالها وحسراتها..
اقوى من الكلام عن الصراط والحساب..
اقوى من الكلاام عن النااار وعذااابها...




يا اخوانى واخواتى ربنا ده حبه اللى هيخليك تكمل حياتك فى سعادة وراحة بال...حب
ربنا ده المنظار اللى حيخليك تشوف كل حاجة حلوة حواليك...


هو
اللى هيخليك كل حاجة فى الدنيا لها طعم..الصلاة ليها طعم..الصوم ليه
طعم..القيام ليه طعم...هيخليك تحس انك عاايش...بتعيش كل حاجة بسعادة..






حب الله اسمى معنى ممكن نعيش ونكمل حياتنا عليه
حب ربنا يااخواتى اللى هيخليك سعيد وفرحان بحياتك...



فرحانة وانت بتعملى اى حاجة
فرحان وانت قايم تصلى قيام فى عز البرد
فرحانة وانتى بتلبسى نقابك فى عز الحر
فرحانة وانتى بتتخلى على اى حاجة وبتلبسى واسع عشان ترضى ربنا
فرحان وانت نازل تصلى الفجر وكل الناس نايمة وانت ورااك شغل بدرى



بس حرييص وفرحااان...



سعيد بالطاعة
سعيد بالحب اللى ملا قلبك
حب عرف قيمة اللى خلقك...



ياااااااااااااااه
انتم ناسيين ياجماعة ولا اييييه؟؟؟
ناسيين الايام الحلوة
احلى ايام حياااتك...
نسيت اللهفة والشوق ..والجرى على الطاعة
ايااام التوووبة
ايااام الرجوووووع
اول مرة قلت فيها تبت اليك يياااارب
اول مرة صليت فيها قياااام...
اااااااااه
حسييييت
افتكررررررت
شميت الريحة بتاعة الايام دى
ايام الطهر والرجوع والرااحة
والقلب اللى رايح على اللى خلقه...

اول مرة صمت تطوع...اول مرة صليت الفجر
اول مرة لبستى حجاااب
فاكرين الايام الحلوة دى
ايام الحاجة اللى كانت بتتعمل اول مرة بحب..عشاان خاااطر ترضى ربنااا...




يااا على الاحساااس
كان فى احد الصالحين كان بيقول دايما
واااااه يا ايام البدء...


تفتكر مين اللى خلاك تعمل كده
تفتكر مين اللى رجعك ليه؟؟؟
مين اللى خلاك تعرف طريقه؟؟؟
مين اللى قومك علشان تصلى بالليل؟؟؟
مين اللى خلانا نتجمع دلوقت كلنا علشان نتكلم عنه؟؟؟


مين؟؟؟
ربناااااا

ايوة ربك يااخى
يااا على قلبك
يا على قلوبنا اللى بقت قاسية وبعيدة عن اللى خلقها


يالا بقى ..يالا بقى قووووم
اشحن قلبك بقى


املا قلبك بحب الله
والخضوع لله والذل لله
انا عايز كل سجدة تبقى رسالة حب لله
كل ركعة..كل دمعة شوق وحب لله مش لحد تانى...
كل تسبييييحة بتسبحها تهتف وتقول بحبك يااارب...




الرسول صلى الله عليه وسلم كان يقول ان عينى تنام ولا ينام قلبى...


يااااااا
قلبه مش قادر يبعد عن ربنا
مش قادر يشوف حب غير حبه...


يالى مالية حياتك بميت الف شكل ولون من الحب
حب واحد ولا حب فلوس ولا حب عربيات ولا حب شقق ولا حب موبايلاات ولا حب لبس...
اييييييييييييه...
ايه ده كله؟؟؟


ده الرسول كده لما كان بيبقى مع امنا عائشة رضى الله عنها حبه وحب قلبه
كان يبقى قريب منها كده وبعدين يقولها ذريينى
ذرينى ياعائشة
ويقوم يناجى الله باحلى الكلمات حتى تفيض عينه
الدموع تبلل لحيته وهدومه والارض اللى واقف عليها
ايه ده كله...


ياجماعة ياخواتى
الخوف من ربنا هيخليك تسيب حاجات
اما حب ربنا هيخليك تعمل حاحات...
شفت الفرق بقى...


مستنى ايييه؟؟؟
اسمع ربنا وهو متنزل ليك فى التلت الاخير ويقولك ..هل من تااائب فاتوب عليه
هل من مستغفر فاغفر له
هل من سااائل فاعطيه...


اييييه؟؟؟ ايه القلوووب دى...
ربنا بيتنزلنا عايزنا نرجعله..تخيل ان السنة اللى فاتت بس نزلك 365 مرة..سنة واحدة...وهينزلك النهاردة تانى وبكرة...كل ده..

كل ده لينا يارب..ليه الحب ده كله..ليه الرحمة دى كلها...ليه العطاااء والسعة دى كلها يارب
لنا ده كله يارب...احنا نستحق ده


لو خلقتموهم لرحمتموهم
عجبا لنا...عجبا لامر قلوبنا


الهدف ياجماعة من الكلام ده كله..ان عايزين ربنا وحب ربنا يبقى اغلى حاجة فى حياتنا
انا هلتزم علشان بحب ربنا
انا هتجوز علشان بحب ربنا
انا هربى اولادى صح علشان بحب ربنا..


ومتخافش لما تحب ربنا هيخليك تحب اى حاجة انت عايز تحبها
هيخليك شايف الكون ده كله عبارة عن رسالة حب ورحمة..
هيفتحلك قلوب كل اللى نفسك انهم يحبوك
هيخليك عبده وحبيبه ووليه


يابنى شوف كده البنت لما يجى خطيبها مسافر رغم انها شافته مرتين بس ولا حاجة..جه خطبها ومشى..يعنى لسه معرفتهوش..لاهو اخوها ولا ابوها...شوف العياط والحالة اللى بتبقى فيها
ليه ده؟؟؟
ربنا امر خلااص
قذف الحب والرحمة فى القلوب..علشان دى حاجة صح ولله وفى طاعة الله
مش حب حرام...


ولا شوف الزوجة اللى لسه تبقى متجوزة مكملتش شهر لو جوزها تعب تفضل طول الليل جنبه وهو نايم تعمله كمادات وعلاج..بالرغم انها مكانتش تعرف تعمل حاجة فى بيتهم..

مين اللى قذف الحب والرحمة ده فى القلوب
قذفه اللى انت بتحبه
خلاك تحب كل اللى نفسك تحبهم

الرسالة وصلت طبعا...

ياجماعة متفكرش ان اى نعمة اتاخرت عليك اتاخرت عشان ربنا بيكرهك
لا والله ده حب وفضل من الله...

شوف مثلا البنت ولا الشاب اللى لسه متجوزوش..ده ياحبيب قلبى فضل وخير...
ربنا عايز يديك اجمل هدية..بس لما تبقى قدها
بيكبرك ويربيك


شوف سيدنا موسى
كل اللى عمله راح سند على شجرة وقال ربى انى لما انزلت الى من خير فقير...
لجا لله
حب الله
افتقر لله
عرف ان حياته اساسا ترتيب من ربنا...

ايه اللى حصل بقى؟؟


جائته احداهما تمشى على استحياااء


الدنيا هتجيلك ماشية على استحياء...
الشغل هتجيلك ماشى على استحيااء...
الجواز هتجيلك ماشى على استحيااء...

واحدة واحدة ياجماعة
ربنا ادرى بالتوقيت الصح للنعمة


تخيل حب ربنا ليك لما يقول مثلا
ان اللى ياكلك ولا يشربك لو انت محتاج ..هيتعلمه غرف يرى ظاهرها من باطنها فى الجنة
تخيل ان اللى يفرحك ولا يسعدك يبقى عمل احب الاعمال الى الله
مش احب الاعمال الى الله سرور تدخله على قلب مسلم
حبه بقى ..حب ربنا بقى ..اعرف قدره ونعمه
لو عرفت نعمه هتحبه

ياجماااعة..يااخوااانا
ده فى ناس حابة لقاء الله رغم ان عارفة ان ده معناه الموت
فى ناس بقى القيام عندها اهم حاجة فى حياتها
فى ناس بقت بتمشى وسططينا وتروح شغلها وتقعد مع ازواجها وتلعب مع عيالها
ولكن قلوبها معلقة
ايوة متعلقة فى حتة معينة مش قادرة تخرج منها
رجل قلبه معلق بالمساجد


ياااااااااا
فى حب كده فى الدنيا
مش شايف حاجة غيرك يارب
مش قادر اعمل حاجة غير ليك يارب
انا عارف انى طولت عليك وانت بتدعى عليا دلوقت
بس سامحونى ياجماعة...

عايزين حب ربنا يملا كياننا يملا روحنا..يوصل لاصغر حتة واصغر خلية موجودة جوه مننا..

ربنا اللى كبرك وقواك..
واول ماعرفت تقف على رجلك روحت لطريق غير طريقه!!!


ربنا اللى اداكى الجمال وسترك وامر بسترك
واول حاجة عملتيها فتنتى بنعمه خلق الله!!
بارزتيه بالمعاصى
بارزتيه بالنعمة اللى هو اديهالك..


سامحنا يارب
سامحنا على تقصيرنا...

انا حدى شوية توصيات ان شاء الله تبقى بداية عهد جديد مع ربنا
كلناهنتعلمها...
اوعى تقول مينفعش..ده حاجات بسيطة اوى ان شاء الله
ياجماعة انا كنت اعرف ولاد حياتها اتغيرت بعد ماحبت بنت..يعنى خلق من عبيد الله..ابتدى يذاكر ويصلى ويشتغل..ليه ده يابنى ..يقولك عشان بحبها
امال لو حبيت الخالق بقى هتعمل ايه؟؟


اول حاجة عايزن نعملها ان شاء الله نصلى النهاردة قيام ليل..ان شا الله ركعتين..
اقوله يارب ياحبيبى انت بتحب اللى بيقوم الليل..اناهتنازل عن رغبتى وشهوتى ونومى واقوملك يارب..

يارب انت بتحب سبحان الله وبحمده سبحان الله العظيم..انا لسانى طول الاسبوع ده مش هيبطلها هبتدى من دلوقت اهو
اتفضل قول بقى...

يارب انت بتحب التوابين والمتطهرين..طول مانا قاعد حقول تبت اليك ياربوهفضل دايما على وضوء..

انت بتحب خلوف فم الصائم..هصوم اتنين وخميس وهداوم عليهم ان شاء الله
كل حاجة بعملها هاخد نية انى بعملها بحب الله...

هرضى ابويا وامى عشان حبك..
هرضى زوجى عشان حبك..
هاكل واشرب عشان اقدر اعبدك..
هنام على طاعتك واقوم على طاعتك...
هربى ولادى على حبك..
هلبس اللى يرضيك..
كل حياتى هتبقى ملكك ولييك...

اللهم ارزقنا حبك وحب من يحبك وحب كل عمل يقربنا الى حبك
دمتم فى حب الله وطاعته...

اصل الواحد لو قعد يتكلم عن حب ربنا هيفضل ليل ونهار الى ان يشاء الله...


جزاكم الله خير وربنا يحبكم جميعا
بحبك يارب...


الرجوع الى أعلى الصفحة اذهب الى الأسفل
دعاءdody
مشرفة
مشرفة


انثى
عدد الرسائل : 6252
العمر : 29
تاريخ التسجيل : 18/07/2008

مُساهمةموضوع: رد: حب ربنا علامه فى حياتك!!!!!1   الثلاثاء مايو 05, 2009 6:33 am


اللهم ارزقنا حبك وحب من يحبك وحب كل عمل يقربنا الى حبك


امين يارب العالمين

موضوع اكتر من رائع ياحور

جزاكى الله خيرا


_________________
الرجوع الى أعلى الصفحة اذهب الى الأسفل
حور الدنيا
مشرفة
مشرفة


انثى
عدد الرسائل : 222
العمر : 28
تاريخ التسجيل : 06/01/2009

مُساهمةموضوع: رد: حب ربنا علامه فى حياتك!!!!!1   الأربعاء مايو 06, 2009 1:26 am


جزاكى الله خيرا
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: حب ربنا علامه فى حياتك!!!!!1   الأربعاء مايو 06, 2009 8:14 am

فعلا يا قمر موضوع اكثر من رااااااائع فعلا

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
 
حب ربنا علامه فى حياتك!!!!!1
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتـداكـــــــــــــــــــــــــــــــــــــــم :: الارشيف-
انتقل الى: