الرئيسيةالتسجيلدخول

شاطر | 
 

 حوار دار بيني وبين طفلة من أطفال الشوارع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: حوار دار بيني وبين طفلة من أطفال الشوارع   الجمعة مايو 15, 2009 9:20 pm

خرجت من باب الكلية منتظراً زملائي ...
واثناء انشغالي بالموبايل سمعت طفله تقول لي هات ربع جنيه
بصتلها وكان البؤس ظاهر علي معالم وشها
المهم قلتلها اسمك ايه قالتلي اسمي حبيبه
بقلها علي فكره اسمك علي اسم بنت خالي فابتسمت
بقلها عاوزه الربع جنيه ليه ياحبيبة
قالت هجيب بيه حاجه
قلتلها طيب متيجي معايه اي محل وانا اجيبلك كل اللي انتي عاوزاه قالتلي لا
قلتلها طيب انتي في مدرسه قالت لا
طيب والدك بيشتغل ايه قالت بيشتغل في الزباله وعنده عربيه بحصان
عندك اخوات ياحبية قالت اه واخويه محمد اهو بيشحت هناك
قلتلها ممكن تناديله قالت ثواني هروح اجيبه
بعد ما جه قلتله اذيك يامحمد بقله انت مش بتشتغل ليه يامحمد
قالي انا بشتغل في ورشه
بقله بتاخد كام قالي باخد 60 جنيه في الاسبوع قلت في نفسي انت اغني منيVery Happy
بقله اخواتك التانيين شغالين قالي اه في الورشه
بحسبه بسيطه كده دخل اخوات حبيبه بس ممكن يوصل ل 800 جنيه!!
طيب ياحبيبة انتي و محمد بتشحتوا ليه
محدش رد
قلت لمحمد روح انت وسيبلي حبيبة
المهم مشي وكملت مع حبيبة
بقلها والدك بيضربك قالت اه
بقلها بيضربك ازاي
قالت بالسوط بتاع الحصان
قلتلها بجد
قالت اه
ووريتني اثار الضرب علي ايديها
بصراحه شتمت ابوها في سري لأني بتضايق جدا لما اشوف أب بيضرب أولاده
المهم بقلها وامك بيتعامل معاها ازاي
قالتلي بيزعقلها كتير وساعات بيضربها
طيب هو بيعمل كده ليه .. انتوا بتضايقوه
قالت لا
بقلها امال ايه السبب
قالت علشان نشحت
سكت شويه وبصيت في عنيها
وبعدين طلعت فلوس من جيبي واديتهالها
بقلها سلميلي علي محمد اخوكي
قالتلي حاضر
طبعا اصحابي كانوا وصلو
قلتلها عاوزه حاجه ياحبيبة قالتلي عاوزه سلامتك
------------
بصراحه ياجماعه البنت صعبت عليه جدا لدرجة اني فضلت متنكد طول اليوم , والي الان وبعد مرور اكثر من 6 شهور علي الحوار ومع ذلك متذكره الي الان

والله منا عارف اقول ايه!!

رأيكم ايه في الظاهرة دي؟؟؟
الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: حوار دار بيني وبين طفلة من أطفال الشوارع   الجمعة مايو 15, 2009 11:38 pm


والله يا سعد انت اثرت موضوع مؤسف وبيسبب الحزن للغايه
انا برضه في مره من المرات الترم اللي فات كنا خارجين من امتحان قواعد بيانات بتاع السكشن
تقريبا وكنا بنخرج متاخر بعد المغرب كده واثناء سيري في الشارع اللي قصاد الكليه مع زميلتي فوجئت بشخص بيجري ورا طفلتين بسوط وهما بيجروا ويستنجدوا بالناس لاول وهله انا افتكرته مجنون ومحدش من الناس ساعدهم
واتخضيت جدا وبصراحه خفت ولكن اكتشفنا انه بيضربهم وانهم من اطفال الشوارع
بصراحه اول مره في حياتي اشوف كده على ارض الواقع والموقف اثر فيا جدا

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
تولين
عضو ملكي
عضو ملكي


انثى
عدد الرسائل : 1094
العمر : 27
تاريخ التسجيل : 19/12/2008

مُساهمةموضوع: رد: حوار دار بيني وبين طفلة من أطفال الشوارع   السبت مايو 16, 2009 2:56 am

فعلا ظاهره موسفه اوى

ازاى اب يضرب ولاده الاطفال ابرياء الى ليهم حق انهم يلعبوا ويتعلموا

انهم يشحتوا
فعلا ما عندوش قلب

والله الواحد بيزعل عليهم اوى

لو بايدى كنتى خدت الاطفال دول وعيشتهم معاى
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: حوار دار بيني وبين طفلة من أطفال الشوارع   السبت مايو 16, 2009 4:28 pm


ههههههههههه
احمد ربنا ان الواد مشتمكش يا سعد ياعم مصر كلها بقت بتشحت طيب على الاقل الواد ولا البنت
اللى انت اتكلمت معاهم دول احسن من ناس كتير لان دول اللى معاهم بيدهم واللى ممعهوش بيمشى الدور والباقى على الناس اللى جو الحرم الجامعى دول هم الشحطين بجد قمة قلة الادب لما دكتور يقول اللى هيشترى الكتاب هينجح واللى مش هيشترى هيسقط الدكتور اللى هو المفروض من ورثة الانبياء والطلاب على دين اساتذتهم لما الدكتور يبقى بالطريقة دى هيطلع المدرس اللى بيدى درس خصوصى ويبتذ الناس والطبيب اللى يبقى عارف ان الراجل خلاص ايام معدودة ويقعد يخلية يكشف عندة مرة واتنين وتلاتة والامثلة متعددة دول فعلاً والله اللى يصعبو عليك لان اذا لما ينفع العلم صاحبة كان جهل ابن البادية خيراً من علمة
الرجوع الى أعلى الصفحة اذهب الى الأسفل
omnia
عضو ملكي
عضو ملكي


انثى
عدد الرسائل : 1176
العمر : 27
تاريخ التسجيل : 20/03/2008

مُساهمةموضوع: رد: حوار دار بيني وبين طفلة من أطفال الشوارع   السبت مايو 16, 2009 7:27 pm


حاجه والله تحزن
فيه اب يضرب اولاده علشان الشحاته
والله ربنا يستر الناس اتجننت
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: حوار دار بيني وبين طفلة من أطفال الشوارع   السبت مايو 16, 2009 8:14 pm

من لايرحم الناس لا يرحمه الله
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: حوار دار بيني وبين طفلة من أطفال الشوارع   السبت مايو 16, 2009 10:00 pm

شئ مؤسف للغايه
بس دي مش ظاهره واحده دي ظواهر كتيييييييييييييير جداااااااااااااااااااااااا وماسي بجد
اب بيعامل مراته وولاده وبيضربه بالكرباج
اب حرم ولاده الاطفال الابرياء من حقهم في التعليم وحقهم في الحياه زي اي اطفال تانيه
اب نزل ولاده شغل من سن صغير
اب بيعلم ولاده التسول بدل ما يعلم شيء مفيد يفيدوا بيه نفسهم او اللي حواليهم
الاب ده اقل شئ يقال عليه انه مجرم في حق نفسه وولاده والمجتمع كله
ربنا يرحمنا برحمته
الحمد لله علي نعمه الاهل الطيبين

_________________
[ندعوك للتسجيل في المنتدى أو التعريف بنفسك لمعاينة هذه الصورة]



ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
 
حوار دار بيني وبين طفلة من أطفال الشوارع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: