الرئيسيةالتسجيلدخول

شاطر | 
 

 عشان انت مصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: عشان انت مصرى   الأربعاء يونيو 03, 2009 9:25 am


عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
الرجوع الى أعلى الصفحة اذهب الى الأسفل
لوجى
عضو نشيط
عضو نشيط


انثى
عدد الرسائل : 126
العمر : 27
تاريخ التسجيل : 10/04/2009

مُساهمةموضوع: رد: عشان انت مصرى   الخميس يونيو 04, 2009 12:17 am

بعد الى انا سمعته
تحيا جمهوريه مصر العربيه
يعيش بابا حسنى وماما سوزى
بالذمه حد يقدر يقول غير
الرجوع الى أعلى الصفحة اذهب الى الأسفل
دعاءdody
مشرفة
مشرفة


انثى
عدد الرسائل : 6252
العمر : 29
تاريخ التسجيل : 18/07/2008

مُساهمةموضوع: رد: عشان انت مصرى   الخميس يونيو 04, 2009 5:36 am


ههههههههههه
ياعينى عليك ياتايجر

دا كلة هيحصلك بعد اما تتجوز


بس قصيدة جميلة وفعلا هى دى الحقيقة

_________________
الرجوع الى أعلى الصفحة اذهب الى الأسفل
سمسمة
مشرفة
مشرفة


انثى
عدد الرسائل : 4401
العمر : 27
تاريخ التسجيل : 03/07/2008

مُساهمةموضوع: رد: عشان انت مصرى   الخميس يونيو 04, 2009 5:45 am


مش انت اللى مصرى؟؟؟ جتك القرف
هههههههههههههههه

الله يسمحك

جميل ياتايجر

_________________
لا تتعجب إذا رأيتني أضحك يوماً وأبكي
يوماً ... فأنا كالورد ... يومـًا أزين
عرسـًا ... ويوما أزين قبراً.....
----------------------------

من السخيف جداً .. أن تجد أناساً يستغلون طيبتك
ويعتقدون انك ساذج ،، وأنت تعلم بما يفكرون به ،، ومن المضحك انك تجدهم فرحين
ظناً منهم انهم استطاعوا القيام بشيء...
--------------------------
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: عشان انت مصرى   الخميس يونيو 04, 2009 7:58 pm

القصيده حلووووووووووووووه وتنقد الواقع فعلا
بس ليا تعليق احنا اللي عملنا كده مش حد تاااااااااني
الواااااااااقع ده للاسف احنا اللي عملنا بحاجات كتييييييييييييييير اووووووووووووي
اهمها سلبيتنا

_________________




ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: عشان انت مصرى   السبت يونيو 06, 2009 3:20 am

لوجى قالت بالذمة حد يقدر يقول غير
وملحقتش تكمل ياعينى تلاقى امن الدولة خدها دلوقتى
هههههههههههه
ويا دعاء شايفة دى نهاية اى واحد يجوز لازم تبقى حياتة كدا
ويا سمسة الله يسامح اللى خلانا كدا (واية اخبار البوفية ^_^)
ويا ضوء كلامك صح ربنا لما اتكلم على فرعون قال (فاستخف قومه فاطاعوه انهم كانوا قوما فاسقين) يعنى لولا ان قومة كانو ناس معندهمش اردة مكنش عمل فيهم كدا وزى ما بيقولو يا فرعون اية فرعنك ملقتش حد يلمنى
الرجوع الى أعلى الصفحة اذهب الى الأسفل
golden flower
مشرفة
مشرفة


انثى
عدد الرسائل : 2517
العمر : 28
تاريخ التسجيل : 28/04/2008

مُساهمةموضوع: رد: عشان انت مصرى   السبت يونيو 06, 2009 4:29 pm


عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى


الحمد لله الذي لا يحمد على مكروه سواه

شكرا يا تايجر

_________________
http://gflower.computality.com/
الرجوع الى أعلى الصفحة اذهب الى الأسفل
 
عشان انت مصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتـداكـــــــــــــــــــــــــــــــــــــــم :: الارشيف-
انتقل الى: