الرئيسيةالتسجيلدخول

شاطر | 
 

 وعلي ايه كل دا !!!!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
زائر
زائر



مُساهمةموضوع: وعلي ايه كل دا !!!!   الجمعة يونيو 12, 2009 3:10 pm


صلو ع النبي بقي يا جماعه كدا واحده واحده


اولا : حصل و قولت اني مبقتش اشارك بسبب عضو رزل عارف نفسه وانا قولتله ان انت السبب


دخلت الفتره اللي فاتت لان بحس ان وجودي بينشط اعضاء كتير معانا هنا


بعدين موضوع تايجر دا نزل ف االشكاوي ودخلت عضو غيرت مسار الموضوع


واستظرفت عليا


لما جيت رديت مدير المنتدي حذفلي ردي ب حجه انها مش ف مكانها وانها خارج نطاق الموضوع


بالرغم من ان رد العضوه دي كان لا يمت للموضوع ب اي صله


الرد التاني كان ف المناقشات هنا و ف الالعاب


وطلعنا انا برضوا اللي غلطان عشان واحده بتقولي انت مش هتخرج من الدايره اللي انت فيها دي


لما جه يرد قفل الموضوع وبيقول لو انتي شايفه ان حد دايقك قوليلي


----------------------------------------------


الاخت نور كلامنا مش لازم يبقي كله يا حبيبتي و يا عسل ويا سكر ويا روحي ويا عقلي


انا ولا خطيبك ولا جوزك ولا والدك ولا اخوكي الكبير ولا حتي تقربيلي ب اي صله غير اني بعتبر انك عضوه مؤثره هنا


يعني م الاخر مش هفرض رأيي عليكي


ولا هقولك اعملي كذا ومتعمليش كذا


انا بقول رأيي وانتي تقيمه مش تقيميه انتي حره

-----------------------------------------------------------------

مدير المنتدي كلمه مني ليك


متجاملش حد علي حساب حد


----------------------------------------------------------------------


المنتدي كله


انا رأيي لو احتفظت بيه ل نفسي ف الوقت دا يبقي احسنلي


اولا : مضيعه وقت

ثانيا : بتزعل الناس مني

ثالثا : كل واحده ما بتصدق تدور علي حاجه تتقمص منها

رابعا : لولا وحياه ربنا الناس اللي اكلت معاها عيش وملح انا كنت ريحت دماغي من زمان اوي

زيي زي الناس اللي ريحت دماغها وانتو عارفينها كويس

طالما كلمه منتدي مش بتطبق ف كل الاحوال


احنا بعد كدا نحط الموضوع ونقول


ايه رأيكم ف شغل المرأه ؟ اه جميل لذيذ ومالو ميضرش انتو بنات زي السكر وعساسيل و زي القمر والتررم

----------------------------------------
صدقوني الناس اللي تعرفني كويس وبتكلمني علي الايميل يعرفوا اني دماغي ف حته تانيه خالص


ولاقيت نفسي هنا بس المشكله اني بحب الناس اللي هنا اوي



اخ سعد متتعبش نفسك فيه وحياه ربنا اماكن صدقني تقدر رأيك اكتر من هنا


--------------------------------


اسمع بقي كلام اخوك الصغير وعشان تبقي محبوب من الناس كلها هلس تعش


بلا مناقشات بلا بتنجان احمر


احنا ف الاخر طلعنا نشاذ والناس دي كلها صح واحنا غلط ف الاخر


تعالي يا عم نروح نحدف علي بعض بطيخ و احطك تحت القطر و عد ل 5 و اشد عليك السيفون و حركات اخر جمال


ونحتفظ برأينا ل نفسنا ع الاقل اننا عارفين ان دا اللي اهلنا ربونا عليه وان دا الصح
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: وعلي ايه كل دا !!!!   الجمعة يونيو 12, 2009 3:41 pm

يا سويت المواضيع مش المفروض
تتاخد قفش كده
لازم يا جماعه يكون في راي والراي الاخر
عشان كلنا نستفيد
ممكن من النقاش انا اتعلم
حاجه تكون تايهة عني
او حاجه انا كنت فهماها غلط
مش غلط ان الواحد يتعلم من غيره
وبعدين لو حد علق ع رد اكيد هيكون ده
مش بهدف السخريه لا ممكن نتحاور مع بعض
لحد ما نوصل لنقطه كلنا متفقين عليها
او لو كل واحد مقتنع برايه
يبقي خلاص بس برضه من غير زعل
يا جماعه لازم نحس بروح الاسره
اللي كلنا بنحب بعض وبنخاف علي بعض
وبنراعي مشاعر بعض


والاختلاف في الراي لا يفسد للود قضيه
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 3:48 pm

انا مش فاهم حاجه
الرجوع الى أعلى الصفحة اذهب الى الأسفل
manal
عضو ملكي
عضو ملكي


عدد الرسائل : 1069
تاريخ التسجيل : 04/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 4:09 pm

تمام يا نبض هو دا اللى كنت هقوله بالظبط
شكرا لكى

بجد يا جماعة نفسي احس ان احنا شباب متعلمين 

نفسي احس ان احنا هنقدر نغير صورة العرب والمسلمين 

مش معنى ان غيرى مختلف معايا فى الراى 
ان هو اصبح عدوى 
ونرد على بعض ونثبت وجهة نظرنا من غير تجريح 

وكمان اللى قدامى اقتنع براى اقتنع ما اقتنعشي هو حر 

نفسي نبطل سياسة انى لازم اثبت انى الصح 

 انا ممكن اكون معتقده حاجة تطلع غلط 
ليه ما اصححهاش

بجد انا اكتر قسم بحبه النقاش الجاد 
لانى بتعلم من كل راى 

ويا سويت مش معنى انى رديت وقلت اسلوبك ما كنشي ظريف ف الرد 

انى زعلت منك لا
يا جماعة انا بتعامل على ان احنا اخوات انا لما اشوف اخويا غلط ف حد من واجبى انى انبه لكدا 
وانا قلت يا سويت ان انا عارفة انك صح

الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 4:27 pm

انا هرد عن نفسي وعن ردودي
اولا أبدأ بالعقرب اللي قال : ياريت ياسعد تقلل الهزار في ردودك
ياعقرب لو سعد اتكلم جد اوي تقلبوا كلكم بطريقة غريبه .. ولو هزرت شويه صغيره الاقي ردك ده

في ردي علي موضوعك اللي انت قفلته انا مغلطتش في حد ولما قلت لنور اني بهزر
فهزاري كان داخل سياق الموضوع يعني مش هزار مخل لسياق الموضوع

ياريت ياعقرب بجد تبطل مجاملات علي حسابنا وطالما مش عاوز تسمع اراء غيرك في موضوعك يبقي متكتبش موضوعات من الاول وبعد كده تقفلها بدون مبرر

ارجع لمنال .. منال قالت بدون تجريح
مين قال ان كلام سويت والا كلامي فيه تجريح اصلا؟
الكلام اللي اتقال اتقال بصفه عامه يعني الراجل مقصدش التجريح لشخص بعينه

كلمة تجريح كلمه كبيرة اوي يامنال

اروح لنور
انا راجعت ردي علي نور اكتر من 10 مرات قبل ما ابعته متصورتش يكون ده رد فعلها
ولنفترض ان ردي معجبهاش انا برده ردودها في الموضوع ده معجبتنيش
لكن رد فعلها كان جميل وحلو ,..ده حتي العقرب مدير المنتدي مخدش باله منه ولا منال
وبالذات الحته بتاع اللي مش عاجبه يخبط دماغه في الحيطة

انا حاولت اغير نبرة الشده بتاعتي شويه علشان متزعلوش زي الاول
لكن سوري بقي انا هتكلم بطبيعتي

وبعدين عاوز اقول لنور اني بتكلم عموما وسواء انتي اقتنعتي او حتي مقتنعتيش فده ميهمنيش في حاجه
وبرده عدم اقتناعي برأيك ميهمكيش في حاجه
المهم اني رأيي ده هيمشي علي البنت اللي تخصني مش انانية مني ولكن احتراما ليها وحفاظا عليها
----------

كل واحد متخيل ان رده فوق مستوي النقد وكأنه قرآن منزل!

ياريت ياعقرب بما إنك مدير المنتدي تكون محايد اكتر من كده طالما حطيت الموضوع
ياتقول رأيك بكل صراحه ياتسيب الموضوع بدون ما تقفله بدون مبرر او مكنتش كتبته من الاول

نبض بجد ردك ممتاز وعجبني جدا ورأي منال ممتاز برده
الرجوع الى أعلى الصفحة اذهب الى الأسفل
manal
عضو ملكي
عضو ملكي


عدد الرسائل : 1069
تاريخ التسجيل : 04/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 4:42 pm

اولا يا سعد انا اخت بالى من كلمة نور بتاعة اللى مش عجبه يخبط راسة فى خمسميت حيط
بس هى ردت كدا على اساس اسلبكوا
وانا عارفة انى هى غطلت فى كدا
ويا سعد انت قرات ردى فى الموضوع 
اي شله بنات عايزه تعمل اي منظر
انتو صنف يعل

البنت بتشتغل عشان تنخطب وتتجوز ساعة ما بتتجوز خلاص الحمد لله الذى رزقنا هذا 

لا فعلا يا نور انتي بتعرفي تحبي اوي هبقي اجي اخد عنك دروس ف الحب ل سنه 2009 )

هو دا هو ممكن يكون من وجهة نظركوا مش كلام تجريح 
بس قولت انتوا بتكلموا بنات 
ممكن تقولوا عقلنا صغير 
مش هعرضك لان الرسول علية الصلاة والسلام قال كدا 
النساء ناقصات عقل ودين 
بس مش ان ربنا انعم عليكوا بالعقل الكبير انكوا ما تعملوش حسبكوا على حاجة زى دى وانتوا بتكلموا البنات دى نعمة ربنا اداها ليكوا واعتقد ان ابسط حاجة تعملوا عشان تشكروا ربنا على النعمة دى انك تراعوا البنات وما تحولوش كل شوية تجرحوا فيهم ولو اتكلمنا وقلنا السبب تقولوا عقلكوا صغير 
اوك 
اما بالنسبة للراى 
انا عارفة ان رايك انت وسويت صح وان المراة مش ليها غير بيتها وزوجها وان كل دقيقة فى حياتها من حق زوجها وبيتها واولادها 
انا ناوية اشتغل بعد اما اخلص وان شاء الله لما اتخطب ناوية انى اشرط على اللى هيكون من نصيبى ان هعقد بعد الجواز لانى مقتنعة تماما ان المراة من حق بيتها وزوجها واولادها 
هتقول لى انتى اللى هتشطرطى هقول لك اه 
لان للاسف فى اولاد مش بيتقدموا للبنت الا اذا كانت شغالة واعرف ناس كتير كدا 


هو دا ردى انا عللت ليه احنا شايفين ان دا تجريح 
ايوة ياسعد اى بنت حساسة جدا واى كلمة ممكن تاثر فيها بالزعل حتى لوكلمة مش كبيرة من وجهة نظركوا 
اتمنى تفهم قصدى 
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 4:54 pm

يامنال ... انا مش بغلط نور لأني اساسا مش زعلان من ردها عادي جداً
---------
عاوزك يامنال تفرقي بين الكلام العام والكلام الخاص
يعني مثلا لو قلت ان اغلب البنات مش كويسين ... هل رأيي ده يزعل منال علشان هي بنت
لا طبعا
لكن لو قلت مثلا فلانه مش كويسه اكيد لو زعلت فليها كل الحق
--------------
والله انا مش عارف انتو بتحاربوا علشان تشتغلوا ليه ,, الشباب مش لاقي شغل وقاعد في البيت
انتوا بقي اللي هتلاقوا ؟

انا رأيي ان المرأة اللي شغاله علشان تساهم في البيت زوجها مريض نفسي ولا عنده نخوه ورجوله
وعادي بالنسباله لما زوجته تتبهدل في الشوارع علشان تجيبله كام جنيه ليه هو واولاده
المشاركه بين الراجل والزوجة اساه المعامله والموده والرحمة
مش كل واحد هيساهم بكام جنيه في البيت!!

سلام
الرجوع الى أعلى الصفحة اذهب الى الأسفل
manal
عضو ملكي
عضو ملكي


عدد الرسائل : 1069
تاريخ التسجيل : 04/12/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 5:10 pm

انتوا صنف يعل

اعتقد ان الكلام دا يخص كل واحدة

وكمان يا سعد انا اعيب على الانسان فى صفة فيه
لما يكون قادر يغير الصفة دى للاحسن

اما انى اعيب على حد على حاجة مش بايده انه يغيرها لان طبيعته كدا

دا اللى ما ينفعشي خالص
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: وعلي ايه كل دا !!!!   الجمعة يونيو 12, 2009 5:14 pm



بسم الله الرحمن الرحيم



انا قفلت الموضوع النهارضه الفجر ... بس كنت متاكد انى هقوم و الاقى

موضوع تانى فى نفس القسم بيناقش نفس القضيه



انا حاسس ان الردود اللى فوق دى مش بين اعضاء موجودين

فى المنتدى بقالهم اكتر من سنه بعض !

دى ردود ناس كل واحد بيتعمد يبين انه هو بس فى العالم ده كله

اللى صح .. و اللى تمام ... و اللى بيفهم

و اللى حواليه مجرد ناس ... ناشيئين يتعلموا منه !







الموضوع اللى فوق ده .. انا لما قريته ... جه فى بالى ردين مختلفين



الرد الاول : ممكن بسببه يبقى فيه بينى و بين سويت او سعد زعل

و انا عمرى ما هكتب الرد ده ... لان زى ما سويت قال اكلنا مع بعض

عيش و ملح و مش معقول رد فى منتدى هيسبب بينا اى نوع من انواع الحساسيه





الرد التانى : هو انى اقول يا جماعه ... انا لو عضو عادى كنت هاطلب من

مدير المنتدى انه يقفل الموضوع برضه



سويت و سعد .. ممكن يتصورا انى جاى عليهم و ظالمهم



بس يا شباب .. البنات اللى معانا فى المنتدى دول .. امانه فى رقابتنا

و لازم نكون اد ثقتهم فينا .. انهم اعتبرونا اخواتهم و دخلوا يتناقشوا معانا

و يقولو ارائهم !



و لو هتيجى علينا احنا مش مشكله !



انا بكتب الرد ده .. و متاكد مليون الميه .. ان كل الناس هتبص له على انه تحدى

و هبص الاقى واحد واخد جزء من الرد و بيعلق عليه

فى حين ان الرد ده مجرد توضيح لبعض الحاجات .. علشان ما نزعلش حد مننا

بدون قصد



و صراحة صعب اوى اوى .. ان واحد يقول يا جماعه انتم عندكم حق

و علشان كده انا مش مستنيها من اى حد انه يدخل يقولها

يكفى بس ان اى حد يقرا كلامى ده يحسه

و يعرف ان المنتدى هنا .. مش مجلس الشعب

ما هواش ساحة للحرب ..

انا مش هعلق على كلام سعد او سويت انى مش محايد

لانى وضحت النقطه دى فى اول كلامى





و فى النهايه هكررها



طول ما انا فى اداره المنتدى .. ان شاء الله مافيش بنت او ولد هيسمع كلمه

ما تعجبوش





ملحوظه :-

يا سويت انا لما حذفت لك ردود فى قسم النقاش .. حذفت برضه ردود للعضوه

اللى انت كنت شادد ادامها فى الكلام ... يعنى انا مش متحيز لحد







فى النهايه









عَنْ أَبِي مَسْعُودٍ الْبَدْرِيِّ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:



"حُوسِبَ رَجُلٌ مِمَّنْ كَانَ قَبْلَكُمْ فَلَمْ يُوجَدْ لَهُ مِنْ الْخَيْرِ شَيْءٌ إِلَّا أَنَّهُ كَانَ رَجُلًا مُوسِرًا وَكَانَ يُخَالِطُ النَّاسَ وَكَانَ يَأْمُرُ غِلْمَانَهُ أَنْ يَتَجَاوَزُوا عَنْ الْمُعْسِرِ فَقَالَ اللَّهُ عَزَّ وَجَلَّ: نَحْنُ أَحَقُّ بِذَلِكَ مِنْهُ تَجَاوَزُوا عَنْهُ".

أخرجه أحمدقال العلامة المباركفوري في "تحفة الأحوذي بشرح جامع الترمذي":

(إِلَّا أَنَّهُ كَانَ رَجُلًا مُوسِرًا ) أَيْ غَنِيًّا ذَا مَالٍ

(يُخَالِطُ النَّاسَ) أَيْ يُعَامِلُ النَّاسَ بِالْبَيْعِ وَالشِّرَاءِ

(أَنْ يَتَجَاوَزُوا عَنْ الْمُعْسِرِ) أَيْ الْفَقِيرِ أَيْ يَتَسَامَحُوا فِي الِاقْتِضَاءِ وَالِاسْتِيفَاءِ وَقَبُولِ مَا فِيهِ نَقْصٌ يَسِيرٌ

(بِذَلِكَ) أَيْ بِالتَّجَاوُزِ

(تَجَاوَزُوا عَنْهُ) أَيْ تَسَامَحُوا عَنْهُ.







ده حديث الرسول عليه الصلاة و السلام عن التسامح









اتمنى يكون كلامى ما زعلش حد



سلام

يا اخواتى


_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: وعلي ايه كل دا !!!!   الجمعة يونيو 12, 2009 10:39 pm


اانا لما كلمتك علي الايميل حذفت انت رد العضوه دي ؟

علي العموم يا محمود انت عارف ان الصداقه اللي بيني وبينك دي حاجه

والمنتدي هنا حاجه تانيه

وبالنسبه ل نور دي المره رقم مليار اللي تزعلي فيها من كلامي ف انا اتعودت منك علي كدا

منال انا قولت انتو صنف يعل منغير ما احط كلمات بين الاقواس

والهدف من اني احط الموضوع دا حاجتين اتنين

يأما يتغير الوضع وكل واحده تعرف انها بتتناقش

يأما يفضل الوضع كمان هوه عليه ويتناقشوا بقي مع مودي

انا عن نفسي مش هيحصل وادخل مناقشه تاني مع حد هنا غير الناس اللي بيعرفوا يعني ايه مناقشه

نسيبه و جولدن و انجل و بلبل و منال

دا ب النسبه للبنات الرجاله انا معنديش مشاكل مع اي حد فيهم

طبعا الجزء الباقي من الانسات فرحانين دلوقتي

بس انا اكتر كلمه تحرق دمي اللي يقول حتي لو بحبه هسيبه

ببقي نفسي اكسر الشاشه بتاعه الجهاز

بالله عليكم بلاش فتي
الرجوع الى أعلى الصفحة اذهب الى الأسفل
تولين
عضو ملكي
عضو ملكي


انثى
عدد الرسائل : 1094
العمر : 27
تاريخ التسجيل : 19/12/2008

مُساهمةموضوع: رد: وعلي ايه كل دا !!!!   الجمعة يونيو 12, 2009 10:52 pm

السلام عليكم

صلوا على النبى يا جماعه

فى ايه والله حاجه تحزن مش عارفه المنتدى جاراله ايه
كل اما ادخل فى قسم النقاش الاقى هزار تقيل اتقلب لحرب
وكلام وحتى فى الالعاب

مشاكل وكلام زى ما يكون فى حرب

مش نقاش محترم
وكل واحد يمسك التانى على الواحده
واى كلمه يقولها يقعد يعمم ويقول



النقاش يبقا براحه وتفاهم هيوصل الى نتيجه كويسه
لازم نطبق
ان الاختلاف فى الرأى لايفسد للود قضيه
اما دلوقتى بقا يفسد ويعمل مشاكل
وانا اول واحده كنت كدا
لانى كنت بشوف الموضوع من وجهه نظرى انا بس ومن خبرتى انا وظروفى
واكون مقتنعه اوى بالراى بتاعى بعد مده اما يحصل ظروف وتحصل مشكله
افتكر وجهه نظرى واقول لا انا كنت غلط انا ماكنتش فاهمه الموضوع كدا

وحتى لو رأى الى قدامى غلط مليون فى الميه
دا من وجهه نظرى انه غلط
اما من وجهه نظره انه صح


ومثلا فى النقاش لو واحده قالت رايها فى حاجه
دا رائها يعنى من وجهه نظرها بدماغها لانها بنت
اما لورأى واحد برضه وجهه نظره الى بتختلف لانه ولد
من الاخر العقول مختلفه
وربنا خلقنا مختلفين فى ارأنا
فلازم ارائنا نوضحها براحه من غير مانزعل حد مننا
واى حد مختلف مع التانى فى رايه
كانه غلط فى حاجه منزله
ويبقوا اعداء
الدنيا مش مستهله دا كله بجد

اما الى بيحصل دا ما ينفعش

احنا هنا كلنا اخوات
دا حتى الاخوات ممكن يخانقوا ويزعلوا اوى من بعض
بس فى الاخر اخوات ملهومش غير بعض
وليهم عشم فى بعض





سلام
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: وعلي ايه كل دا !!!!   السبت يونيو 13, 2009 4:00 am

بصو يا جماعة انا والله كنت عارف ان الموضوع دا هيثير خلاف كتير وكل واحد هيحاول يثبت عنترية على الحزب التانى بس دا مش مهم احنا ممكن نناقش اى موضوع فى الدنيا بس باحترام وباسلوب ناس كبيرة وناس متعلمة بحيث لما حد يقرا الموضوع من غير ميكون عارف الاعضاء يقول ان الناس دى ناس كبيرة لان لكل مقام مقال يعنى المفروض الكلام اللى يتقال فى المنتدى غير اللى يتقال فى الشارع انما فى الفترة الاخيرة الصراحة مستوى المشاركات لا يليق بمنتدى ناس المفروض انها متعلمة يعنى تلاقى كلمات كاننا فى الشارع (يرخم-طظ-وفى داهية -يعل-يخبط دماغة فى الحيطة) كاننا بالظبط فى الشارع فياجماعة ياريت ان اسلوب الحوار يكون ارقى من كدا شوية ونختلف مفيش مشاكل ولكن باسلوب يكون كويس وياريت من المشرفين اى مشاركة فيها كلام من النوعية دى يتحذف حتى ولو كانت المشاركة كويسة
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: وعلي ايه كل دا !!!!   السبت يونيو 13, 2009 6:03 am

يا جماعه والله
الموضوع مش يستاهل كل اللي حصل ده
يعني احنا لو بنحب بعض بجد
وحاسين فعلا اننا اخوات
اكيد هنقبل الكلام من بعض
ولو حصل وحد قال كلمه تزعل
اكيد هنحاول نخلق اعذار لبعض
ونعاتب بعضنا بطريقه كويسه
نحس بيها قد ايه احنا ناس جميله وبنقدر ونحترم بعض


فاذا اختفي العتاب بين الاصدقاء والاحباب
فكان هذا اذنا لهروب المحبه من القلب

فياريت ما نوصلش للدرجه دي
والانسان الاقوي والاجمل
هو اللي يسامح في حين انه ممكن ما يسامحش ويرد
الاساءه بالاساءه
ودي اكيد مش من اخلاق حد فينا


واحنا دايما نقول الاختلاف
ف الراي لا يفسد للود قضيه


فياريت نطبق الجمله دي فعلا ومش تكون كلام وبس

والمنتدي ما يبقاش منتدي غير بتواجد الاعضاء كلهم
يعني ما ينفعش حد يسيب المنتدي
احننا ممكن ناخد ع خاطرنا
انما نزعل من بعض ما ينفعش
وما ينفعش نتعامل مع بعض بالحساسيه الشديده دي



انا اسفه اني طولت عليكوا
بس والله انا زعلانه من الحاله اللي وصل لها المنتدي
لانه المكان اللي بقضي فيه احلي وقت
مع اجمل ناس
وفيه اتعلمت حاجات كتير رغم اني مش بقالي كتير ع المنتدي
بس حاسه انه حاجه اساسيه في حياتي
زيارب يارب الامور تهدي كدهونصالح بعض
ونعتذر لبعض عشان النفوس تهدي ومش تكون زعلانه من بعض
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: وعلي ايه كل دا !!!!   السبت يونيو 13, 2009 6:38 am


هيه فين دي النفوس اللي تصفي ؟


هوه احنا كنا بنتخانق ؟ يا بنتي مفيش حاجه


نور وانا متعود منها علي اللي اكتر من كدا


محمود وصاحبي ومقدرش استغني عنه


سعد الجزار ربنا يعلم انا بعزه اد ايه


مفيش اي مشاكل بيني هنا وبين اي حد


بس يا جماعه بلاش فتي


بالرغم انكم مسكتوا ف حاجات كتير ملهاش لازمه وسيبته حاجه مهمه اوي


بس مش مهم بالنسبالي عادي
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: وعلي ايه كل دا !!!!   السبت يونيو 13, 2009 7:02 am

هو ايه اللي بيحصل ده وليه ؟
ده كله عشان حاجات ممكن نعديها لبعض
ولا عشان موضوع اتقفل
ايه يا جماعه فيه ما تكبروا دماغكوا شويه
انتوا فاكرين المنتدي بالخناقات دي هيرجع زي الاول
ويا سويت مش معني اننا نختلف معاك في الراي اننا نتخانق معاك او نفرض عليك راينا زي ما انت بتعمل كل واحد حر
بجد انا دلوقتي اتضايقت مش منك بس علي الطريقه اللي انت بتتكلم بيها
بجد شئ مؤسف وحال الاعضاء اشد اسف

_________________
[ندعوك للتسجيل في المنتدى أو التعريف بنفسك لمعاينة هذه الصورة]



ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
عاشقة القمر
عضو ملكي
عضو ملكي


انثى
عدد الرسائل : 3788
العمر : 27
تاريخ التسجيل : 21/06/2008

مُساهمةموضوع: رد: وعلي ايه كل دا !!!!   السبت يونيو 13, 2009 8:35 am


انا اغيب يومين عن المنتدى يحصل ده كله

بس كل الى بتمناه فعلا
ان الاسلوب بس هو الى يتغير

اقصد اسلوب الحوار

وطريقه الكلام

لان زي ما قال تيجر
احنا هنا مش فى الشارع




وياريت يامورو
تنتبهى شويه لكلامك

_________________
[ندعوك للتسجيل في المنتدى أو التعريف بنفسك لمعاينة هذه الصورة]


السعاده حلم..والدنيا اماني
والدموع ترافق العين الحزينه
كل ما حولت اعدل فى زماني
قامت الامواج تلعب بالسفينه
الرجوع الى أعلى الصفحة اذهب الى الأسفل
raul
مشرف
مشرف


ذكر
عدد الرسائل : 1151
العمر : 28
تاريخ التسجيل : 05/11/2007

مُساهمةموضوع: رد: وعلي ايه كل دا !!!!   السبت يونيو 13, 2009 9:00 am


اولا السلام عليكم جميعا
انا عايز ارد على سويت وسعد بس
اولا فى موضوع شغل المراه انا متفق معاكم فى كلامكم بس
مش متفق معاك انكم توصلو فكركم بالطريقه دى
وسوال لسويت
هو انته بترد بالاسلوب ده عشان توصلنا انك مش بتجامل حد
ممكن برده ترد بسلوب كويس ماتجملشى حد وانا مش بقولك كده عشان اجامل والله العظيم
انا عمرى مابجامل حد
بس الى عايز اقلهولك ان دى مش ردود او ده اسلوب مناقشه
اساسا وبرده انته كمان يا سعد اسلوبك فى تريقه
كتير
يا جماعه انا عايزكم تبقوا واثقين انى مش بقولكم كده عشان اجامل او اتقرب لحد
قسما بالله انا قولت كده لانى فعلا ردودوك يا سويت مش كويسه
ياراجل على الاقل اعتبرهم اخواتك
واخير عايز اقولك انك تقول رايك بس باسلوب كويس
والى عايز يزعل منه يزعل
انا معاك فى كده قول رايك زى منته عايز
بس باسلوب كويس
وياسويت انته عارف انا بعزك ازاى
وربنا يهدى الجميع
الرجوع الى أعلى الصفحة اذهب الى الأسفل
mody
مشرف
مشرف


ذكر
عدد الرسائل : 3066
العمر : 23
تاريخ التسجيل : 29/08/2008

مُساهمةموضوع: رد: وعلي ايه كل دا !!!!   السبت يونيو 13, 2009 10:30 am

والله نفس الكلام اللى كنت هقوله
انا متفق مع رأى عاشقة ورؤول أوى
الرجوع الى أعلى الصفحة اذهب الى الأسفل
أمير الــــــــزمان
مشرف
مشرف


ذكر
عدد الرسائل : 1053
العمر : 28
الموقع : Monofia
تاريخ التسجيل : 05/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 12:55 am

الله الله الله الله
بجد أسلوب كلام جميل جدا جدا
والله الواحد أحسن حاجة فعلا يتفرج من بعيد
بالضبط زى ما أكون واقف بتفرج على خناقة فى الشارع
وخايف أروح أحوش أحسن سلاح يطلع أو أتشتم أو أى حاجة ..... إلخ
أية الكلام دة أنتوا عارفين أنى والله لو عارف أن دة أسلوب كلام واحد منكم
والله أنا ما كنت دخلت المنتدى أصلا من الاول
بس دى مش طريقة حد فيكم دى طريقة مصتنعة منكم بس مش عارف لية ؟ حد يرد علية
طب على الاقل ممكن تهزأ الى قدامك بس بكلام محترم بس مش بالكلام دة
الكلام دة ما ينفعش أصلا يتقال وأتحداكم انة كل الى أتكلم كلام مش حلو يتكلم كدة مع أختة أو
أخوة الكبير يأخى سبحان الله وأصلا موضوع من الاول ما يستهلش بيقولك قول رأيك
مش حلل رأيك وعلل وأتريق
والله أنا مش عارف على أية دة كلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل واحد مفكر نفسة بس هو الى صح وشغال على هذا الاساس والتانى يرد علية وهكذا
والله كنت ممكن تقول رأيك وبس اة تشتغل لان من حقها تشتغل والله لا مش هتشتغل علشان مش عاوزها
تطلع برة البيت أية بقة لزمة دى لو ركبت أتوبيس وكذا وكذا
أنت ما لكش دعوة والمشكلة فى أى كلام لينا هنا بنعمم بنعمم لية يعنى كل الستات الى بيشتغلوا
بيعملوا كدة لا أقسم بالله وانا بحلف بالله أهوو ان مش كلة كدة
أحنا كلامنا أحسن من كلام القرأن القرأن ما بيعممش خالص اتحدى اى حد أنة يجيب حاجة من القرأن
معممة





والله المفروض انت من كلامك بتعطى الى بتكلمة فكرة عن شخصيتك مش لازم تقول والله أنا مش كدة
والله أنا مش عارف أية ياعم أتكلم كويس وهو يعرفك من غير ما يقبلك ولا يشوفك حتى .
أنا مش هقول ياريت كلامى يكون ما زعلش حد لان بجد ما بقتش تفرق
هو أنتوا أصلا بتخافوا على زعل بعض لم حد يخاف على زعلكوا
يالة أحسن حاجة ان ما حدش فاهم حاجة
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:07 am


انا السبب .... Sad



انا اللى نزلت الموضوع من الاول


انا فعلا كانت عاوز موضوع سخن للنقاش .. ينشط المنتدى

بس الموضوع ولع فى المنتدى مش نشطه ! affraid


على العموم .. احنا تقريبا صلحنا الاوضاع ..
و باذن الله من الان ف صاعدا ان شاء الله مافيش اى مشاكل

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:08 am

برافوووووو برافوووووو برافوووووو برافوووووو



مع ان الرد جة متاخر اوى ياامير

بعد ما فضينا الليلة كلها خلاص

بس بجد

بحترم رايك جدا

وراي صح جدا وياريت كل الناس تفكر التفكير دا

شكرا امير

_________________
[ندعوك للتسجيل في المنتدى أو التعريف بنفسك لمعاينة هذه الصورة]


امحي زنوبك
من هنا

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
أمير الــــــــزمان
مشرف
مشرف


ذكر
عدد الرسائل : 1053
العمر : 28
الموقع : Monofia
تاريخ التسجيل : 05/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:13 am

ياريت يا عقرب
تحذف الموضوع الى سبب المشاكل دى كلها
لانى فى كلام بجد ما ينفعش حد يشوفة وشكرا
وربنا يستر بقة وفعلا أنت هتكون السبب لو سيبت كلام زى دة تانى يتكرر
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:24 am


الموضوع هيتحذف فورا يا امير
و ان شاء الله مافيش مشاكل تانى
و حذف الردود الغير لائقه مسؤولية كل المشرفين
مش المدير بس !

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
raul
مشرف
مشرف


ذكر
عدد الرسائل : 1151
العمر : 28
تاريخ التسجيل : 05/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:37 am

هههههههههههههههههههههههههههههه

جامد جدا يا امير
كلامك ميه ميه
ماهو برده الكلام ده مايطلعشى الا من الكبار
الكبير كبير
الرجوع الى أعلى الصفحة اذهب الى الأسفل
أمير الــــــــزمان
مشرف
مشرف


ذكر
عدد الرسائل : 1053
العمر : 28
الموقع : Monofia
تاريخ التسجيل : 05/11/2007

مُساهمةموضوع: رد: وعلي ايه كل دا !!!!   الأربعاء يونيو 17, 2009 1:47 am

ههههههههههههههههههههههههههههههههههههه
أحنا نيجى جنبك حاجة يا كبير
الرجوع الى أعلى الصفحة اذهب الى الأسفل
 
وعلي ايه كل دا !!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: