الرئيسيةالتسجيلدخول

شاطر | 
 

 يوميات خرووف قبل ما يدبح جاااااااااااااااااااااااامدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: يوميات خرووف قبل ما يدبح جاااااااااااااااااااااااامدة   الثلاثاء يونيو 23, 2009 8:39 am

يوميات خرووف قبل ما يندبح
جااااااااااااااااااااااااااااااااااامدة
happy2 happy2 happy2 happy2 happy2 happy2

--------------------------------------------------------------------------------

انا النهارده يا جماعة وانا فى قمة الاسف والالم
انا دلوقتى هانقلكم مذكرات الخروف اللى اديهالى قبل ما يندبح فى العيد
وانا فى قمة التاثر اتفضلوا


--------------------------------------------------------------------------------
الخروف يوم 29 ذو القعده
مرمى فوق السطح رمية الكلاب ومحدش بيبص فى وشه بقاله اكتر من سنه لما جاله اكتئاب من ساعه ما اتولد محدش بيعبره الا كل يوم الصبح يرمولو الاكل وهو ايه الاكل يا حبه عينى بخمسين قرش برسيم ياكلهم ويفضل مرمى فوق مبيعملش حاجه ولانت ولا كمبيوتر ولا حتى اصحاب ولا حتى تليفزيون اكل ونوم واكل ونوم والدنيا فاضت بيه وقال انا حاسس والله ان انا عبأ على الناس دى شوف البرسيم بقى تمنه كام النهارده وكل يوم ياكلونى بكام من ساعه ما اتولدت وكل ده بلا هدف ولا غرض الناس دى مخلصة قوى وبيحبونى حب انا مشفتش زيه بصراحه بس المثل بيقول ان كان حبيبك عسل متاكلهوش كله وكمان كل يوم برسيم كل يوم برسيم مفيش لحمه قصدى فول او دره او اى حاجه ترم العضم الواحد خس وعدم وبقى وشه قد اللقمه انا قررت انى انتحر لانى حاسس ان الناس دى تعبانه معايا كل يوم ياكلونى وانا مبعملش اى حاجه انا حاسس انى ملياش لازمه وكمان البرسيم جاب اجلى وبوظ معدتى وقربت ابقى حمار خلاص انا هنتحر بكره الصبح اول حاجه هعملها هنط من فوق السطح وكفايه بقى انا حملتهم زياده عن طاقتهم يبقى انا هروح انام الوقت عشان اصحى الصبح فايق واعرف انتحر كويس
يوم 1 ذو الحجه
الخروف ياااه ده انا راحت عليه نومه انا ورايا انتحار
الخروف خلاص وقف على السور بتاع السطوح وبيبص من فوق وقال الوادع يا دنيا مع السلامه وخلاص غمض عنيه ولسه خلاص هينط لقى صاحب البيت ومراته طلعو المهم قال استنى شويه اما ينزلوا لاحوا عليه بالكلام وصاحب البيت قال لمراته الخروف ده ماله خاسس كده انتوا مبتأكلهوش ولا ايه مراته قالتله هو البرسيم بس قالها لا مينفعش انتو تجيبوله فول ودره وتاكلوه كويس خلاص العيد قرب الخروف طار من الفرحه وقال اخيرا حس بالمعاناه بتاعتى انا فرحان بس ايه علاقة العيد بالاكل ايه ده معقول يكون قصده يوم العيد انهم هيـــ لا لا جوزونى معقول لا مش معقول هيــــجوزونىلا مش قادر اصدق ياهوووووو
اخيرا حسوا بالمعاناه اللى انا فيها احمدك يارب هترحم من قعده القهاوى والسنكحه مع الخرفان والاقى واحده احبها وتحبى وتشاركنى مشاعرى واحاسيسى النبيله شوية والفول والدره جم وصاحب البيت قدمهم للخروف وهو فرحان
وصاحب البيت بيملس على ضهر الخروف وبطنه والخروف يقول يا سلام على الحنيه والقلب الكبير ده انا لو ماما كانت عايشه مكانتش هتبقى احن عليه منك ربنا يخليك يا حبيبى ده انت طلعت بوب والله ربنا ميحرمنيش منك يا حاج حسين
يوم 2 ذو الحجه
الخروف حاسس ان الاهتمام زاد وكل شويه الاولاد يطلعو ياكلوه بنفسهم وفرحان قوى الحمد لله بقم بيحبونى دول بيعاملونى كانى واحد منهم مش ناقص الا ينيمونى فى حضنهم ويقدمولى فى المدرسه ويجيبولى كمبيوتر كمان
يوم 3 ذو الحجه
حركه فى البيت والاكل بيزيد والاهتمام بيزيد والخروف عنيه بتدمع من الفرحه ويقول انا مش عارف ارد جمايلكم ازاى بس ياربى بقى انا عارف انى محصلتش وجذاب وكلكم بتحبونى ده انتو حتى بتجيبوا الجيران تتفرج عليه ويقولولكم ما شاء الله الخروف بتاعكم سمين وحلو وبتتباهو بيه قدام الجيران
يوم 4 ذو الحجه
نفس الحال بيتكرر واهتمام ملحوظ واكل كتير ويطلعوا يقعدوا جنبه وهما بياكلوه والخروف مستغرب ومش عارف يفسر الحنيه الزايده دى والوضع ده فضل لحد يوم 8 ذو الحجه
يوم 9 ذو الحجه
حس بحاجه غريبه شويه محدش جاله خالص يادوب الصبح جابوله
الاكل والنهارده كان ازيد شويه بس محدش طلعله بس اول ما المغرب اذن كلهم طلعو يبصوا عليه والتعليقات اشتغلت الولد الصغير يقول يابابا الخروف بقى سمين وجميل وهو يقول متشكر يا ميزو ده انت اللى قمر والبنت الصغيره تقول الله شكله حلو قوى يا بابا والخروف يبتسم ويبص فى الارض ويقول يا كوكى ربنا يخليكى متكسفونيش بقى ياجماعه الله خلاص بقى اصلى بنكسف بسرعه كركركركركركر والراجل الكبير يقول خلاص بقى ان شاء الله على خيرة الله بس اهم حاجه حد قال للراجل اللى هييجى الصبح مراته تقوله ايوه انا قلتله وهو جاى قبل الصلاه الراجل قالها ازاى خليها بعد الصلاه وابو الخرفان فاكر بقى المأذون هو اللى جاى ميعرفش اللى بيتدبرله هما قاعدين يتفاوضوا على موته وهو مش فى دماغه الست تقوله خليها قبل الصلاه قبل الزيارات ما تهل علينا
ويبقى خير البر عاجله الراجل يقولها لا الاحسن انه يتدبح بعد الصلاه والخروف مظقطط على الاخر ومدور وشه الناحيه التانيه عشان مكسوف ( اسم الله عليكى ياقطه ) ومش مصدق نفسه اخيرا خلاص هتجوز ويبقى ليه بيت وعيال وهبقى اب اخيرا هبقى اب واتلم واترحم من قعدتى وحدى فوف السطوح اعد النجوم هما نزلوا بقى وهو قعد فوق يتخيل
ياترى هيجوزونى مين شاكيرا اللى على السطوح بتاع الجيران ايوه الخروفايه دى اموره قوى يارب يجوزوهالى وكمان دى بتحبنى انا شايفها بتبصلى من فوق السطوح والفروة بتاعتها بيضه وكمان مليانه وتملى العين كده : وغير كل ده مشيتها تهبل وعنيها عسليه بس استنى هنا ممكن يكونوا هيجوزوك بريتنى اللى على السطوح بتاع اونكل ميزو الله بريتنى دى كمان جميلة وقوامها يهبل وعليها صوت يخلى الواحد يرقص نيجر يارب بريتنى على كل حال انا هشغل نفسى ليه هما قالو الراجل جاى بعد الصلاه يبقى استنى وبكره مش بعيد يارب بكره ده ييجى بسرعه والخروف قاعد بقى يسبسب فى شعره ويظبط فى نفسه ومستنى الشمس تطلع
اليوم الموعود 10 ذو الحجه
الخروف قاعد مستنى بفارغ الصبر وهو فوق السطح مستنى بقى وجهز نفسه وكل شويه يبص فى المرايه ويقول كده حلو قوى ياسلام عليك يا معلم وانت متغندر كده وهتجوز هتجوز انا خلاص هتجوز وهبطل ابص ع الخرفان وهظبط نفسى وابطل ابص من على الحيطان يااااااااه بس اللى مزعلنى ان يوم جوازى هيبقى يوم السنويه بتاعه بابا اللى لسه تايه من سنه يوم ما صحيت فى يوم زى ده وملقتهوش جنبى بس يالله بقى ربنا يرجعه بالسلامه (( قال يعنى ابوه راح يعمل عمره )) الخروف قاعد مستنى وبيبص من فوق السطوح وفجأه بيبص على السطح بتاع شاكيرا لقى اربعه واقفين فوق وقال آه اكيد هيه شاكيرا وبياخدوا رأيها برضوا لازم البنت تقول كلمتها راح بسرعه اتكسف وجرى عشان عنيه متجيش فى عنيها قال يعنى وش كسوف الواد شويه وبعد خمس دقايق سمع صوت شاكيرا بتمأمأ بصوت عالى قال اكيد بيقنعوها وهيه مش موافقه بس هيه الخروفات لازم تعمل الحبتين دول فى الاول ولقى شاكيرا صوتها عالى خالص وقعدت تجرى قال
اخص عليكى يا شاكيرا مكنش العشم يا معفنه هما هيجوزوكى حمار ده انا خروف قد الدنيا والبرسيم بطلته وبقيت باكل فول ودره هو انتى هتلاقى اروش منى فين على العموم انتى الخسرانه
ابقى اتجوزى الخروف كوستا المعفن جاركم ماهو شبهك اصلا انا عارف انك بتحبيه هيه بريتنى حبيبتى وبيبص على السطح التانى لقى مفيش صوت خالص وهدوء قال يمكن شاكيرا اقتنعت بيبص على السطوح لقى خمسه ملمومين عليها وهيه مش باينه منهم قعد ييجى يمين وشمال وبيبص لقى منظر دم
قال لاااااااااا شاكيرا هما عملوا فيها ايه ياحرام هيه اتعورت من الجرى وفجأه وفى اللحظه الحاسمه الخمسه بعدوا من قدامه والكدر اتفتح وفجأه بص شاف شاكيرا مقتوله قعد يجرى على السطوح ويقول يا خرااااااابى يالهووووى قتلوكى يا شاكيرا قتلوكى يا شاكيرا الحقونى قتيل
قتيل ماءءءءءءءءءءءء ماء ماء ماءءءءءءءءءءءءءءء
واصحاب البيت اللى فيه شاكيرا بيضحكوا وبيبصوا على شاكيرا راح بص كده وقال هو فيه ايه قتلتوا شاكيرا وساكتين كده ليه ده ظلم ده حرام هيه عملت ايه يعنى عشان بوستها مره من على السطوح
قعد يفكر يفكر وفجأه قال آآآآآآه آآآآآآآآآآآآه ياشاكيرا عرررررررررفت قتلتوكى ليه سلمتى شرفك لكوستا اللى على سطوح الجيران
وانا كنت اشوفه عمال يمأمألك وانتى تمشى تتقصعى قدامه وهو يقعد يرمشلك واخر مره لما قلتيله انا مباكلش الا برسيم راح رمالك شويه دره ايوه يبقى هو ده كان التمن
بعتى نفسك بشويه دره تستاهلى يا شاكيرا انتى ميتبكيش عليكى الحمد لله انى اكتشفت قبل الفأس ما تيجى فى الراس ربنا نجدنى منك
خلاص بقى هيه بريتنى بيبص على سطوح بريتنى لقى خمسه على سطوح بريتنى ونفس السيناريو اتكرر خمسه راحولها وزعيق ومأمأه وجرى والاخر الخمسه اتلفوا حواليها وهيه سكتت قال
بقى اكيد اقنعوها اكيد بقى لا بريتنى غير شاكيرا بريتنى كانت بتحبنى كانت كل شويه تغنى وانا ارقص على غناها الكادر اتفتح لقى الدم وبريتنى مقتوله قال
آآآآآآآآآآآآآآآآآآآآآآآآآآآآآآآآآآآآآآآه يابريتنى يا لهوووووى يالهوى عليكى يا بريتنى يابريتنى ياعينى عليكى ياختى ياقتيلة كوستا يا بريتنى
عملها معاكى انتى كمان ده مخلاش بقى ده الواحد يخاف على نفسه منه انا اخاف ارمى عليه السلام بعد كده
شويه وقعد فوق السطوح طيب هيجوزونى مين ولا مفهاش جواز بقى يالهوووووى جت الحزينه تفرح ملقتلهاش مطرح بقى كده كله فى يوم واحد بس ايه ده استنى هنا اشمعنى النهارده بالذات قتلوا شاكيرا وبريتنى اشمعنى فى يوم واحد
مممممممممم
ممممممممممممممممممممم
اها لقيتها اكيد عشان لما واجهوهم انهم هيتجوزونى خافوا افقسهم ليله الدخله وتبقى الفضيحه فضيحتين قدامى وقدام الناس
لكن كده اديهم ماتوا خلاص بقى هروح اغير الفروه دى والبس الفروه التانيه وخساره الجل اللى حطيته والتظبيت اللى عملته وبعد الصلاه ما خلصت بص لقى الخمسه اللى كانوا عند شاكيرا وبريتنى وصاحب البيت جايين راح قال فى سره كده خلاص يا جماعه مفيش داعى تتأسفوا ولا تحكوا انا شفت كل
حاجه بعينى وانتم ملكومش ذنب فى حاجه هو نصيبى انا منحوس من يومى
يالله بقى خيرها فى غيرها ومش مهم جواز انا هعيش كده فردانى شويه بص لقى راجل طلع سكينه وشاور عليه وقال هو ده يا حاج حسين راح قاله ايوه هو
راح الخروف قال ايه ده فى ايه شوية راح الراجل اللى معاه السكينه قال لاتنين معاه هاتوووووووووووووه
راح الخروف صوت وقال لاااااااااااااااااااااااااااا لاااااااااااااااااااااااااااااا والمصحف ما انا والله ده كوستا انا لسه خام هو يعملها وانا اتقتل بداله ليه لا ده ظلم
هو يجرى وهما يجروا وراه لحد ما زنقوه فى الركن وجابوا الراجل طلع السكينه من ورا ضهره والخروف بتاعنا يقول والله ما انا يا حاج حسين انت عارف انا طول عمرى مستقيم وعمرى عينى ما اترفعت فى واحده من بناتك ابدا ولا بخرج من باب البيت
طبعا كل ده بلغة المأمأة والراجل بيضحك وبيبص للخروف والخروف يقول هو فى ايه هو الراجل ده عبيط ولا ايه انا هتقتل وهو بيضحك وكمان جايب عياله يتفرجوا
شويه وسمع كلمه كده قبل ما الراجل يقتله سمع الست مراة الراجل بتقول الاكل اللى كنا بنأكلهوله جاب فايده اهو واتملى لحم احنا هناكل فيه لحد شهرين قدام
راح الخروف سكت وبصلهم بصه كده وقال بقى انتوا كنتوا بتأكلونى عشان بعدين تاكلونى حرااااااام سيبونى يالهووووووووى
الحقونى ياعالم هيقتلونى ياهووووووووووه شويه والسكينه قربت من رقبته والراجل
قال حلال الله واكبر راح الخروف قاله مستعجل على الدبح يااللى يدبحك زمانك ادبح ياخويا ادبح يعنى هيه موته ولا اكتر ادبح
جايلك يا شاكيراااااااا جايلك يا بريتنى


منتظرة ردودكم



_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
mody
مشرف
مشرف


ذكر
عدد الرسائل : 3066
العمر : 23
تاريخ التسجيل : 29/08/2008

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الثلاثاء يونيو 23, 2009 9:27 am

هههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههه

والمصحف ما انا..والله ده كوستا
laughing

جاااااااااااااااااامدة جدا يا نور
الرجوع الى أعلى الصفحة اذهب الى الأسفل
دعاءdody
مشرفة
مشرفة


انثى
عدد الرسائل : 6252
العمر : 29
تاريخ التسجيل : 18/07/2008

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الثلاثاء يونيو 23, 2009 9:17 pm


ههههههههههههههههههههههههههه

تحفة يانور

تسلم ايديك

_________________
الرجوع الى أعلى الصفحة اذهب الى الأسفل
زائر الليل
ادارة IT CLUB
ادارة IT CLUB


ذكر
عدد الرسائل : 1022
العمر : 29
تاريخ التسجيل : 20/10/2007

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الثلاثاء يونيو 23, 2009 11:24 pm

ههههههههههههههههههههههههههههههههههههههههه

فظيعه يا نور

_________________


الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: يوميات خرووف قبل ما يدبح جاااااااااااااااااااااااامدة   الأربعاء يونيو 24, 2009 12:37 am

جااااااااااااامده جداااااااااااااااااا
يا نور
رااااااااااااااااااااااااااااائعه


برافوووووو
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الأربعاء يونيو 24, 2009 12:40 am

ههههههههههههههههههههههههههههههههه



هى فعلا ضحكتنى اوووووووووووووووى

ونورتوا الموضوع يا مودى ودودو وزائر ونبض clap2

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
عاشقة القمر
عضو ملكي
عضو ملكي


انثى
عدد الرسائل : 3788
العمر : 27
تاريخ التسجيل : 21/06/2008

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الأربعاء يونيو 24, 2009 1:46 am


هههههههههههههههههههههههههه

جامده جدااااا يانور

_________________



السعاده حلم..والدنيا اماني
والدموع ترافق العين الحزينه
كل ما حولت اعدل فى زماني
قامت الامواج تلعب بالسفينه
الرجوع الى أعلى الصفحة اذهب الى الأسفل
سمسمة
مشرفة
مشرفة


انثى
عدد الرسائل : 4401
العمر : 27
تاريخ التسجيل : 03/07/2008

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الأربعاء يونيو 24, 2009 4:13 am


ياعينى صعب عليا
ههههههههههههههههههههه


جميل اووووى يانور

_________________
لا تتعجب إذا رأيتني أضحك يوماً وأبكي
يوماً ... فأنا كالورد ... يومـًا أزين
عرسـًا ... ويوما أزين قبراً.....
----------------------------

من السخيف جداً .. أن تجد أناساً يستغلون طيبتك
ويعتقدون انك ساذج ،، وأنت تعلم بما يفكرون به ،، ومن المضحك انك تجدهم فرحين
ظناً منهم انهم استطاعوا القيام بشيء...
--------------------------
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الأربعاء يونيو 24, 2009 7:03 am

نورتى عاشقة وسمسم

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الخميس يونيو 25, 2009 9:59 pm

حلوه Smile

_________________


------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: يوميات خرووف قبل ما يدبح جاااااااااااااااااااااااامدة   الثلاثاء يونيو 30, 2009 1:49 am

happy2

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
 
يوميات خرووف قبل ما يدبح جاااااااااااااااااااااااامدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: IT Club café :: الترفيهي-
انتقل الى: