كاريكاتير غير !!

الحكومة ترفع شعار الشفافية

مواطن يقف مذهولاً وعينيه جاحظتان بشدة أمام محل للملابس الحريمي
وهو يصيح بأعلى صوته : مزيد من الشفافية يا حكومة !!

نظرية المؤامرة

مشهد في قهوة أثناء مبارة مصر وأمريكا

مواطن 1:- سمعت إن الس آي إيه هي اللي موضبة الليلة دي كلها علشان نتغلب
مواطن 2:- كانت ظبطت الحكم اللي طنش ضربة الجزاء
صاحب القهوة :- كل حاجة تحصلنا يبقى وراها أمريكا ..أقطع دراعي إن ماكان شغل الموساد

قانون البناء الموحد

مواطن :- حلمت بيك امبارح
مهندس الحي :- خير اللهم اجعله خير
مواطن :- آل إيه طلعت ببرج 10 أدوار
مهندس الحي:- أمال أنا فين في الحلم ؟
مواطن :- دفنتك تحتهم بعد ما عملت لي محضر بناء بدون ترخيص !

الثانوية العامة

قبل امتحان مادة التاريخ

طالب 1 :- سمعت إنهم ناويين يجيبوا سؤال عن الخنازير
طالب 2:- الحمد لله مذاكر تاريخ اليهود كويس قوي

أفلام العنف

مواطن :- اتكيفت أوي من ابراهيم الأبيض النهاردة
مدمن :- سيبك انت لا يعلى على حشيش أوباما اليومين دول

غرفة شات

مدمنة نت 1:- جوزك داخل معاكي الشات ليه
مدمنة 2:- قالولي لازم محرم ومفيش غيره عشان أنا يتيمة

رجال أعمال

رجل أعمال:- أنا مسافر في جولة حول العالم باليخت الكبير بتاعي
مدير البنك :- وبالنسبة لل3 قروض الأخيرة ميعادها فات
رجل الأعمال:- متغيرش الموضوع وطبعاً إنت معزوم على الرحلة

صيف ساخن جداً

موظف شريف :-امبارح كنت هطلع من هدومي من الحر
موظف مرتشي :- تعالى شوفني امبارح وأنا بتكتك من البرد
موظف شريف :- أكيد بتشغل تكييف
موظف مرتشي :- لا يا فقري بشغل دماغي

صحافة

صحفية مبتدئة :- متشكرة يا فندم على الفرصة الكبيرة دي واسمي اللي بالبنط العريض
رئيس التحرير :- وأهم نصيحة لازم تطبيقها من دلوقتي - وهو يقترب منها بشدة - إنك تقربي من الناس .

جميل يا طائر

كاريكاتيرات فعلا معبره

ما تتاخرش علينا بمواضيعك الجميله دى يا باشا

جميله اوى الكاريكاتيرات دى ياطائر

شكرا ليك