أقوله لأ ؟.. ولا عندك حق ؟

:- مش معقولة أنا مش مصدقة ... عم عنتر هيسيب البلد !!!!!!! دا كان ديماً بيرفض أى عرض عمل برة

رانيا " زميلة العمل " :- انتى رايحة فين ؟

:- رايحة أفهم الحكاية !!!!!

..

..

..

..
عم عنتر يومأ برأسه : آه صحيح

: بجد هتسافر ؟! دا انت أكتر واحد بيحب البلد دى !

عم عنتر يصمت وقد لمعت عيناه وبدا عليه التأثر فتابعت ...

:- مش فاكر يا عم عنتر لما كنت فرحان و بتغنى.. انا م البلد دى .. انا م البلد دى ! مش فاكر قد ايه كنت بتحبها ؟!

عم عنتر يبتسم وهو متأثر جداً ثم يتنهد :- فاكر .. ومش هنسى بس تفتكرى فارقة ؟! ممكن أسألك سؤال ؟

:- اتفضل

:- ايه اكتر يوم بتبقى البلد فيه جميلة ؟

:- بصراحة يوم الجمعة

: وطبعاً عارفة ليه ؟! لأنها بتكون هادية مش مخنوقة
!!.. طيب بصى كدا على وشوش الناس فى باقى الأيام .. هتلاقيهم مكلدامين
!!.. مهمومين .. مش مستحملين بعض !! .. شقيانين مش فى الشغل بس لااا كمان
من التفكير فى حلول للمشاكل !!

: عندك حق بســـ ..

يقاطعنى عم عنتر سائلاً ..

:- تقدرى تقوليلى فين الأوكسجين ؟؟

:- !!! ........

:- الاكسجين مرشوش زى الفاكهة والخضار !الناس بترخس
و الدوا والفواتير بتغلا !!!! الناس مش لاقية الفول والطعمية !!! وبعد
مزاد الكلور بيتوحموا على المية المعدنية !!!! بذمتك مش غريبة ؟؟؟؟ !!

:- أيوة يا عم عنتر بس عيب ان بلدنا فقيرة كفاية اننا بنحبها وفيها اللى بنحبهم ولا إيه؟!

: أيوة بس هوة فين حب البلد ده ؟؟.. طيب هسألك كمان سؤال؟

:- اتفضل ..

:-امتى بتحسى فى البلد وطنية ؟؟؟

:-فى مواقف كتير زيـيــ ..

:- أنا هقولك .. عدى معايا ...

فى مطشات الكورة !!!! أعياد التحرير واستضافة الدورات والبطولات العربية !!!!!و فى مشاكل العلاقات الخارجية !!!

ثم أخذ ينظر لأصابع يديه وكأنه احتار فى العد !

عم عنتر:- تصورى كنت بتفرج أول امبارح على شريط فيديو فيه لقطات للنيل ،واتخضيت !!!..

الماية لونها غريب أوى وشبورة مغطية السما .. بقى
معقولة بقت كدة البلد !!!!!!!! .. تلوث .. دوشة .. خناقات .. كسل .. سرقة
وهبر و كدب ونصب وفشر !!!!

اتابع كلام عم عنتر و لا أجد رد .. فاستطرد يقول ..

:-أيوة هسافر !! لأنى تعبت ..هجرب .. وليه مسافرش ؟
دا الغرب بيقدرونى أكتر من القرب اللى بتيكلوا بعض !!أنا مش هفضل سمكة فى
بحرها !!

:- لا يا عم عنتر الكلام دا خطير جداً !!!!!ولو كل واحد فكر زيك كده مين اللى هيفضل ف البلد ؟؟؟؟؟!!!!

:- صيادين السمك !!

: وتفتكر هتبقى برة مرتاح ؟

:- أنا هسافر و بشروطى اللى تريحنى و ترضينى - وإن شاء الله-راجع ..هوة فى حد يقدر ينسى أهله ولا يهجر ذكرياته ؟!

ابتسم عم عنتر واستأذن ليعاود استكمال تجهيز أوراقه

ووقفت أفكر..

أقول ايه لعم عنتر ؟؟؟؟؟؟

أقوله لأ ؟

ولا عندك حق ؟

بجد مش عارفة ....

حد عارف ؟

*****

فى انتظار مشاركتكم فى الإستطلاع وابداء الرأى

*****

سلااااااااام

زائر

لا عندك حق

موضوع راااااااائع

بجد محير جدااااااااا

ع اد ما انت ممكن تلاقي في السفر
حاجات كتير ممكن تكون مش هتلاقيها في البلد
بس حاجات اكتر هتوحشنا فيها
كفايه لما بتتعب بتلاقي اللي بيقف جنبك
ويزعل علشانك
و................

بجد موضوع جميل يا طائر

الموضوع محير جدا Rolling Eyes

يس انا افضل بلدى افضل من غيرها

وزى ما قالت نبض \

بس حاجات اكتر هتوحشنا فيها
كفايه لما بتتعب بتلاقي اللي بيقف جنبك
ويزعل علشانك

وكمان كفاية احساسك بالامان وانتى ماشى

ومشاركتك لاهلك فى فرح او حزن لاقدر الله

وبعدين انتى مفكر لما تسافر بره

حتلاقى اللى يريحك

والكل فى خدمتك ايااااااااااااك

ولو كل واحد قال انا مسئول عن البلد دى

اكيد حتتغير كتير
لكن الكل او الاغلبية

بيقول \
اشمعنا انا ... تيجى اخزئلك عين ونع

.

يبقى ازاى حنتغير كده؟؟؟؟؟؟

*******
[size=12](تصورى كنت بتفرج أول امبارح على شريط فيديو فيه لقطات للنيل ،واتخضيت !!!..
[/size]
الماية لونها غريب أوى وشبورة مغطية السما ).
**********.
****مين المسئول بقى عن هذا التلوث؟؟
******

الموضوع جميل جداااااااااااااااا

ويا ريت كل واحد فينا ما يفكرش زى العم عنتر

ونحاول احنا نصلح فى بلدنا
اللى الغرب كله بيحارب علشان يوصلها

(رب اجعل هذا البلد امنا )

اقتباس :: أيوة هسافر !! لأنى تعبت ..هجرب .. وليه مسافرش ؟

ما كل بلد فيها تعب
واهى دى احسن من غيرها
على الاقل دى بلادنا

اقتباس :: دا الغرب بيقدرونى أكتر من القرب اللى بتيكلوا بعض !!أنا مش هفضل سمكة فى
بحرها !!

ومين قال ان الغرب بيقدرنا
انا مش هقول حاجه
بس اقرب مثلا
مروه الشربينى
واكيد الكل عارف حكايتها

وكمان والله ما حد هيحس بحب بلده غبر اللى فعلا مسافرين
كفايه فى البد دى الناس الطيبين اللى فيها
كفايه اصلا جوها وروح المحبه
انك بتكون عايش فيها ومبسوط لانها بلدك
هناك عند الغرب اللى بتقول عليهم
مش هيخافوا عليك اكتر من اهلك هنا
لان بكل بساطه فى الاخر انت مش منهم
ليه يخافو عليك

والله مش عارفه اوصلكم اد ايه البلد دى احسن من غيرها

موضوع جميل اوووووى ياطائر

بس بصراحه مش عارفه انقله النقاش ولا مكانه العام
شوفوا رايكم ايه
ولو النقل احسن هنقله

لا قولوة يقعد هنا بمرتب 500 جنية فى الشهر او اقل اصلا وقولوة كمان انا مطلوب منك

شقة وشبكة وتوضيب شقة وغير دا كلة انك تصرف فى زمن الاسعار النار دى على الاسرة بتاعتك
من كل حاجة من فواتير ماية وتليفون ولبس واكل و و و و و

على مااظن انت اول ماتقولة كدة عم عنتر هيبقى عبلة ويتشل ويموت اصلا

فا نا طبعا بقولة لا عندك حق
وفى نفس الوقت اقولة ان الغربة بردة بقت صعبة اوى بتاخد من الانسان اكتر ما تديلة

اقوله لأ
بلدنا اجمل بلد في الدنيا وخيرها كتيييييييييييير اووووووووووووووي بس الحراميه اكتر ولاسف احنا اللي ساكتين وحاطين رؤسنا في الرمل زي النعام بالضبط وكل واحد بيقول انا مالي خليني في حالي
وبسلبيتنا بقت في عنينا مالهاش مميزات
مين اللي بيرمي الزباله في النيل مش احنا
مين اللي بيلوثها مش احنا
ليه بنعلق فشلنا علي بلدنا واللي بيعمل فيها كده امثال عم عنتره وغيره
اذا كنا عايزين نلوم حد فالحق باللوم هي انفسنا
اسفه اني خرجت عن الموضوع بس انا كنت مخنوقه من اللي بيحصل

.
.
.

على فكره اكيد عم عنتر ادرى بظروفه ومش محتاج حد يقوله حاجه

مش كل الناس بتتصرف نفس التصرف فى وضع معين

كل انسان له ظروفه

وبالتوفيق يا عم عنتر سواءا فى مصرنا لحبيبه

او فى اى حته

.

.

.