الرئيسيةالتسجيلدخول

شاطر | 
 

 كنت فين يا صايع !؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: كنت فين يا صايع !؟   السبت أغسطس 01, 2009 1:37 am

هى مش كلمة صايع كانت شتيمة زمان؟؟!




لما ترجع البيت متاخر

بعد المدرسة يتم أستقبالك بسؤال


(كنت فين يا صايع لحد دلوقتى ؟)


ولما يكون زرار قميصك مفتوح


(ماتفتحش صدرك زى العيال الصايعة )



وكان هناك ارتباطاً وثيقاً بين

الصياعة والتدخين والوقوف على النواصى

ومعاكسة البنات ووضع الايدى فى الجيوب

أثناء الكلام مع

الاب وشرب القهوة ومتابعة الافلام والكلام

فى التليفون بالساعات والرد

على الكبار بأسلوب غير مهذب والتزويغ من

المدرسة والسقوط فى الامتحانات ولبس


القميص على اللحم .




وكأن لقب
(صايع) لقباً مخيفاً نهرب منه


( وهو الواحد اية غير سمعة وشوية حاجات فوق بعض )





وكنا نحرص على الابتعاد عن أى شخص يحمل لقب

(صايع)

علشان الواحد ما (يتشبهش)



ولكن بمرور الوقت مبقتش كلمه صايع شتيمه

دى بقت حاجه مشرفه وجميله جدا



ومبقاش الصايع هو الواد اللى مش متربي

قليل الادب



اللى بيسقط دايماً وقاعد طول النهار على

القهوة وبيعلى صوتة على أهلة وبيسرق

فلوس

من ورا أهله علشان يجيب سجاير

هذا الشخص مابقاش أسمة صايع بقى

اسمة

(مغفل).




ودلوقتى



بقي الصايع هو الشخص الناجح 

اللى كل الناس بتتكلم عنه

الشخص اللى بيخلى الناس كلها مبهوره بيه

(الصايع)

هو النموذج والقدوة والمثل الاعلى

أحيانا .

ولقب
(صايع ) مبيتقلش على الاشخاص بس

ده فيه حاجات كتير ممكن تقول عليها صايعه


يعنى الموبايل اللى فية كل الامكانيات اللى

محتاجها واللى بتحلم بيها .. يبقى

موبايل
صايع .



ممكن تلاقى جون
(صايع) عبارة عن جمله بين

3 لاعبين سريعة ورشيقة وغير متوقعة



ممكن تلاقى بوستر لألبوم لمطرب متصمم

بطريقة
صايعه ومحطوط فى حتة صايعة



ممكن تشوف فيلم نهايته غير متوقعة ولما تمر

فى خيالك تبقى نهاية
صايعة والسيناريست اللى

كتب الفيلم سيناريست
صايع




وممكن تلاقى بلد يتقال عليها (بلد صايعة)

زى الصين اللى قدرت إنها تخترق مصر

بمنتجاتها


ويبقالها فى كل بيت مصرى 20 منتجاً على


الاقل وبالتالى يمكنك أن تقول إن

(الصين دول صايعيين قوى )





مبقتش كلمه صايع دى شتيمه دى بقت حاجه

الكل بيتمناها

ومش عارفه ايه اللى غير سمعة الكلمة 180

درجة .. متهيالى هى دى الصياعة !





دلوقتى وأنا ضميرى مستريح اقدر اشجعك

عشان تكون (صايع )

بالمعنى الجديد للكلمة ..



و للصياعة بمفهومها الجديد


أداب يجب الالتزام بها حتى تستحق اللقب



-
الصايع عمره مايقول على نفسة أنا صايع

عمرك شفت واحد ذكى ماشى يقول للناس

(أنا ذكى يا جماعة ) ؟



- ا
لصايع يكرة الفهلوة لان الفهلوة سرقة

ومجرد أستغفال للناس

الصايع يحترم ذكاء الاخرين



لصياعة تعتمد على الثقافة العامة فى كل

المجالات يكفيك أن تعرف


(حاجة عن كل حاجة )



- الحظ قد يقودك إلى القمة

والصياعة أن تحافظ عليها .



-
الصياعة أن بالك يبقى طويل وماتبدأش

بالغلط وماتردش على اللى بيستفزك

لازم تسامح

الشخص اللى تقدر تنتقم منه بسهولة




- ا
لصياعة إنك ماتكررش نفس الغلطة مرتين



- الصياعة

إنك تدى كل واحد حقة وتعرف قيمة اللى

قدامك بالضبط .



-
الصياعة أنك تبقى فاهم كويس إنه


مش مهم إنك تغير الكون ..

المهم إنك تخلى الكون ما يغيركش




منقول بصياعه !





العقرب 





_________________


------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: كنت فين يا صايع !؟   السبت أغسطس 01, 2009 3:04 am

انا عرفت دلوقتي معني كلمه الصياعه ادب

بس موضوع صاااااااااااااااااايع طحن

شكراااااا عقرب

_________________




ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: كنت فين يا صايع !؟   السبت أغسطس 01, 2009 4:43 am

ههههههههههههه

لا تعليق بعد تعليق ضوء


بجد موضوع جميل يا عقرب

غيرت مفهومي عن الكلمه تماما

ربنا يستر ع اللغه
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: كنت فين يا صايع !؟   السبت أغسطس 01, 2009 6:19 am

هههههههههههههههههه


اللى كنت خايف منه حصل
ان الموضوع بتاعى طلع صايع !


بس صايع بعد التعديل 

اهلا بيكم ف الموضوع 

_________________


------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
 
كنت فين يا صايع !؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتـداكـــــــــــــــــــــــــــــــــــــــم :: الارشيف-
انتقل الى: