الرئيسيةالتسجيلدخول

شاطر | 
 

 نبض القلب

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
زائر
زائر



مُساهمةموضوع: رد: نبض القلب   الثلاثاء أغسطس 18, 2009 1:08 am



ودى اسئلتي ياجميل
ماشي يا قمر
وسوري على التاخير
ولا يهمك





1- ماذا تعني لك الصداقة؟ ومين اقرب صديقة ليكي في الحياة؟ ومين اقرب صديقة ليكي جوه المنتدى؟
الصداقه اجمل حاجه في الدنيا لما يكون الاصدقاء دول بالظبط شخص واحد
يراعوا مشاعر بعض يردوا غيبة بعض
يحسوا ببعض لو حد عمل حاجه مش صح يقوله انت غلط
انما ما يجاملوش
والله الصداقه دي اجمل شيء في الدنيا بس الي يقدرها ويحافظ عليها
واقرب صديقاتي في الحياه>>>> ساره وضوء وايمي
وفي المنتدي>>>>>> ضوء

2-
لو اتحطيتي في اختيار بين حبيبك وصديقتك تختارى مين وتضحي بمين؟ بمعنى اخر
لو نتى وصديقتك حبيتوا شخص في نفس الوقت وهو اتقدملك ياترى توافقي وتخسري
صديقتك والا ترفضي وتخسري حبك؟

اختيار صعب اوي اوي يا عاشقه
الحب اللي بجد بيجي مره واحده بس
والصداقه الحقيقيه مش بتتعوض
بس ما اكدبش عليكي واقولك اني حاليا اعرف اختار
لان الموقف ده لو حصل في الحقيقه انا هستخير
لانك لما تستخيري كيد ربنا هيهديكي للاصلح ليكي

3-كل شخص مننا جواه نسبة حزن ياترى نسبة الحزن جوه نبض كام في المية؟
50%


4- مين اقربلك وبتحسي انه فاهمك اكتر والدك والا والدتك ؟؟؟
اكيد والدتي
دي صاحبتي واختي وكل حاجه

5- ايه الموضوع اللي اتكتب في المنتدى هنا واتمنيتي بينك وبين نفسك انك كنتى صاحبة الموضوع؟؟؟
هوقعي بيني وبين الناس ليه
بس كتير بلاقي مواضيع كنت هنزلها والاقي ناس تانيه نزلتها
فالموضوع عادي يعني يا عاشقه
take it easy

6- مين الصديقة اللي ممكن تعتبريها قدوة ليكي وتتمني تكونى زيها؟؟
مفيش انا دايما احب اكون نفسي
ما احبش اكون زي حد



7- لو حبيتي شخص مش حاسس بيكي ياترى تعملي ايه ؟؟؟؟
ايه هولع في نفس يعني.........
لا
اذاما حسش بيا يبقي مالوش لازمه الموضوع
وبعدين انا هحبه ازاي وهو ما يحسش بيا
عيب عليكي انا برده حد ما يحش بيا
يبقي ما تعرفنيش
ههههههههههههههه
بجد عمري ما فكرت في موضوع زي ده
ازاي اصلا احب واحد مش واخد بالي منه
ع اساس انه ايه يعني رشدي اباظه

9- هاقولك كلمات توجهيها لاشخاص في المنتدى:
- بحبــــــــك>>>>>>> كل العضوات الموجود هنا
- مواضيعك ممتازة>>>دعاء والعقرب
- انت فين وغايب عننا ليه>>>نووووووووور
- المنتدى وحش من غيرك>>>>>>>>دمودي
- رأيك بيعجبنى >>>>تايجر والعقرب
- انت شخصية محبوبة جدا في المنتدى>>>العقرب والطائر ومادو
- انت دمك خفيف اوى>>>>>>>العقرب
- انت شخصية قوية تتحمل الصعاب>>>ضوء وتايجر

10- هل خسرتى صديقة قبل كده؟ وليه ده حصل؟ وياترى بتعامليها ازاى دلوقت لو اتقابلتوا؟؟
سؤال مكرر
بس بقابلها ازاي دي
بعاملها عادي جدا كلام عادي وكدا انما كصديقه مش ينفع تاني

11- هل ظلمتى حد قبل كده؟؟؟ وعملتى ايه لما اتأكدتى انك ظلمتيه؟؟؟ وياترى سامحك والا لا؟؟؟
الحمد لله عمري ما ظلمت حد
دايما كنت ابرر لغيري موقفه واوجدله اعذار واقول اكيد غصب عنه
ومش بحب اظن في حد فلما بحس بكدا بروح واتأكد قبل ما اخد اي قرار او انطباع غلط

12- هل حد ظلمك لدرجة انك قلتى مش ممكن اسامح؟؟؟ وياترى ايه الموقف لو ده حصل؟؟؟
هو حصل وفعلا قولت الكلمه دي اني مش ممكن اسامح
بس لما هديت لاقيت نفسي شويه زعلامه منه انما ما اقدرش مش اسامحه
الموقف مش هقدر اقوله

13- ايه العيب اللي شوفتيه في نبض وقدرتى تغيريه؟؟؟؟ وايه العيب اللي شوفتيه ومش قادرة تتغلبي عليه؟؟؟
كنت انطوائيه ومش بكلم حد ابدا لدرجة ان الناس كانت بتقول عليا
مغروره وكدا>>>فقولت لا بقي انا مش كدا وبالتالي غيرت نفسي تماما

اما العيب اللي بحاول اتغلب عليه ودلوقتي انا في نص الطريق الحمد لله
اني اتغلب ع عصبيتي شويه واحاول اتأني شويه قبل ما اثق في حد

14- ايه العيب او الصفة اللي ماتقدريش تتحمليها في اللي قدامك؟؟؟؟؟
انه يكدب عليا او ينافقني


15- ايه اكتر حاجة بتحبيها في عاشقة القمر؟؟؟ واكتر حاجة بتتضايقي منها؟؟؟
روحها حلوه وبتحب الهزار ودمها خفيف ومش بتسيب حقها
مفيش حاجه متضايقاني منك غير انك بتسجنيني كتير

16- بتحبي ايه اكتر حاجة في كل من:
- شهور السنة>>>>>فبراير
- فصول السنة>>>>الربيع
-ايام الاسبوع>>>>الجمعه
- الليل والا النهار>>>> الليل
- الأكلات>>>البشاميل
- المشروبات>>>>عصير المانجه
- الالوان>>>>>الاحمر

17- لو هاتسافري مكان ومطلوب منك تاخدى شخصين بس معاكى تختارى مين؟؟؟
ماما وبابا

18- دموع نبض سهل حد يشوفها والا صعب؟؟؟ وياترى مين الشخص اللي ماتخجليش لو شاف دموعك في اى وقت؟؟؟
مش سهل اي حد يشوفها
ساره وماما

20- ايه البلد اللي تحبي تزوريها؟؟ ولو ماكونتيش مصرية كنتى تتمني تكونى من اى بلد؟؟؟
بارس >>>لو ما كنتش مصريه كنت اتمني اكون مصريه
او من قويسنا عادي يعني اي واحده

21- ايه السؤال اللي كنتى تتمنى انى ماسألوش ؟؟؟
السؤال رقم 2




يارب تكون اسئلتى خفيفه عليكى
اي حاجه منك ع قلبي زي العسل يا عاشقه

على فكره دى حاجه بسيطه جداا
طبعا طبعا انتي هتقوليلي
يلا ربنه معاكى

يااااااااااااااااااارب



الرجوع الى أعلى الصفحة اذهب الى الأسفل
عاشقة القمر
عضو ملكي
عضو ملكي


انثى
عدد الرسائل : 3788
العمر : 27
تاريخ التسجيل : 21/06/2008

مُساهمةموضوع: رد: نبض القلب   الثلاثاء أغسطس 18, 2009 2:26 am


مفيش حاجه متضايقاني منك غير انك بتسجنيني كتير


هو انا بلحق
ما انا علطول في السجن



بس اجاباتك حلوه اوووي
والله برافوا عليكى

_________________



السعاده حلم..والدنيا اماني
والدموع ترافق العين الحزينه
كل ما حولت اعدل فى زماني
قامت الامواج تلعب بالسفينه
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الثلاثاء أغسطس 18, 2009 2:44 am


مفيش حاجه متضايقاني منك غير انك بتسجنيني كتير


هو انا بلحق
ما انا علطول في السجن

ما انتي لو خليتك معانا هتكسبي
سيبك انتي بس من ال.....
واحنا نعمل team
مفيش بعد كدا
Very Happy



بس اجاباتك حلوه اوووي
والله برافوا عليكى

ميرسي يا عاشقه
Embarassed
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: نبض القلب   الأربعاء أغسطس 19, 2009 1:56 am

يا هلا يا هلا

معلش جيت متاخر

لو الاسئله مكرره جاوبي تاني لاني ما لحقتش اشوف ردودك

ايه مواصفات شريك حياتك

ايه رأيك في الصداقه بين الولد والبنت

ايه رايك في عمل المراه

ايه رأيك في الحجاب والنقاب
وياريت نصيحه لكل فتاة محجبه ومنقبه

راضيه عن نفسك كام في المئه

ايه رايك في الطائر في ظل مشاركاته القليله جدا الفتره دي

ناويه تعملي ايه في رمضان

وكل سنه واتوا طيبين جميعا



_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الأربعاء أغسطس 19, 2009 4:39 am

الطائر الحزين كتب:
يا هلا يا هلا
اهلا بالغايب
معلش جيت متاخر
القطر فاتك يا باشا

لو الاسئله مكرره جاوبي تاني لاني ما لحقتش اشوف ردودك
لا اقرا انت بقي
هو انا فاضيه

عموما هخليها عليا المره دي يلا

ايه مواصفات شريك حياتك
اولا يكون متدين ويعاملني معامله الاسلام
يكون طيب وقلبه كبير وبيعرف يسامح
اما بالنسبه للشكل يكون كويس ومقبول
مش هقول انه يبقي قمر يعني
ويكون طوييييييييل يعني 175
واكيد يكون طموح ويحبني الي ابعد الحدود
مش هقول زي ما انا هحبه
لانه استحاله هيوصل لدرجة حبي ليه



ايه رأيك في الصداقه بين الولد والبنت
مش مقتنعه بيها وزي ما قولت زماله
انما صداقه ما اعتقدتش
اصلنا في مصر مش في امريكا

ايه رايك في عمل المراه
انا معاه لو هي مطلوب منها ده عشان تساعد في البيت
انما لو هو مكفيها ومش مخليها محتاجه حاجه
يبقي مالوش لازمه وخصوصا لو هياخد من وقتها ومن وقت بيتها
يعني لو هيعمل مشاكل بلاش منه انما لو هو اقتنع بالشغل وهتعرف توفق بين الاتنين
يبقي مفيش مشكله المهم انها ما ما تاخدش من حق بيتها وجوزها وولادها عشان الشغل

ايه رأيك في الحجاب والنقاب
الحجاب عفه طبعا
يحمي البنت من عيون شباب ........
وكمان بتنفذ كلام ربنا والرسول كمان امرنا بكدا
يضربن بخمورهن ع جيوبهن
واقصد الحجاب الشرعي مش اللي يدوب يغطي الشعر
وتبقي البنت لابسه لبس ما يتلبسش اصلا
ولو في البيت حتي
والنقاب محبوب لو هي هتقدر عليه وتحافظ علي

وياريت نصيحه لكل فتاة محجبه ومنقبه
لو كل واحده تعمل بيه وتكون لابساه عن اقتناع
وعشان ترضي ربنا بجد


راضيه عن نفسك كام في المئه
مش عارفه بس انا عمري ما وصلت لدرجه الرضا
كل ما اجي اقرب واقول انا راضيه
ارجع واقول لسه في حاجات حاسه اني مقصره فيها

ايه رايك في الطائر في ظل مشاركاته القليله جدا الفتره دي
زي الاول بالظبط من اول ما دخلت ع المنتدي
انسان ع قدر كويس من التدين
واخلاقه عاليه ومحترم

ناويه تعملي ايه في رمضان
مش عارفه والله يا طائر
بس ان شاء الله يكون مختلف عن اي رمضان قبله


وكل سنه واتوا طيبين جميعا

وانت طيب
بس ما تبقاش تتأخر علينا كتير كدا تاني
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: نبض القلب   الأربعاء أغسطس 19, 2009 5:24 am

مساء الور والياسمين علي احلي نبض
ازيك يا نبض اخبار الكرسي معاكي ايه ؟
معلش اتاخرت عليكي المواصلات كانت زحمه اووووووووووووووووووي انتي عارفه بقي
كفايا رغي ندخل بقي علي الجد
1- ايه رايك في نبض القلب ؟
2- هل انتي شايفه نفسك زي مالناس شايفينك ؟
3- الناس بتشوف نبض القلب ازاي ؟ "اكيد ناس كتير قالوا ارائهم فيكي"
4- نبض شايفه نفسها ازاي ؟
5- ايه اكتر حاجه بتكرهيها في الاولاد او الشباب؟؟؟؟؟؟؟؟
6- لو حد طلب منك طلب مين اللي عمرك ما ترفضي طلبه او يكون فيه مجال للرفض اصلا؟؟؟؟؟
7- ايه اكتر حاجه ممكن تخليكي محرجه ؟
8- من توأم روح نبض ؟
9- ايه هي مبادئك في الحياه ؟ امتي تتخلي عن مبدأ؟؟؟؟؟
10- ممكن تعدي لحظات اي انسان يخجل من نفسه امتي بتمر اللحظات دي عليكي؟
11- اكتر عاده سيئه تتمني تغيرها فورا ؟؟؟؟؟؟
12- هل حققت هدفك بالحياه حتى الان؟ او حتي جزء منه؟؟؟؟؟؟؟؟؟؟؟؟؟
13- هل ندمت على قرار اتخذته فى حياتك؟
14- هل انتي قد المسؤليه؟
15- هل انتي بوجهين؟
16-
هل تتقبلي النقد الصريح جدا؟
17- امتي تكوني فرحانه ومبسوطه ؟ وامتي تكوني حزينه ؟
18- ايه اكتر حاجه شاغله تفكيرك طول الوقت ؟
19- امتى بتضحكى من قلبك؟ وامتى بتبكى من قلبك ؟
20- حد علمك يعنى ايه صدق وامانه وكل الصفات الحلوة ؟
21- لحظة غدر قاسيه ؟

22- لحظة سعادة عمرك ما هتنسيها ؟
23- واذا كنتي فرشه والوان ماذا سترسم ؟
24- واذا خيرت بين اصحابك وكلام والدتك هتختاري ايه ؟
25-
( من ليس له ماضي ، ليس له حاضر ولا مستقبل ) ماذا تعني لك هذه المقولة ؟
26- ما أجمل شئ بالحياة ...؟؟ واسوأ شئ؟؟؟؟؟؟
27- كيف تعالجي اليأس ان صادفكِ ؟
28- كيف تعبري عن حزنكِ وفرحكِ ؟
29- ما هو التميــــــــز برأيكِ ؟
30- ماهي نظرتك للحيـــــــــاة ؟
31- ماذا تعني لكِ هذه الكلمات ؟

الغمـــوض -
الحلــــــــم -
الخيـــــــال -
الصــــــراخ -
الصمـــــــت -

الانترنت -
الحب -
الوداع -
الدمعة -
البكـــــــــاء

يلا كفايا النهارده كده
سلاااااااااااااااااااااااااام

_________________




ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الأربعاء أغسطس 19, 2009 6:50 am



مساء الور والياسمين علي احلي نبض
مساء الفل ع احلي ضوء في الدنيا
ازيك يا نبض اخبار الكرسي معاكي ايه ؟
الحمد لله لحد دلوقتي ان شاء الله تمام
معلش اتاخرت عليكي المواصلات كانت زحمه اووووووووووووووووووي انتي عارفه بقي
ولا يهمك
كفايا رغي ندخل بقي علي الجد
يلا بينا ندخل
1- ايه رايك في نبض القلب ؟
صعب ان الواحد يقول رايه في نفسه
بس كتير بحس اني قلبي طيب اوي اوي
وكمان مش بحب العصبيه اللي فيها
ومش بحبها لما بتثق في الناس بسرعه

2- هل انتي شايفه نفسك زي مالناس شايفينك ؟
لا
3- الناس بتشوف نبض القلب ازاي ؟ "اكيد ناس كتير قالوا ارائهم فيكي"
فيه ناس بتقول اني مغروره عشان كنت انطوائيه
بس الحمد لله دلوقتي خلاص
وفيه ناس بتقول عليا اجتماعيه جدااااااااا
وحبوبه يعني محبوبه بين الناس الحمد لله

4- نبض شايفه نفسها ازاي ؟
والله يا ضوء حد عاااااااااادي جداااااااااا

5- ايه اكتر حاجه بتكرهيها في الاولاد او الشباب؟؟؟؟؟؟؟؟
الشباب التافه اللي ياخد مصروفه من والده
ويصرفه ع البنات واللي يمشي يعاكس البنات
ولا طريقة اللبس اللي تخنق
مش كلهم طبعا
6- لو حد طلب منك طلب مين اللي عمرك ما ترفضي طلبه او يكون فيه مجال للرفض اصلا؟؟؟؟؟
اي حد قريب مني اوي واحبه بجد
وعموما مش بعرف اقول معرفش اقول لا لحد
والله ولو هاجي ع نفسي وع مصلحتي

7- ايه اكتر حاجه ممكن تخليكي محرجه ؟
ان حد يجاملني ... او يتعمد يكسفني ادام حد

8- من توأم روح نبض ؟
سااااااااااااااااره
9- ايه هي مبادئك في الحياه ؟ امتي تتخلي عن مبدأ؟؟؟؟؟
بصي انا مؤمنه جدا بالمقوله اللي بتقول
اذا اردت شيئا بقوه فاطلق سراحه
فان عاد اليك فهو ملك لك
وان لم يعد فانه لم يكن لك من البدايه

ولما بعوز اعمل حاجه لازم اعرف اوصلها باي طريقه وطبعا ما ينفعش تتخلي عن مبادئك
مادام مباديء سليمه وصعب انك تتخلي عنها يبقي مستحيل تتخلي عنها
10- ممكن تعدي لحظات اي انسان يخجل من نفسه امتي بتمر اللحظات دي عليكي؟
لما اقعد وافكر في اللي انا عملته
يعني احاسب نفسي واشوف اللي انا عملته والمفروض ما كنتش اعمله
11- اكتر عاده سيئه تتمني تغيرها فورا ؟؟؟؟؟؟
العصبيه

12- هل حققت هدفك بالحياه حتى الان؟ او حتي جزء منه؟؟؟؟؟؟؟؟؟؟؟؟؟
ع الاقل عرفت انا همشي في اي طريق ان شاء الله
في موضوع الكليه ع ما نشوف ربنا كاتب لنا ايه

13- هل ندمت على قرار اتخذته فى حياتك؟
الحمد لله لحد دلوقتي لا

14- هل انتي قد المسؤليه؟
ع حسب المسئوليه بحاول قدر الامكان اني اكون ادها

15- هل انتي بوجهين؟
من عاش بوجهين مات لا وجه له

16-
هل تتقبلي النقد الصريح جدا؟
بصي النقد البناء اللي يحسسني انه بيخاف عليها
وعايزني اكون فعلا حد كويس
ويكون صريح معايا

17- امتي تكوني فرحانه ومبسوطه ؟ وامتي تكوني حزينه ؟
لما يكون اللي حوليا مبسوطين ودايما يفتكروني
واما اكون في مكان احب احس بحب الناس ليا
وبكون حزينه لما الاقي اقرب الناس ليا مش حاسين بيا ولما الاقي نفسي بقدر حد وهو مش مديني اي اهتمام ولما اراعي مشاعر حد والاقيني مش بفرق معاه

18- ايه اكتر حاجه شاغله تفكيرك طول الوقت ؟
ازاي اوصل لرضي ربنا عليا واهلي طبعا
واني اكون حد يشرف اهله

19- امتى بتضحكى من قلبك؟ وامتى بتبكى من قلبك ؟
بضحك من قلبي بجد لما بكون مع صحباتي
ولما نكون في البيت كلنا قلعدين مع بعض
ونضحك ونهزر
وابكي من قلبي لما اقدر انسان والاقيني مش فارقه معاه او حد يفهمني غلط ويزعل مني من غير ما يعاتبني
20- حد علمك يعنى ايه صدق وامانه وكل الصفات الحلوة ؟
اكيد ماما وبابا
21- لحظة غدر قاسيه ؟
لما تدي الامان لانسان وتبقي مستعده تضحي باي حاجه وتستحملي اي حاجه عشانه وهو يحسسك انك غلطانه انك عملتي كدا ويسيبك ويقولك عشان مصلحتك


22- لحظة سعادة عمرك ما هتنسيها ؟
لتالت مره بقول الموقف ده
لما كنت في فرح ابن خالة ساره
وحسيت بحب الناس اللي حواليا والكل بيسئل عليكي
وجاي يسلم عليكي ومش سايبك والله بجد
يا ضوء احساس كان اجمل احساس حسيته لحد دلوقت

23- واذا كنتي فرشه والوان ماذا سترسم ؟
هرسم جنينه ورد
وادي منها كل انسان بحبه ورده

24- واذا خيرت بين اصحابك وكلام والدتك هتختاري ايه ؟
بصي انا صحابي وانتي اكتر حد تعرفي الكلام ده
بالنسبه لماما زيي بالظبط
وبتيجي تقعد معانا عادي جداااااااااا
يعني هي عارفه صحباتي كويس عشان كدا
مستحيل اني اكون في الموقف ده

25-
( من ليس له ماضي ، ليس له حاضر ولا مستقبل ) ماذا تعني لك هذه المقولة ؟
اننا ناخد عبره من الماضي عشان استفيد منها في الحاضر واخد بالي في المستقبل

26- ما أجمل شئ بالحياة ...؟؟ واسوأ شئ؟؟؟؟؟؟
اجمل حاجه الحب وصدق المشاعر
واسوأ شيء سوء الظن والكدب والنفاق

27- كيف تعالجي اليأس ان صادفكِ ؟
لا ياس مع الحياه ولا حياةمع الياس
والمحنه بتعمل من الانسان بني ادم يتحمل الصعب

28- كيف تعبري عن حزنكِ وفرحكِ ؟
لما بكون فرحانه >> باقعد اناكف في اخواتي
او في ماما ممكن تلاقيني عماله اضحك اوي
عن حزني>>اقعد مع نفسي ومش بكلم حد
لو متضايقه وحاسه اني في اي لحظه ممكن دموعي تنزل غصب عني انما لما بكون متضايقه بضحك
ع اد ما بكون مخنوقه ع اد ما تلاقيني بهزر واضحك
عشان اخرج من الحاله اللي انا فيها

29- ما هو التميــــــــز برأيكِ ؟
اني يكون الانسان متميز في شغله ويحاول يكون احسن من غيره ويكون طموح ويكون ع قدر كافي من
الاطلاع والثقافه


30- ماهي نظرتك للحيـــــــــاة ؟
كلها تفاؤل وامل الحمد لله

31- ماذا تعني لكِ هذه الكلمات ؟

الغمـــوض - البحر
الحلــــــــم - احلي صفه ممكن يتحلي بيها الانسان
ولكن دايما اتقي شر الحليم اذا غضب
الخيـــــــال - بنعيش فيه الحاله اللي مش قادرين نعيشها في الواقع
الصــــــراخ - حالة ضيق وحز زادت عن الحد
الصمـــــــت - توقيع عاشقه

عندما لا نبكي على احزاننا هذا لا يعني اننا فقدنا الاحساس لكن اوجاعنا كثرت فاكتفينا بالصمت . .




الانترنت - حاجه مهمه جدااااا
بتزود ثقافتنا بس نستفيد منه ونستغله صح
الحب - اجمل واصدق احساس وانا قولته قبل كده
الوداع - اصعب كلمه واصعب احساس ممكن تعيشه
الدمعة - اغلي حاجه ما تنزلش غير لما يفيض بيا
البكـــــــــاء - بيريح كتير اوي اوي اوي احسن ما تتكلمي وتقولي حاجه مضايقاكي وتضايقي بيها اي حد

يلا كفايا النهارده كده
سلاااااااااااااااااااااااااام

انا هقتلك يا ضوء
بس اما اشوفك
حرااااااااااااام عليكي بجد



بس يا رب
اكون جاوبت الاجابه اللي كنت منتظراها

الرجوع الى أعلى الصفحة اذهب الى الأسفل
rose jelly
عضو ذهبي
عضو ذهبي


انثى
عدد الرسائل : 195
العمر : 27
تاريخ التسجيل : 20/10/2008

مُساهمةموضوع: رد: نبض القلب   الجمعة أغسطس 21, 2009 4:47 am

ازيك يا نبض هدخل فى الموضوع

سالتك وهسالك تانى ليه الحزن الى فى معظم موضيعك ؟
لو حبيتى شخص ممكن انتى الى تخدى الخطوه الاولى ولا تقولى كبريائى؟
ايه رايك بما انك اول عضو اعرفه من خلال المنتدى فى اسلوب روز يعنى اكمل ولا انسحب؟
ايه اهم انطباع بتحبى توصليه لاى حد بتتعملى معاه او الفكره الى تكون عنك عند الناس؟
مين قدوتك او مثلك الاعلى ؟
انتى شيفه انه الست الصح الى تهتم ببتها وجزها وولدها ومتحققش اى نجاح شخصى ليها ولا الى تحاول انها تهتم ببتها وتحقق ذاتها فى نفس الوقت؟ جوبى بصراحة
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الجمعة أغسطس 21, 2009 5:44 am

rose jelly كتب:
ازيك يا نبض هدخل فى الموضوع
اهلا يا روز منوره

سالتك وهسالك تانى ليه الحزن الى فى معظم موضيعك ؟
مش لسبب يا روز بس تحسي ان المواضيع دي بتاثر فيا اوي
ههههههههه وبما اني رومانسيه زي ما بتقولوا يعني
فالحزن زي ما بتقولي اكتر حاجه تعبر عن رومانسيتك

"بس هو الموضوع عادي والله يا روز مجرد كلمات بتعجبني واحس بيها"
مش اكتر من كدا ولو مش عجباكي اغيرها فوراااااااااااااااااا
بس انتي اؤمري

لو حبيتى شخص ممكن انتى الى تخدى الخطوه الاولى ولا تقولى كبريائى؟
مش مسئلة كبرياء بس البنت دايما بتحب تحس ان الانسان اللي تحبه
لما يحس بيها هو اللي يجي ويصارحها "اصل دي طبيعيتها كانثي"
وكمان هي ما تعرفش شعوره ايه ما ييمكن يكون مرتبط او مش انا البنت اللي في خياله
وبيدور عليها لو هو مش مرتبط يعني
يعني بالنسبه لي لو حروح واقوله يبقي فين حيائي كبنت وبعدين ساعتها هحس ان انا الولد ....

ايه رايك بما انك اول عضو اعرفه من خلال المنتدى فى اسلوب روز يعنى اكمل ولا انسحب؟
لا طبعا كملي وبراحتك خاااااااااااااااااالص كمان ده انتي سكره والله العظيم يا روز
بس مش تاخدي ع خاطرك بسرعه يعني احنا اخوات

ولاحظي ان بطلت اقول يا بنتي

ايه اهم انطباع بتحبى توصليه لاى حد بتتعملى معاه او الفكره الى تكون عنك عند الناس؟
اني انسانه كويسه ومحترمه وبراعي مشاعر غيري فبالتالي يراعو مشاعري

مين قدوتك او مثلك الاعلى ؟
بابا وخالو

انتى شيفه انه الست الصح الى تهتم ببتها وجزها وولدها ومتحققش اى نجاح شخصى ليها ولا الى تحاول انها تهتم ببتها وتحقق ذاتها فى نفس الوقت؟ جوبى بصراحة
بصراحه طبعا
انا من وجهة نظري والله وده قولته وع طول بقوله
ان مهما الواحده وصلت لمكانه مش هتكون احسن من انها تكون ام مثاليه
وتربي اولادها احسن تربيه تفتخر بيهم وجوزها يفتحر بيهم وبيها كمان
لان الاولاد امانه في ايد الام اكتر من الاب
فلما يكون الاب والام مشغولين في تحقيق ذاتهم يبقي مين اللي هيفضل يربيهم
بس لو هتقدر انها توازن بينهم ومفيش حاجه تيجي ع حساب التانيه
يبقي مفيش مشكله المهم في المقام الاول والاخير البيت والزوج والاولاد
"بس دايما فيه حاجه بتتحقق ع حساب حاجه تانيه"
وعشان نوصل لحاجه ونحقق حاجه بيضيع قصادها حاجه تانيه
عشان نوصل لمرحله التساااااااااااااوي في الاقدار


اتمني اكون جاوبت بالصراحه اللي منتظراها مني
وبجد نورتيني وابقي تعالي تاني
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: نبض القلب   السبت أغسطس 22, 2009 6:44 am

اهلاااااااااااااااااااااااااااااااااااااااااااااااا


نبض السكرة منورة والله الكرسى
وانا ااقول قسم الاعتراف نور كدة لية Very Happy

انا جيت افكرفى اسئلة لاقيت الاعضاء الحمد الله عاملين الواجب وزيادة
عامة احاول افكر معاكى

هل نبض عاشت قصة حب حقيقة فى حياتها واستمرت اما فشلت ؟ ( اسال براحتى happy2 )
هل نبض فعلت فى يوم من الايام فعل ندمت علية ؟
لو واحد محترم وجة قالك يانبض انا معجب بيكى وبحبك بس انا دامى كدة 6 سنين ولا حاجة ياترى هتقبلى تستنية ولا بتحسبيها اازاى ؟
هل نبض بياثر على قراراتها اراء الاخرين ؟
اية رايك فى نور كشخص على الطبيعة وعلى المنتدى كمان ؟
اممممممممممممممممممممممم
لما تحبى حد وتشعرى بكدة والحد دا قالك انة بيحبك وكل حاجة بس مش بيعرف يعبر يعنى انتى كبنت بتبقى عايزة رومانسية وكدة وهومش بيعرف يعبر فانتى ممكن تفسريها تفسير اخر انة لا مش انتى فى بالة ولاانتى هتفكر ازاى وهتعنلى اية ؟
اممممممممممممممممممممممم
اية اكتر المواقف الى بضايق نبض من الى قدامها ؟
لما شوفتينى بصراحة كدة اية اول كلمة جت على بالك لمااكيد حد قالك دى نووووووووور
يعنى قولتى اية الغلسة دى او اية البت دى اواى حاجة يعنى ماانا عارفة دفعتنا Very Happy ؟
كفاية كدة على ماافكرتانى

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   السبت أغسطس 22, 2009 7:07 am



اهلاااااااااااااااااااااااااااااااااااااااااااااااا
اهلا بيكي انتي يا نور
والله وحشاني جااااااامد جدااااااااااااااااا

نبض السكرة منورة والله الكرسى
وانا ااقول قسم الاعتراف نور كدة لية
ربنا يخليكي انتي اللي سكره والله

انا جيت افكرفى اسئلة لاقيت الاعضاء الحمد الله عاملين الواجب وزيادة
عامة احاول افكر معاكى
اه والله مش عارفه هما مظبطني وواخدين بالهم مني اوي ليه كده
ما توصيهم عليا يا نور

هل نبض عاشت قصة حب حقيقة فى حياتها واستمرت اما فشلت ؟ ( اسال براحتى )
اسئلي براحتك يا ستي
عموما انا هجاوب عليكي وبكل صدق
هي الاجابه نعم
بس الحمد لله محصلش نصيب تستمر اكتر من كده

هل نبض فعلت فى يوم من الايام فعل ندمت علية ؟
بصي انا الحمد لله مش ندمت ع حاجه عملتها
بس ممكن تقولي اني اتضايقت من نفسي
عشان اديت انسان فرص كتير جدااااااااا من غير ما يقدر ده
وانا كنت ابرر له مواقفه
فحسيت اني كنت بضحك ع نفسي
وانا احب اكون صادقه مع نفسي
عشان اعرف اكون صادقه مع غيري

لو واحد محترم وجة قالك يانبض انا معجب بيكى وبحبك بس انا دامى كدة 6 سنين ولا حاجة ياترى هتقبلى تستنية ولا بتحسبيها اازاى ؟
لو محترم ومتدين ومثقف وراجل بمعني الكلمه
وكمان بيحبني بجد
وانا حاسه ومتاكده انه مش بيضحط عليا
هستناه عمري كله مش 6 سين بس...
لانك سهل ان يتقدملك ناس كتير كويسه واي حد يتمناها
انما مش سهل تلاقي حد فعلا بيحبك



هل نبض بياثر على قراراتها اراء الاخرين ؟
لما احس انهم بيتكلموا صح واقتنع بوجهة نظرهم
مفيش مشكله يبقي الامر شوري يعني

اية رايك فى نور كشخص على الطبيعة وعلى المنتدى كمان ؟
والله انسانه جميله جدا ودمها خفيف فوق العادي كمان
وحبوبه جدااااااااااااااااااااااا
اممممممممممممممممممممممم
لما
تحبى حد وتشعرى بكدة والحد دا قالك انة بيحبك وكل حاجة بس مش بيعرف يعبر
يعنى انتى كبنت بتبقى عايزة رومانسية وكدة وهومش بيعرف يعبر فانتى ممكن
تفسريها تفسير اخر انة لا مش انتى فى بالة ولاانتى هتفكر ازاى وهتعنلى اية
؟
عارفه لما تحسي الكلام في من تعابير وشه
وحبه ليكي مالي عنيه
كتير من كتر حبك في انسان مهما حاولتي تعبري عن حبك ليه
بتلاقي ان كلام الدنيا كله ما يكفيش
فبيكون كلام العيون اجمل واروع وابلغ انه يوصلك مشاعره ناحيت ايه
ما هو ممكن يكلمك ويقولك كلام حلو كتير
بس يبقي مجرد كلام
انتي فاهمة قصدي..........؟!


اممممممممممممممممممممممم
اية اكتر المواقف الى بضايق نبض من الى قدامها ؟
اني احس انه شايف نفسه اوي"مغرور يعني"
او انه يستهون بكلامي او بيا
بصراحه بيبقي نفسي اقتله

لما شوفتينى بصراحة كدة اية اول كلمة جت على بالك لمااكيد حد قالك دى نووووووووور
يعنى قولتى اية الغلسة دى او اية البت دى اواى حاجة يعنى ماانا عارفة دفعتنا ؟
لا والله انا اول حاجه قولتها
دي شكلها كده دمها خفيف بجد
مش بتضحك علينا
Very Happy

كفاية كدة على ماافكرتانى

نورتيني يا نور
بس انصحك ما تتعبيش نفسك في التفكير اكتر من كده

الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: نبض القلب   السبت أغسطس 22, 2009 7:18 am

هههههههههههههههههههههههههه

لا ماتخافيش هو عقلى الى هافكر بية ولا عقلك
اة يالئيمة عايزة تهربى من الاسئلة لا هاسئل بقا Very Happy

اولا ردودك حلوة اوى وريحتنى انا شخصيا بجد وعندك حق فى كل كلمة فيها
طيب انتى بتقولى لما تحسى بدا فى عنية طيب اذ ما كنتيش بصيتى فى عنية خالص خالص
تعرفى ازاى بقا Embarassed Very Happy ؟

طبعا اانا بهزر لان من غير العين اصلا بتبان فى المواقف كمان الى بيضحك عن الى صادق
انا عن نفسى مش بحب الانسان الى شغال كلام دا على طول اعرف انة بيلعب على طول
وبردة بتبان فى المواقف اكتر
عامة بردة ها فكر واجيلك تانى cake

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   السبت أغسطس 22, 2009 7:26 am

هههههههههههههههههههههههههه

لا ماتخافيش هو عقلى الى هافكر بية ولا عقلك
اة يالئيمة عايزة تهربى من الاسئلة لا هاسئل بقا Very Happy

لئيمه
ههههههههههههههههههههه
بقيت سوسه ولئيمه وعفريته
فاضل حاجه تانيه حد يحب يضيفها

اولا ردودك حلوة اوى وريحتنى انا شخصيا بجد وعندك حق فى كل كلمة فيها
ميرسي ليكي يا قمر
طيب انتى بتقولى لما تحسى بدا فى عنية طيب اذ ما كنتيش بصيتى فى عنية خالص خالص
تعرفى ازاى بقا Embarassed Very Happy ؟
ما انا اصلا اكيد هنكسف ابص في عنيه
انا ممكن لو شوفته في طرق امشي من الطرق التاني
بصي يا نور فيه حاجه بتقول
الكلام الخارج من القلب يصل الي القلب
"من القلب للقلب رسول"
ولازم يحصل موقف تحسي بيه اد ايه انتي غاليه عند الانسان ده
وكمان ممكن تحصل عن طريق الصدفه انك تشوفيه كده وانتي ماشيه ولا حاجه
فتلاقي ازاي هو مرتبك زيك بالظبط ومكسوف كده وفرحان في نفس الوقت
Embarassed Very Happy Embarassed


طبعا اانا بهزر لان من غير العين اصلا بتبان فى المواقف كمان الى بيضحك عن الى صادق
انا عن نفسى مش بحب الانسان الى شغال كلام دا على طول اعرف انة بيلعب على طول
وبردة بتبان فى المواقف اكتر

واديكي رديتي من غير ما اتكلم
بس والله مش اخدت بالي من الكلمتين دول غير وانا برد عليهم
اصلي برد اول باول مش بقرا الاسئله كلها يعني
عموما احنا كده بنفكر زي بعض
Very Happy
عامة بردة ها فكر واجيلك تانى cake
وانا مستنياكي تنوريني ع طول
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: نبض القلب   الأربعاء أغسطس 26, 2009 4:25 am

مساء الفل يا نبض
معلش اتاخرت عليكي المواصلات كانت زحمه بقي
1- تتمني ايه من ربنا ؟
2- ماذا لو ضاعت ثقتك بالاخرين ؟
3- عضو معاكي في المنتدي تريد ان تقول له شئ..( نصيحه _- عتاب -_ شكر- _ ملاحظه )..!
4- امتي حسيتي نك وحيده مع انك وسط الناس ؟
5- ايه طموح نبض القلب ؟
6- لو رجع بيكي الزمن لورا هتعملي ايه ولا هتغيري ايه ؟
7- اكبر بومبا اخدتيها في حياتك؟
8- اشد عقاب اخدتيه و لية اخدتيه؟
9- متى يمضي الوقت دون ان تشعري به؟
10- لو حسيتي انك اتسرعتي في قرار هيبقي موقفك ايه ؟؟؟؟؟؟؟؟
11- متى يمضي الوقت دون ان تشعر به؟
12- نقد لمن توجهيه ؟
13- ماهو شعورك عندما يطرح عليك سؤال تعجز الرد عليه ؟
14- ما رأيك برجل اليوم....؟
15- اعتذار الرجل للمرأه ذل أم احترام للذات ؟؟
16- مارأيك بالغيره ؟
17- لا اسمع لا ارى لا اتكلم ,, متى تطبق هذه المقوله بحياتك ؟؟
18- سؤال كان نفسك حد يساله لك ؟
19- متى تشعري انك ضعيف ؟
20- متي تشعري بالملل؟
21- سالتي نفسك فى يوم انتي مين وعايشه ليه وعاوزه تعملي ايه فى حياتك؟
22- لو خيرتك بين انك تعيش فى جنة لوحدك وانك تعيش فى وسط ناس كتير فى اوضة صغيرة تختار ايه؟

اخيرااااااااااااااااااااوليس أخراااااااااااااااااااا ايه رأيك في اسئله ضوء المكان ؟
جاوبي علي دول ولي عوده
سلااااااااااااااااااااااااااااااام















_________________




ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الأربعاء أغسطس 26, 2009 5:58 am


مساء الفل يا نبض
مساء النور عليكي يا قمر
دايما فاكراني كده والله انتي حبيبة قلبي

معلش اتاخرت عليكي المواصلات كانت زحمه بقي
ولا يهمك ...كفايه انك افتكرتيني
1- تتمني ايه من ربنا ؟
اتمني يركون ربنا راضي عني واكون محبوبه بين الناس واتمني......... Very Happy
2- ماذا لو ضاعت ثقتك بالاخرين ؟
دي بقي بتكون مشكله لاني لو فقدت ثقتي في حد
مستحيل اني اثق فيهم تاني وبتعب اوي لاني وثقت في حد ما يستاهلش..

3- عضو معاكي في المنتدي تريد ان تقول له شئ..( نصيحه _- عتاب -_ شكر- _ ملاحظه )..!
انا طبعا هشكر كل اللي موجودين معانا ع المنتدي
ع الروح الجميله اللي لاقيتها معاهم

4- امتي حسيتي نك وحيده مع انك وسط الناس ؟
لما احس ان فيه حد مش حاببني في المكان
او الاقي اقرب الناس ليا مش فاهمني ومش حاسين بيا

5- ايه طموح نبض القلب ؟
طموحي اكون حد كويس واهلي يفتخروا اني بنتهم

6- لو رجع بيكي الزمن لورا هتعملي ايه ولا هتغيري ايه ؟
هعمل ايه >> اكيد كنت هحاول اعرف اكتر في المجال اللي عايزه اشتغل فيه..

7- اكبر بومبا اخدتيها في حياتك؟
هههههههههه
لا انا مش بحب البومب يا ضوء بخاف منه
بس الحمد لله ما افتكرش ان في يوم حصل حاجه من دي

8- اشد عقاب اخدتيه و لية اخدتيه؟
برضو ما اعتقدتش اني اتعاقبت في يوم العقاب اللي مش انساه.. ماما دايما تقول اني ما تعبتهاش وكنت هاديه وبسمع الكلام وبخاف ع زعلهم عشان كده ما كنت بعمل حاجه تزعلهم مني

9- متى يمضي الوقت دون ان تشعري به؟
لما اكون قاعده مع ناس بحبهم او ع النت

10- لو حسيتي انك اتسرعتي في قرار هيبقي موقفك ايه ؟؟؟؟؟؟؟؟
هحاول اني اشوف ايه اللي ممكن يصلح الموقف ده
واحاول اخرج من القرار ده باقل خسائر

11- متى يمضي الوقت دون ان تشعر به؟
مكرر ايه يا ضوء اللي واخد بالك يا جميل

12- نقد لمن توجهيه ؟
مش من حقي انقد حد
ولو نقدت هنقد نفسي ع اني بثق في الناس بسرعه
والمفروض اني اخد حذري اكتر من كده
"حرص ولا تخون"

13- ماهو شعورك عندما يطرح عليك سؤال تعجز الرد عليه ؟
باكون في اكتر حالات الاحراج وما اقولكيش
شكلي بيبقي عامل ازاي.... Embarassed

14- ما رأيك برجل اليوم....؟
مش كلهم اكيد بس فيه ناس كتير كويسه
والمفروض ان في الوقت ده يكون الشباب اكتر ثقافه
ومعرفه وكمان يكون رجل اد المسئوليه مكان ما يكون
تصرفاته تشهد برجولته

15- اعتذار الرجل للمرأه ذل أم احترام للذات ؟؟
احتراااااااااااااااااااااام وتقدير للذات
16- مارأيك بالغيره ؟
مش كل الغيره في غيره قاتله خنيقه
يعني الواحده مثلا تقول لخطيبها ولا لجوزها انت بتبص لدي ليه انت بتكلمها كده ليه وممكن بغيرتها الزياده دي لو هو بيموت فيها يتخنق منها ومش يبقي طايقها اصلا والراجل نفس الموضوع
بس فيه غيره بقي تحسسها بحبه ليها وتحسسه بحبها ليه مش تخنقه ولا يخنقها

17- لا اسمع لا ارى لا اتكلم ,, متى تطبق هذه المقوله بحياتك ؟؟
لما اشوف حد بيعمل حاجه مش صح واجي انصحه وما يقبلش النصيحه وكمان يرد عليا بسخريه او بمعني اصح"يقولي مش مستني منك نصيحه" انتي فاهمه الاسلوب ده.. ساعتها بس لو شوفته بيعمل حاجه تاني
هقول المقوله دي

18- سؤال كان نفسك حد يساله لك ؟
بصراحه مفيش

19- متى تشعري انك ضعيف ؟
لما اكون عايزه اعمل حاجه وتحصل اي ظروف
ما تخلنيش اعملها بحس ان الظروف اقوي مني
وانا مبحبش كده ومبحبش حاجه اسمها ظروف وغصب عني..

20- متي تشعري بالملل؟
لما اكون قاعده لوحدي لفتره طويله

21- سالتي نفسك فى يوم انتي مين وعايشه ليه وعاوزه تعملي ايه فى حياتك؟
كتييييييييير
22- لو خيرتك بين انك تعيش فى جنة لوحدك وانك تعيش فى وسط ناس كتير فى اوضة صغيرة تختار ايه؟
لا انا بحب الناس اوي اوي اوي
بس الاختيار ده يتوقف ع الناس اللي هتبقي موجوده
لو بتحبني بجد هتمني اكون معاهم في اي مكان


اخيرااااااااااااااااااااوليس أخراااااااااااااااااااا ايه رأيك في اسئله ضوء المكان ؟
شكلك نهايتك هتكون ع ايدي يا ضوء
بس بجد اسئله جامده اخر حاجه
لما كنت بدخل والاقيكي منزله اسئله لحد وهو ع الكرسي ما كنتش بقوله غير الله يكون في عونك من اسئلة ضوء....

جاوبي علي دول ولي عوده
لا يا ضوء
انا عايزه اشوفك عندنا مش في الموضوع ده Very Happy
سلااااااااااااااااااااااااااااااام
سلام يا جميل
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   السبت سبتمبر 05, 2009 6:50 am

اتمني اني كنت ضيفه خفيفه عليكوا
واكون قربت منكم فعلا


ويارب ما تكونوش زهقتوا مني
ولا اكون قولت حاجه تتضايق حد

ولو حصل وحد زعلان مني او متضايق مني في حاجه

اتمني انه يسامحني لانها اكيد من غير قصد

وشكرا ليكم ع استضافتكم ليا ع الكرسي المريح ده

ومستنين العضو اللي بعد كده
Very Happy

الرجوع الى أعلى الصفحة اذهب الى الأسفل
mody
مشرف
مشرف


ذكر
عدد الرسائل : 3066
العمر : 23
تاريخ التسجيل : 29/08/2008

مُساهمةموضوع: رد: نبض القلب   الأحد سبتمبر 13, 2009 4:10 am

يانهار ملون
نبض كانت على الكرسى وانا مرحبتش بيها
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الأحد سبتمبر 13, 2009 8:32 am

شوفت بقي يا مودي

بس مشاركتك دي بجد
نورت الموضوع والمنتدي كله


وكل سنه وانت طيب
الرجوع الى أعلى الصفحة اذهب الى الأسفل
mody
مشرف
مشرف


ذكر
عدد الرسائل : 3066
العمر : 23
تاريخ التسجيل : 29/08/2008

مُساهمةموضوع: رد: نبض القلب   الثلاثاء سبتمبر 15, 2009 5:26 am


مش للدرجة دى يانبض
المنتدى منور لوحده بيكى والله..وبأعضاؤه الجمال
والكرسى بجد هيفتقدك...


وكل سنة وانتى طيبة
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نبض القلب   الثلاثاء سبتمبر 15, 2009 6:27 am

ميرسي كتير يا مودي
واحنا اللي مفتقدينك بجد

وكل سنه وانت طيب
الرجوع الى أعلى الصفحة اذهب الى الأسفل
 
نبض القلب
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
 :: IT Club café :: كرسي الاعتراف-
انتقل الى: