الرئيسيةالتسجيلدخول

شاطر | 
 

 مساواة الراجل بالمرأة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: مساواة الراجل بالمرأة   الإثنين أغسطس 17, 2009 12:46 am

من سالف الزمن الغابر وبالأصح من ذو بدء خلق الإنسان كانت المرأة هي أساس
ومركز المجتمع وهي المربية وصانعة الأجيال وهي المجتمع برمته بكل شرائحه
وكان على الرجل أن يكون في حمايتها وخدمتها لكي تصل برسالتها الإنسانية
وتعلم الذكر والأنثى كيف فنون البقاء على وجه الأرض .

ولو عدنا لكثير من الثقافات لوجدنا أن تقديس المرأة كان يأتي في المقام
الأعظم في تلك الأمم التي سطرت التاريخ بإبداعاتها وأدبها وفنونها .
وأن تلك الأمم التي احتقرت المرأة ولم تعي مكانتها نجد أن لا موروث لها
يذكر أو يفتخر به غير من سبيل العبرة لما آل له حالها من تخلف وتدهور .
و في عصرنا الحالي عندما انقلبت القاعدة وصار الرجل مجرد اسم ترتبط به
المرأة كزوج أو أب وليس إلا بعد أن نسي أو بالأصح تجاهل فضل المرأة
ومكانتها الراقية في المجتمع واحتقر بجهودها واعتبرها مجرد خادمة في منزله
أو لعنة تسير على الأرض وعار وفضيحة .
وقتها ألزمت المرأة نفسها على الخروج لساحة ذلك الرجل لتثبت له أنها
تستطيع أن تكون مثله وأفضل وأن ذلك الغرور الذي اعتراه وسلكه من عادات
وتقاليد الجاهلية وتعصبات المتشددين الذين لا يفقهون غير مبدأ حب النفس
والأساليب الدكتاتورية وأن كل ذلك مثل فقاعة طارت وبنسمة هواء رقيقة
انفجرت وكشفت عن ما بها من ضعف .
المرأة هي كل المجتمع وتعبير أنها نصف المجتمع هو إجحاف في حقها ودورها
وهي الأم والأخت والزوجة والخالة والعمة وإنكار ذلك وإنكار فضلها يجعلنا
قوم لا نعي الحقيقة كيف هي .
ولو عدنا إلى أوامر ديننا الحنيف لوجدنا الحقيقة أن المرأة هي مركز
المجتمع وأساسه ومن آخر وصايا عظيم الإنس والجن محمد صلى الله عليه وسلم
كانت الصلاة والرفق واحترام المرأة ولقد قارن عليه الصلاة والسلام بينها
وبين الصلاة والتي هي من أعظم شعائر الإسلام وكانت من آخر وصاياه فالأحرى
بنا أن نعمل ونحترم وصية معلمنا ومرشدنا عليه الصلاة والسلام .
قوم لا قيمة للمرأة عندهم كالخراف في وادي تملئه الذئاب .

الكاتب : خالد علي حنشل

والسؤال الأن :


هل تعتقدى ان المرأة مظلومه .. أو مضطهده بمصر ؟؟ أو العالم العربى ؟؟ وما علامات ذلك ؟؟

أليس للمرأة حقوق اكثر من حقوق الرجل احيانا خاصه بعد التشريعات الأخيرة ؟؟

أليس للمرأة عربتان فى مترو الأنفاق ممنوع على الرجال الإقتراب منها .. ومع ذلك تزاحموننا بمنتهى الروح الرياضيه فى عربات الرجال ؟؟؟

أليس للمرأة حق الخلع كما ان للرجل حق الطلاق ؟؟

اين الظلم بالله عليكن ؟؟؟

أليس الفتاة مفضله على الشاب فى العمل فى القطاع الخاص ؟؟

ألم تطرد الفتاه الشاب من اعمال ووظائف كثيره فجلس على القهوة وزادت البطاله والعنوسه ؟؟

اليس مصطلح تحرير المرأة هذا مصطلح مطاط وواهم لتدمير الأمه وشق صفها؟؟؟

اليس ظهور المرأة فى الإعلانات هو استنزال من كرامتها لعرض أنوثتها كسلعه ... وهذا بعض مما نادى به الغرب الغبى ؟؟؟


مش معايا انه آن الأوان لفتح جبهه اجتماعيه لمساوة الرجل بالمرأة ؟؟

نريد اجابه منصفه ... لو أمكن ...
الرجوع الى أعلى الصفحة اذهب الى الأسفل
rose jelly
عضو ذهبي
عضو ذهبي


انثى
عدد الرسائل : 195
العمر : 27
تاريخ التسجيل : 20/10/2008

مُساهمةموضوع: رد: مساواة الراجل بالمرأة   الثلاثاء أغسطس 18, 2009 10:08 am

الصراحة يا تايجر انا اول ما قرات الموضوع فى الاول قلت لنفسى ايه الحلاوة دى فى راجل فى الحياة مقدر قيمة الست بس لما كملت اتصدمت
هل تعتقدى ان المرأة مظلومه .. أو مضطهده بمصر ؟؟ أو العالم العربى ؟؟ وما علامات ذلك ؟؟
بالنسبة لمصر متهيئلى انه مبئتش المره متهضه لحد كبير
أليس للمرأة حقوق اكثر من حقوق الرجل احيانا خاصه بعد التشريعات الأخيرة ؟؟
الصراحة مش عرفة بالضبط ايه التشريعات الى انت تقصدها
أليس للمرأة عربتان فى مترو الأنفاق ممنوع على الرجال الإقتراب منها .. ومع ذلك تزاحموننا بمنتهى الروح الرياضيه فى عربات الرجال ؟؟؟
لو الموضوع ده مزعلك فعلا احب اساللك هو المترو كام عربية الستات هتفضل تعمل كده لحد ما بقى ما المترو يبقى نص العربيات للستات ونصهم للرجال
أليس للمرأة حق الخلع كما ان للرجل حق الطلاق ؟؟
وانت شايف انها بكده مميزه الرجل بيطلق بكلمة ام الست محاكم وقواضى ومحامين ومصريف وبهدله بعيد عنك
اين الظلم بالله عليكن ؟؟؟

أليس الفتاة مفضله على الشاب فى العمل فى القطاع الخاص ؟؟
اعتقد ان المميز بيشتغل مسالة انها تكون متفوقة غن الرجل دى مشكلته
ألم تطرد الفتاه الشاب من اعمال ووظائف كثيره فجلس على القهوة وزادت البطاله والعنوسه ؟؟
دى تلكيك شباب عاطل المميز بيشتغل والطموح بيوصل
اليس مصطلح تحرير المرأة هذا مصطلح مطاط وواهم لتدمير الأمه وشق صفها؟؟؟
تدمير الامة وشق صفها ده كلام كبير واظن انه الى بيسعله تحرير المراة ان يكون الجتمع صف واحد
اليس ظهور المرأة فى الإعلانات هو استنزال من كرامتها لعرض أنوثتها كسلعه ... وهذا بعض مما نادى به الغرب الغبى ؟؟؟
الى بظهروا فى الاعلانات هم جزء من النساء الى استخدموا حرتيهم بشكل غط


وزى ما فيه رجال كده فى ستات كده

مش معايا انه آن الأوان لفتح جبهه اجتماعيه لمساوة الرجل بالمرأة ؟؟

انا مش شيفه ان الراجل فى اى حاجة بتقف عقبة فى حياته عشان يتحرر منها وان الرجل الى مش قادر يستوعب حرية الماة ده رجل متخلف وان الرجل الى شايف ان تحرير المراة اصبح عقبة فى طريقه ده رجل فاشل وبيدورله على حجج لفشله

الى عوزة اقوله فى النهاية
ان المراة لما طلبت تتحرر كان هدفها الاول انها تخلص من نظرة الرجل ليها وصلت الست لاماكن كويسة بس لسه متخلصتش من استخفاف الرجل بيها وبقدرتها والى بيدل على كده انكم لسه مستكترين على الست حريتها
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: مساواة الراجل بالمرأة   الثلاثاء أغسطس 18, 2009 3:42 pm


بصى يا روز فى الاول عايز بس اصحح ليكى حاجة وهى فكرة المساواة . المساواة مش معناها ان الراجل يبقى زى المرأة يعنى المترو عشر عربيات يبقى الرجالة خمسة والستات خمسة ان الراجل من حقة يطلق يبقى المرأة من حقها تطلق ان الراجل لية مثتنى وثلاث ورباع يبقى الست نفس الحكاية مش دى ابداً المساواة الكلام دا فى الرياضات بس يعنى هسالك سوال ينفع والدى وانا فى الكلية كان يدينى مصروف كد اللى اخويا فى الاعدادى بيخدة وهل لو مداش كل واحد اد التانى يبقى ظالم ؟ طبعاً لا العدل ان كل واحد يخد ما يقضى حاجتة فى حدود الموارد المتاحة يعنى حاجة زى الخلع دى انا شايف ان لو المراة تقدر تخلع الراجل بكلمة واحدة كانت نص الستات اطلقت بدون قصد لان اول مبتحصلش مشكلة اول حاجة تعملها الست طلقنى وانا شايف ان المشكلة
ان احنا عايزين المرأة = الراجل فى كل حاجة ودا غباء لان طبيعة المرأة غير طبيعة الراجل فمينفعش المهام اللى ياخدها الراجل تاخدها المراة ولكن العدل ان كل واحد ياخد الدور اللى يناسبة
واللى طبيعتة تتماشى معاه يعنى انا مينفعش اربى العيال لان انا معنديش خلق ان اقعد اطب طب ودلع لكن المرأة بطبعها حنينة ودى حاجة ربنا خلقها كدا

اما نقطة ان المراة متفوقة عن الراجل عشان كدا بتلاقى شغل

دى غلط الموضوع مش كدا خالص ولكن اصحاب الشغل بيعينو المرأة عشان اولاً مرتبتها اقل من الراجل يعنى عندك البنات اللى بتقف فى المحلات دى لية اغلب الناس بتطلب بنات لان البنت لو اديتها 150 جنية هتبقى بصى فى قمة الفرح انما الولد مش هيكمل شهر فى الشغلة دى لان 150 ميكفهوش سجاير ولا يقدر يفكر انة يفتح بيت بيهم انما البنت مش مطلوب منها اى حاجة ولو ساعدت اهلها تبقى كدا يعنى عدها العيب لكن الولد غير كدا

فى النهاية انا قنعاتى الشخصية
- ان شغل المرأة مش مساواة عشان ظلم تشتغل 8 ساعات وترجع تشتغل فى البيت والولاد من ناحية الدين اعتقد ان الدين قال "وقرن في بيوتكن ولا تبرجن تبرج الجاهلية الأولى" يعنى لما الواحد يبقى ممشى البيت كويس مالهاش لازمة ابداً شغل المراة
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: مساواة الراجل بالمرأة   الثلاثاء أغسطس 18, 2009 8:58 pm

اهلا بيك يا تايجر .. و اهلا بموضوعك الجميل 
الموضوع ده بقى قضيه كبيره دلوقتى 

بس انا لو هتكلم عن المراه و مساواتها مع الرجل 
ف ده شىء مستحيل لان الفرق بين الرجل و المراه كبير جدا 
ف كل شىء .. و انا شايف ان فيه حاجات كتير جدا استحاله امراه 
تقدر تقوم فيها بالدور بدلا من الرجل .. 

الكلام ده مش بقوله علشان اقول ان الرجل افضل من المراه ف كل شىء
لا فيه حاجات كتير جدا اكيد المراه متميزه فيها ... لانها دى وظيفتها 
بطبيعتها .... 


اللى انا بأستغرب له اما يكون المراه عاوزه تخرج للعمل علشان تحقق ذاتها 
الحكمه اللى بتقول وراء كل عظيم امراه 
حكمه صحيحه ... يعنى ممكن اوى يكون ذاتك هو انك 
تساهمى ف نجاحك زوجك مثلا و وقتها مش هتحس ابدا بانها اقل منه
ده دايما هتلاقي نفسها الكل بيهدى ليها نجاح زوجها ده 

- الاغرب ف الموضوع اما نلاقى امراه بتسعى جاهده انها تغزو 
مجالات العمل المختلفه و بتسعى نحو التميز و نسيا من اهم وظيفة 
لها ف الدنيا انها تربى اولادها و تعلمهم .

انا مش هأظلم المراه و اقول انها وظيفتها تطبخ و تغسل و الحاجات دى 
لكن برده فيه حاجات كتير اوى اوى مش مناسبه ابدا للمراه كوظيفه و بنشوفها فيها
طيب ده ايه ... هل هى مش قادره تفهم طبيعتها و تتكيف معاها 
ممكن اوى المراه تخرج للعمل ... كمعلمه و كمربيه و كصيدليه 
و وظايف كتير جدااااا 

اما بخصوص المترو يا تايجر  ... سيبهولهم يا عم 
بس يسيبونا ف حالنا ... 


هههههههههه

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
rose jelly
عضو ذهبي
عضو ذهبي


انثى
عدد الرسائل : 195
العمر : 27
تاريخ التسجيل : 20/10/2008

مُساهمةموضوع: رد: مساواة الراجل بالمرأة   الأربعاء أغسطس 19, 2009 5:00 am

شوف يا تيجر انا حبه افهمك انى مستوعبة فكرة المساواة واقلك كمان انى مبسوطة انى بنت وان ليا لبسى وشكلى وطريقتى فى التعامل الى هى بتختلف عن الولد بس الحقيقة الى انتى مش مستوعبها انه بصرف النظر عن الحاجات الى انا قلتها ان الست فعلا مساوية للرجل اللى اذا انت شايف انها اقل ودى تعتبر وجهة نظر خاصة بيك لوحدك

وبالنسبة لموضوع الشغل دى حاجة متعبهاش والى حاصل ان معظم الرجالة لما تيجى تتجوز تقولك ايه انا عايز واحدة بتشتغل عشان تسعدنى فى المعيشة
انت بتقول ان شغل المراة ظلم يا سيدى الى عيزة تشتغل رضيه لنفسها الظلم ده وشيفه ان الكتير من الستات لو متوفر لها عيشه كريمة فى وسط الغلاء ده مش هتبئ غويه مرمطة انا شيفة ان الست الى بتشتغل دى ست مكفحة ولازم يتبصلها بنظرة احسن من كده


وبالنسبة ليك يا عقرب شكللك من الرجال الى مش مومنين بحرية المراة
ليه مستحيل المساواة بين الرجل والمراة يا ريت تقولى
ايه الحاجة الى الرجل يقدر يعملها والست متعملهاش بس الى اعرفه ان الست بتعمل حاجات الرجل مقدرش يعملها وابسطها انها قادرة انها تقوم بوظيفتها كست وكمان بالبيقوم بيه الرجل وبالنسيه للطبخ والغسيل انه وظيفة الست مفيش قران ولا حديث بيقول كده المفروض ان الحياة مشركة وكمان تربيه العيال لو الرجل ملهوش خلق يربى يبقى ميستحقش يبقى اب
وعن تجربتى فى الحياة انا امى 57سنة يعنى مش صغيرة واكيد بكون مضيقة وانا شيفها رجعة تعبانة كل يوم ده غير انها فعلامريضة وحده زى دى خرجة من بتها ليه الى عشان توفر لولدها عيشه كريمة
المشكلة مش فى المراة المشكلة فى الرجل الى مستكبر يديها حقها كانسان عنده مشكلة وبيحاول يحلها


معلش ياتيجر انت وعقرب امهتكم مش بتشتغل احب اعرف لو ميديكوش ؟
وسوال يا تايجر ياترى هدفك من الموضوع ده ايه انك تقتنع بتحرير المراة ولا انك تقنع المراه انها ولا حاجه ولا النقاش والجدل وخلاص؟
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: مساواة الراجل بالمرأة   الأربعاء أغسطس 19, 2009 6:11 am

اوباااااااااااااا

لا و الله .. انا مؤمن جدا بحرية المراه 
بس بصراحه ما بيعجبنيش طريقة تفكير بنات كتير 

و فيه حاجات فعلا ما ينفعش المراه تقوم بيها 
و انا مش معاكى ابدا ان الراجل يشارك مراته ف الغسيل و الطبيخ
سورى ... هو ليه متجوزها ؟؟
علشان يطبخ معاها ...

بالمناسبه انا والدتى مش شغاله 
هى ربة منزل 

و علشان هى كده انا بأرجح جدا ان المراه مكانها الطبيعى ف البيت

ثانيا احنا لو اخدنا ان العلاقه ما بين الرجل و المراه منافسه
مش هنعيش ... احنا بنكمل بعض 

المراه نصف المجتمع .. و تلد و تربى النصف الاخر

بعد الحكمه دى مش ممكن نقلل من قدر المراه ابدا !!



----- 

بالمناسبه كان فيه قصة حقيقيه حصلت ف اوروبا مع احد رجال الاعمال 
هو كان دكتور و له زميله شغاله معاه و طبعا مسيحيه و متجوزه 
و لما سالته عن زوجته قالها بتصحى من النوم .. تحضر الفطار 
و تنام تانى لحد ما اولادها يصحوا من النوم و تحضر ليهم الأكل 
و تفضل معاهم ف البيت ... و على ميعاد وصولى ... تكون حضرت لى 
الاكل ... و نظفت لى ملابسى و ملابسها و ملابس اولادنا 
و بنقعد كلنا بعد الغدا  .. نتسامر و نتكلم 
و لما سالته عن الفلوس ...
قالها انا باديها الفلوس علشان الاكل و المصاريف بتاع المعيشه ليا و ليها و لاولادها


كان رد الدكتوره الاجنبيه 
قالت له .. زوجتك  ملكه !!!


------

هى شايفاها ملكه لانها عايشه ... اللى تتناسب مع قدرتها و طبيعتها 

و على فكره انا مش ضد عمل المراه 
انا ضد انها تكون ف المكان المش مناسب 
ليس اكثر و لا اقل  !!! 



---

اتمنى اكون وضحت وجهه نظرى 

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
rose jelly
عضو ذهبي
عضو ذهبي


انثى
عدد الرسائل : 195
العمر : 27
تاريخ التسجيل : 20/10/2008

مُساهمةموضوع: رد: مساواة الراجل بالمرأة   الأربعاء أغسطس 19, 2009 6:34 am

متزعلش يا عقرب ردودك مستفزة ومش وضحة ايه الى الرجل يقدر يعمله الست متقدرش عليه وحكاية انك مؤمن بحرية المراة انت بتضحك على نفسك وحبت اقلك ان كل ست عرفه قدرتها الشخصية والمادية ومشى على اساسها على فكرة انا عن نفسى مش هشتغل او نوية على كده يعنى كلامى مش عشان اسهلها لنفسى اذا لقيت شغل اصلا انت يا عقرب راجل صعب ومتعصب

وبتقول كلام ومش مؤمن بيه وبتناقض نفسك وده واضح فى كلامك ومشكلتك الى هتوجهك فى حياتك ان زجتك ديما هتبقى مطلوب منها انها تكون صورة من ولدتك واتمنى ربنا يوفئك لانه صعب
الرجوع الى أعلى الصفحة اذهب الى الأسفل
rose jelly
عضو ذهبي
عضو ذهبي


انثى
عدد الرسائل : 195
العمر : 27
تاريخ التسجيل : 20/10/2008

مُساهمةموضوع: رد: مساواة الراجل بالمرأة   الأربعاء أغسطس 19, 2009 6:38 am

ايه هو المكان الى مش مناسب مش فهمه
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: مساواة الراجل بالمرأة   الأربعاء أغسطس 19, 2009 6:39 am

انا بقول نرجع للموضوع الاساسى افضل 

و شكرا على رايك 

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: مساواة الراجل بالمرأة   الأربعاء أغسطس 19, 2009 7:11 am


ازاك ياروز

اولاً الست تختلف عن الرجل ودى مش وجهة نظرى ربنا بيقول "الرجال قوامون على النساء بما فضل الله بعضهم على بعض" الاية مش معناها ان الرجالة افضل من الستات او العكس ولكن معناها ان فيها اشياء الرجالة فضلت فيها على النساء والنساء فضلت على الرجال فى اشياء فالاتنين مش زى بعض نهائياً ومش مفروض نقارنهم ببعض ولكن كل ميسر لما خلق لة يعنى الست ليها وظائف طبيعة تكوينها تتناسب معها والراجل نفس النظام مينفعش ان احنا نخلط الاوراق ونساوى كلة ببعضة

اما حكاية اية الحجات اللى الراجل يعرف يعملها ومتقدرش الست تعملها
الراجل بيعرف يجرى وراء الاتوبيس ويقف فية وهو زحمة اى ست عرفة انها ست مش هتعمل كدا
الراجل يقدر لو الشغل احتاجة يسهر ويبات فى الشغل انما الست اول ما الساعة تعدى 8 ابوها يتصل عندنا فى الشغل ساعة ما البنت تتاخر لاى سبب بعد الساعة ثمانية تلاقى خطبها اتصل وابوها اتصل وامها بتتصل انما والله احنا ساعات بنام بالاسبوع فى الشركة وفية بردة حجات احنا مبنعرفش نعملها زى الطبيخ وتربية الولاد بس المشكلة ان الغرب ضحك علينا وصور ان تربية الولاد والطبيخ والحجات دى من dirty work وان المراة متخلقتش عشان كدا وطبعاً للاسف
صدقنا الكلام دا وبقى فى دماغ كل بنت يعنى انا مش متخيل انا ابقى شغال واجى الساعة 5 اومراتى هى كمان تيجى الساعة 5 والعيال فى دروس تيجى الساعة 8 يبقى نقعد مع بعض اربع ساعات ونام يعنى الاربع ساعات دول بئى اى قيم واى اخلاق ممكن تتقال فى الاربع ساعات دول
دا بقى نادى مش بيت

وبالنسبة لوالدتى الحمد لله كانت مبتشتغلش وانا لما كنت باجى من المدرسة والله او حتى الكلية ومبلقهاش لنص ساعة ببقى بلف حوالين نفسى وعلى فكرة انا مش بحاول انا نفسى ان مراتى تبقى زى والدتى عشان متتهمنيش بالتهمة دى انا كمان بس نفسى ولادى يستمتعو بحنان امهم زى ما انا استمتعت
وبالنسبة للموضوع انا منزل الموضوع عشان كل واحد يقول وجهة نظرة لان فى النهاية مش لازم نقنع بعض بس على الاقل نعرف كل واحد بيفكر ازاى ومفيش واحد بيدخل نقاش ويطلع زى ما هو لازم يستفاد
الرجوع الى أعلى الصفحة اذهب الى الأسفل
tiger2
عضو ذهبي
عضو ذهبي


ذكر
عدد الرسائل : 191
العمر : 27
تاريخ التسجيل : 20/08/2009

مُساهمةموضوع: رد: مساواة الراجل بالمرأة   الأربعاء سبتمبر 02, 2009 11:16 am

بس بجد الموضوع جميل وجامد ياتيجر

والحاجات الى انت قولتها دى بتحصل

كما فى حاجه ان الدقه فى العمل لم تكن متساويه
بينهم شوف مثلا لو زوج وزوجه فى بيت بيشتغلوا شوف مين الى هيرجع الاول وتروح طبعا متاخره
ولو هم حاسين ان هم مظلومين
يبقى يدخلو الجيش


بس ياتيجر ما تتكلمش فى السياسه علشان انت داخل على ....وممكن الناس تاخد عنك فكره مش حلوه ويغيروا رايهم
الرجوع الى أعلى الصفحة اذهب الى الأسفل
 
مساواة الراجل بالمرأة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: