هتعملي اية لو مخطوبة لواحد زي ده ؟؟

خطيب بارد جدا جدا

هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

هاااااااااااااااااااان تعملوااية لو مكانها
انا سمعت راي عجبنى اوى

هاطلع المطواة واغزة
وانتوا بقا

.
.
.

دا جزائها عشان بتتمشى معاه وهما لسا مخطوبين clap2

لو قعد فى بيتها كان اكرملها

بردة اكيد كان هيخليها ترمى نفسها من البلكونة

يبقى هيا اللى غاويه مرمطه

هههههههههههههههه

زائر

والله
شويه فيه اللي هتعمله

تغزه بس

دي ايه الرحمه دي كلها

بس جااااااااااااااااااااامد جدا يا نور

هولع فيه اكيد

لو خطيبي كده والله لفجره

بس جاااااااامد يا نور

ده خطيبها ده عسل

هههههههههههههههههه

نورتوا يا جماعة
دور شاى هنا يا اااض للمعلمين

ماشى يا ست نور متخليها قهوة

هو فيه برود كده
يا خرابى
ده واحد يجنن بجد
لومنها اقتله واخلص البشريه منه
ده بخيل وبارد برود وبيمشى مع واحده كمان

يا جماعه والله الراجل عندوا حق
يمكن هيا وحشه اوي
بدليل انوا كان مع واحده امبارح في السينما بس حلوة
يبقي مش بخيل مهو عزمها علي سينما اهو
هو بس هتلاقيه سوء اختيار انو مشي معاها
هههههههههههههه
موضوع جميل يا نور

ههههههههههههههههههههه

نورتو تولين وقيصر