الرئيسيةالتسجيلدخول

شاطر | 
 

 أوعي تقوم لبنت في المترو !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: أوعي تقوم لبنت في المترو !!!   الأحد أغسطس 30, 2009 10:51 pm

اوعى تقف لبنت فى المترو

ياجماعة احنا لازم نعمل وقفة .. من اللى هيه كده
ماليش دعوة

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،




والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،

والله


والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟
كل الكلام ده ماشى




والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان





والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟
البنت طبق كشرى بحاله من الكبير ابو تلاتة جنيه.. زيه زى الولد بالظبط




والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه

ايااااااااااااك


طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا
المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة
أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق تعبااااااان


وتيجى هيه وصاحبتها قدامى بالظبط وتعلـّى صوتها



وتقول لصاحبتها:


معدتش باقدر أقف كتير يا ثنية..


ترد عليها زميلتها واللبانة ف بقها:



ومين سمعك يا حبيبتشى..


الدكتشور قال لى انى لو وقفت على رجلى خمس دقايق هارجًّع ع اللى قدامى علطول

اهىء اهىء


وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء المصريينfarao

..برضه مش واقف
احسسسسسسسسسسن

وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟


ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى
يااااااااربى

طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..

afro

انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل
اشطة يا جميل

والبنت اللى في الجامعة آه لو شافت راجل في المترو.. هيغمى عليها من الخضة..



ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟

wink

أيوة مادام فيه مساواة تبقى ف كل حاجة.
. زى ماانا باشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالتى يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..


المشكلة دى يحس بيها اللى بيركب المترو يوميا زيى.نفسى أحس انى جاى بدرى ولحقت كرسى بعرق جبينى وقاعد أصلى ركعتين شكرbow down على الكرسى اللى فلت من بين يدى القوات الأنثوية الغاشمة

اوعى حد يفتكر انى مش باقوم عشان حد يقعد

.بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟

وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار
coffee1

وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..

طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا
القاعده
الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده.
.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.
لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك المعفن الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد

خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق


للأمانه منقول
الرجوع الى أعلى الصفحة اذهب الى الأسفل
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:07 pm

هههههههههههههههههه
اية الجمال دة
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:09 pm


شكرا يا تيجر علي مرورك
بس كل المطلوب منك تركب اي وسيله مواصلات تقطع عرق الشهامه اوك
ههههههههههههههههههههههههههههههههه
Very Happy
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:27 pm

جمال ايه يا تايجر اللي بتقول عليه

ههههههههههههه

يعني لما تقوم للبنت عشان الزحمه ومحدش يغلس عليها
احسن ولا تسيبها واقفه ....


وبعدين المواقف اللي هو بيقف فيها دي
سواء لست كبيره او راجل عجوز
مش الشباب بس اللي بيعملوها

البنات كمان بتعمل كده
وبيوسعوا لبعض كمان عشان يقعدوا

ههههههههههههههه
اقولك عشان ترتاحوا من ده كله






اقعدوا في بيوتكم عشان ما تزحموش الدنيا




جميل بجد يا قيصر
ههههههههههه
بس بلاش المطوه دي
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:34 pm


ههههههههههههههههههههه
هو ده اللي انتوا عايزينوا ان احنا نقعد في بيوتنا بقي علشان تخدوا راحتكوا في الشغل وفي الشارع وفي الموصلات كمان وترجعي تلاقي الراجل محضرلك الغدا
بس ياتري لما الاخت هاله سرحان لما تسمع المرأة بتقول للراجل قوم حضر العشا هيجلها تخلف برضوة ولا ايه ؟

وشكرا ليكي ا نبض علي المرور
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:37 pm

laughing laughing



الحمد الله انا مابركبش مترو clap2

الموضوع جميل يا قيصر

بس على مااظن بردة بتبقى من الذوق ان لو شفت اى بنت واقفة فى اى مواصلة مش متروو بس انك تقعدها لو فى مستطاعك ذلك

انا عن نفسى واسمى بنت بعملها والله للرجالة لما يكون الراجل عجوز طبعا وبعملها بردة للستات الكبار

وساعات والله لما ابقى خدت كفايتى وفاضل مثلا عشرة واوصل ااقوم واقعد اى بنت او اى حد واقف انا العشرة دى مش مشكلة

هى الدنيا كدة لازم نشيل بعضنا كلنا علشان الخير يفضل موجود فى دنيتنا

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:41 pm


هههههههههههههههههههه
شكرا ليكي يا نور علي المرور
بس هي دي المشكله ان قلبنا طيب ومش بنعرف نعمل كده
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: أوعي تقوم لبنت في المترو !!!   الأحد أغسطس 30, 2009 11:46 pm

مش كلكوا يا قيصر

انا افتكر مره

كنت رايحه عند عمتو

وبنت كانت قاعده وشافت ست كبيره

واقفه قامت عشان تقعدها

ياعيني ع ما الست جات تروح تقعد
كان واحد راح قعد ع الكرسي
والبنت بتقوله

يا عمو ده مكاني وانا قومت عشان الست تقعد

وكان زعق فيها وقالها انتوا كنتوا ورثتوه ولا اشترتوه

اقعدوا في بيوتكوا وريحونا
وقعد طول الطريق يغني بقي
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: رد: أوعي تقوم لبنت في المترو !!!   الإثنين أغسطس 31, 2009 1:11 am


ههههههههههههههههههههههه
صوتوا حلو ولا لأ طيب
Very Happy
الرجوع الى أعلى الصفحة اذهب الى الأسفل
ضوء المكان
عضو ملكي
عضو ملكي


انثى
عدد الرسائل : 1201
العمر : 27
تاريخ التسجيل : 06/11/2008

مُساهمةموضوع: رد: أوعي تقوم لبنت في المترو !!!   الإثنين أغسطس 31, 2009 2:04 am

هي الترجمه هتنزل امتي

_________________




ليكن قلبك صدفة في بحر

لايحمل غير لؤلؤه واحده هي حب الله
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي


ذكر
عدد الرسائل : 407
العمر : 27
تاريخ التسجيل : 23/08/2009

مُساهمةموضوع: رد: أوعي تقوم لبنت في المترو !!!   السبت سبتمبر 05, 2009 7:15 am


هههههههههه
شكرا ليكي يا ضوء علي المرور
بس ده عربي متترسميش
Very Happy
الرجوع الى أعلى الصفحة اذهب الى الأسفل
 
أوعي تقوم لبنت في المترو !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتـداكـــــــــــــــــــــــــــــــــــــــم :: الارشيف-
انتقل الى: