هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالتسجيلأحدث الصوردخول

 

 الست سومه والحاج عفريت........حاجه أخر شلل...

اذهب الى الأسفل 
3 مشترك
كاتب الموضوعرسالة
قيصر روما
عضو ملكي
عضو ملكي
قيصر روما


ذكر
عدد الرسائل : 407
العمر : 35
تاريخ التسجيل : 23/08/2009

الست سومه والحاج عفريت........حاجه أخر شلل... Empty
مُساهمةموضوع: الست سومه والحاج عفريت........حاجه أخر شلل...   الست سومه والحاج عفريت........حاجه أخر شلل... Icon_minitimeالإثنين سبتمبر 07, 2009 9:51 am





اثبتت الدراسات الجنيه والعفريتيه الحديثه

ان ممكن الست تشل اي جن وتقدر عليه وتفتري عليه كمان

وهو ده بقي الدليل اهو تعالو نشوف قصه الست سومه والجني الي طلعلها


الحج عفريت : نياهاهاهااااااا شوبيكى لوبيكى خدامك بين ايديكى

سومه: بسم الله الرحمن الرحيم لا حول ولا قوه الا بالله ...

صلى ع النبى كدا يا خويا حد قالك عاوزه انا خدامين...

بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...

الحج عفريت: ييييييييه كل مره اقولهم بلاش ستات الكلمه يترد قصادها ميه واغبيه يا معين يا رب

...اتطلبى وانا انفذ يا ستى ...وانجزى بقى خلصينى

سومه:ياحلاوه يا ولاد دا عامل زى عفروتو بتاع المرسحيه قصير واقرع .... :Jumpy:

الحج عفريت:احنا حنقبح بقى ولا ايه ليه طوله اللسان دى اللهم طولك يا روح


سومه:هع هع هععع يطولها ؟؟؟

اذا كنت انت نموك وقف على الحجم دا دا انت ولا خاتم سليمان يحوق معاك....


بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر


الحج عفريت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده

سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...

وعمال خدامك ومش خدامك

الحج عفريت :ماشى يا ستى انا اسف ...مش حتكلم حسيبك لضميرك الاسود :kamikaze:

ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب

سومه:اهى ى ى لا هو انتوا عندكم ولاد

الحج عفريت :امال يعنى بننقرض

سومه:وانت من اى قبيله اتيت....بس عرفتك تكونش بتاع كارتون السنافر....


شاطره يا سومه والنبى طول عمرك نبيهه يا بت

الحج عفريت: دى حتغلط بقى انا من الجن الابيض يا ستى خلصى

سومه:اشتاتا اشتاتا اشتوت ....اتفووووو


الحج عفريت:يا وليه يا مضروبه بتتفى عليا

سومه:لا يا خويا وانا اقدر...بتف فى عبى يمكن تنصرف


الحج عفريت:اطلبى وانا اجيبلك اللى تعوزيه

سومه:شوف بقى انا غير كووووول الستات اللى انت عرفتهم ومطالبى تختلف عن الاخرين

الحج عفريت:وانا تحت امرك

سومه:بس قولى الاول احضرك ازاى..؟؟؟

الحج عفريت :ياستى ما انا مزروع اهو حتحضرينى ليه

سومه:اه صحيح طيب يا سيدى متتنرفزش الزعل مش حلو عشانك

يعنى لو قلتلك عاوزه عربيه انت ممكن تجيبلى

الحج عفريت:طبعا فورا اجيبلك بس قولى نفذ وانا انفذ...عاوزاها نوع ايه

سومه:اهو شوف فهمتنى غلط انا قلتلك انا مش زى الستات العبيطه مش عاوزه عربيه :shutup22:

الحج عفريت:يا خواتى ارحمنى يا رب

سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيا

طيب اسمع يا خويا انا حخلصك خالص لو طلبت منك اسرائيل تنكشح عن فلسطين تمشيها

الحج عفريت:يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....

سومه:خلاص اهو ادينى طلبت عشان متقولش وتشتكى انت اللى معرفتش تنفذ....

بس فاضى تقول مش فاضى وعندى مواعيد


اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر....

وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........

الحج عفريت:نعمممممممم يا دلعدى

سومه:هههههه العفريت برطم بالبلدى

الحج عفريت:يعنى انا جاى من زحل ارض ارض عشان تقوليلى اسيأ السلم ....واقطف ملوخيه


سومه:اه والله فكرتنى نسيت حته تقطيف الملوخيه

الحج عفريت :يا وليه ارحمينى تحبى اجيبلك جاجوار...ولا هامر تركبيهم

سومه:ودول ايه دول يا خويا ...

لا الحمد لله طقم السنان بتاعى شغال ميه ميه..الكوبرى تاعبنى شويه بس ماشى

الحج عفريت:طيب تحبى اجيبلك شقه 1000 متر على النيل

سومه:لالالالا ايه العفاريت المؤذيه دى


دوشه ورطوبه... انت عاوز تقطم وسطى مين حينضف المساحه دى كلها...قال ويقولى فى خدمتك..

الحج عفريت:طيب تحبى تسافرى وتلفى العالم

سومه:يا نصيبتى اخرج من بيتى فى غير علم سى بطيخ دا كان يقتلنى...

ثم انا ميهونش عليا زعله....

ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان...

اه امال ايه.؟؟؟

الحج عفريت:طيب تحبى اخلصك من سى بطيخ نفسه

سومه:يا خويا بعد الشر تف من بقك

ان شاء الله انت وميه زيك ....

هو صحيح عينه زايغه....ولسانه طويل وايده باطشه....وجزمه ديما طايره ....

بس الست مننا ايه منغير بطيخها ....والعيال مين حيشيلهم مين يشيل مشاكلهم....

الحج عفريت :انا زهقت منك...مش ممكن واحده معندهاش ولا طلب ....

طيب اسمعى اجيبلك ذهب ياقوت مرجان..الماظ....

سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله....

ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..

طيب انا حريحك ...لو حزفت اجابتين انا ممكن اقولك الاجابه الصح عدل

الحج عفريت:هو انا جورج قرداحى ...تحزفى اجابتين جديده دى

سومه:خلاص انا عرفت سياتك تبقى مين

الحج عفريت:الحمد لله وحتطلبى بقى خلاص مش كدا

سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه

الحج عفريت:يا خوااااااااااااااااااتى انا حعتزل المهنه

انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد

سومه:طبعا يا خويا نحن نختلف عن الاخرين ونزيد


الرجوع الى أعلى الصفحة اذهب الى الأسفل
زائر
زائر
Anonymous



الست سومه والحاج عفريت........حاجه أخر شلل... Empty
مُساهمةموضوع: رد: الست سومه والحاج عفريت........حاجه أخر شلل...   الست سومه والحاج عفريت........حاجه أخر شلل... Icon_minitimeالإثنين سبتمبر 07, 2009 10:01 am

هههههههههههههههههههههههههه

جامده جدا والله يا قيصر

شكرا ليك
الرجوع الى أعلى الصفحة اذهب الى الأسفل
ibrahim fayed
عضو ملكي
عضو ملكي
ibrahim fayed


ذكر
عدد الرسائل : 1120
العمر : 32
تاريخ التسجيل : 16/08/2009

الست سومه والحاج عفريت........حاجه أخر شلل... Empty
مُساهمةموضوع: رد: الست سومه والحاج عفريت........حاجه أخر شلل...   الست سومه والحاج عفريت........حاجه أخر شلل... Icon_minitimeالإثنين سبتمبر 07, 2009 10:09 am

ألف شكر ليك ياقيصر

بجد حلوه
الرجوع الى أعلى الصفحة اذهب الى الأسفل
نور
مشرفه عامه
مشرفه عامه
نور


انثى
عدد الرسائل : 5392
العمر : 35
تاريخ التسجيل : 26/10/2007

الست سومه والحاج عفريت........حاجه أخر شلل... Empty
مُساهمةموضوع: رد: الست سومه والحاج عفريت........حاجه أخر شلل...   الست سومه والحاج عفريت........حاجه أخر شلل... Icon_minitimeالإثنين سبتمبر 07, 2009 7:02 pm

هههههههههههههههههههههههههههههههههه

جامدة يا قيصر
الرجوع الى أعلى الصفحة اذهب الى الأسفل
قيصر روما
عضو ملكي
عضو ملكي
قيصر روما


ذكر
عدد الرسائل : 407
العمر : 35
تاريخ التسجيل : 23/08/2009

الست سومه والحاج عفريت........حاجه أخر شلل... Empty
مُساهمةموضوع: رد: الست سومه والحاج عفريت........حاجه أخر شلل...   الست سومه والحاج عفريت........حاجه أخر شلل... Icon_minitimeالإثنين سبتمبر 07, 2009 11:56 pm


شكرا ليكم جميعا علي ردودكم
الرجوع الى أعلى الصفحة اذهب الى الأسفل
 
الست سومه والحاج عفريت........حاجه أخر شلل...
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: IT Club café :: الترفيهي-
انتقل الى: