الرئيسيةالتسجيلدخول

شاطر | 
 

 شارك برأيك: المغالاة فى المهور وارتفاع تكاليف الزواج

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
Tiger
مشرف
مشرف


ذكر
عدد الرسائل : 1619
العمر : 27
تاريخ التسجيل : 22/02/2008

مُساهمةموضوع: شارك برأيك: المغالاة فى المهور وارتفاع تكاليف الزواج   الثلاثاء سبتمبر 22, 2009 8:25 am

اعتبر علماء دين أن ظاهرة المغالاة في المهور التي يشهدها المجتمع سبب
رئيسى في ارتفاع نسبة العنوسة ، رابطين بين كثير من مظاهر الفساد
الاجتماعي وغلاء المهور وارتفاع تكاليف الزواج .
ولا شك أن المغالاة
في المهور وتكاليف الزواج من شقة واثاث والبذخ في الافراح، من أهم الأسباب
التي أدت إلى انتشار العزوبية، والثابت أيضًا أن أغلب الإناث أصبحن في
الفترة الأخيرة يمثلن عائقا آخر؛ بحيث أصبحن يشترطن المؤهل العالي؛
فالطبيبة لا بد أن تتزوج طبيبًا، والمهندسة لا بد أن تتزوج مهندسًا، إلى
جانب وجود شقة وسيارة فخمة؛ فماذا سيفعل الشاب محدود الدخل وهو يرى هذه
الصورة أمامه؟!.
وقد كشفت دراسة لجهاز التعبئة العامة والإحصاء أن هناك نسبةً متزايدةً لغير المتزوجين بين الشباب المصري بلغت 37%.
فما
رأيك أنت؟ هل هناك مغالاة بالفعل فى متطلبات الزواج والمهور؟ ام ان هذه
المتطلبات أصبحت أساسية لا يمكن الاستغناء عنها؟ وهل تعتقد ان ارتفاع
تكاليف الزواج هى السبب الحقيقى وراء عزوف الشباب عن الزواج وارتفاع نسب
العنوسة ام ان هناك أسباب أخري ؟
شارك برأيك الآن من خلال التعليق على هذا الموضوع


منقول من مصراوى
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شارك برأيك: المغالاة فى المهور وارتفاع تكاليف الزواج   الثلاثاء سبتمبر 22, 2009 10:22 am

اولا كل سنه وانت طيب
وعيد سعيد عليك وع المسلمين اجمهين

-------------
ندخل في الموضوع

فيه اساسيات يا تايجر لازم منها
يعني الشقه مطلوبه
واللي العريس بيقدر يعمله بيعمله وكمان العروسه كذلك

وكل حاجه مع الصب بتيجي وتتحقق اهم حاجه الصبر
واللي اهم من ده كله
انهم يكونوا شاريين بعض
وعمر ما كان الشبكه ولا المؤخر ولا الحاجات دي
بتحدد قيمة البنت بس كل واحد ومقدرته

واظن ان دلوقت نادرا اللي بيجيب شبكه
يعني بتبقي حاجه الخطوبه ولو العريس عنده النقدره
انه يجيب شبكه ويجهز شقه وتكون حالته ميسره لكده
فبيكون لو مش قادر فالمفروض اننا بنقدر ونقول اللي نجيب بيه شبكه
نصرفه في الشقه وتجهيزاتها والقايمه بينكتب فيها المبلغ اللي اتفقه عليه
وفيه ناس بتكون متفقه ع شبكه بمبلغ معين عامله حسابها عليه
ولما اهل البنت مثلا يقولوا ان الشبكه ممكن التغاضي عنها وتنكتب في القايمه
ده مش بيقي تقليل من قيمة البنت بالعكس ده كده هما شاريين البني ادم ده
والانسان مش فلوس وبس المهم الاخلاق وانه يحافظ عليها ويعاملها
بما يرض الله

اما حتة بقي ان الدكتورة تاخد دكتور والمهندسه مهندس
فدي ممكن صحيحه شويه

بس الدكتور كتير مش بياخد دكتوره وبيكون رافض تمام انها تكون دكتوره
يعني بيدور ع واحده مؤهل عالي واخلاق ونسب
واكيد جمال سواء شكل او طبع

بس بيهتموا شويه بالمؤهلات العليا
للتقارب في المستوي الفكري وتقابل الافكار
ليس الا

يعني كل ما مستوي التفكير كان قريب من بعضه
كل ما الامور بتمشي بمشيئة الله طبعا

وسوري اذا كنت طولت في الرد

بس موضوعك فعلا جميل ويستحق النقاش

الف شكر ليك تايجر
الرجوع الى أعلى الصفحة اذهب الى الأسفل
ibrahim fayed
عضو ملكي
عضو ملكي


ذكر
عدد الرسائل : 1120
العمر : 24
تاريخ التسجيل : 16/08/2009

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الثلاثاء سبتمبر 22, 2009 10:37 am


للأسف يانبض

مش كل الناس

بيتخاضوا عن موضوع الشبكه ده

يعني مثلاً فيه واحد قريب

بيحب بنت بقاله حوالي 3 سنين

وأهلها موفقين عليه وكل حاجة

وسبحان الله

يوم أما أهله راحوا يخطبوا البنت

جلسوا ساعين يتخانقوا علشان الشبكة

مع إن أهل العروسة شارين العريس

سبحان الله

ويوقلو لأهل العريس أدام إنت معاك فلوس هات بقه

يقول أبو العريس

يعني انا علشان معايا فلوس يبقى أدفع حاجة زيادة ومش معقوله

بس طبعاً

في الاخير

وافق أبو العريس

علشان ابنه

بس ده حالة خاصة " يعني أبو العريس معاه فلوس "

لاكن اللي ممعهوش هيعمل ايه


لاكن الرجل الصح اللي يشتري راجل

يعني أنا ليا بنت عمي متجوزه بقلها سنتين

تقريباً الشبكة مش كتير

والفرح كان على القد

تقريباً عمي دافع في تجهيز العروسة ضعف اللي

دفعه العريس

بس العريس قال بدل تكاليف الفرح

أروح انا والعروسه عمره

وفعلاً بعد الجواز

راحوا عمره

وأنا شايف ان دي من أسعد الجوازات اللي شفتها في حياتي


الخلاصة فيه كده وكده


ربنا يرزقنا بواحد زي عمي كده


-------------

وألف شكر ياتيجر على الموضوع الرائع ده





_________________



لا تقـــــــل فات الآوان ****************** وانطلـــــــق فالوقت آن


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأربعاء يناير 06, 2010 5:24 am

الواحد يتجوز ابن عمه ارحم
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأربعاء يناير 06, 2010 6:20 am

وبنت عمو لا؟

صحيح يا سعد
هو انت بجد سعد؟!

لو كده يبقي بجد نورتنا من تاني
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأربعاء يناير 06, 2010 3:01 pm

نبض القلب كتب:
وبنت عمو لا؟

صحيح يا سعد
هو انت بجد سعد؟!

لو كده يبقي بجد نورتنا من تاني
هو مين سعد ده يانبض ؟!

موضوع الزواج ده كبير وعاوز تفكير عميق اصل البنات مش شايله هم أي مصاريف!

اهم حاجه وقبل التفكير في مصاريف الزواج هي إختيار الزوج أو الزوجه

وأكتر حاجه أعيبها علي الولد والبنت إنهم يحبوا بعض والإتنين مجرد زمايل في الكلية !!

لاهي عارفه طباعه وشخصيته ولا اخلاقه ولا اهله وبردو هو كمان مش عارف عنها أي حاجه غير إنها حلوة وزميلته في الكلية

المشكله ان الانسان مبيعقلش غير لما بيكبر شوية وربنا يوفق ويهدي الجميع

طبعا سبب الكلام ده ان أغلب حالات الحب اللي مرت عليه كانت فاشلة جداً ورغم إن أصحابها فيهم المحترم والملتزم وقليل الأدب ومع ذلك أنا مشجعش غير الحب اللي هو بعد الخطوبة والزواج

واغلب حالات الحب الفاشل سببها البيت الفاشل
لو البنت ليها أخ مهتم بيها معتقدش إنها ممكن تروح تدور علي حد يسمعها ويفهمها
طبعا الشاب لما يلاقي ان البنات معنهمش الفراغ العاطفي ده أكيد مش هتعبره وهيحب علي روحه[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
omnia
عضو ملكي
عضو ملكي


انثى
عدد الرسائل : 1176
العمر : 27
تاريخ التسجيل : 20/03/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأربعاء يناير 06, 2010 6:23 pm

موضوع الزواج ده كبير وعاوز تفكير عميق اصل البنات مش شايله هم أي مصاريف!

اهم حاجه وقبل التفكير في مصاريف الزواج هي إختيار الزوج أو الزوجه

وأكتر حاجه أعيبها علي الولد والبنت إنهم يحبوا بعض والإتنين مجرد زمايل في الكلية !!

لاهي عارفه طباعه وشخصيته ولا اخلاقه ولا اهله وبردو هو كمان مش عارف عنها أي حاجه غير إنها حلوة وزميلته في الكلية

المشكله ان الانسان مبيعقلش غير لما بيكبر شوية وربنا يوفق ويهدي الجميع

طبعا سبب الكلام ده ان أغلب حالات الحب اللي مرت عليه كانت فاشلة جداً ورغم إن أصحابها فيهم المحترم والملتزم وقليل الأدب ومع ذلك أنا مشجعش غير الحب اللي هو بعد الخطوبة والزواج

واغلب حالات الحب الفاشل سببها البيت الفاشل
لو البنت ليها أخ مهتم بيها معتقدش إنها ممكن تروح تدور علي حد يسمعها ويفهمها
طبعا الشاب لما يلاقي ان البنات معنهمش الفراغ العاطفي ده أكيد مش هتعبره وهيحب علي روحه
[ندعوك للتسجيل في المنتدى أو التعريف بنفسك لمعاينة هذه الصورة]



والله رأيك تمام ياسعد وانا متفقه معاك فيه جداااااااااا
منور المنتدى من تاني والله
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأربعاء يناير 06, 2010 9:44 pm

اهلا بيكي يا أمنيه ,, شكرا للترحيب
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الجمعة يناير 08, 2010 6:37 am

اقتباس :
ولا شك أن المغالاة في
المهور وتكاليف الزواج من شقة واثاث والبذخ في الافراح، من أهم الأسباب
التي
أدت إلى انتشار العزوبية

انا مش معاك خالص في المقوله دي
فيها ايه لو كل واحد فينا كشباب بص امام عينه بس يبص للبنت اللي في مستواه اللي تقدر تميزه عن غيره واللي هو يقدر يقدرها معنويا وماديا

هتقولي الحب مفيهوش تفرقه بين غني وفقير وكده هقولك عندك حق وكل حاجه
بس دلوقتي الابهات والامهات رايهم ودورهم في الزواج هو الاساس
يعني لو قالوا ايوا هو ده يبقي خلاص هو ده لا قالوا لا يبقي برده خلاص لا

لان الناس الكبار دول بيبقول لهم نظره تانيه في الشخص المتقدم لبناتهم

عاوزين احنا كشباب نبص لكل واحده احنا بنتقدملها كاخت لنا
ايوا نعتبرها اختنا وواحد جاي يتقدملها

اكيد هنبقي عاوزين نشوفها في احسن حال ومرتاحه في كل شئ مع الانسان ده
اكيد مش هنطالب في المغالاه في المهر وكده بس هنحب ان اختنا تظهر في شكل كويس

زي ما بيتقال
كل واحده لها الكيال بتاعها


اقتباس :
أيضًا أن أغلب الإناث
أصبحن في
الفترة الأخيرة يمثلن عائقا آخر؛ بحيث أصبحن يشترطن المؤهل
العالي

علي فكره ده برده مش عيب ولا حاجه
فيها ايه لما كل واحد تطالب ان زوجها يكون في نفس المستوي بتاعها يكون صاحب مؤخهل عالي مش عيب طبعا
كفايه انهم هيكون فاهمين بعض وعلي نفس المستوي الثقافي

انا مثلا لي بنت اختي في كليه طب
اكيد مثلا لو واحد اتقدملها معاه معهد او دبلوم مش هوافق عليه
حتي لو كان ابن وزير او مرتاح ماديا جدا
استحاله

لو هو ايه لازم هيبقي فيه بينهم حلقه مفقوده بعد الزواج
اكيد هيبقي فيه بينهم فاصل
وما افتكرش اصلا ان فيه رجل هيحب يرتبط بواحده اعلي منه ثقافيا وكل شئ


اقتباس :
فالطبيبة لا بد أن
تتزوج طبيبًا، والمهندسة لا بد أن تتزوج مهندسًا، إلى
جانب وجود شقة
وسيارة فخمة

مش شرط طبعا ان الدكتوره ترتبط بدكتور
والمهندسه ترتبط بمهندس لا طبعا
وانا اكلمت فيها في الفقره السابقه

ومفيش حد برده بيطلب من الزوج ان يكون عنده سياره فخمه ولا حاجه
بس الاكيد
انه يبقي عنده شقه دي حاجه ما فيهاش برده زعل

اقتباس :
فماذا سيفعل الشاب
محدود الدخل وهو يرى هذه
الصورة أمامه؟!.

زي ما قولت كل واحد من الشباب دول يبص للي في مستواه
يبقي كل واحد عارف هو بيتقدم لمين مش اكتر
ويحط البنت دي محل اخته ووالدها ووالدتها كانهم والده ووالدته

لان استحاله اي اب او ام هيردوا يعيشوا بنتهم في مستوي اقل من مستواهم
لاما في نفس مستواهم او اعلي لو امكن
حتي لو كان العريس ده مؤهله ايه





_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   السبت يناير 09, 2010 7:17 am

انا متحفظ جداً علي رأي الطائر وشايف ان اغلبه غلط !
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأحد يناير 10, 2010 4:42 am

شايف ان رايي غلط يا سعد

ياريت تقول اي نقطه وتعلق عليها

حتي لو كان كلامي كله غلط
افتكر ده رايي ومش من حققك تقول عليه غلط

فيه حاجه اسمها(انا مش معاك يا طائر في رأيك)او (رأيك مش عجبني)

ياريت ترد يا سعد وتعلق علي كلامي اللي غلط بالنسبه لك

_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأحد يناير 10, 2010 7:16 pm

الطائر الحزين كتب:
شايف ان رايي غلط يا سعد

ياريت تقول اي نقطه وتعلق عليها

حتي لو كان كلامي كله غلط
افتكر ده رايي ومش من حققك تقول عليه غلط

فيه حاجه اسمها(انا مش معاك يا طائر في رأيك)او (رأيك مش عجبني)

ياريت ترد يا سعد وتعلق علي كلامي اللي غلط بالنسبه لك
اذيك ياطائر
بخصوص رأيك اللي قلت إن أغلبه غلط ده شيء لايعيبك لأن الاراء تحتمل الخطأ والصواب
طبعاً هتقلي يعني انت رأيك هو اللي صح ياسعد ؟
هجاوبك وقول في حالة واحده لو رأيي مدعوم بأدلة لاتحتمل الخطأ يبقي أي كلام عكس الكلام المبني علي أدلة غلط بنسبة 100% واظن اننا متفقين علي كده

نرجع لموضوعك ,, انت بنيت رأيك علي العرف وده صح في حالة واحده لما يكون الدين منظمش العلاقة بين الرجل والمرأة ,, يعني مش علشان اهالينا قالوا ان البنت لازم تتزوج في شقة 5 اوض ومهر 10 الاف جنيه وكلام فاضي من ده يبقي ده الأساس اللي هنمشي عليه
بالعكس الدين شرح العلاقة بين الرجل والمرأة وحدد أبعادها وحتي أسس اختيار الزوج أو الزوجة النبي حددها
والأحاديث في النقطة دي واضجه جداً ومشهورة
بخصوص الرجل أساس الإختيار : الخلق والدين
وبخصوص المرأة : ذات الدين

البنت هتستفاد ايه لما يكون زوجها مليونير وبخيل ولا حتي بيعاملها معامله مش كويسه
البنت يهمها يكون إنسان متدين وعلي خلق والرزق طبعا بإيد ربنا

وانت ياطائر وانا عمرك ما تقبل تتجوز واحده كانت بتمشي كل يوم مع واحد يعني اول اختيارك الدين


ده أساس حكمي إن كلامك غلط ,,, لسه هناقشك في بعض النقاط اللي مش متفق معاك فيها خالص
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الأحد يناير 10, 2010 9:22 pm

هههههههههههههههههه

هو ده اللي كان مزعلك من كلامي

اقتباس :
يعني مش علشان اهالينا
قالوا ان البنت لازم تتزوج في شقة 5 اوض ومهر 10 الاف جنيه وكلام فاضي من
ده يبقي ده الأساس اللي هنمشي عليه

انا ما قولتش لازم يكون عنده شقه 5 اوض
انا قولت لازم يكون عنده شقه ما هو مينفعش اروح اتقدم لوحده وانا ايد وراء وايد قدام وما عنديش شقه
واروح اطلب واحده من ابوها واقوله لما بس توافق يا عمي يبقي ربنا يسهل
شقه
شقه
ولا 5 اوض ولا حاجه بس تكون شقه حتي لو ايجار ده مش عيب

اقتباس :
بالعكس الدين شرح
العلاقة بين الرجل والمرأة وحدد أبعادها وحتي أسس اختيار الزوج أو الزوجة
النبي حددها
والأحاديث في النقطة دي واضجه جداً ومشهورة
بخصوص الرجل
أساس الإختيار : الخلق والدين
وبخصوص المرأة : ذات الدين

اسس اختيار الزوج او الزوجه ايه بس يا سعد
انت برده اكلمت عنها في ردك الاول

واظاهر انك ما قراتش اسم الموضوع كويس(
المغالاة فى المهور وارتفاع تكاليف الزواج

)

بس برده ارد
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ
صَلّى الله عَلَيْهِ وَسَلّم قال: " تُنْكحُ
الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ
بذاتِ الدِّينِ تَربَتْ يَدَاكَ " مُتّفَقٌ عَلَيْهِ

الحديث شارح نفسه وافتكر ان دي المعايير اللي المفروض اننا كشباب نمشي عليها في اختيارنا للزوجه الصالحه

وزي ما الحديث كان واضح لنا كشباب افتكر انه واضح للبنات ايضا في حسن اختيار الزوج الصالح
وانت قولت
اقتباس :
بخصوص الرجل أساس
الإختيار : الخلق والدين

طب نرجع لحديثنا من تاني (مالها) (حسبها) (جمالها) (دينها)

طبعا الاختيار الاول والاخير بيبقي لذات الدين زي ما نص بالحديث(فاظر بذات الدين تربت يداك)

بس مفيش اي مانع بجانب انها ذات حسب ونسب وجمال انها تكون ذات مال
ده لاختيار الزوجه

وطبعا محدش هيرضي لزوجته انها تصرف عليه

اما
مراعاة المال وحده دون الدين فهذا ما نهى عنه الإسلام وحذَّر
منه ، حيث قال عليه الصلاة والسلام: " لا تزوجوا النساء لحسنهن فعسى حسنهن أن يرديهن، ولا تزوجوهن لأموالهن فعسى
أموالهن أن تطغيهن، ولكن تزوجوهن على الدين ، ولأمة ـ
جارية ـ سوداء ذات دين أفضل

يبقي من حقها برده في اختيارها لزوجها انه يكون غني او حاله ميسور ماديا مش شرط غني او مليونير
بس يقدر يعيشها حياه سعيده ويصرف عليها وعلي اولاده مستقبليا
بدون اللجوء لاحد

اقتباس :
البنت هتستفاد ايه لما
يكون زوجها مليونير وبخيل ولا حتي بيعاملها معامله مش كويسه

هم كل الاغنياء بخلاء في نظرك ولا ايه
اكيد طبعا فيه الغني الكريم الودود

واكيد برده البنت هستفاد
كفايه انها هتعيش مع زوجها حياه مستقره بدون مشاكل
في وسط الظروف الاقتصاديه السيئه اللي بنعيشها دي

ولا انت شايف ايه


اقتباس :
انت ياطائر وانا عمرك
ما تقبل تتجوز واحده كانت بتمشي كل يوم مع واحد يعني اول اختيارك الدين

انا بصراحه مش عارف ايه دخل ده في موضوعنا
بس دا شئ اكيد يا عم اني استحاله هرتبط بواحده كانت كل يوم بتمشي مع واحد او فكرت اصلا تكلم واحد بس مش كل يوم واحد

انا بدأت اشك انك مش سعد اصلا
سعد ردوده كانت افضل من كده بكثير وكنت ببقي متردد جدا قبل ما ادخل معاه في حوار عشان ما اظهرش بالشخص ضئيل الخبره والثقافه

بس اظاهر اني كنت غلطان المده دي كلها


_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 1:15 am

اقتباس :

فيها
ايه لو كل واحد فينا كشباب بص امام عينه بس يبص للبنت اللي في مستواه اللي
تقدر تميزه عن غيره واللي هو يقدر يقدرها معنويا وماديا

هي قيمة الإنسان بتحدد بفلوسه؟!!

اقتباس :
بس
دلوقتي الابهات والامهات رايهم ودورهم في الزواج هو الاساس
يعني لو
قالوا ايوا هو ده يبقي خلاص هو ده لا قالوا لا يبقي برده خلاص لا
لان
الناس الكبار دول بيبقول لهم نظره تانيه في الشخص المتقدم لبناتهم

يعني هي دي النظرة الصحيحة في رأيك ؟ !!

اقتباس :
عاوزين
احنا كشباب نبص لكل واحده احنا بنتقدملها كاخت لنا
ايوا نعتبرها اختنا
وواحد جاي يتقدملها

وليه ميكنش العكس ؟ ليه متعتبرش نفسك الشخص المتقدم لواحده ابوها قالك 5 اوض ومهر 10 الاف وانت علي قد حالك؟!!

اقتباس :
اكيد هنبقي عاوزين نشوفها في احسن حال ومرتاحه
في كل شئ مع الانسان ده
اكيد مش هنطالب في المغالاه في المهر وكده بس
هنحب ان اختنا تظهر في شكل كويس
هي هتكون مرتاحه مع الشخص صاحب الخلق والدين والا صاحب المال وبدون خلق؟!!

اقتباس :

زي ما بيتقال
كل واحده لها
الكيال بتاعها
هي بيعه ,, الكيال هو الشخص اللي يقدرها ويحترمها مش الشخص اللي هيصرف ببذخ وتاني يوم يبهدلها!!

اقتباس :
فيها ايه لما كل واحد تطالب ان زوجها يكون
في نفس المستوي بتاعها يكون صاحب مؤخهل عالي مش عيب طبعا
كفايه انهم
هيكون فاهمين بعض وعلي نفس المستوي الثقافي

هو المؤهل العالي دلوقتي بقي شرط؟!!
في أشخاص كتير مؤهلهم عالي ومع ذلك قمة في التخلف والإنحدار الثقافي


اقتباس :
انا مثلا لي بنت اختي
في كليه طب
اكيد مثلا لو واحد اتقدملها معاه معهد او دبلوم مش هوافق
عليه
حتي لو كان ابن وزير او مرتاح ماديا جدا
استحاله
هي الناس دلوقتي بتتقاس بالشهادات ؟ ما اغلبنا بيطلع من الكلية ميعرفش غير تخصصه
كام واحد من شباب مصر مسك كتاب وخلصه للأخر ؟!
بنت عمي مثلا طالبة في كلية الطب ومع ذلك ثقافتها العامة محدودة جدا جدا! ولو قلتلها ماذا تعرفين عن البيروقراطية؟ هتقلي ربنا يشفيك!
هو الواحد هيتجوز شهاده والا واحده عندها دين
كل يوم مثلا هتناقش في قضية من قضايا المجتمع ؟!
المهم ازاي نفهم بعض وازاي نتعامل مع بعض بموده ورحمة

اقتباس :

لو
هو ايه لازم هيبقي فيه بينهم حلقه مفقوده بعد الزواج
اكيد هيبقي فيه
بينهم فاصل
وما افتكرش اصلا ان فيه رجل هيحب يرتبط بواحده اعلي منه
ثقافيا وكل شئ
مفيش اي فواصل لأن الشهادة ملهاش قيمة دلوقتي
عاوز تفهمني ان طالب العلوم درس تنمية بشرية وطرق الاتصال مع الاخرين في المنهج؟!
انت بتقول مفتكرش ان راجل يخطب واحده اعله منه ثقافيا انا بقلك اهو هي فين دي وانا مستعد

------------
اقتباس :
لان استحاله اي اب او ام هيردوا يعيشوا
بنتهم في مستوي اقل من مستواهم
لاما في نفس مستواهم او اعلي لو امكن
حتي
لو كان العريس ده مؤهله ايه

اقتباس :
انا مثلا لي بنت اختي
في كليه طب
اكيد مثلا لو واحد اتقدملها معاه معهد او دبلوم مش هوافق
عليه
حتي لو كان ابن وزير او مرتاح ماديا جدا
استحال
ه

تناقض غريب ياطائر!!
منين في الاول يهمك المؤهل العالي قبل الماده وبعد كده تناقض نفسك وتقول المادة قبل المؤهل !!
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 3:01 am

اقتباس :
هي قيمة الإنسان بتحدد
بفلوسه؟!!

والله ياعم الحج انا ما قولت كده
انا قولت زي ما هيكون صاحب خلق ودين يبقي مرتاح ماديا
ومش معني اني اقول مرتاح ماديا يعني يكون مليونير كلنا بلا استثناء من الطبقه المتوسطه حتي لو كان معانا ايه

اقتباس :
يعني هي دي النظرة
الصحيحة في رأيك ؟ !!

اكيد طبعا مش دي النظره الصحيحه
بس ده الواقع اللي احنا عايشين فيه ومش هنقدر نغيره
كلمة الاب والام هي العليا وما افتكرش ان فيه بنت هتعدل علي رأي والدها لو قالها العريس ده مش مناسب لك

اقتباس :
ليه متعتبرش نفسك الشخص
المتقدم لواحده ابوها قالك 5 اوض ومهر 10 الاف وانت علي قد حالك؟!!

يا عم وانا ليه احط نفسي في الموقف ده يا عم سعد
هنفترض مثلا شاب متوسط الحالي وعارف نفسه كويس وعارف مقدرته وظروفه واللي هيقدر يتكلم به وهو يرايح يتقدم
اكيد قبل ما بتقدم بيبقي سأل علي الانسانه دي ووالدها وحالهم وطبعهم الاول

اللي انت بتكلم فيه دلوقتي 5 اوض ومهر 10 الاف
دول اكيد ناس مرتاحه عاوزين بنتهم تعيش زيهم ويا عم وده مش يزعل حد
وعلي فكره المهر ما بقاش 10 الاف بس بقي اغلي بكتير 15 و20

الاب والام طبعهم هيهم الادب والاخلاق والاصل لان ده نسب هيسعدهم ويقدروا يفتخروا به طول عمرهم

بس اكيد مع الادب والاخلاق يكون انسان يقدر يحقق مطالبهم
وزي ما قولت كل واحد يبص للي منه للي في مستواه
احنا مش هنتكبر

زي ما بتقال (الناس مقامات)

اقتباس :
هي هتكون مرتاحه مع
الشخص صاحب الخلق والدين والا صاحب المال وبدون خلق؟!!

والله انا قصدي واضح زي ما هيكون ذو خلق ودين يكون ياعم معاه فلوس فلوس فلوس

اقتباس :
هي بيعه ,, الكيال هو
الشخص اللي يقدرها ويحترمها مش الشخص اللي هيصرف ببذخ وتاني يوم يبهدلها!!

انا مش عارف انت فكرتك ايه علي الناس اللي معاها فلوس دي
هي الفلوس دلوقتي بقت عيب ولا حرام
او تعيب صاحبها بشئ طبعالا
ياعم بص للي الحياه اللي انت بتعشها وتكيف معاها
دلوقتي كل حاجه بقت بالفلوس
زي ما اللمبي قال
(الفلوس غلبت الكارنيه)

اقتباس :
هو المؤهل العالي دلوقتي
بقي شرط؟!!
في أشخاص كتير مؤهلهم عالي ومع
ذلك قمة في التخلف والإنحدار الثقافي

الواحد لما بيجي يختار زوجه لبنه هيهم الاصل والنسب
لانه بعد كده هيقدر يفتخر به
انا لما اقول انا زوج بنتي مهندس ولا دكتور وراجل متدين جدا ومحترم
ولا اقول دا معاه دبلوم وابقي مكسوف وانا بقولها

قارن انت وقولي

اقتباس :
هي الناس دلوقتي بتتقاس
بالشهادات ؟ ما اغلبنا بيطلع من الكلية ميعرفش غير تخصصه
كام واحد من
شباب مصر مسك كتاب وخلصه للأخر ؟!
بنت عمي مثلا طالبة في كلية الطب ومع
ذلك ثقافتها العامة محدودة جدا جدا! ولو قلتلها ماذا تعرفين عن
البيروقراطية؟ هتقلي ربنا يشفيك!

صوابعك مش زي بعضها

اقتباس :
هو الواحد هيتجوز شهاده
والا واحده عندها دين
كل يوم مثلا هتناقش في قضية من قضايا المجتمع ؟!
المهم
ازاي نفهم بعض وازاي نتعامل مع بعض بموده ورحمة

دي ممكن رأي معظم الشباب
انه يرتبط بواحده مؤهل متوسط او حاجه
بس في حاله دي ممكن تفهم في حياته وما تفهموش وتبقي حياته زي الزفت
لانها مش فهماه حتي لما هيقعد يتكلم معاها مش هتاخد وتدي معاه ياريت تكون فهمني

وعلي فكره لما اكلمت علي الشهادات كنت بكلم بالنسبه للبنات
لان ما افتكرش ان فيه بنت مؤهل عالي هترتبط بواحد مؤهل متوسط غير بقي لو انها وانا اسف في اللفظ(واقعه) خالص

وبعدين مش داخله دماغي خالص لاني ما شوفتش ومش عاوز اشوف
انا دكتوره مثلا ترتبط بعامل مثلا
وما تقوليش دين وبتاع يا عم والله الدين حتي ما بيقول كده

اقتباس :
مفيش اي فواصل لأن
الشهادة ملهاش قيمة دلوقتي
هو انت عايش في بلد غير اللي احنا عايشين فيها ولا ايه
شوف يا عم حالنا دلوقتي بقي عامل ازاي
شوف جارك حاله عامل ايه شوف شوف اقول ايه بس

اقتباس :
انت بتقول مفتكرش ان
راجل يخطب واحده اعله منه ثقافيا انا بقلك اهو هي فين دي وانا مستعد

ههههههههههههههههه
اللي ليك نصيب فيه هتاخده
من سنه كده فضلت اذن علي دماغ والدي واخواتي يا عم الحج انت وهو انا عاوز اخطب انا عاوز اخطب
وعاوز اخطب لسبب اني خايف ان البنت تروح مني لاني بحبها بجد ومش هقدر اشوفها مع حد غيري

وصدقني انا الحمد الله عندي المقدره لكل طلبتهم لو طلبوا عنيا حتي

فقعدت مع اخويه وكلمته وفهمته علي اللي انا عاوز اعمله فقعد فهمني وبتاع
وفي الاخر قالي كل شئ قسمه ونصيب اصبر شويه
رزقك وزوجتك وحاجات كتير ربنا مقدرهالك ومكتوبالك من بعد مولدك علطول

بجد انا سمعت الكلام ده وارتحت نفسيا وما فكرتش بجنون بعد كده تاني
يعني لو كل واحد فهم الكلمتين دول كويس مش هيستعجل علي حاجه بعد كده ولا فلوس ولا اخلاق ولا شهاده ولا ظروف اقتصاديه ولا اي حاجه

نصيبك وهتاخده حتي لو بعد ايه

اقتباس :
تناقض غريب ياطائر!!
والله انا مش متناقض ولا حاجه
بص لردي الاخير قولت
اقتباس :
انا مثلا لي بنت اختي في كليه طب
اكيد
مثلا لو واحد اتقدملها معاه معهد او دبلوم مش هوافق عليه
حتي لو كان
ابن وزير او مرتاح ماديا جدا
استحاله

يعني كان يهمني برده الشهاده
يعني مش يبقي معاه فلوس وهو معاه دبلوم ولا اي مؤهل متوسط

واللي عاوز اقولك عليه برده

فيه معايير ونسب وحاجات كتير تانيه بتختلف مع شخص للاخر ومن بلد لتانيه


وياريت اشوف تعليق من رد بنت علي كلامي
وتعارضني وتقولي
انا مستعده ارتبط بواحد معهوش ولا شقه ولا هيقدر يعيشني حياه مستقره
وكمان يكون مؤهله متوسط

_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
عاشقة القمر
عضو ملكي
عضو ملكي


انثى
عدد الرسائل : 3788
العمر : 27
تاريخ التسجيل : 21/06/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 4:20 am

اقتباس :
وليه ميكنش العكس ؟ ليه متعتبرش نفسك الشخص المتقدم لواحده ابوها قالك 5 اوض ومهر 10 الاف وانت علي قد حالك؟!!

انت عايش فى اى قرن

بالنسبه للشقه الاب الى يقول لعريس بنته شقه بخمس اوض
يبقى ده بيبيع بنته مش بيجوزها
بس اكيد بردو الشقه مطلوبه

لكن بالنسبه للمهر
فى الزمن ده 10 قليل
يعنى جملتك مفيهاش تناسق


اقتباس :
هو المؤهل العالي دلوقتي بقي شرط؟!!
في أشخاص كتير مؤهلهم عالي ومع ذلك قمة في التخلف والإنحدار الثقافي

ايوه شرط
ازاى الواحده العاقله المتعلمه هتقبل بواحد اقل منها
سواء اقل فى المستوى او اقل فى الشهاده


على راى الطائر اكيد هيكون فى ثغره

واقرب مثال
واحده اعرفها متعلمه وافقت بواحد مش معاه شهاده اصلا
واتجوزا
دلوقتى فى مشاكل بينه وبين عليته
علشان هو بيسمع كلام مراته فى كل حاجه حتى لو غلط
عارف ليه؟؟
علشان حاسس بالنقص وعايز يعوض النقص الى عنده باى طريقه

اقتباس :
مقالة:
بس
دلوقتي الابهات والامهات رايهم ودورهم في الزواج هو الاساس
يعني لو
قالوا ايوا هو ده يبقي خلاص هو ده لا قالوا لا يبقي برده خلاص لا
لان
الناس الكبار دول بيبقول لهم نظره تانيه في الشخص المتقدم لبناتهم

يعني هي دي النظرة الصحيحة في رأيك ؟ !!

ايوه هى دى النظره الصحيحه
يعنى لو والدى قال لا على انسان متقدملى
اروح انا اتجوزه من وراه؟؟؟
قال لا بيقى خلاص هو اكيد ادرى منى
بس طبعا بعد ما اشوف ايه السبب الى خلاه يقول لا
بس فى النهايه رائيه هو الى هيمشى



وكل الى اقوله
ان مفيش حد عاقل هيروح يتقدم لواحده مستواها المادى احسن منه
لانه اولا مش هيقدر على طلبات اهل البنت دى
مش تعجيز من اهل البنت للشخص المتقدم
بل انهم عايزين بنتهم تعيش فى نفس المستوى الى هما عايشين فيه
وثانيا
حتى لو اهل البنت وافقوا
هتحصل مشاكل كتير بعد كده بسبب الحكايه دى

يعنى من الاخر يكون مستواه كويس
ويكون انسان محترم
ويعرف ربنه كويس
ويحترم زوجته اولا واخيرا



_________________
[ندعوك للتسجيل في المنتدى أو التعريف بنفسك لمعاينة هذه الصورة]


السعاده حلم..والدنيا اماني
والدموع ترافق العين الحزينه
كل ما حولت اعدل فى زماني
قامت الامواج تلعب بالسفينه
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 6:18 am

والله العظيم ما حد فاهمني
علشان نلتقي في بعض النقاط بقول:-
أساس الإختيار ياجماعة للرجل هو الخلق والدين طلع غني طلع فقير اياً كان يبقي ده المعيار
ده بالنسبة للشخص اللي هيتقدم ,, أظن اتفقنا علي النقطة دي
---
نفترض بقي طلع فقير بس شاب أخلاق ومحترم ومتدين و يادوب يقدر يجيب شقه مثلا بالعافية , ليه أخسرة بتفاهات زي المهر والشبكة والحاجات اللي كلها ملهاش قيمة
أبسط مثال في جهاز اختي الاقي والدتي جايبه 300 حله و 3000 كباية ده كله ليه؟!! عازمين مصر كلها وفي الاخر بلاقي ال 300 كباية مرصوصين في النيش وبقالها 3 سنين متزوجه ومفتحتوش ولا شالت كباية؟! مش ده كلام فاضي ومصاريف بدون داعي
ليه نخسر شاب محترم ومتدين علشان مهر ب 10 الاف والا ب 15 الف
والله انا بفكر اخلي مهري لزوجتي عمره مش احسن من ان الفلوس تتصرف علي حاجات خايبه!
---
مسألة المؤهل:
مفيش شك أن الانسان كل ما بيزداد علم كل ما بيكون أحسن ومفيش إعتراض مني علي كده
بس سؤال كده : هل كل الشباب اللي مؤهلهم عالي فعلاً علي قدر من الثقافة ؟!
طيب تعالوا نقارن مثلا سعد الجزار اللي معاه مؤهل عالي بواحد زي عباس محمود العقاد الأديب المعروف والحاصل علي الإبتدائية فقط !! يعني محصلش دبلوم وده مؤلف كبير وراجل أديب عظيم ومؤلف ل 100 كتاب
نقدر نقول دلوقتي ان سعد احسن منه رغم اني انا حقير جنب العقاد في علمه!
من الاخر كده لو المؤهل العالي موجود مع الادب والأخلاق يبقي تمام أوي
مش موجود بقي البنت تقدر تحدد ثقافة الشاب من خلال كلامه ومناقشتها معاه ودي سهله جداً
وقتها ليها حق الإختيار
---
عاشقة من واقع خبرتها المحدودة في الحياة جابت نموذج علي حاله زواج من رأيها فاشلة لأن الزوج مؤهل متوسط والزوجه مؤهل عالي ,, هل ياعاشقه حاله واحده أساس علي الحكم أو المنع؟!
في بردوا الاف حالات الطلاق رغم توفر كل الشروط من حيث المؤهل والمال والمستوي الاجتماعي !
كام واحد مؤهل عالي وقادر علي تربية أبنائة تربية سلمية؟
كام واحد مؤهل عالي عارف يعني ايه مسؤلية بيت وأسرة ؟
كام واحد مؤهل عالي وعارف يعني ايه احترام الزوجة ؟

ولو اتكلمت بالشرع وبالدين هتطلعي غلطانه لأن الوالد تسقط ولايته إذا رفض صاحب الخلق والدين!
يعني مش من حق والدك طالما انتي موافقه علي شاب متدين وصاحب خلق إنه يرفض ان تتزوجيه. علشان مش مقتدر مادياً
عاشقه مع احترامي ليكي الكلام حاجه والواقع حاجه تانيه!
---
نرجع لعنوان الموضوع الرئيسي
واحد زيي مثلا مقدرتي شقه اوضتين ومهر 5 الاف وابوها طالب 4 اوض ومهر 20 الف
هتجوز ازاي
طبعا الطائر بمبدأه هيقلي شوف غيرها طيب نفترض انها علي خلق ودين بس والدها زي اغلب الأبهات عاوز كده رغم انه شخص عادي جداً ومستواهم المادي زيك بالضبط ؟!!
اتصرف انا ازاي ؟



الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 6:37 am

ياخراااااااااااااااااااااااااااااااااااااااااااااااااااااابى عليا وعلى سنينى كل دا نقاش علشان تكاليف الزواج

وفى الاخر اية الى بيحصل
كلها حااااااااجات بتنسينا الحاجات الاصلية الى مفروض تبقى الاساس
ويطلع الشخص ابن ,,,,,,,,,,,,,,,,,,,,, مع انة جاب الشقة وكل حاجة ووكمالن دكتور ولسة جاى من برة يافرحتى
وتتطلق البنت والعفش والمهر وكل حاجة يبقوا جانبها ومش تبقى كسبت الا انها خسرت حياتها وبقت مطلقة
ودا كلة لية لانها فكرت بمنطق الفلوس والمركز قبل الشخصية والتدين والرجولة
يا جماعة انا شايقة ان اهم حاجة فى الشخص الى متقدم الشخصية والتدين والرجولة بس
اى حاجة والله بتيجى بعد كدة
بس بالصبر وكمان بيبقى حاجة جميلة جدا بين الزوجين انهم يتعبوا مع بعض
التعب دا بيبقى عامل زى الماية الى بتروى المودة والرحمة والحب بينهم لانهم فعلا هيشيلوا بعض
فانا رايى ان الطلبات تبقى عادية ولا عالية ااوى ولا منخفضة فى الوسط ولو كان الشاب كويس ومتدين اوى وخسارة انة يضيع مش مهم انة يبقى ااقل من الوسط كمان
انا لو اب هاموت وانا مرتاح لو اديت بنتى لحد شايفة انة هيحافظ عليها بتدينة وواخلاقة ورجولتة عن الى هيديبها فلوس
اما بالنسبة للمركز
انااعرف ناس فى شارعنا خريج دبلوم تشوفوا فى التعامل تقولوا دكتور ولا مع مراتة بجد رهيييييييييييييب محترم بطريقة وفى نوعية تانية دكتور تشوفة تقول علية هو الى دبلوم من اسلوب تعاملة والله
يعنى ااقصد الشخصية بتاعة الراجل هى الى بتغلب مش كليتة الى متخرج منها

وفى اخر كلامى
كل واحد مننا لية نصيييييييييييييييييييييييييييييييييييييييييب
الله اعلم بقا نصيبك هيبقى ااية
والزواج الحاجة الوحيدة الى مالناش ايد فيها نصيب كلها نصيب

_________________
[ندعوك للتسجيل في المنتدى أو التعريف بنفسك لمعاينة هذه الصورة]


امحي زنوبك
من هنا

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
الطائر الحزين
ادارة IT CLUB
ادارة IT CLUB


ذكر
عدد الرسائل : 4012
العمر : 27
تاريخ التسجيل : 26/01/2008

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 6:44 am

اخيرا

هو ده سعد اللي كنت بدور عليه
بس علي فكره الرد الاخير ده ما لوش ايه صله بالردود بتاعتك اللي فوق خالص

اقتباس :
طبعا الطائر بمبدأه هيقلي شوف غيرها طيب نفترض انها علي خلق ودين
بس والدها زي اغلب الأبهات عاوز كده رغم انه شخص عادي جداً ومستواهم المادي
زيك بالضبط ؟!!
اتصرف انا ازاي ؟

يعني ايه يعني علي خلق ودين يعني اللي خلقها ما خلقش غيرها مثلا
وانت اكيد هترتبط ارتباط تقليدي
يعني انت عارف انها محترمه ومتدينه وكل حاجه بس ما كانش لك اي صله بها من قبل
يعني الموضوع هيبقي سهل عليك لما تسيبها وتحاول تشوف بنت الحلال اللي اهلها يعرفوا يقدروك صح

حاجه تانيه انت فعلا بتحبها وهي كمان بتحبك وموافقه عليك
يبقي انت تتفضل تقعد مع ابوها وتفهمه حالك بالظبط وتقعرفه انك مهندس وعن طموحاتك وياريت تكون خدت خطوه ايجابيه بجد في حياتك العمليه زي الشغل مثلا او مشروع صغير
وتفهمه انك هتقدر تخليه سعيده وفي خلال كام سنه انها مش هتبقي محتاجه من اي حاجه
وان الشقه دي هي مقدرتك دلوقتي والمهر ده برده هو اللي في ايدك حاليا
وانك مستعد تعمله كل حاجه هو عاوزها بس

ما رديش يبقي صدقني يبقي هو اللي خسران ولازم تبقي فاهم كده


وعاوز اعرفك برده انه لÇزم يكون في علمك ان فيه ساعات الابهات بيعلوا في المهر والشقه وكده
كنوع من انواع التعجيز في حاله انهم مش موافقين عليك اصلا

_________________
انا كنت شئ وصبحت شئ ثم شئ
شوف... ربنا قادر علي كل شئ
هز الشجر شواشيه ووشوشني قال
لابد ما يموت شئ عشان يحيا شئ

عجبي!!!
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 6:58 am

اقتباس :
هو ده سعد اللي كنت بدور عليه
بس علي فكره الرد الاخير ده ما
لوش ايه صله بالردود بتاعتك اللي فوق خالص
هوو انا كنت تايه والا ايه؟
ردي الأخير ترجمه للردود التانية اللي فكرتوها طلاسم

ومن هنا بقول لنور ,,, احسنتي الرد
الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 7:37 am

الاختلاف ف الراى لا يفسد للود قضيه 


-- 

و احسن حاجه ان اى حد اما هييجى يرد على موضوع زى ده
للاسف هيكتب الكلام اللى هو مقتنع بيه انه هو اللى صح 
لكن افتكر ان وقت الجد - بنبقى عارفين الصح فين و بنعمل حاجات تانيه
تحت حجج كتير اوى 
اننا غير الغير 

و كاننا احنا بس مخلوقات ذات عقليه ناضجه خارقة الذكاء 
و كل ده تحت دافع الحب الرهيب و الاخلاص المتناهى 
و الذى لم يسبقه مثيل 


و فى النهايه - كل يغنى على ليلاه 




العقرب العجوز المبرمج 

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 7:56 am

يعني تقصد ايه يا عقرب؟

الرجوع الى أعلى الصفحة اذهب الى الأسفل
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 8:12 am

غريبه يا نبض 
انا حاسس ان الرد واضح جدا


بس هو مضمونه كده
لكن لو هيتشرح - هنحتاج ملايين الجنيهات  علشان تبقى اغلفه 
للمجلدات اللى هتنتج من الصفحات اللى هنكتب فيها شرح الكلام اللى فوق ده 




و شكرا 

_________________
[ندعوك للتسجيل في المنتدى أو التعريف بنفسك لمعاينة هذه الصورة]

------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
سعد الجزار
عضو ملكي
عضو ملكي


ذكر
عدد الرسائل : 771
العمر : 31
تاريخ التسجيل : 22/12/2007

مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 7:11 pm

اقتباس :
وعاوز اعرفك برده انه لازم يكون في علمك ان فيه
ساعات الابهات بيعلوا في المهر والشقه وكده
كنوع من انواع التعجيز في
حاله انهم مش موافقين عليك اصلا
ليه ياعم هو انا ماسك عليه والا علي بنته زله ,,, ابسط حاجه انا مش موافق يابني وخلاص
هو عاوز بنته تبقي زي اختها او زي بنت عمها وخلاص
النظرة دلوقتي نظره مادية دونية زمن الأخلاق انتهي ياباشا
الأب بيفضل يرفض اي شاب مش مقتدر متقدم لبنته طول ما عمرها معداش ال 20 طبعا لما يوصل ال 25 بدون زواج هيقبل بأول شاب يتقدملها ,,, ولا تعليق!

واللي بيتكلم دلوقتي ويقلي المهر بقي 25 الف من كام يوم واحد من القاهرة بيسألني بيقلي المهر كام عندكم بقله تقريبا 10 الاف بيقلي ليه هو انا هشتري جموسه بقله هو عندكم بكام قالي مش مبلغ محدد يعني جاب بألف او الفين لحد 5 الاف يبقي كتر خيرة اوي لكن 10 الاف ده جنان
امال لو كنت قلتله 25 الف كان انتحر
فين ايام المهر ابو 25 قرش
وانا شخصيا لا احترم البنت اللي بتهتم بالحاجات دي لأنها واحده مادية ودي متنفعش تكون بيت لأنك يوم ما تحتاج فلوس ولا هتعبرك
وربنا يسهل للكل ويتجوز
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شارك برأيك: المغالاة فى المهور وارتفاع تكاليف الزواج   الإثنين يناير 11, 2010 7:23 pm

هو المهر ده اللي مقصود بيه انك تجيب بيه شبكه يعني
؟؟؟؟؟؟؟

لو كده يبقي لا طبعا الفلوس مش كل حاجه
وانا اول رد رديت بيه قولت
لو الشاب كويس وع قدر عالي من التدين والخلق
يبقي اخر حاجه ممكن يتكلم فيها الاب هي المديات
هو اولا واخيرا بيدور ع راحة بنته واساس تربيتها وتنشئتها
هي اللي هتفرض نفسها
يعني صحيح كل واحد عنده بنته غاليه بس عمره ما هيتمنها بفلوس
واكيد هيقدر ان ده شاب لسه بيبتدي طريقه
والشاب اكيد هيشيلها في عنيه لما يلاقي انهم قدروا ظروفه
ولما يكون معاه عمره ما هيبخل عليها
وهيكون نعم الزوج الصالح وهي كمان زوجه باذن الله تقيه
ويكون ابن لوالدها ووالدتها

وبعدين ده لو دبله
هتقدي الغرض المهم يكون شاريها
وفيه كتير دلوقت بيجيب حاجة خطوبه بس ويكتب اللي عايزه
في القايمه .................

ربنا يهدينا ويحمينا من الطمع
الرجوع الى أعلى الصفحة اذهب الى الأسفل
 
شارك برأيك: المغالاة فى المهور وارتفاع تكاليف الزواج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: النقاش الجاد-
انتقل الى: