العضو السابع عشر(من أنا؟)

كل شىء هيرجع زى ما كان يا جماعه ما تقلقوش

و انا هرجع تانى اتكلم عن نفسى و عن احلامى و عن طموحاتى
و اقول اى كلام
علشان افضل ف نظركم زى ما انا

يعنى من الاخر علشان ماحدش يبقى احسن من التانى
كلنا نبقى عاديين و فاضيين

اسف جدااااااااااااااا -
بعتذر لنفسى ع الوقت اللى ضيعته باحاول اصلح حال منتدى
علشان بحبه

اللى عاملوا المنتده يا جماعه اربعه
زائر الليل - فيوتشر مان - تايجر - تلموذ

هما دلوقتى سابوه - و بحكم الحياه مش بيدخلو عليه تمام
ده اذا كان اساسا لسه للينك بتاع المنتدى فى صفحتهم مكان

انا ما كنتش معاهم - بس حبيت المنتدى زيهم و يمكن اكتر
بس لما جيت اقدم شىء للمنتدى - كان عكس السير
كان ف الاتجاه الغلط على الاقل من وجهه نظركم

انا حلمت بملتقى ثقافى افتخر بيه ادام اى حد
و فكرت انى حلمى يبقى حقيقه و كلكم وعدتونى بالمساعده
لكن اكتشفتم انكم مش هتقدروا

انا مش عارف اقول ايه و لا ايه
اقولكم ان فيه ناس بتدفع فلوس علشان تشترى مساحة ع الانترنت
تقدم فيها حاجه مفيده و بالرغم من ده كله عمرهم ما همهم نشاط المنتدى
اد ما همهم ان المنتدى يقدم شىء مقيد .. و يكون واجهه جميله لكل اللى مشاركين

تجمدت كلماتى و لم تستطع ان تجسدها اصابعى ك حروف
تستطيع العيون قرائتها

و افتكروا انى ف يوم حاولت اغير من المنتدى

و قولت الاول ابدا و اغير من نفسى

و لما بدات اغير من نفسى

تلقيت العتاب و اللوم علشان ما بقيتش اضيع اوقاتكم زى زمان

انا يا جماعه

انا منسحب الفتره دي لغايه ما تشوفوا حل ما بعض

وانا اسف لو كنت اتسببت باي مشاكل يا عقرب

ده منتداكم انتم وانتوا حرين فيه

وانت مدير وكلمتك المفروض تمشي علي ناس كتير

وانا منهم

ياعقرب فيه ايه

ده كله علشان قلنا شفلنا حل

او انك تسيب الاقسام التانيه كمان مفتوحه

علشان لو فيه حاجه عايزين نقولها

نقولها فى الاقسام ده

بدل ما نغير من سياق الموضوع

مش عارفه بصراحه مالك

وطريقه حوراك غريبه

ومحدشفينا قال اننا عايزين المنتدى زى الاول ومش عازين حاجه جديده فيه

واتحدالك بجد ان لقيت حد فينا قال كده

كل اللى قلنهالوك والكل كان ماجمع عليه

اننا كل واحد فينا هيشوف مطلوب منه ايه وهيعمله

وقلناك الكلام ده فى النقاش

وات برده صممت على رايك

قلناك ماشي خلاص براحتك

اللى تشوفه

واحنا معاك للاخر

مش تيجى بعد ده كله وتقولنا هرجعه زى الاول

مش عارفه اصلا اقولك ايه

ومستغربه جدا من طريقه كلامك

وعلى العموم احنا اللى اسفين

ولا اقولك

انا اللى اسفه اصلا انى بقترح حاجه

او بقولك شفلنا حل

وهرجع اقولك برده

معاك للاخر

انزل مواضيع هنا فى العام او فى العلمى

اوك

غير كده لا

لا حول ولا قوه الا بالله العلى العظيم

هو فعلا الى يقول رايئه فى البلد دى يبقى غلطان

انا معنديش حاجه تانيه اقولها

احنا فعلا غلطانين وحقك علينا

المنتدى فى ايدك اعمل فيه الى انت عايزه

وزى ما انت عايز تمشيه احنا معاك

وليس لنا الحق فى ابداء راينا

طالما النتيجه فى كل مره بتبقى بالشكل ده

لا يا طائر
انت عارف و فاهم ان اللى بينى و بينك انت بالذات اكتر من
منتدى بكتييييييييييير اوى

انا لما لقيتكم بتتناقشوا و بتطلبوا رايى
اتكلمت و قولت وجهه نظرى

عموما انا فتحت الاقسام زى ما كانت

طيب كمل جميلك

وتخلى الامور ماشيه زى ما هى
وتكمل اللى انت ناوى تعمله فى القسم العلمى
وانا لغايه لوقتى بقوللك معاك والله

مش نمشي خطوه ونرجع عشره

ماشى يا جماعه

الاختلاف ف الراى لا يفسد للود قضيه

و احنا اولا و اخيرا اخوات
و ياريت ماحدش يكون زعل منى او اتضايق من كلامى
انا بجد ما اقصدش اى شىء

و هنكمل ان شاء الله موضوع التطوير ده
و بكره ان شاء الله هطرح فكرة المرحله التانيه

باذن الله

السلام عليكم

ايه اللي حصل بس ياجماعه

وانت كمان ياطائر المفروض ان ده المنتدى بتاعك انت كمان

والعقرب كان بس قصده ياجماعه اننا عاوزين المنتدى ده يبقى فوق اوي

ياجماعه فيه ناس كانت معانا ع المنتدى وبيقولوا ان المنتدى دلوقتي

بقى فيه لعب وتهريج والكلام ده طيب انتوا يرضيكوا ان حد يقول على المنتدى كده

وانت كمان ياعقرب المفروض يعني ماتنسحبش بسرعه اوي كده

والمفروض تكمل اللي انت بدأته

وكمان ياطائر المفروض ماتسبش المنتدى لان انت من اقدم الاعضاء اللي فيه

ومشاركاتك بردو تهمنا

ممكن اضحك

ههههههههههههههههههههههههه

ايوه كده

محدش زعلان

بس خليك طبيعى

يعنى مش علشان عايز تتطور المنتدى

متبقاش العقرب اللى نعرفه

يعنى الاتنين مع بعض حلوين

العقرب اللى نعرفه والتطوير

ولا ايه؟؟

سؤال بس

الهزار دلوقتى مباح ولا ممنوع برده

ههههههههههههههههه

ماشي يامنيه
بس فيها ايه لما تكون روح الاخوه موجوده
وفى نفس الوقت نطور المنتدى

ايوه ياسمسمه كلامك مظبوط
اصلا ماينفعش نطور المنتدى إلا اما نكون كلنا مع بعض
بس الواحد بيتغاظ اوي لما يسأل ناس
انهم مش بيدخلوا المنتدى ليه يقولو ده بقى تهريج والكلام ده

طيب انتى عندك حق
بس الى احنا نقصده انه بدل ما يكون التهريج كده فى اى قسم
يبقى التهريج فى قسم واحد
هو معمول اصلا علشان التهريج
وبنسبه لتطوير المنتدى والله انا عن نفسى بستفاد كتيير جداا
من المواضيع الى بدور عليها والى بنزلها
يعنى فى فرق عن الاول بكتييير

واحنا معاك ياعقرب للاخر متقلقش

ياريت ياجماعه بردو تقولو للطائر انه يشارك معانا
ده هوه من الناس المهمين ع المنتدى
وعمر ما كان المنتدى ده بتعنا لوحدنا
وربنا مايجيب زعل تاني ان شاء الله

يوووووووووووووووووة

اية ياجدعان مالكم ربنا مايجيب زعل بينا يارب ابدا
اية ياطائر انت عارف ان العقرب ما يقصدش اى حاجة
وبعدين ياجدعان هو بس العقرب اليومين دول نفسيتة تعبانة بس شوية
اصلوا بيمر بمشكلة عاطفية حبيبتة العقربة سابتة
فمش تضايقوا من كلامة الفترة دى
هههههههههههههههههههههههه
يامحموووووووووووووووووووووووووووووووووووووود
ياابنى اولا
انت عارف معزتك عندى ازاى وانك اخ صغير بالنسبالى وبحترمك جداااا والله
وكمان اى حد هنا اتعاملت معاة فى المنتدى حتى لو كان عملى اى حاجة او ضايقنى او غلط فيا فى يوم من الايام بس والله كنت دايما بحاول ومازلت بحاول انى انسى وافتكر الايام الجميلة الى كنا بنقضيها هنا مع بعض على المنتدى
يعنى المنتدى دا بكل افرادة كلهم ليهم معزة والله

فانا هاقولك ان فعلا الروح الى هنا فى المنتدى دى والله اهم من الف معلومة
وان شاء الله لما تتخرج وتشتغل هتبقى عايز تدخل المنتدى دا مش علشان تحط معلوماات او تاخد
لا هتبقى عايز تدخل تشوف اخبار كل واحد من الى عشت عشرة معاة اية
يعنى نور اتجوزت ولالسة (مااظنش )
الطائر باع الورود الى معاة ولالسة
سمسمة مين الى امة داعية علية احمممممممممممم قصدى داعيالوا واتقدم لها
عاشقة كمان اشترت فستان شيك زى الى حاطاها ولالا
نبض حضرت الدكتوراة ولالا هاااااااة معايا يانبض الدكتورررررررررراة
وامنية حبيبتى ربنا كرمها فى حياتها ولالا ان شاء الله اة
زائر الليل خطب ولالسة عقبالك يا زائر
انت طلعت فى التلفزيون ولالسة
سويت وساندى ارتبطوا ولالسة علشان يعزمونا على الفرح ونيجى نبارك
سعد غير اسلوبة ولالسة هههههههه
وناس كتير بما فيهم انت وابراهيم ومادو الى ربنا معاة (ياترى بيعمل اية دلوقتى )
وكتير كتير
يعنى صدقنى دا الروح دى هى اهم حاجة والله
بس بردة مش معنى كلامى اننا نفتحها بقا نادى لاوالله مااقصد كدة بس كل الى اقصدة
اننا نبقى فى الوسط نشارك هنا وهنا وكدة تبقى ضربت عصفورين بحجر (بعد الشر عن كل العصافير الى فى الدنيا يااااااااارب حاجة خاصة مالكوش دعوة بيها )
بس تبقى نشطت العلمى ونبقا تمام وفى نفس الوقت الجو العائلى الى احنا فية الى كلة بيحسدنا علية
والى ان شاء الله هنبقى احسن من اى منتدى تانى بية بس والله على الاقل المنتدى التانى الناس بتخشوا ومش مهم عندهم الا انهم هيخدوا معلومة وبعد كدة يتحرق يروح فى داهية
لكن المنتدى دا احنا عايزين لما نعملة دعايا فى الكلية الناس الى تشترك فية مش تبقى مشتركة لمعلومة بس لاااااااااا
تبقى مشتركة حب فى الجو الى فى المنتدى وكمان انها تاخد المعلومة وبكدة عمرهم بعد ما ياخدوا المعلومة و يقولوا فى داهية لا بالعكس هتلاقيهم بيشاركوا اكتر واكتر لانهم حبوا المنتدى دا مش علشان حاجة ولاعلشان دكتور فية ولما يتخرجوا يطنشوا لا علشان حبوا جو العيلة الى هنا
فاحلى حاجة صدقنى الوسط خلينا وسط
اما بقا بالنسبة لنقطة اخرى
الناس الى بتقول ان المنتدى دا بقا هزار
اولا بقا احنا مش عايزين الناس دول
الى معظمهم وانا بقول معظمهم علشان ما حدش يقول نور بتغلط لاانا بقول معظمهم كانوا داخلينوا اصلا علشان التعارف واظاهر انة لما مالقوش فيهاامل او دخلوا وضحكوا خلاص على الناس الى هنا وزهقوا من التمثيلية او لقوا ان بنات المنتدى بقا كلهم مش ينفعوا متربطين بقا كلهم اومش ليهم مزاج قالوا لا خلاص بقا مش لينا لازمة هنا وان دا منتدى هزار وبتاع ههههههههههه والمشكلة ياابنى انهم اول ناس كانوا بهزروا اصلا وكانوا عادى يعنى والدنيا فريش
بس عامة زى ما قلتلك الى يبعنا نبيعوا والى يشترينا نشترية
فاى حد من الاعضاء الى من النوعية دى فى داهية مش عايزنهم
هما الى خسرانين مش احنا

اما بالنسبة للاعضاء التانيين الى بعدوا علشان فعلا شايفين هزار انا بقولهم احنا بندليكم دعوة مننا
انكم تيجوا تانى وتحاولوا تمشوا وسط مابين العلمى وفى نفس الوقت الترفيهى وصدقونى مش هتندموا وياريت ترجعوا تانى بنات او ولاد
اما بالنسبة للى بعدوا علشان ظروف الحياة بنقولهم ربنا معاكم بجد وبندعيلكم بس على راى فيروز زرونى كل سنة مرة زوروا المنتدى دا كل فترة ولو مرة ربع ساعة طمنونا عليكم وعلى اخباركم
ومش تنسوا ياجماعة ان المنتدى دا كان ربنا مسببة لمعظم الناس منا انهم يقابلوا ناس محترمة ويكملوا الحياة معاهم يعنى كمثال حبيبتى سما واخويا العزيز تلموذ اكيد المنتدى دا لما يكبروا هيبقى احلى ذكرى بينهم لانهم هو ربنا جعلوا سبب فى التعارف بينهم فاكيد بينهم وبين نفسهم بيعزوة ولو حبة صغيرين (اكيد يا تلموذ لما يبقى عندك 60 سنة هتشتم فية وتقولى يارتنى بس اهو بقا )ههههههههه لالا بهزر انا شاء الله يفضل على طول ذكرى حلوة مابينكم

وكمان بردة يا جماعة المنتدى دا علم ناس كتير جدا دروس كانوا محتاجين يعرفوها
مثال انا
انا والله اتعلمت فعلا دروس جامدة اوى من المنتدى دا حتى لوكانت صعبة بس بجد علمتنى وعرفتنى انوا ع بشر كتير اوى وانا فرحانة انى بتعلم وانا عندى 21سنة مش وانا كبيرة الحمد الله
وكمان والله المنتدى دا هو الى بيطلعنى من اى ضيق ببقا فية
كفاية انى والله اقولكم ياجماعة انى لما بفتكر والدتى
والله انتوا بالجو الى هنا الى بتنسونى وتخلونى اكمل
فبجد ياجماعة ياريت نفكر تانى ونحاول نمشى المركبة بالمردفين بتوعها
العلمى والروح الى مابينا الى خسارة تضيع
وياريت الناس الى بعدوا يرجعوا تانى ان شالله حتى يوم فى الاسبوع مااظنش دى حاجة كبيرة على المنتدى دا
وكمان ياعقرب المنتدى دا عايز دعايا ان شاء الله وانا بقا الى بعد فترة كدة لماالاقى العلمى بقا فية مواضيع هاخدك كدة انت ونبض وامنية وسمسم وعاشقة واى حد تانى ونلف نعملة دعايا اولا بين الدكاترة وثانيا بين الطلاب وكمان نطبع ورق ان شاء الله
اسفة انى طولت عليكم بس لاقيت ان المنتدى دا مش كتير علية من غلوتة عندى انى اتكلم كتير كدة
ويارب مااكون صدعتكم
سلام

بعد كلامك مافيش كلام يا نور

بس الترفيهى ده هيبقى على مسؤوليتكم انتم يا جماعه

اوك يا عقرب

بالنسبه لمن انا
فهى ضوء المكان

وانتظروا العضو الجديد قريبا