تعالولى هنا شوية عايزاكم

يا جماعة انا عايزة نتناقش فى موضوع

مطش مصر والجزائر
والى الجزائر بتعملة من اعمال بجد انا لما شفتها صعقت
حد ممكن يرد ويقولى ايو يانور الروقان الى انتى فية دا
هاقولك يا جماعة الموضوع مش موضوع كورة الموضوع موضوع العرب لية كدة
لية يحرقوا القميص الى علية اسم مصر اكننا الاسرائللين والله
والله ما عملوها للاسرائليين يقوموا يعملوها لينا احنا الى ساعدناهم فى ثورتهم وكل دا علشان اية كورة لاراحت ولا جت

طيب سيببك من القميص عيال وغلطوا
لكن انا شفت فيديو والله العظيم دمعت علية
كانوا بيشمتوا فينا فى حرب 67
فلت يانهار جة الزمن الى عربى مسلم يشمت فى اخية المسلم ان يهودى انتصر علية فى حرب
وكل دا يابنى ادمين علشان ااية
علشاااااااااااااان كووووووووووووووووورة
بذمتكم وبالله عليكم لو رسول الله علية افضل الصلاة والسلام ربنا فتحلوا كدة السما وقالوااتفرج على حال المسلمين وشاف الاعمال دى هيبقى اية احساسة ناحيتنا

والمصيبة الاكبر ان فية شباب مصرى ناوى قال ااية الانتقام يوم 14 وممكن فعلا نا ستتهبل وتعمل اى حاجة
وكل دا لية علشان كوووووووووورة
انا مش عارفةاقول ااية بس عايزة رايكم بجد فى الى بيحصل دا حوالينا يمكن استفيد منة وشكرا

هو فعلا الى بيحصل ده بعيد عن الاسلام وده كله علشان ايه ؟؟؟؟؟؟؟؟؟

حتته بلاستكه بيجرووووووووووو ورااااااااهااااااااا

حرااااااااااااام

لكن انا شفت فيديو والله العظيم دمعت علية
كانوا بيشمتوا فينا فى حرب 67

في حرب 67 يا نور الجزائر شاركت معانا في الحرب ايوا هما مش كانوا باعداد كبيره بس شاركوا وخلاص
كان فيه جنود جزائرين مع جنودنا في الحرب وكان حلمهم كلهم القضاء علي الجيش الاسرائيلي
بس للاسف لما حصل العكس

كانت دي النتائج اللي انت بتكلمي عليها بدأوا يشتموا فينا
بس الشتيمه دي من غلهم من حرقه دمهم علي اهلهم اللي استشهدوا مع جنودنا في 67
تخيلي انت الموقف
مع العلم ان دمهم حامي جدا

وفي حرب 73 شاركوا برده ونفس الحكايه اعداد قلائل برده بالنسبه لنا الفين او تلاته بالكتير
بالنسبه لجنودنا

بس في الاخر وقفوا بجانبنا ودورهم ما حدش يقدر ينكره في انتصارات 73

واحنا كمان ما اتخلناش عنهم خلال الثوره الجزائريه ضد فرنسا (المليون شهيد)
وكنا احسن منهم بكتير في الفتره دي

لان عملنا معاهم اللي ما حدش يقدر يعمله حاليا ايام الزعيم وبطل الامه العربيه(جمال عبد الناصر)

مشكلتنا بقي بعد كل ده
ان الكوره اصبحت لنا جميعا كل شئ
هي الفرح وهي الحزن
هي السبب الرئيسي للبهجه في كل بيت
كل واحد بيدافع عن النادي اللي بنتمي له واللي بيشجعه

لو لقيتي في بيت واحد
اخ زملكاوي واخوه او والده اهلاوي
ممكن تلاقي بينهم مشاكل وزعل احيانا

من غيرتنا علي نادينا ومنتخبنا بقينا ننسي اللي فات من اخوه وصداقه وكل شئ
كله همه مين اللي هيكسب

ثانيا اننا محطوطين دايما تحت ضغط من الفرق الجزائريه والتونسيه دايما
حظنا الوحش دايما بنقع في ماتشات نهائيه معاهم ماتشات تحديد مصير

وما تنسيش ان المره الوحيده اللي مصر صعدت بها لكاس العالم كان من علي حساب الجزائر
1/5

فالحساسيه بينا ملتهبه جدا

انا عندي احساس

انا لو ما كسبناش ماتش الجزائر ده
الجماهير باللعيبه دي مش هتروح بيوتهم تاني

لان الاعلام المصري والجزائري مولع العمليه علي الاخر بين الطرفين
والاعلام ده فعلا سبب للكراهيه المتبادله دي

و الله يا نور موضوع حيوى و بجد يستحق وقفات
حكاية حرق الفانله فعلا شىء مؤسف لانها فعلا مجرد مباراه

يعنى ده مجرد ماتش بين فريقين و اللى هيكسب هيلعب فى كاس العالم
يعنى مش هيدخل الجنه مثلا

لكن فيه ناس كتير من مصلحتها ان الماتش يتحول ل معركه حربيه
و اولهم اكيد المستفيدين من الموضوع ده

على فكره ممكن يحصل ظرف ما لاى سبب من الاسباب
و بطولة كاس العالم السنه دى تتلغى

نفسى اعرف وقتها هيبقى موقفه ايه الفريق اللى عك الدنيا ده
و غلط و حرق فانلات المنتخب الشقيق

عموما - ده ماتش اولا و اخيرا و المفروض انه روح رياضيه
و اللى يكسب نقوله الف مبروك و اللى خسر نقوله حظ اوفر المره القادمه

و فعلا زى ما الطائر قال ان بيننا و بين شمال افريقيا (_الجزائر - المغرب - تونس)

بيننا و بينهم صراعات كبيره خصوصا فى ماتشات الكوره

ربنا يستر بقى
و الماتش اولا يعدى على خير

و نكسب باذن الله و نصعد كاس عالم ان شاء الله

شكرا لكل الى رد على المووضوع

وربنا مع مصر ان شاء الله وتفوز وربنا يستر