من المنصورة للمنوفية

اهلا باعضاء ومديرون المنتدى

حبيت بس اطل عليكم واعرفكم بنفسى

اولا انا عرفت منتداكم عن طريق البحث من خلال جوجل

طبعن الاسم واضح ومعلوم بس احب اعرفكم انى علوم زيكم بالضبط بس علوم المنصورة

وقسم علوم حاسب كمان بجد انا سعيدة انى انضميت ليكم

وعموما انا عاوزة حد يكلمنى عن الكلية بتاعتكم وانا كمان معنديش مانع انى اكلمك عن كليتى

يالا مستنياكم.........

السلام عليكم و رحمة الله و بركاته
اهلا بيكى ف المنتدى عندنا

و اهلا بكل الناس اللى ف كلية علوم زينا
خما دول اكتر ناس بيحسوا بينا و الله

مش عارف اقولك ايه - بس احنا منتدانا عجيب
بينام ف الاجازه اللى الناس فيها فاضيه
و بينشط ف الدراسه - خصوصا ليلة الامتحان

عموما اهلا بيكى عضوه جديده معانا
و نتمنى الجو عندنا يعجبك

و بخصوص نظام الكليه عندنا -- اجمد منه مافيش

شوفى انتى عاوزه تعرفى اكتر عن ايه بالظبط و ربنا يسهل
و حد شاطر و لا حاجه يدخل يوصل لك النظريه

اهلا بيكى مره تانيه

العقرب العجوز المبرمج
مدير المنتدى

اقتباس :

و بخصوص نظام الكليه عندنا -- اجمد منه مافيش

لا بجد احنا نظامنا احلى بكتير وخصوصا احنا طبقنا نظام الجودة والاعتماد فى الكلية (نظام الساعات المعتمدة) اللى شغال بيها الجامعة الفرنسية والالمانية
هل نظامكم زينا ولا اية ؟؟

اقتباس :

[/b]

اها ...
طبعن انتم عارفين ان نظام الدراسة مختلف عن مجال الشغل فى المستقبل بعد كدة ان شاء الله كل اللى انا عاوزاه عاوزة اعرف
التخصص اية بالضبط وخصوصا ان المنتدى كلة ولاد كار واحد

يعنى ان عارفة انى ممكن اتخصص برمجة وممكن اتخصص شبكات
سيبكم من الشبكات دى
لو انا اتخصصت برمجة فية حل من الاتنين اما انى اتخصص برمجة مواقع او اشتغل فى تصميم الالعاب او اشتغل فى تصميم البرامج

وبصراحة عجبانى حكاية تصميم المواقع دى اووووووى بس للاسف معرفشى حاجة فبجد بطلب منكم النصحية او حد يكلمنى عن مجال ده
واية الاحسن
ياريت بجد تفدونى....وياريت تفدونى كمان بحكاية الدورات دى يعنى ابدا منين وتكلفتها كااااام
وشكرا يا عقرب على الترحيب

اولا منورة معانا

وسعداء جدااااااااااا انك انضميتى لينا

واحنا زيكوا نظام ساعات معتمدة " وكلام فى سرك"

انا ما حبتشى النظام دا خالص او يمكن احنا مش عارفين نطبقوا يعنى النظام العادى زى الحساب كدا 1+1=2
اما نظام الساعات يقولوا لينا قوانين النظام كذا ونعمل حسبنا على كدا نيجى السنة اللى بعدنا مظبطين حالنا على اساس القوانين اللى قلوها لينا نفاجئ لا مش كدا دى كدا نقول لهم بس انتوا قولتوا السنة اللى فاتت كدا يقولوا لا انتوا حتعرفوا اكتر مننا دا نظام ساعات معتمدة

ودى اتعملت معايا

ما علينا ادينا اتخرجنا وخلاص

نيجى بقى للمهم

تصميم المواقع اولا هو جميل جدا وشغله ممتع جداااااا

بس بما انك فى البداية وعاوزة نصيحة

المفروض تقررى هتشتغلى بايه ASP ولا بى اتش بي

وبعد كدا نكمل كلمنا

ومنورة منتداكى

اهلا يا امانى

على فكره يا منال انا بجد حاسس ان نظام كليتنا جميل جدا
و جامد و الله و فعلا كل زمايلى ف الكليات التانيه بيحسدونى
عندهم احساس اننا كليه فيها حرية اكتر للطلبه
فى اختيار المواد و موعدها و الكلام ده

و احنا يا امانى عندنا برده نظام الساعات المعتمده ده
و افتكر ان عندنا ممكن يكون احسن كمان

بخصوص موضوع المواقع
تصميم كان او تطوير

ف دى حاجه بعيده تماما عن مجالى اللى انا بدرس فيه
بس المجال ده موجود ف المنتدى هنا و معظم الناس بيدرسوها
انتى فعلا ف الاول محتاجه تحددى هتتعلمى
php - or - ASP

و بعدها تقدرى تشوفى هتبداى ازاى و منين

و اهلا بيكى مره تانيه ف المنتدى

اقتباس :: ودى اتعملت معايا

ما علينا ادينا اتخرجنا وخلاص

نيجى بقى للمهم

يابختك بجد بس على فكرة النظام والله جامد وخصوصا انى حاسة انى مش فى جامعة حكومية خالص.
وخصوصا بقى انى اول دفعة بيطبق عليها النظام ده ومغلبينا معاهم
وبيجروبوا فينا

اقتباس :: تصميم المواقع اولا هو جميل جدا وشغله ممتع جداااااا

بس بما انك فى البداية وعاوزة نصيحة

المفروض تقررى هتشتغلى بايه ASP ولا بى اتش بي

وبعد كدا نكمل كلمنا

ومنورة منتداكى

اقتباس :

بخصوص موضوع المواقع
تصميم كان او تطوير

ف دى حاجه بعيده تماما عن مجالى اللى انا بدرس فيه
بس المجال ده موجود ف المنتدى هنا و معظم الناس بيدرسوها
انتى فعلا ف الاول محتاجه تحددى هتتعلمى
php - or - ASP

و بعدها تقدرى تشوفى هتبداى ازاى و منين

من الواضح انى معنديش خلفية فعلا........

انا مش عارفة الكلام ده
انا ممكن اعرف منكم مين الاحسن واللى مجالها فعال اكتر

انا عارفة والله ان انا اسئلتى كتير ....لانى معنديش اى خبرة فى المجالات دى
وسعيده والله انى لقيت منتدى زى دا خاص بعلوم الحاسب وبجد والله انا سعيدة انى انضميت ليكم
والمنتدى فعلا فية موضوعات جامدة جدا

شكرا يا امل ويا عقرب على افادتكم ليا وترحيبكم

يا ريت يا عقرب تقولى مجالك اية؟؟؟

خلاص يا جماعة انا قررت انا شاء الله ناوية على PHP
وبجد اللى فادنى فى الموضوع ده زائر الليل وهو كان عامل موضوع بكده

ومستنية افادتكم من المنصورة للمنوفية 20839

منوره ياأمانى
معلش جت متاخره بس بقالى كتير مش بدخل المنتدى

ويارب المنتدى يعجبك
ونشوفك معانا دايما

نورتوي المنتدي يا أماني

وبالتوفيق إن شاء الله

وأهم حاجة في تعلم أي حاجة الإستمرار

وربنا معاكي ومعانا جميعاً يارب

سمسمة كتب:: منوره ياأمانى
معلش جت متاخره بس بقالى كتير مش بدخل المنتدى

ويارب المنتدى يعجبك
ونشوفك معانا دايما

الله يخليكى يا سمسمة .
ومتشكرة جدا على الترحيب ده كله والمنتدى طبعن منور باصحابة
وعلى فكرة نبض القلب كلمتينى عنك كتير
وقالت عليكى حاجات انتى وعاشقة القمر
بس بلاش اتكلم بقى.......
أنا بهدى النفوس مش أكتر أوعى تفمينى غلط يا نبض من المنصورة للمنوفية 28726

اقتباس :

نورتوي المنتدي يا أماني

وبالتوفيق إن شاء الله

وأهم حاجة في تعلم أي حاجة الإستمرار

وربنا معاكي ومعانا جميعاً يارب

اهلا يا ابراهيم
وان شاء الله ربنا يكرمنا ...ونحقق اهدافنا

زائر

هو اللي بنعمله في الناس هيطلع
علينا ولا ايه...........
شكل الناس دي عايزه عضويتها تتحذف
خافوا ع نفسكم

هههههههههههههههه

نبض القلب كتب:: هو اللي بنعمله في الناس هيطلع
علينا ولا ايه...........
شكل الناس دي عايزه عضويتها تتحذف
خافوا ع نفسكم

الله طبعن يا نبض كما تدين تدان
وبلاش برضة اقول الكلام اللى انتى قولتية.....
هو انتى لسة شوفتى حاجة من المنصورة للمنوفية 20839

ههههههههههههههههه
صحيح يانبض
اهى قالتلك كما تدين تدان

امانى دي بقى اللى هطلع كل القديم والجديد بتاعك
اذا كنتى انتى سوسه
دى شكلها ........
ولا بلاش احسن تزعل
لما ناخد عليها شويه
ههههههههههههههههه

بس قالتلك ايه ياأمانى عنى
علشان حسب اللى قلتهلوك
اقولك انا كمان
وانتى وشطارتك بقى
قد اللى هتعرفيه عنى قد اللى هقولهولك عنها
ههههههههههههههههه

زائر

هههههههههههههههههههههههههههه
يا ماما ده انا الاستاذ
وبعدين قولي يا اماني اللي انا قولته
انا مش بخاف من حد وع استعداد
اقول اكتر من كده كمان
وعايزه اي حد هنا ينكر الكلام اللي انا قولته
وحطي تحت اللي انا قولته دي خمسين خط
من المنصورة للمنوفية Icon_razz

وخاااااااااااااااااااافو ع عضويتكم
انا همسك الادمن قريب جداااااااا ان شاء الله من المنصورة للمنوفية Icon_lol

ههههههههههههههههه
فى المشمش

اقتباس :: بس قالتلك ايه ياأمانى عنى
علشان حسب اللى قلتهلوك
اقولك انا كمان
وانتى وشطارتك بقى
قد اللى هتعرفيه عنى قد اللى هقولهولك عنها
ههههههههههههههههه

وتبقى شغلانة حلوة برضة...
اهى حاجة جنب الدراسة...

لا والله يا سمسة نبض قالت كل خير فيكى
وقالت كمان انكم بنات زى العسل ومش هتحسى انك غريبه عنهم
وانا سعيده انى اتعرفت عليكم

اقتباس :: لا والله يا سمسة نبض قالت كل خير فيكى
وقالت كمان انكم بنات زى العسل ومش هتحسى انك غريبه عنهم
وانا سعيده انى اتعرفت عليكم

ههههههههههههه

كده مش هتعرفي حاجة عن نبض

ههههههههه

زائر

هههههههههههههههههههههههه
ماشي يا ابراهيم وانت عايزها تعرف ايه بقي عن نبض
طيب سيب الكلام ده يجي من حد غيرك
انما تيجي منك انت واحسرتاه بس
اللي عندك قوله يا باشا
وانا مش هكذبك او هتعرض ع حاجه تقولها

منوره يا اماني معانا المنتدي والله
وان شاء المنتدي يعجبك الفتره الجايه

اه هو حالته مش كويسه الفتره دي بس هو ده منتدانا بحالات
ساعه تروح وساعه تيجي

كان معك
the big boss*

الطائر الحزين

وعلي فكره ان مش في علوم عشان ما تحوليش تساليني في حاجه تبع علوم

I am a
student at the Faculty of Commerce

وكان ليا زمايل من المنصوره في جامعه المنوفيه
بس للاسف حولوا تجاره المنصوره

واكيد احنا بنسمع كل خير عن اهل المنصوره

للمره الثانيه

منوره معانا
واتمني تشاركي معانا باستمرار

اخوكي

أحمد

اقتباس :: هههههههههههههههههههههههه
ماشي يا ابراهيم وانت عايزها تعرف ايه بقي عن نبض
طيب سيب الكلام ده يجي من حد غيرك
انما تيجي منك انت واحسرتاه بس
اللي عندك قوله يا باشا
وانا مش هكذبك او هتعرض ع حاجه تقولها

يا نهر أبيض

هوه أنا أقدر أقول ربع كلمة

وكمان إنتي عارفه أنا لو هكلم عنك أنا هقول إيه

وربنا يعلم إني بحمد ربنا

الواحد يعرف ناس كويسة زيك

وربنا يوفقك يارب

زائر

ربنا يخليك يارافع معنوياتي
وبجد ربنا يكرمك
ومش هقول انا بقول عليك ايه عشان ما تقولش دي بتردها
بس اكيد انت عارف وبيوصلك الكلام
وميرسي يا اماني لانك خلتيني
اسع الكلام ده من الباشمهندس ابراهيم
وانتي مش عارفه مين الباشمهدس ابراهيم
..................................
لو فولت هقول كتير وصفحات المنتدي مش هتكفي

ربنا يوفقكم جميعا
وانا معاكم من المنصورة للمنوفية Icon_smile

مع إني كنت بعتبر نفسي

بعرف أرد كويس

بس بجد مش عارف أرد على ذوقك ده يا نبض

بس أكيد اللي في القلب بيوصل على طول

من غير ما الواحد يكلم