طقوس ايام الامتحانات

بدات الامتحانات وبدات مغامرات اللى بيذكروا ههههههههه وحل الجنان

حكلكم عن طقوس ايام الامتحانات بتاعة صحابي
مكان المذاكرة برا البيت

دي احد الحاجات الاساسيه المرتبطه بوقت المذاكره عند الناس.. اللي هو من اهم الطقووس المذاكرة في مكان معين.. ومعظم الناس بتذاكر ف اماكن اوضاع غريبه جدا..

يقول عبد الهادى :_ انا ليا واحد صاحبى بيغطى عربيته وبيدخل جواها وينور شمعة ادام وشمعة ورا ويملا العربية ورق وملازم وكتب
ويبدا يذاكر وممكن ميطلعش من العربية غير تانى يوم

ويقول لاسع افندى:
اغرب حاجه عملتها انى رحت اذاكر فى محطة السكه الحديد اه والله محطة اسيوط رصيف واحد والحمد لله نجحت
بس نصيحه اللى رايح يذاكر فى المحطه يذاكر جنب قطر درجه اولى علشان يجيب تقدير حلو
مكان المذاكره جوا البيت

والجميع اجمع انه لا يمكنه المذاكره على المكتب
تقول semsema: مع دخول الامتحانات الموبايل مش بيفارقني ثانية واحدة.. وباخد عدتي واتجه الى اوضتي تحديدا ع السرير (الدور التاني) العدة مكونة من الآلة الحاسبة والمقلمة وكتاب المادة وطبعا بيلحق بيهم بعد كدا كوب النسكافيه.. المكتب بيكون مهجووور ايام الامتحانات..

ويبدو ان موضوع المذاكره على السرير ده منتشر عشان nagwa قالت: من اهم طقوس مزاكرتى انى مش بزاكر غير علي السرير ولما بزهق بقوم اتمشي في الاوضه وبحفظ بصوت عالي
وعندى بنت جارتى عندها سنتين ونص ما شاء الله بغبغان بيردد ورايا

انا فاكره ايام اخر شهر بتاع 3 ثانوى تقريبا كنت بحب اطلع حاجه زي كومدينو صغير كده في البلكونه و احط كرسي واقعد اذاكر في الهواء الطلق اثناء شرب الشاي...واستنى اشوف طلوع الصبح

قالت زهرة: لما بكون بذاكر من مادة ليها ورق (ودى نادرة),, بفرش الورق حواليا على الأرض وأندمج بقي واجيب من وراء لقدام

وتقول هبهوبه: ليا واحدة صاحبتى كانت بتذاكر فى الحمام اول ماالامتحانات تبدأ المغص يشتغل فتاخد الكتاب وعلى الحمام

وتتحدث عن نفسها فتقول: انا بحب اجيب الماده من الاخر للاول

والحمدلله بجيب تقدير ودى شهاده بكده البت دحيحه

نيجى لبلبلتى قالت: أنا مش بيحلى لى المذاكرة الا لو طلعت استربعت على المكتب من فوق
مش غريبه برضوه
و ايام جنان ثانوية عامة حطيت اللحاف على الارض و المخدة و عملت قعدة ظريفة و بئيت أذاكر وانام فى نفس المكان
و لا ماما .. فرجت عليا العيلة كلها

كده انا استكفيت من غرائب اصحابى مستنيه طقوسكم
ايام الثانوى وحاليا

ولينا جزء تانىىىىىىىىىىىىىىىىى

انت بتقول فيها
انا كنت بحب ازاكر على السرير
بس الترم ده قلت اغيرروحت فرشت حجه على الارض
وجبت المخدات كلها وحطتها حوليا
وعشت بقى فى المزاكره
التغير حلو برده
هههههههههههه

ههههههههههههههههههههه
وانا علشان اغييظها
اعدى من قدامها و ادوس على الحاجه بتاعتها
هههههههههههههههههه

هههههههههههههههههههههههههههههههههههههههههههههههههههههههههههههه

شكلكو بتحبوا بعض اوى

عموما خلاص هانت

كلها شوية صغيرين و مش هنذاكر تانى خاااااااااااااااااالص

الا بمزاجنا

اقتباس :: شكلكو بتحبوا بعض اوى

عند شك ولا ايه
بص احنا ماشين على مقوله
ضرب الحبيب زى اكل الزبيب

اقتباس :: الا بمزاجنا

وفى حد اليومين دول بيزاكر بمزاجه
اذا كان احنا مكناش بنذاكر غير فى اخر الترم بس علشان الامتحانات

بس تعرف والله الكليه هتوحشنى اوووى
دى كانت كل حياتى

يااااااااااااااه
مش مصدقه
بسرعه دى عدى اربع سنين
!!!!!!!!!!

هههههههههههههههههههههه -
اه

زائر

كله من عمرنا
وانا لسه فاضلي سنه
ان زهقت

زهقتى!!!!
طيب ياريتت ترجع كمان سنه من عمري