هل الحب فى صمت - انتحار ؟

قد نحب اشخاصا من صميم قلبناا
..نهبهم روحناا ,, نعشق وجودهم ,,
نكلمهم ,
,لكن جروحهم تتزايد بمرور الوقت لناا ’
,’او قد لا يشعرون بمدى حبناا ولا يهمهم كل مانقولهونفعله من اجلهم ,
,, !!!فلا يكون امامنا سوى ان نحبهم بصمت ,
,,فآلحب الصامت افضل من الكلام في اكثر المرات
لأن الفرد منا قد يتحمل جروح الهوى والعشق
ولكن قد لايتحمل جرح ذل الكرامة
.وكماا يقال ان الحب الصامت هو اسمى انواع الحبوأكثرها عفةً
ولكنه انتحار بطيء,
,,فما رآيكم بالحب بصمت ؟
؟ومارايكم بهذه المقولة ,
,؟؟ اهو انتحار بحق..؟؟؟

نتمنى نشوف ارائكم ف قضيه مهمه كتير
بالنسبه للشباب

جميل ياعقرب
هو ممكن يكون الحب فى صمت حلو
لان كفايه ان يكون الشخص بيحب حد ومش منتظر منه حاجه
وفى نفس الوقت انتحار
لان الحد ده مش حاسس بيه

مش عارفه اوصل اللى عايزاه
بس هو كده
هههههههههههههههههه

الموضوع ده على فكره المفروض كان يكون ليه موضوع سابق
و هو
هل اى حد مننا من حقه انه يحب اى حد لمجرد الحب ؟
و هل من الصح انه يصرح للى بيحبه ده بحبه ؟

المشكله ان دى مشكلة ناس كتير جدا
الحب ده حاجه عايشه معانا و فينا
لو ما فهمناش يعنى ايه دى
هتكون نقمه و ليست نعمه

ياريت الناس تدخل تقول رايها
يمكن نتوصل لحلول

احل حب الحب الصامت دا والله ان انت تحب حد من غير ما يعرف وتقعد تسرق النظرات لية لما تكونو فى مكان وتبقى فى قمة السعادة لو حصل اى موقف عابر بينكم ويبقى دا اهم حدث فى اليوم رغم ان الموقف دا ممكن يكون مخدش دقيقة يااااااااااااااااة فين ايام درس الرياضيات
ههههههههههههههههههههه
بس المشكلة اننا بنبقى فكرين ان الدنيا هتبقى بنبى لما نصرح لبعض بالحب
بس للاسف بتكون دى بداية المشاكل لان الحب مسئولية يعنى هى عايزة تعرف
وماذا بعد يعنى تمام احنا بنحب بعض وبعدين مش هينفع تقولها احنا نحب
من اجل الحب هتفكرك بتضحك عليها او تقوليها هنجوز وانتم اصلاً
بتبقو فى نفس السن وبتبقى فى الكلية او الثانوية ومانتش عارف اصلاً
الدنيا هتمشى ازاى
بص احسن حل والله انك تكبر دماغك من الحجات دى كلها
وتحب نفسك حب الكلية انك تبقى متميز ناجح وتعيش لدماغك لحد ما تخطب وساعتها تحب خطبتك

تمام يا تايجر كلامك و الله
بس لما هى الحكايه كده ... و الكل عارف النهايه المعتاده
ليه الكل بيتصور ان حبه غير كل الحالات اللى قبل كده
و بيتصور ان علشان حبه ده حقيقى هيستمر و يقاوم كل الصعوبات

----------

زائر

كل شيء قسمه ونصيب يا عقرب
وكل اللي بيقابلك مكتوب عليك
ولازم تشوفه

ما قولناش حاجه
يعنى الواحد يبقى عارف ان الشىء غلط و يصر عليه
و يقول كل شىء قسمه و نصيب !

انا مع المقوله اللى بتقول

يقال ان الحب الصامت هو اسمى انواع الحبوأكثرها عفةً

وانا معاك برده فى المقوله دى

زائر

وانا كمان
بس لو في افتراض اننا نخسر عشان سكوتنا
يبقي الكلام في الحاله دي افضلبس نكون متاكدين
اننا نقدر نعمل حاجه ونكمل

انا مش معاكوا خالص

ان الحب الصامت اسمي انواع الحب واكثرها عفه

هو ممكن يكون فعلا اكثرها عفه

بس مش اسمي انواع الحب

لان من وجهة نظري المتواضعه ان الحب ده بيكون بين طرفين
اما الحب الصامت فبيكون حب من طرف واحد

وانا بقول مفيش حاجه اسمها حب من طرف واحد

اللي بيحب لازم يصرح لازم يضحي
فنفترض مثلا اني معجب بواحده او زي ما بنعتقد بنقول انا بحب واحده (من طرف واحد)
وخلتني زي ما انا في مكاني
وماشي بالمقوله
الحب الصامت اسمي انواع الحب

طب وليه هفضل صامت وهفضل لامتي علي الوضع ده
لو بحب بجد يبقي لازم اصرح للي بحبه باللي في قلبي وزي ما تيجي
لو فعلا هي كمان معجبه بيا فهكون اسعد انسان في الدنيا

اما لو فعلا صدمتني بكلمتين من بتوع بنات اليومين دول

يبقي والله احسنلي وانا الكسبان

وكل شئ قسمه ونصيب في الاخر

[ندعوك للتسجيل في المنتدى أو التعريف بنفسك لمعاينة هذه الصورة]

برافو ياطائر

[ندعوك للتسجيل في المنتدى أو التعريف بنفسك لمعاينة هذه الصورة]

يااااااااااااااااااااااااااااااااااااادى الورووووووووووود

يابنى ارحم نفسك بقا ياابنى [ندعوك للتسجيل في المنتدى أو التعريف بنفسك لمعاينة هذه الصورة]

اولا :-

اذيك يا طائر

واحشنى يا باشا ... و اهلا بيك من تانى معانا

و بطل تغيب كتير كده

المهم

سيبك بقى من الصداقه و تعالى نتشاجر

انا مستغرب لردك جدا يا طائر

انت بتحط الموضوعات كل واحد بظروفه و لا ايه

موضوعك اللى ف العام - الكلام اللى فيه غير
رايك اللى هنا خالص
و اللى اهم مبادئه ان الواحد يصارح اللى بيحبه بحبه ليه !

وضح لى يا صاحبى

زائر

انا من وجهة نظري
ان المفروض اننا نصرح بمشاعرنا
للي بنحبهم لو حسينا ان فيه قبول منهم
بحيث اننا ما نرجعش نقول ياريتنا
وكمان لان الحب زي ماغ طائر قال
وزي ماهو لازم يكون من الطرفين
فلازم عشان الاتنين يقدروا يضحوا
ويستحملوا لحد ما ربنا يريد
ان الموضوع يكمل ع خير
ويبتدوا المشوار مع بعض
ويصبروا ع متاعبه ويفروح برده مع بعض

فعشان كده بنقول الصراحه او التصريح
في الحاله دي بيكون افضل

مجرد راي

لو بتكلم عن موضوع

(أتودي أن تعرفي لماذا لا للصحوبية)

فممكن توضحلي اكتر

اي نقطه عاوزني اكلمك فيها

وانا معاك للاخر

وعلي فكره رايي اللي فوق ده
انا مش اول مره اكتبه

وكتبته في مواضيع كتير هنا في المنتدي
وكانت مشابهه لموضوعك برده

وزي ما قولت

حدد اي نقطه انا ارائي متضاربه فيها
وانا ارد عليك

اهلا بيكم

مبدأيا كده يا نبض
انا مش معاكى تماما - و سورى ما تزعليش منى
ردك ساذج جداااا

يا نبض انتى بتقولى

-
انا من وجهة نظريان المفروض اننا نسرح بمشاعرناللي بنحبهم لو حسينا ان فيه قبول منهم-

يعنى مثلا انا حبيت بنت ما او اعجبت بشخصياتها
اوقفها و اقولها استنى نشوف حل علشان انا بحبك
و جاى اسرح (اصرح) لك بمشاعرى تجاهك ؟

ده كان زمان شباب البلد بحالهم ماشيين و را البنات بيسرحوا (بيصرحوا )
لهم بالحب المكنون ليهم ف قلوبهم !!
ثانيا حكاية المشاعر دى بنتاكد منها ازاى ان شاء الله

و كمان انتى قولتى

-
وزي ماهو لازم يكون من الطرفينفلازم عشان الاتنين يقدروا يضحواويستحملوا لحد ما ربنا يريد
-

احنا كده مش بنتكلم عن الحب احنا كده بندعوا كل حد ف قلبه حاجه تجاه حد
يجرى بسرعه يصارحه بيها علشان يشوفو هيقدروا يضحوا و يكملوا
مشوارهم ازاى !

انا مش بقلل ابدا من رايك يا نبض
بالعكس انا محترمه جدا ...
و يا ريت ما تفهميش كلمة رد ساذج بطريقة غلط
انا بس حبيت اقول انه عاطفى شويه

*****************************

ثانيا

الطائر باشا

انت هنا ف الموضوع ده بتقول

- -
طب وليه هفضل صامت وهفضل لامتي علي الوضع ده لو بحب بجد يبقي لازم اصرح للي بحبه باللي في قلبي وزي ما تيجي
--

و ف الموضوع اللى ف العام بتقول

==

" لاتفتحي قلبك لأي شاب...حتى إذا شعرتِ الصدق في كلامه الا بعد العقد الشرعي"

إذا دخلتي الحب لكي تجربيه .. ستندمين

لأنك بعد ا ول خطوة .. لن تتراجعين

والله امرنا أن لا نمشي ورا خطوات الشيطان

{يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ
وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء
وَالْمُنكَرِ } (21) سورة النــور
==

مش حاسس ان ده عكس ده تماما !

بص يا طائر
انا معاك ان اوقات كتير جدا بنبقى عارفين ان الصح كذا
و بنعمل حاجه تانيه ... لمجرد اننا بنحط نفسنا ف خانة
القله اللى مميزه عن باقى الحالات

منين بتقول ان البنت ما تفتحش قلبها لاى شاب الا اما يكون بينهم عقد
شرعى حتى و لو حست بالصدق ف كلامه

و منين بتاكد ان الحب ف صمت اسوا الحلول و ان الافضل ان الواحد
لازم يصارح و يتكلم عنه حبه و يحط النقط ع الحروف زى ما بيقولو

مش حل ابدا اننا نحط نفسنا ف قائمة الاستثنائات
او اننا نعالج خطا بخطا اخر اكبر منه

وضح لى يا صاحبى

انا عارف انى هدخل ف صراع كبير
بس المهم نتناقش نقاش مفيد

شكرا

زائر

مفيش زعل ابدا يا عقرب

بس انا ما قصدتش اني مجرد اني بستلطف حد اروح
اعبرله عن الاحساس دع لانه مجرد استلطاف
انا بتكلم ع اللي يعرف انه بيحب الانسانه دي
وفعلا عايز يكمل معاها باقي حياته
وشايف انه ممكن الوضع يبقي صح
يعني مثلا واحد حب واحده وهي كمان
وفعلا اللي بينهم جميل جداااااااااااااا
وصاادق جدااااااااااااااااااااااا
بس في البدايه ما كانش حد بيتكلم
الا لما جه وقال انا كذا وظروفي كذا
لو هي عايزه تكمل وتستحمل "اللي هو القبول اللي بتكلم عيله"
يبقي الولد ده هيكلم اهلها ويقولهم ع ظروفه
بس يكون ظروفه تسمح ممكن تكون دلوقت لا بس مستقبله كويس
يبقي ايه المشكله
ويبقي كده دخل البيت بس الي حد ما مطمن
انها هتساعده في اقناع اهلها

عقرب ممكن اكون بتكلم ع حاله معينه
انا عارفاها كويس جداااااااااااااا

وبعدين مش يبص لدلوقت مادام مستقبله كويس وادامه
يبقي بني ادم كويس ومحدش يقدر يرفضه
ده غير اخلاقه طبعا ويكفي انه دخل البيت
بس هو لما صرح بمشاعره بقي حاسس انها
هتساعده وتستحمله زي ما انا قولت

وانا بتكلم ع حاجه حصلت يا عقرب
مش حاجه من خيالي والله

وربنا ما يجيبش زعل ابدا

زائر

اه ع فكره جلا من لا يسهوا

يعني مش عشان كتبت كلمه غلط
عفويا مني
هتمسكهالي
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه

والله يا عقرب ضحكتنى
حلوة حتة يسرح دى ههههههههههههههههههههه عسل يانبض

بس ان بقول يعنى يمكن ياعقرب الطائر كان يقصد كلامة على الولد الى هيروح يصارح وفى نفس الوقت يتقدم على طول
وفى الموضوع الى فات طائر كان بيرفض فيخا نوعية الاولاد الى بيصارحوا مثلا ومش بيدخلوا البيوت مثلا وبينصح البنات منهم
ممكن يعنى الله اعلم
يسرحنى هههههههههههههههههههههه طيب بالنسبة للى لابسة ايشارب اية نظامها [ندعوك للتسجيل في المنتدى أو التعريف بنفسك لمعاينة هذه الصورة]
يسرح فوق الايشارب بقا [ندعوك للتسجيل في المنتدى أو التعريف بنفسك لمعاينة هذه الصورة]
معلش يانبض بس اصلها عجبتنى [ندعوك للتسجيل في المنتدى أو التعريف بنفسك لمعاينة هذه الصورة]

زائر

اقلبيها هزار بقي يا ست نور

ايه يا بنتي والله انتي عمرك ما بتكتبي حرف غلط

ده ايه الناس دي

وع فكره يا نور اللي انتي قولتي عليه ده
هو بالظبط اللي اقصده

مش اصرح باللي حاسه وبس
لا يبقي فيه خطوه عشان الموضوع يبقي في النور

وبعد كده مش هفوتلكوا غلطات املائيه تاني
بس هه

بص يا سيدي

لو هنكلم عن الموضوع اللي في العام

فاانا اكيد حاطه كنصيحه للبنات مش اكتر

اقتباس :

منين بتقول ان البنت ما تفتحش قلبها لاى شاب الا اما يكون بينهم عقد
شرعى حتى و لو حست بالصدق ف كلامه

و منين بتاكد ان الحب ف صمت اسوا الحلول و ان الافضل ان الواحد
لازم يصارح و يتكلم عنه حبه و يحط النقط ع الحروف زى ما بيقولو

وانت مين قالك ان فيه بنت اصلا هتروح تصارح لولد بحبها

انا عن نفسي بكلم عن الصبيان بس زي ما نور قالت

يعني انا شايف ان مفيش بنت هيجلها الجراة انها تروح لولد معاها في الكليه او معجبه بيه وتقوله انا بحبك وعاوزاك تجوزني استحاله

ولو حصلت اكيد البنت دي هتقل في نظر الولد ده

دا لو كان عنده رجوله اصلا

انا لما اكلمت عن الصراحه
فده للولد فقط لان بالنسبه لعادتنا وتقالدنا وطبيعه نشاتنا
هو اللي بيروح يتقدم للبنت

يعني هو اللي المفروض يروح يصارح لها بحبه

اقتباس :

منين بتقول ان البنت ما تفتحش قلبها لاى شاب الا اما يكون بينهم عقد
شرعى حتى و لو حست بالصدق ف كلامه

دلوقتي انا بحب واحده معايه في الكليه ومعجب بها وشايف من نظرتها ليا حاجات كتير

بس الانسانه دي انا ما اعرفش عنها اي حاجه غير ان اسمها كذا وفي قسم كذا
بس انا معجب بها ونفسي بجد ارتبط بها هعمل ايه

قولي انت اعمل ايه

لازم هروح اصارحها بحبي لها واحاول في كلامي اكد لها اني بحبها وبجد نفسي ارتبط بها
وهتحاول بكل الطرق انك تروح تكلم والدها

ياريت يكون اللي في دماغي وصلك

اما لو انسانه انا معجب بها وانا عارفها هي بنت مين وساكنه فين

فيبقي من الاولي اني اروح وادخل البيت من بابه زي ما بيقولي

وما افضلش الف وادور حولين نفسي وحوليها

وبص من الاخر يا محمود

ده كله بيرجع لطبيعه البنت وتربيتها

وانا متاكد مليون المئه انك فاهم وجهة نظري
بس مش فاهم هي ايه لازمة اللف ده

وصدقني لو انت فاهمني بجد

فالمفروض ما دخلش موضوع

(اتودي ان تعرفي لماذا لا للصحوبيه)

وياريت ناخد راي الناس في كلامي برده

وانت مين قالك ان فيه بنت اصلا هتروح تصارح لولد بحبها

هى دى النقطه الى انا كنت عايزه اتكلم فيها
بس لاحظت انت الموضوع اخد طريق تانى فسكت

بس عندى سؤال
انت قولت ياطائر

بس الانسانه دي انا ما اعرفش عنها اي حاجه غير ان اسمها كذا وفي قسم كذا
بس انا معجب بها ونفسي بجد ارتبط بها هعمل ايه

ازاى الاعجاب ده هيجى
وانت اصلا متكلمتش معاها قبل كده؟؟

الاعجاب ده يا عاشقه مش لازم اكلمها

الاعجاب ممكن من نظره

انا معجب مثلا بواحده جارتي

شايف انها انسانه محترمه بنت ناس متربيه متدينه
فيها مواصفات كتير من البنت اللي بحلم بها

دي يعتبر اعجاب مش حب

طب عشان اتقدملها اعمل ايه
وانا عارف اني ولا هقدر اكلمها فاي حته ولا هي هتقبل انا اقف معاها
ولا حتي ظروف كليتها تسمح اني اروح اقفلها علي باب الكليه او في مدرج
مفيش حاجه من دي

وفعلا ده اللي حصل معايه
طب دلوقتي انا عاوز اتقدم للبنت دي اعمل ايه انا
ممكن امشيها زي جوازات زمان
وخلي والدتي تروح تكلم والدتها والمشوار العبيط ده

بس كان كل اللي يهمني انا اعرف رايها عني الاول مش راي حد تاني

الحمد الله واحده قربيتها مقربه منها جدا وفي نفس الوقت مننا برده
وخدت رايها وكله تمام

والمشوار بتاعي زي الفل

قوليلي ايه الغلط في موضوع زي ده
قوليلي انا عملت ايه يغضب ربنا في موضوع زي ده
ولا جرحتها وحاولت اوقفها في اي حته واكلمها
لان لو كنت عملت كده كانت ممكن تحرجني وكانت هتبقي مجبره علي كده
بحكم تربيتها

ولا جبت الاحراج لنفسي

امال اللي العقرب بيتكلم عنه واللي فهمته من كلامه

الحب الحقيقي

ان اروح اكلمها وامشي معاها فتره اشوف ظروفها ايه من ناحيتي
وانا هميل لها ولا لا وكده

بس كل الكلام ده انا عن نفسي مش حابه

والله اعلم بنيتي

ايوه فهمت
وانت مغلطش فى حاجه
وياريت الكل يعمل كده
وربنه يوفقك

على فكره السؤال مكنشى تشكيك فى كلامك
بس كنت عايزه افهم حاجه
(كان نفسى افهم حاجه من زمان
بس كنت محتاجه حد يفتح الموضوع)
ومرسيه بجد ليك
ريحتنى كتييييير