الرئيسيةالتسجيلدخول

شاطر | 
 

 الولد و البنت - زمان و دلوقتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العقرب العجوز المبرمج
ادارة IT CLUB
ادارة IT CLUB


ذكر
عدد الرسائل : 6053
العمر : 27
تاريخ التسجيل : 19/11/2007

مُساهمةموضوع: الولد و البنت - زمان و دلوقتى   الأربعاء سبتمبر 01, 2010 7:46 am

البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.

دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت





الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.

دلـوقتـى!:- إيه يا مان احنا النهاردة كام فى الشهر ؟ انت مش هتأبجني ولا إيه
حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه
يا عم انت وقعت على ودانك وانت صغير ولا ايه ؟مش سامعني يعني ؟ عايز
الفلوووووووس...المونيى






خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.

دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش
النهاردة!!,يرد الولد تأخير ايه يا مان أنا طالع اغير هدومي ونازل تاني
,انا وكام واحد من اصحابي عندنا ماتش كده على الماشي .خش انت نام ومتقلقش
وانا مش هتأخر...الاب نام وصحي ونزل يصلي الفجر وهو راجع يلاقي ابنه عند
بتاع الفول بياكل !! ايه يابني انت لسه مروحتش؟ يرد الولد اهلااااا
بالكبير اوى معلش بقى الماتش سخن اصله ولسه خلصان ولا ايه يا جماعة؟؟ كله
يهز راسه بالموافقة وبؤه مليان اكل ,,يكمل الولد بعدين لقينا عصافير بطننا
(بتنعر!!)قلنا نسدها بقى .




دخول الاب البيت

زمان:- يسمعوا بس صوت باباهم من بعيد كله يقوم مرعوب واللى فى ايده حاجة
يسيبها ويستقبلوا باباهم على الباب ولو معاه حاجة يشيلوها عنه.

دلـوقتـى!:- الولد قاعد قدام الكمبيوتر او بيتفرج على ماتش كورة ، البنت
بتتكلم فى التليفون (مش فاضيين يعملوا ايه !!) الاب على الباب بيخبط (مع
العلم ان الاب ليه خبطة مميزة يعني عارفين انه اللى على الباب) الاب خبط
مرة واتنين ويرن الجرس فين وفين البنت اخدت بالها ان فى حد بيخبط,,انت
يابني متسيب اللي في ايدك ده وتروح تفتح لبابا,,يرد الاخ نعم هاخد اوامر
منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على
الاقل انا بتكلم فى التليفون اقول ايه لصاحبتي يعني ؟؟انما انت مبتعملش
حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي
كلامك معايا انا اخوكي والولد هنا وكلامي لازم يتسمع...ترد على العموم
بابا معاه مفتاح وتلاقيه شوية وهيفتح بيه ولا الحوجة ليك يا اخويا.



نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!

دلوقتي:- الام يطلع عينها من التحايل على الولد ينزل يجيب حاجة من البقال
اللي جنبهم, يرد ويقول تخلي فلانة تنزل ماهي قاعدة ما بتعملش حاجة.الام
تقوله يابني اختك المفروض ماتنزلش كتير ديه مهما كانت بنت والوقت
متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك
تخوف بلد.:يابني انت المفروض راجل البيت..يرد وانتوا خليتوا فيها راجل مش
طالبتم بالمساواة؟يالا اشربوا عشان تبقوا تقولوا الراجل زى الست.هى فى
حاجات وحاجات لأ يعني؟؟حاجة غريبة اوي!!!






نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل

دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا
نتبهدل . انا ايه اللى يخليني انزل واتبهدل فى المواصلات كده,, مش لو كنا
قاعدين فى بيوتنا كان يبقى اكرم لنا ؟؟




_________________


------------ بحبك اد الدنيا دى كلها --------------

الذكى هو من يعامل الاخرين على انهم اذكى منه ..!!
*‏ اذا كان قلبك لايدق للحب فسكوته أفضل‏!‏
الرجوع الى أعلى الصفحة اذهب الى الأسفل
همس القلوب
عضو ملكي
عضو ملكي


انثى
عدد الرسائل : 523
العمر : 22
تاريخ التسجيل : 11/07/2009

مُساهمةموضوع: رد: الولد و البنت - زمان و دلوقتى   الخميس سبتمبر 02, 2010 7:51 pm

[b][b],,يكمل الولد بعدين لقينا عصافير بطننا
(بتنعر!!)قلنا نسدها بقى .
ههههههه
جمله اوى الحده دى
بس مش الكل يا عم عقرب ولا انت من ضمن
هههههههههههههههههههه












انا بهزر انا عرفه انك مش من ضمن
الرجوع الى أعلى الصفحة اذهب الى الأسفل
mody
مشرف
مشرف


ذكر
عدد الرسائل : 3066
العمر : 23
تاريخ التسجيل : 29/08/2008

مُساهمةموضوع: رد: الولد و البنت - زمان و دلوقتى   الجمعة مارس 11, 2011 8:54 pm

ايه
يا عم انت وقعت على ودانك وانت صغير ولا ايه ؟مش سامعني يعني ؟ عايز
الفلوووووووس...المونيى

ههههههههههههههههههههههه
جامدة
Smile
الرجوع الى أعلى الصفحة اذهب الى الأسفل
نور
مشرفه عامه
مشرفه عامه


انثى
عدد الرسائل : 5392
العمر : 28
تاريخ التسجيل : 26/10/2007

مُساهمةموضوع: رد: الولد و البنت - زمان و دلوقتى   الخميس مارس 17, 2011 4:39 am

الموضوع دا انت سرقتة منى انا كنت عاملاة زمان جدا

_________________



امحي زنوبك
من هنا

http://www.shbab1.com/2minutes.htm
الرجوع الى أعلى الصفحة اذهب الى الأسفل
 
الولد و البنت - زمان و دلوقتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: IT Club café :: الترفيهي-
انتقل الى: