أعتذر

دا يا جماعه اعتذار لكل الاعضاء عن ما حدث مني .ولكن فبل الاعتذار انا عاوز اسئل الاعضاء سؤالين



1-ايه الاستفاده الي هتعود عليا كعضو او كادمن لما الاعضاء تشارك في قسم البرمجه؟

2-طب المنتدي دا بفلوس عشان يدير عليا ربح من المشاركه فيه؟



انا ياجماعه كان كل كلامي اني عاوز الناس تهتم بالبرمجه الي هيا مستقبلهم



وبعدين انا استحالا كنت هحذف أي حاجه من المنتدي دا كان مجرد تذكير للناس بالجزء المهجور ودا لسبب لان مش انا لوحد الادمن انا معايا واحد كمان ومختش رايه في الموضوع ده



انا عملت كدا يا جماعه لاني كل اما اتكلم مع أي حد من حاسبات او حد مهتم بالبرمجه اجد انها الشغل الشاغل لتفكيرهم في الوئت الي لما اجي فيه المنتدي بجد الشغل الشاغل في المنتدي يعني حاجات وانتوا عارفين طبعا.



عشان كدا انا شلت الشات وشلت الحب والرومانسيه



وطبعا زي ما الاعضاء فاهمه انا والله مافي استفاده من ورا الموضوع ده اطلاقا

الا اني كنت اتمني ان المنتدي يعلم الاعضاء حاجه الي كليه العلوم معلمتهلناش



وطبعا انا مسؤل ئدام ربنا عن كل كلمه ئولتها



وانا كنت متوقع اني لما اعمل الموضوع بتاع" بيان هام" ان بعض الاعضاء هتفهم انا ئصدي ايه وهتوئف معايا .لكن للاسف الشديد





وعشان مطولش عليكوا انا ان شاء الله هرجع عضو تاني زيي زيكوا ومليش دعوه بالادمن وكده يكون الي ماسك الادمن واحد بس هو حر يمسكه للي هو عاوزه



بس انا كنت عاوزكوا متزعلوش مني لاني اقسم بالله بحب الاعضاء كلهم وبعمل كدا عشان المصلحه .انا مش هستفيد حاجه اما العضو الفلاني يفهم هدفه ويتعلم البرمجه او الشبكات او غيره .مش هستفيد أي حاجه



ونصيحتي في الاخر ان الاعضاء تهتم بالبرمجه لان دا مستئبلهم وكمان لما الادمن الجديد يعمل أي تغيير فدا لمصلحه المنتدي



وطبعا انا ف كلامي كان للاعضاء الي ف كليه علوم قسم حاسب. وياريت لناس تراجع نفسها وتفهم انا عملت ليه كده.



واخير .اعتذاري للجميع

يا تلموذ ما حدش زعلان منك ولا حاجة

وانت بجد انسان محترم وبتفكر في مصلحة المنتدي

ويا ريت يكون المنتدي من هنا وجاي شغله الشاغل

البرمجة عشان بجد القسم ده مقصرين في حقه

ونسيب بقي المواضيع واللعب اللي مش هايفيدنا بحاجة

ونبدا نشتغل كويس