خاطرتى عن الذات

خاطرتي عن الذات

من زمان قوى و فى يوم من الايام حسيت انى اتولدت

حسيت انى عيشت ..... حسيت انى موجود

بالتحديد اول مره فى حياتى بصيت فيها فى المرايه

أول مره حسيت ان حد بيهتم بيا ... أول ما حسيت انى ليا اسم

لما اسمعه من اى شخص انتبه له ........

و قتها اكتشفت انى كيان موجود .. ملموس .. محسوس

و مع مرور الوقت اكتشفت انى حد موجود و معروف و ليا كمان شوية ناس حالهم نفس حالى بالظبط ده طبعا اذا كانو بيفكرو زيى

و اسمهم أصحابى

فيه حاجه اسمها التعليم ... مدرسه .... دراسه .... كلمات كتير لها معنى عام واحد ... العلم و المستقبل الطبيعى لاى حد

فى الابتدائى عمرى ما خفت من حاجه زى ما خفت انى انسى اعمل الواجب ..... لكن عمرى ما فكرت انى أكون مركز اهتمام بنت جميله قاعده على الدرج اللى جنبى أد ما كنت خايف انها تجاوب على سؤال انا عارف أجابته ... و كأنى معايا سر عظيم من أسرار الحياه

ده باعتبار ان كتاب المدرسه هو الحياه ....!!!!!

عرفت أكتب .... و عرفت اقرا اللى باكتبه لا و ايه

ممكن أقرا الكلام اللى حد غيرى بيكتبه

حتى و لو كانت خاطره تافهه عنوانها "خاطرتى عن الذات "

شعور جميل انك تكون بتعرف تقرا يعنى ممكن تعرف اى حد عاوز يقول ايه فى كلامه

كنت سعيد مبسوط ... معايا مفتاح الحياه ... بل مفتاح قراءة الافكار بس الافكار المعلنه و كمان ممكن أعلن عن أفكارى بكلام زى اللى انا باقرأه برضه .... متعلم بقى !!!

من الابتدائى عرفت احيى العلم .. أكتب كلمة وطن

بنشوة التفوق فى الابتدائى بندخل الاعدادى

و نقول احنا كبرنا .... نقدر نقول مرحله من العمر مهمه لكن مش قادرين نحدد فيها انجاز محدد

كل اللى حصلنا مجرد تثبيت لشويه احلام فى الدراسه السابقه

يعنى ممكن نكتب شوية جمل ليها نفس الحرف فى النهايه و نسمى ده شعر

او ممكن نكتب شوية كلام الهدف منه انك بعد اما تقراه ما تفهمش منه حاجه .. و نسمى الكلام ده خاطره

كبرنا و بقينا فى الثانوى ..... شباب ... مشاريع أحلام

مشاريع دكاتره و صيادله و مهندسين

..... و تائهين

كان ممكن يكون هدف فى الثانوى ان ابقى .... شاطر

ذكى .... ظريف .... محبوب

احلم بالكلية اللى انا عاوز اكون زى حد كان فيها

يعنى هأحبها لاكتر من كده ليه ... هو انا كنت دخلتها قبل كده ...؟؟

ميولى ...... أدب و فن وقصص و تمثيل و كوميديا

هدفى ..... حب حقيقى

حلمى ....... هندسه

حياتى .... مذاكره و دروس

خيالى .... قصص بطوليه فى أخرها بافوز باعجاب بنت حلوه معايا فى الدرس .. و ممكن اعجابى بيها يزيد لمجرد انها بتحب واحد زميلى

و بعد فتره من الزمن غالبا بتكون ثلاثه سنوات "ده لو انت شاطر"

رحت مكان حلو الشكل لذيذ المضمون مختلف المجالات

كلية ...............................................

يعنى النقط تختلف من مكان لمكان بس

الميول ... تتركن فى تلاجة التخصص و مستنيه مكروويف التخرج

الهدف ... كوب ماء فارغ و الاناء الذى بجواره مكسور بل مثقوب ثقب أبدى بنسميه .....الظروف

الحلم ..... لاب توب فقد شاحنه يعنى هيشتغل معاك 7 او 8 ساعات و بعد كده مش عارف يوصل لالكترونات التيار الكهربى و يفصل للابد الا اذا الاناء بتاعك كان حالته الماليه جيده يعنى ممكن جيب شاحن خاااص "سته أكتوبر مثلا "

الحياه ..... ميكروويف عطلان و لذق مش عارف يصلح الاناء و شاحن قريب من الشاحن الاصلى لكن مش هأعرف اشحن لاب توب الحلم

الخيال ..... باستعين بيه علشان أكمل خاطرة بتحكى عن ذات شخص مازال يبحث عن ذاته كمضمون

وفى النهايه .... هى دى النهايه

باحلم بالباتش اللى مكتوب عليه "ميكروسوفت " و انا مش عارف أجيب 120 علشان انجح فى ماده بساعتين

باحلم بحب حقيقى أتحدى بيه مئاسى زمن رفض انه يسمح لى حتى أحلم ... بس أحب ليه ؟؟ لما ألاقى الاجابه هأفكر فيه

بأحلم بملتقى ثقافى فكرى عميق أتكلم فيه و الاقى اللى يسمعنى و أقول انا فرحان انى فيه حد لسه حتى الآ ن مستمر فى قرائه خاطره اسمها "خاطرتى عن الذات" .

باحلم بدنيا جميله حياه هادئه علم - مال - حب - حياه - دين

الاول ...... مش عارف أشغل الزر بتاعه علشان ينور حياتى

الثانى ..... مش هأشوفه الا لما أنور حياتى بالعلم

الثالث .... ممكن لما "ح" تبقى "زو" و ال.."ب" تبقى "اج"

الرابعه ..... و ضعت فى جبلتى و ليست باختيارى

الخامس .... طوق النجاه

هتكمل حياتى

حتى ولو على ضوء شمعه

طول ما السما بتمطر ماء علشان الارض ... انا مبسوط

طول ما الارض بتلف علشان الشمس تنور باقى العالم ..... أنا مبسوط

طول ما فيه واحد سهران يكتب علشان آخر يتعلم .. انا مبسوط

طول ما انا معاكم على المنتدى ده ..... انا مبسوط

ممكن تكون طويله

ممكن تكون ممله

ممكن تكون تافهه

ممكن تكون أوهام

لكنها هى بذور أفكار .... حياه لم تلمح النور بعد

اليكم

احدى خواطرى

يارب تعجبكم

بجد بعد ما كتبتها استريحت

أخوكم

العقرب العجوز المبرمج

بجد رائع ياعقرب

وربنا يوفقك فى حياتك

وتحقق كل الى بتتمناة

ربنا يخليكى

شكرا على ردك الجميل

جمييييل جداااا ياعقرب

على فكره توقيعك جميل اووووي

ربنا يخليكم يارب يارافعين معنوياتى

و شكرا لكى

هتكمل حياتى

حتى ولو على ضوء شمعه

طول ما السما بتمطر ماء علشان الارض ... انا مبسوط

طول ما الارض بتلف علشان الشمس تنور باقى العالم ..... أنا مبسوط

طول ما فيه واحد سهران يكتب علشان آخر يتعلم .. انا مبسوط

طول ما انا معاكم على المنتدى ده ..... انا مبسوط

جميل جدا يا عقرب

ومستنيين منك المزيد من المواضيع

شكرا لكى

جميل يا عقرب
بس لو عايز الباتش بتاع ميكروسوفت انا عندى واحد والله ابعتهولك لو عايزة Very Happy

ههههههههههههههههههههههههههههههههههههههههههههههههههههههههههههههههههه

ربنا يكرمك

و شكرا لك

العفو ياعم انا كنت عايز اوفر عليك التعب Very Happy

بقولك ايه

انا مزنوق فى مبلغ مالى

بتاع 4 مليون جنيه

قولت ايه ؟؟

منتش شايف ان اربعة مليون شوية لا انا هديك مليار بحيث تعرف تصرف Very Happy

جميل ياعقرب

وربنا يوفقك يارب

ربنا يخليكى يا سمسمه

و انت يا تايجر

هات

رائع يا عقرب

بالتوفيق

ولامام دائما

ربنا يخليك يا ياد يا طائر يا حبيبى

بأحلم
بملتقى ثقافى فكرى عميق أتكلم فيه و الاقى اللى يسمعنى و أقول انا فرحان
انى فيه حد لسه حتى الآ ن مستمر فى قرائه خاطره اسمها "خاطرتى عن الذات" .

رااااااااااااااااائع يا عقرب

ربنا يخليكى يا منال

نورتى الموضوع

جميل اووووووووووووووى ياعقرب

احلى حاجه ان الانسان يكتب اللى فى نفسه واللى حسه

اية القرف دا

اية دا بالظبط

شكرا ليكى يا كنزى !

نور .. ايه اللى جابك هنا ؟

انااعرف يااخويا

هى دى صفحة الوفيات يابنى ولااية

لابجد اكيد صفحة الوفيات

لا يا حاجه

الوفيات من الباب الورانى

هنا صفحة الاستظراف !

طيب ياابنى
شكرا

ما شفتش الواد العقرب ابنى ادتلوة
ربع جنية
قولتة هات نصف كيلو لحمة
واربع التار لبن
و2 كيلو موز
وادفع الايجار
ولسة ما جاش
اناخايفة يكون طمع فى الباقى وطفش

كان نفسى اضحك !

بس مش حلوه يا نور