التلاعب بمشاعر الآخرين

ســــــــــؤال هادف الى الشباب والفتيات !! بشــرط الصراحة ؟؟ ( نقاش جاد ) .

هناك من البشر من هوايتهم التلاعب بمشاعر الآخرين

فتجده مثلا يقول لفلانة احبك , ثم يذهب إلى فتاة أُخرى ويقول لها نفس الكلام

ثم يتنقل بين الفتيات كالبستاني الذي يتنقل بين الورود !!...

هؤلاء النوعية من البشر هم كثيرين جدا ولا حصر لهم

ولكن باعتقادنا الشخصي أن هؤلاء لديهم نقص عاطفي وعقدة نفسية ......

وكذلك يوجد من (الفتيات) من هوايتهن التلاعب بمشاعر الشباب والضحك عليهم

فينطبق عليها مثلما ينطبق على الشاب تماما....

في رأيك من هو أكثر تلاعبا بالمشاعر الفتاة أم الشاب ؟!...

وما هو السبب الذي جعل هؤلاء يتلاعبون بمشاعر الناس ولماذا جعلوا من قلوبهم فنادق ذات خمس نجوم فهي تتسع لمجموعة أشخاص ؟

هل البنت والولد نفس الشيء ؟

وهل تؤيد الدراسة التي تقول بان الذئاب البشرية والمقصود بهم الشباب

" اصبح شرف الفتيات بالنسبة لهم , مجرد عود كبريت مصيره ان يشتعل وينطفئ بسرعة "

هو اللي انت بتقوله موجود

بس معتقدش ان في ف الدنيا انسان بداخله كميه شر

تخليه يعمل كده بنيه التلاعب او الايذاء

بس ممكن يكون بيتسلى او بيحس بهذه الطريقه بقيمته

وهذا هو السبب

فقده للاحساس باهميته في اي حقل من حقول الحياه

لم يشعر يوما بالفخر بذاته

ولم يثن عليه احد لعمل قام به

او نصر حققه

فهو فراغ لا محاله

كما انه بالتاكيد يتعطش للدفء والحنان

ولا يجده في منزله

فيبحث عنه يمنه ويسره ولا يكفيه مصدر واحد بل يريد المزيد

هذا عن الشباب

لكن بنت تعمل كده

فالحقيقه عقلي لا يتسع او ذكائي لا يساعدني على تخيل ذلك

مااعتقدش ان فيه بنت بالوقاحه ده

بتهيقلي الولد هو اللى يقدر يتلاعب بمشاعر البنت
اما العكس معتقدش
لان لسبب صغير ان الولد عنده الجراه اللى يعمل كده
اما البنت لما بتحب بتب بجد

الحب هو اللعبة الوحيــدة في العالم التي يكسبها الطرفان .. أو يخسرها الطرفان

موضوع رائع ياطائر

لألأ في بنات يا سمسمه بتتلاعب باولاد بردوا

بس هما بيبقوا مش ولاد ماينفعش يتقال عليهم رجاله

وانا شوفت نوعيات من دي كتيررر

اللى يعيش ياما تشوف

انا بأيد كلام نسيبه
وكمان فيه اولاد بيضحكوا على البنات
لان ممكن ده يكون في خيلهم انتقامهم
من بنت سابتهم
بس انا من رايي ان الاولاد دول مرضى نفسيين

ايه ده

يعني انتم كلكم غلابه

واحنا المفترسين ولا ايه

لالالالالالالالالالالالالالالالا

والله يا جماعه الاتنين عندهم نفس المشكله

وعلي ايدي فيه بنات كتير عملت كده يعني مش الشباب لوحدهم

بس فعلا فيه بنات عندهم نفس المشكله

وزي ما قالت نسيبه

بيبقوا حاسين بنقص فبيحاولوا يعوضوه بالكلام ده

لالالا ياطائر

فعلا مفيش بنت تعمل كده

لانها اصلا لاتتحمل ان تحمل على عاتقها اعباء العديد من التجارب

بحلوها ومرها

هذه هي طبيعتها

خلقت لواحد فقط

انا مع كلام نسيبة

بس للاسف يا نسيبة البنات الوقحة كتير جدا
بامانة

هههههههههههههههههه

وقحه؟؟؟؟؟؟

ممكن تقول تقصد ايه بالبنات الوقحه

او مين هي البنت الوقحه ف وجهة نظرك؟؟

وقحة بمعنى كل ما فى الكلمة من معانى

واظن ما اكثرها فى هذه الكلمة
ومن الاخر اى حاجة تتخيليها

اصل معلش يا رؤول

ممكن تكون انت مزودها شويه

انت مش فاهمني

انت ممكن تكون شايف صوره مثاليه مش موجوده ف حد

هو ده قصدي

ممكن توضحى اكتر

يعنى ايه شايف صورة مثالية ومش موجودة فى حد

مع ان قصدي واضح

انت ممكن تشوف تصرفات عاديه من البنت على انها وقاحه

يعني مثلا لو واحد سالت ف المحاضره

ولا سالتك عن حاجه

واي حاجه من الحاجات العاديه ده
انت شايفها وقاحه

ههههههههههههههههههههههههههههههههههههه

لا مش لدرجة دى يعنى انا قصدى تصرفات تانية خالص
وعلى فكرة ده يبقى انسان اهبل الى يفكر بالطريقة دى

يا جماعه انا شايفه ان حكايه التلاعب بالمشاعر ديه بيبقى من الولد والبنت
من الاتنين لان زى ما فى ولاد كويسه وفى ولاد مش كويسه برده ده موجود عند البنات
واعتقد انهم بنسبه متساويه والبنت لما بتكون عايزه تعمل حاجه م شبيهمها اى حد زى الولد بالضبط انا مش قصدى كل البنات طبعا لا بنات معينه فهى الحكايه متساويه
وبعين فعلا زى ما نسيبه قالت ده بيبقى مجرد تسليه مش اكتر يعنى هو مش قاصد او هى مش بتبقى قصده انها تجرح او يجرح حد بس هما بيبقوا فرحنين بالحاله ديه مش اكتر

ممكن الولد او البنت يتلاعب بمشاعر الاخرين

وده لمجرد التسليه والفراغ المنظره