انا والنجوم ومشاكلك

فكره خط الفضفضه ممتازه جدا

انا صداقاتي بتنهار

مش عرفه ايه اللي بيحصلي

علاقاتي كلها من سئ الى اسوء

اهتمام اصحابي بيا قل اوي

مبقتش بالنسبالهم حاجه مهمه

ومبقوش بيستحملوا مني اي تصرف او رد فعل

ولما اكون محتجاهم مش بلاقيهم جنبي

وانا بحبهم جدا ومتاكده انهم بيحبوني

بجد هى فعلا مشكله كبيره بس لكيد لها حلول

اولا انا الحكاية دى حصلت معايا مره

و الحل اللى انا عملته

انى كلمت زمايلى وقولت لهم انا حاسس ان علاقتى بيكم بتقل و كده

و فعلا قالولى على شويه حاجات كانت مضايقاهم و هى فعلا كانت حاجات تضايق
و انا ما كنتش واخد بالى

لكن الامور اتظبطت بعد اما كلمتهم و كل واحد قال اللى كان زعلان منى فيه

فانا باقترح انك تعملى معاهم كده

اما لو لما انتى بتحتاجيهم مش بتلاقيهم جمبك

بيتهيا لى ان دى مش مشكلتك انتى

ده رايى

و ان شاء الله خير و كل حاجه ترجع زى الاول ان شاء الله

سلام

على فكره انتي لازم تسأليهم همه متغيرين منك ليه؟؟!

وممكن تكوني انتي اللي اتغيرتي وبالتالي يكونوا اتغيراو معاكي من كده

او انتي ممكن تكوني بتعملى حاجات مش بتقصديها بتكون بتضايقهم

ويارب علاقتك تتحسن معاهم لان همه بيحبوكي اوي اوي اوي

ايه الفرق بين الحب والاعجاب

اتمنى اشوف ردود كل العضاء

شكرا

i dont know

هو انا كمان مش عارفه اوي

بس ممكن يكون الاعجاب شئ منطقي
وليه اسباب واضحه

والحب بيكون بدون سبب مش عارفه

او يعني ملوش اسباب قويه

والاعجاب ممكن اوي يتحول لحب

لكن الحب لا

والاعجاب ده بكون بالتفكير والاسلوب والذكاء كده

مش عارفه برضوا

زائر

بسم الله الرحمن الرحيم

الاعجاب دا بدايه طريق الحب و هيه نتيجه انطباعات كويسه عن شخص معين

جدع طموح زكي طيب رومانسي وحطي تحت رومانسي دي 60 خط جدع شهم

كل دي صفات ممكن تخليكي تعجبي بالشخص

والفرق بين الاعجاب والحب ان العجاب ممكن يقلب بحب لاكن طالما انتى بتحبيه ف انتي معجبه بيه

بس الاعجاب ممكن يبقي اعجاب بشخصيه فقط او بصفه معينه فيه

ممكن يكون صديق ومعجبه بجدعنته او زكائه لاكن مش دا اللى يدخل دماغي او دا اللى يبقي حبيبي

والحب نتيجه الاعجاب الزائد ل شخص معين

وميبقاش حب الا واذا كان الاعجاب متبادل

اعتقد ان دا الفرق بين الاعجاب و الحب

ولو انت معجب ب بنت اوووووووووووعي تقولها اي حاجه

غير لما تتأكد انك معجب بيها جدا جدا جدا وانها هيه دي اللى ف دماغك

ولو اللي بيسأل بنت اكيد طبعا التناكه هتمسكها وتقولك استناه لما هوه يجيي يقولي

محصلش

هو ايه اللي محصلش يا عقرب

سمعنا صوتك

بس كلامك حلو يا سويت

زائر

سيبك منه يا نسيبه دا لسه جاي من اورانوس

اغنى يعنى ؟؟؟

ههههههههههههههههه

تغني؟؟

بتعرف؟؟؟

لا

سمعنا صوت عقلك

افكااااارك

زائر

لسه جاي من اورانووووووووووس

على فكره يا نسيبه

انا باعرف اغنى اه كويس جدا كمان

و على طول اللى يزعلنى من زمايلى اغنيله

بجد

حكاية اورانوس اللى سويت بيتكلم فيها دى

الحكايه كلها انى مدمن فضاء فكنت باتثقف قريبا فى الفضاء و علومه فكنت بادر سشوية حاجات عن
الكواكب و كدهفعجبنى كوكب اورانوس فكان كلامى عليه كتير

فسويت مسكهالى بقى

و بخصوص الاعجاب و الحب

انا ان كان عليا كل اما اشوف بنت حلوه اعجب بيها

لحد ما تمشى من ادامى الاعجاب يروح

فمش عارف احط له تعريف

محدد

اما الحب ده شعووووووور تانى خاااااااااااااااااااااااااااااااااالص

و برضه مش عارف احط له تعريف

قولت لك اغنى اسهل

سلام

زائر

لا اورانوس احسن

بلاش تغني

هههههههههههههههههههههههههههه

لا تعليق

السلام عليكم

عايز اخد رأيكم اعمل ايه

اولا : انا مهمل اوي ف دراستي مهمل جدا جدا جدا

عندي اكتر من 6 مواد ومفتحتش ولا ماده لحد دلوقتي

الدراسه السنه ادي صعبه جدا جدا جدا ولما فتحت المزاكرات ف ماده سدت نفسي جامد اوي

حاسس ان هعيد السنه دي

النت دا اختراع موديني ف مليون داهيه

بياكل وقتي وبيضيعه وبيخلي اليوم متعفرت

وانا معنديش استعداد اعيد اي سنه مينفعش خالص

وسده النفس اللى جايالي من جانب المزاكره دي

بالرغم من اني مش دحيح يعني مش ماسك الكتاب طول السنه

بالعكس دا انا عايش حياتي بالطول والعرض والارتفاع والمساحه والمحيط

ناقص اعيشها بالفايده البسيطه كمان

ومش عارف اعمل ايه عشان معيدتش السنه دي ومش فاضل غير تلات اسابيع بس ع الامتحان

اممممممممممممممممممممممممم

كان نفسى واحد غيرى هو اللى يرد عليك فى الحوار ده Sad

لانى طبعا مش شاطر خااااالص فى الكليه . بس انا ليا عزرى لانى باعمل حاجات تانيه Cool

المهم يا ريس

الحل الانسب للموضوع ده

شوفلك واحد كده زميلك بس يكون جدع و شاطر

و روح ذاكر معاه

و اهم حاجه تكونو هتذاكرو عنده

علشان هيجبرك انك ما تعملش اى حاجه غير انكم تذاكرو Rolling Eyes

ثانيا بقى

هتاكل عنده و اكيد هيعشيك يا ريس affraid

بجد انا بتكلم بجد

روح ذاكر مع واحد زميلك و هو هيساعدك كتير ان شاء الله

اسال مجرب :|

و حاول تخلى النت يفيدك بدل ما يعطلك

ادخل على المنتديات التعليميه

و ايا كان مجالك هتلاقى منتديات بينزل عليها دورات اون لاين

ايا كان مجالك هتلاقى ناس تخليك تحترف مجالك

و انا باتهز الفرصه دى

و باقول لو اى حد فى علوم و عاوز منتديات بينزل عليها دورات يبعت يقولى

وا نا ابعت له اللينكات ان شاء الله

بس كده يا ريس المشكله اتحلت

بس

سلام

هو زى ما العقرب قال لك

اما بالنسبة للمذاكرة صدقنى لو ذاكرت قبل الامتحان 3 اسابيع دول بس ركزت كويس اوى هتنجح وتجيب تقدير كمان

بالنسبة لسدة النفس دى بقى استعن بالله

صلى ركعتين قضاء حاجة وادعى ربنا يهديك للمذاكرة كل ما تحس ان ما لكش نفس تذاكر وانت عايز تذاكر

وان شاء الله خير

وربنا يهديك ويهدينا كلنا للمذاكرة ويعديها علينا كلنا على خير

بالفايده البسيطه

طب ما تقول انك .....

يلا بص يا عم

انت بتقول لازم تنجح السنه دي ولازم تعدي لانه ما ينفعش انك تعيد لظروف خاصه بيك

طب ده مش سبب قوي

يجبرك انك تذاكر

اتقرب من ربنا اكتر

وان شاء الله ربنا يكرمك وتعدي صافي وتنجح في المادتين كمان

حبيبي

السلام عليكم

معلشي هو الرد جاى متاخر شوية لانى لسة شيفة الموضوع من اوله دلوقتى

هى فعلا فكرة راااااااااااااائعة يا نسيبة

انت كنت بتسال عن الفرق بين الحب ولاعجاب

من وجهة نظرى

ان الاعجاب :انك تشوف صفات انت بتتمناها في واحدة فتعجب بيها وزى ما باقى الاعضاء قالوا ممكن الاعجاب يبقى حب

بس ممكن الاعجاب ما يوصلش لمرحلة الحب يعنى لو شفت من الواحدة دى تصرف ما عجبكش
ولقيت الاعجاب قل يبقى مش اكتر من اعجاب

اما الحب انك تكون معجب بالواحدة دى وشايف ان هى احسن واحدة حتى لو عملت تصرف انت مش راضى عنه بتلاقى لها اكتر من عذر وبتبقى عايز تلاقى لها عذر باى طريقة المهم

ما تطلعاش مش كويسة في نظرك دا غير حاجات تانية كتير انت تكون مدايق لما تشوفها وافقة مع حد او بتتكلم عن حد كتير والحاجات دى

الفكرة جميلة يا نسيبة وكنا محتاجين حاجة زى كدا لان في حاجات حتى اقرب الناش مش بنعرف نحكيها ليهم

كنت عايزة اخد رايكوا في حاجة

من فترة اعجبت بشخص فصليت صلاة استخارة على طول

وبعدها حلمت حلم يبشر بالخير مع العلم انى بتمنى ما حبش غير اللى هيكون من نصيبى

وكمان ما كنش في اى حاجة ممكن تخلينا نتكلم مع بعض
وما كنتش بفكر فيه خالص غير قليل جدااااااااا

وفجاءة لقيت اسباب بقينا نتكلم عشنها

ومن سعتها وانا خايفة جدااااااا وبقيت اصلى صلاة استخارة كتييير

وبحس كمان انه معجب بيا
وبحس كدا من تصرفاته

بس في حاجة لما نيجى نتكلم طريقة كلامه بحس فيها انه بيكلمنى غصب عنه

ودا بيخلينى اتراجع وقول لا
بالرغم من انه بيكلم بنت غيري بس بيبقى واقف عادى جدااااااا معاها
وهو على فكرة على درجة كويسة من التدين فبقول ممكن يكون خايف ان كلامنا مع بعض حرام بس احنا عمرنا ما اتكلمنا في حاجة غير الدراسة فممكن يكون كلامه مع البنت دى عادى لانه مش حاسس من نحيتها حاجة او هى عادى بالنسبة له اما انا فغير كدا عشان كدا بيبقى خايف ليكون كلامى معاه حرام مش عارفة دا تحليل صح ولا لا
وصليت صلاة قضاء حاجة كتيييييييييييير اوى
ودعيت لو صلاة الاستخارة بالقبول ربنا يسهل وييسر بينا الامور

ولو صلاة الاستخارة بالرفض يبعد بينى وبينه وربنا يشيله من تفكيري ويبقى واحد عادى زى اى حد
وفعلا كان حصل مشكلة وخلاص قلت الموضوع خلص
بس برضة لسة بفكر فيه ورجعت كل حاجة تانى مش عارفة ازاى

والبنت التاية بيكلمها كتير اوى ولما لقيته بيبقى واقف قلقان وهو بيكلمنى وبيقف مع البنت التانية دى عادى جدااااااااا

قلت خلاص هى كدا بانت وكل افكارى انه يكون معجب بيا غلط
وممكن يكون معجب بالبنت دى وهتعامل معاه على اساس كدا
وقلت خلاص هنسى الموضوع ونمت على كدا

صحيت الصبح مش عارفة بفكر فيه بطريقة رهيبة واحساس فظيع انه معجب بيا انا
مش عارفة ليه

فالمحيرنى في الموضوع دا

هل انى لسة بفكر فيه دا وسوسة شيطان ولا نتيجة صلاة الاستخارة وصلاة قضاء الحاجة

ياريت تفيدونى لانى خلاص هتجنن

مع احترامي ليكي

انا حاسس ان صلاة الاستخاره بتاعتك مش صحيحه اوي

من شروط صلاة الاستخاره

(ينبغي للمستخير ترك اختياره رأسا والا فلا يكون مستخيرا لله بل يكون غير صادق في طلب الخيره وفي التبري من العلم والقدره واثباتهما لله تعالي فاذا صدق في ذلك تبرأ من الحول والقوة ومن اختياره لنفسه)

اما انت انا شايف ان الموضوع واخد كل تفكيرك وشغلك زياده عن اللازم

فانت بتقولي قمتي بصلاة الاستخاره بس طبعا الموضوع شاغل كل تفكيرك فلازم ينصب تفكيرك ده علي حلمك اللي انت بتقولي انه كان خير والحمد الله
صلي صلاتك عادي

وبعد كده مارسي حياتك عادي جدا

وحاولي تفكري في حاجه غير دي

وربنا يكرمك ان شاء الله

نصيحه بقي انت بتقولي انك بتحبيه او معجبه بيه وهو كمان

ما تحوليش تتقربيله زياده عن اللازم

من الاخر ما تدهوش اكتر من حقه مع احترامي ليه طبعا

وبرده
اوعي تصريحله بحبك له

كل واحد مننا له نصيبه

وان شاء الله ربنا يكرمك بالزوج الصالح سواء ان كان ده او الانسان المكتوبلك

اجمل حاجه في الحب عذابه

اجمل حاجه في الحب عذابه

ههههههههههههههههههههههههههههههه

ياعم اجرى
مش لما يببقى فية حب اصلا فى سننا دا

بصى بالنسبة للمشكلة
انا شايفة ان حتى اعجابك بية دا توهمااااااااااااااااااااااااااااااااااااااات
اوهااااااام يعنى
لاننا فى سن الاوهام دى بتكتر اوى لكن صدقينى مش بتبقى صح بتبقى بس احساس انك نفسك تتحبى او تحسى بالامان من شخص وانة مهتم بيك وكدة لكن بتبقى كلها غلط لانها بتيجى فى وقت غلط
بصى
انا ماما كانت دايما تقولى حاجة والله من ساعتها وانا حاطها فى دماغى
كانت تقولى يابت يا ...........
( مش هاريحكم بردة واعرفكم اسمى )

المهم كانت بتقولى ان الحب دا زى الفاكهة لو صبرتى عليها وا ستنيتى الموسم بتاعها الصح الى تكون استوت فية هتبقى حلوة اوى وجميلة وسكر
لكن لو قطفتيها بدرى قبل ما تستوى بيبقى طعمها مر ومش حلو خالص
ومن ساعتها وانا مش عايزة اقطف اى حاجة دلوقتى لاغيت ما الموسم بتاعها يجى
وانتى الى بتعملية انك بس عايزة تحسى بالامان او الاهتمام بحد وانك تقطفى الفاكهة بدرى وصدقينى دى كلها اوهام مش تحسيها الا لما تكبرى وتعقلى اكتر وهتضحكى انك كنت بتفكرى فى كدة اصلا
فا انا شايفة انك دلوقتى نصيحة اخوية يعنى انتى لسة بتدرسى يبقى هو دا هدفك بس
الدراسة
لان فية مثل بيقول صاحب بالين كداااااااااااب
فانتى خليكى فى دراستك بس وسيبك من الاوهام دى لان لو اثرت على دراستك وبعد ما تكتشفى انها اوهام هتندمى اوى
وعلى فكرة كلامى دا فى الحالتين
انة لو كان معجب بيكى او لا
لان صدقينى دا مش وقتة
انا عن نفسى حاطة هدف قدامى دراستى وشغلى مستقبلا باذن الله بس لان دول هما الى هيحسسوكى بامان فعلا اما الحب والاعجاب والحاجات دى زى ماقولتك كل شىء وبيجى باوانة والموسم بتاعة
ويارب ربنا يهديكى للقرار الصح يارب
واسفة لو طولت عليكم
اعمل اية انا رغاية