زوغروطة للخدمة العسكرية

العنوان جامد اوى اكتب ولا لاءة اصل ده الجيش برده والكلام خطير
اكتب ............ ...لاءة
اكتب ............ ......... ..... .بلاش النت ملهوش امان اليومين دول
اكتب بقى ورزقى على الله طبعا انتوا فاكرين انى خايفه هقولكم لاءة تبقوا غلطانين
انا مرعووووووووبه الكى بورد بيترعش فى ايدى يووووووة
قصدى ايدى بتترعش على الكى بورد الموضوع مش سهل ده
الجيش المصرى يعنى مش اى حاجه يعنى حرب تلاته وسبعين
يعنى سلاح الطيران يعنى اول ضربه جويه
يعنى ورده اللى بتغنى قدام الريس يا جدعااااااااان

ما علينا ادخل فى الموضوع بقى هو احنا كنا بنتكلم فى ايه؟؟
اه ليه الشاب من دول اول ما بيجيله طلب اداء الخدمه العسكريه
بيمشى تايه يا ولداه ويروح يترمى فى حضن امه وهتك يا عياط هو وامه
لحد ما يبنلهم صاحب واول ما يقولوا يا جهاديه البيت يتقلب محزنه والنكد
ليل نهار من اول ما يروح يكشف لحد ما ياخد التأجيل بالسلامه اويستلم لقدر الله
بعيد عننا وعن السامعين
حاجه غريبه اوى وليه الشاب من دول تهون عليه نفسه
ويروح يحط صابعه تحت قطر علشان يقطعه وده على فكرة
اللى حصل فى قطر مطروح مهو اكتشفوا بعدين ان السبب فى قلب القطر
ان واحد كان عايز يقطع صباعه علشان يتهرب من الخدمه العسكريه
وياخد معفاه ومع ذلك علشان هو فقرى القطر اتقلب
والناس الغلابه ضاعت وصابعه متقطعش واتحاكم وبعدين
دخل الجيش وقال احنا اللى كنا فاكرينه اهمال م الحكومه قال
وده نفس السبب اللى خلا واحد كلنا عارفينه يضرب شهاده
علشان يتهرب م الجيش وبرده اتحاكم ودخل وقضاها
وتيجى تبص تلاقى الواحد من دول اللى ياخد تأجيل
يعمل ليله ودى جى للغلابه لحد الصبح
انا مش عارفه الجيش فيه ايه يخلى الناس تخاف منه وتهيبه بالشكل ده
بداية من الكشف لحدة ما يستلم الضحيه قصدى المجند سلاحه
ويدخل الجيش جوه تلاقيه جنه ايون جنه بمعنى الكلمه بداية من الصول
لما ياخدك بالاحضان لحد العقيد اللى لو اى حد عملك حاجه
او تظلمت لاى شىء يقف معاك بالمرصاد قدام الجن الازرق زات نفسه
وانسى بقى الكلام الفارغ اللى بيتقالك ان حتة
عسكرى اقدم منك يتحكم فيك والكلام الفارغ ده
وان ممكن الصول بتاعك يكدرك بالاربع والخمس ساعات فى الشمس
ويزحفك تلاته كيلو عريان على بطنك ع الرمل من الساعه اتناشر للساعه اربعه ولا حاجه

ولا لو فتحت بؤك بتاخد على قفاك وبتيلعن سلسفييل جدودك ولاحاجه خالص

وان عملت فيها راجل يدورك مكتب يا معلم وابقى افتح بؤك ’’ اللى معلمهوش ابوه وامه الجيش بيعلمه
امال هيحارب ازاى مش لازم يتعود على المثابره ولا هى الحرب هز ديل ولا كل من
هب ودب شال بندقيه وحارب
ادخل بقى على الاكل مبدئيا مفيش حاجه اسمها الطبخه السودا
دى اشاعات ادخل الجيش وانت مطمن الاكل هناك ابيض وزى الفل
بيقولك اقاويل مطلعنها على الجيش قال بياكلوا الفول بسوسه والارز كسر
ومدود والاكل بيطبخ بطينه والارز مبيتغسلش والدقيق فى ابصر ايه
مش عايزين نفسر وقال الميه شويه فى الصحرا هنشرب ولا نغسل الاكل
قال وابقى اطفى النور وانت بتاكل
كل دى اشــــــــــــــــــــــــــــــاعات مغرضه
وبيقولوا لك ذل ومش عارف ايه و حكم النفس على النفس
وسنه عذاب ولا تلت سنين ويعملولك افلام

وبتاع

اطمنكم يا جماعه م الاخر معامله زى الفل اكل زى الفل تخرج
وتنزل فى الجيش براحتك مفيش حاجه اسمها تقضى الاجازة فى السجن
العسكرى والصول والظابط بياكلوا من اروانه واحده اسفه قصدى سرفيس واحد
الاكل كله فى السليم كباب وكفتك طول الاسبوع ويوم دواجن من عند كنتاكى
يعنى الجيش بخير يا جماعه مفيش لابش جوه ولا اى حاجه
وكله تمام بتدخل بكرامتك وبتطلع ب.. ب ..بكرامتك برده

هييييييييييه ...انا حبيت احسن الصورة اللى فى خيالكم على
قد ما سمعت لان لسه والحمدلله قصدى للاسف معملوش
جيش للبنات ولو انى كان نفسى اخدم الوطن
واختم كلامى بأغنية عبد الحليم قولنا هنبنى وادى احنا بنينا السد العالى
يووووووووووووووووه دى اغنية تانيه المهم اى اغنية لعبد الحليم والسلام ختام
بقلم : منى عينى
منقوووووووووووووووووووووووووول

next كتب:

ايه هو فرح

عمتا موضوع جميل واحنا ع الابواب .لكن فعلا ليه الناس مبتحبش الجيش انا مقتنع بمثل بيئول "زي مالك عليك"

ودي بلدنا

اي نعم الواحد يتمني ياخد اعفا لكن لو دخلت ايه المشكله

وجهة نظر متعارضه مع الجميع

لو دخلت ايه المشكله
انشاء الله لما تدخل هتعرف ايه المشكله Very Happy

ليه بس ما احنا كنا كويسين

مش انت اللى عاوز

استحمل

انا مش عاوز

منك لله

هههههههههههههههههههههههههههه

جامدة يا نيكست

بس الى لية واسطة بيعيييييييييييييييييييييش Very Happy

انت بتدعى عليا ماشى

يارب يارب تلموذ يدخل الجيش وينبسطوا منوا
ميخرجهوش تانى

منك لله

ولا بلاش

لحسن الدعوه تستجاب

اسمع يا تلموذ من واحد دخل الجيش وانت تعرف ليه محدش بيتمناه

بص مع احترامي ليك

محدش بيعجبه حاجه

لا بس العسكريه غير

زوغروطة للخدمة العسكرية Big-Smiles-25

واسال

بقى عايز تخش الجيش يا تلموذ يانهار دا انت هتشوف ايام والله انا بص مكنتش متخيل الموضوع لحد مروحت لاخويا فى كلية الظباط الاحتياط فى فايد بص اوﻻ المكان فى صحراء الجو فزيع وانت ماشى بيبقى الهواء هيطيرك مش هقولك انك بتتعامل مع اغبى ناس فى الارض تنام فى ميعاد وتصحى فى ميعاد تقف ساعة رجلك متنتنيش لو اغمى عليك ووقعت تتسجن عشان وقعت من غير ما تاخد اذن ممكن لو ﻻ قدر اللة لو مت يسجنك عشان مختش اذن بص عايز ترتاح وانت داخل سلم عقلك مع الموبيل وهدومك والحجات دى هحيلك اية بكرة تشوف يا حضرة الظابط دا احنا هنشوف ايااااااااااااااااااااااااااااااااااام

يالا مش هو اللى عاوز

خليه ينبسط
يارب ياخدوا فايد ميرجعهوش Very Happy

هههههههههههههههههه
متخفيش هيروح المشكلة انى هروح اقبلة بس يلا ما منكم الا وردها

ههههههههههههههه

يا سلام

خش نام يابني انت وهي

يا جماعة انتو مزعلين تلموذ لاة

اة يانكست انتى وتايجر
ادخل يا تلموذ الجيش دول بيوزعوا شيكولاتة كل
يوم الصبح بس اوعى تنسى نصيبى فى الشيكولاتة

مساء الفل

شيكولاته بالعدس

هههههههههههههههههههههههه

ان شاء الله قرار هيطلع عن قريب هيخلوا الجيش ع الحريم

ضمن مبدء المساواه

يااااااااااااارب

هههههههههههههههههه

لالالالالالالالالالالالالالالالا
مين قال البنات عاوزا مساواه
احنا من غير مساواه واخدين حقنا
كويس اوى

لا انا بطالب لكم بالمساواه
واشربوا بئي

وخدوا شوكلاته وعدس للركب

الحمد لله اني بنت

اشربوا بقى

بس بجد صعبانين عليا

ميصعبش عليكى غالى

دول يستهلوا اكتر من كده Twisted Evil