عدد الرسائل : 1619 العمر : 35 تاريخ التسجيل : 22/02/2008
موضوع: عايز تتخلص من القلق أيام الامتحانات؟ الثلاثاء ديسمبر 23, 2008 5:43 pm
في القرن العشرين…
واحد اكتشف نظرية عجيبة جدا…
لما اكتشفها، عدد قليل جدا من العلماء فهموها
النظرية دي قلبت موازين كتيرة جدا اتبنى عليها كلام كتير أوي
أكيد واحد زي ده كان عبقري
يا ترى مين العبقري ده؟
ألبرت آينشتاين كان من عبقرياته إنه كان عنده حاجة اسمها دفتر خواطر
ايه دفتر الخواطر ده؟ كان وهو شغال مثلا أو بيقرأ في حاجة كانت بتجيله خواطر ممكن تخليه يسرح زي أي واحد فينا
أي واحد فينا وهو بيذاكر مثلا بتجيله خواطر تخليه يسرح
آينشتاين كان بيعمل ايه بقى؟ كان بيكتب الخواطر دي في دفتر الخواطر أول ما يجيله خاطرة يقوم كاتبها وبمجرد ما يكتبها الخاطرة دي تروح من دماغه ويرجع للي هو كان بيعمله، وبعد ما يخلص اللي في ايده يروح يشوف الخاطرة دي كانت عايزة منه ايه عارفين الخاطرة دي عاملة زي ايه؟ زي أخوك الصغير اللي في القصة اللي فاتت بالظبط
الخاطرة بتقعد تزنننن تزنننننن تزننننننن في دماغك وعشان تتخلص منها لازم تسكتها
طب تسكتها ازاي؟ إنك تكتبها في الدفتر زي ما آينشتاين كان بيعمل ايه جاب الكلام ده في القلق؟ ما هو هو ده القلق القلق عبارة عن خاطرة بتزن في دماغك بس خاطرة سلبية تخليك ما تعرفش تعمل حاجة وتخليك مذبذب من الآخر بتبقى قلقان
أخوك الصغير لما قولتله لما أخلص اللي في ايدي عمل ايه؟ راح شوية ورجع تاني عشان تشرحله الدرس وكل شوية يروح ويرجعلك عشان تشرحله الدرس وانت ما خلصتش اللي في ايدك طب والحل ايه؟ الحل إنك تعرف هتخلص اللي في ايدك امتى وتقول له إنك هتخلص بعد ساعة مثلا بحيث تكون خلصت وتفضاله
وايه جاب الكلام ده في الامتحانات؟ شوف يا سيدي
المطلوب منك إنك تجيب ورقة وقلم، وتكتب الحاجات اللي باقيالك في المنهج وتشوف كل حاجة هتاخد منك وقت قد ايه تقريبا وبعدين تحطها في جدول وتشوف هتعمل ايه على مدار الأيام اللي باقية بالتفصيل لكل يوم من الأيام
وبكدة تكون عاملت القلق نفس معاملة أخوك الصغير بالظبط
وبكده هتلاقي نفسك مرتاح جدا جدا ببساطة لما حاجة من المذاكرة تقلقك هتقول لها: تعاليلي في معادك يا شاطرة
وطبعا عشان الموضوع ده يتنفذ بالطريقة السليمة وتكون مرتاح نفسيا لازم تكون بتنفذ اللي في الجدول اللي انت عامله وإلا الحاجات دي هترجع تزن في دماغك تاني
سما عضو ملكي
عدد الرسائل : 733 العمر : 34 تاريخ التسجيل : 14/11/2007
موضوع: رد: عايز تتخلص من القلق أيام الامتحانات؟ الأربعاء ديسمبر 24, 2008 5:35 am
شكرااااا تايجر حاسس بينا والله
هنجرب الطريقه دى وبأذن الله تنفع
Tiger مشرف
عدد الرسائل : 1619 العمر : 35 تاريخ التسجيل : 22/02/2008
موضوع: رد: عايز تتخلص من القلق أيام الامتحانات؟ الأربعاء ديسمبر 24, 2008 5:57 am
يلا جربى وبقى قولى النتيجة بعد الامتحانات
golden flower مشرفة
عدد الرسائل : 2517 العمر : 35 تاريخ التسجيل : 28/04/2008
موضوع: رد: عايز تتخلص من القلق أيام الامتحانات؟ السبت ديسمبر 27, 2008 4:33 pm
فكره ممتازه والله يا تايجر انا كنت بعملها احيانا بس عشان انا عايزه اكتب مش عشان القلق
وعموما هو مش قلق بتاع الامتحانات ده رعب احيانا واحيانا تطنيش حاله غريبه عجيبه متقلبه
شكرا ليك يا تايجر على الموضوع الراااااااااااااااااائع ده
نور مشرفه عامه
عدد الرسائل : 5392 العمر : 36 تاريخ التسجيل : 26/10/2007
موضوع: رد: عايز تتخلص من القلق أيام الامتحانات؟ السبت ديسمبر 27, 2008 5:43 pm