أدخلوا وخلينا نتكلم بصراحه ونشوف تفكيرنا وصل لايه

انا كتبت الموضوع دة لانى فعلا عايزة اعرف انتوا تفكيركم وصل لفين وايه امانيكم واحلامكم بس مش اى احلام لا انا بتكلم عن حلم شريكة حياتك ورفيقة دربك وانتى كمان قوليلى ايه مواصفاتك ياجماعه خلينا نتكلم بصراحه وبدون ما نغطى الحقائق لازم نطلع اللى جوانا مش يمكن لما نشوف تفكير بعض تفرق معانا ويتغير الوضع كتير بصراحه انا كتبت الموضوع دة لانى فعلا عجبنى ردكم على الموضوع الاول الا وهو (اذا اردت فاطمه فلابد ان تكون عليا)بصراحه عجبنى جدا تفكيركم وكلامكم كان حلو اوى وعايزة اعرف ايه شروطكم ومواصفاتكم كل واحد من اعضاء المنتدى يدخل ويكتب مواصفاته وشروطه كله اللى بيتمناها فى زوجته ان شاء الله وانا عن نفسى هقولكم مواصفاتى بس فى الاخر عايزة اعرف منكم انتوا الاول

انا هبدا انا ياحور

مواصفات شريك حياتى

اولا واهم حاجة يكون متدين وحافظ القران مش هقول كلة بس حتى لو بيحفظ فية اهم حاجة انو يكون اعلى منى فى التدين ومثقف عنى علشان ياخد بايدى للطريق الصح

تكون اخلاقة ممتازة مش بيعرف بنات خالص محترم يحترمنى واهم حاجة يحترم عائلتى

برضو من الصفات المهمة جدا يكون شهم وشجاع مش جبان كريييييييييييييم جدا لانى بكرة البخل ولو اخدت واحد بخيل ماعرفش انا ممكن اعمل فية اية يكون صادق فى كل كلمة

يكون سى السيد يمشى كلامو عليا ياخد براى بس يكون لية راية المستقل

يحسسنى انى مهمة فى حياتو زى ماهو مهم فى حياتى يقدرنى قدام الناس كلها يخلى الكل يحترمنى
اما بقى الصفات الشكلية
يكون منظم فى لبسة شيك بس لبس محترم مش ملابس اليومين دول اعوذبالله

وياريت يكون نظام لبسة كلها بدل وبردة كاجول
يكون طويل اسمر لانى مش بحب الراجل الابيض المتوسط هههههههههههههه

بس الصفات دى ممكن استغنى عنها بس الصفات الاولى مش ممكن استغنى عنها

اهم حاجة عندى يكون متدين بجد علشان يراعى ربنا فيا ويسلام بقى لو كان بيحبنى بس مش مهم لان الحب بييجى بعد الجواز ودة بيكون الحب الحقيقى

طبعا دى احلام واستحالة الصفات دى كلها تكون فى شخص واحد بس خلينا نحلم قبل فوات الاوان

حور خلى الحجات دى فى سرك احنا اصحاب مش عايزين نخسر بعض

فاضل حاجه ياساسو مقلتيهاش

وهي اسمه ايه؟

هههههههههههههههههههه

ماشى ياسعد بقى كدة

المواصفات:

متدينه صاحبة خلق
عاقله
جميله
ذكية
لماحه
مرحه
كريمة

وأهم حاجه انها تعرف تميز بين شخصية الرجل وشخصية المرأة
المرأة تهتم بالتفاصيل
الرجل لايهتم بالتفاصيل

طبعا كل صفه من الصفات دي تحمل معاني كتيره وربنا يستر

1***اول حاجه واهم حاجه التدين

يمكن انا مش ملتزمه دينيا قوى
بس انا نفسى اللى اتجوزه يكون متدين لحد كويس
على الاقل علشان يزود ايمانى
((اللهم ارزقنى بزوج يعيننى على الطاعه))

2***الاحترام ::برضه حاجه مهمه جدا
انه يحترمنى ويقدرنى ويفهمنى

3***الحب : برضه لازم يكون بيحبينى

4**يكون طموح
5**يكون متوافق معايا لحد ما
6**الشكل برضو يكون كويس مش لازم يكون وسيم
بس يكون مقبول

اعتقد الصفات دى صعب تبقى موجوده كلها فى شخص
بس فى الاول والاخر نصيب

يلا ياحور قوليلنا

انتى مواصفات شريك حياتك وفارس احلامك

ههههههههههه
انا اهم حاجة تكون
1-ملكة جمال (ملهاش حل فى ص و ع وجميع مجموعات الاعداد)
2-متدينة طبعا
3-بتسمع الكلام يعنى نتناقش وكل حاجة بس فى الاخر لو مقدرناش وجهات نظرنا تتقارب يبقى كلامى اللى يمشى
4-دماغها كبيرة دى حاجة مهمة يعنى بتقدر لان انا ماليش فى شغل الدباديب ورسائل اقبل النوم
مش فاضى للعب العيال دة
5-تكون مرحة مش لازم تبقى مثقفة انا مش هجوز العقاد يعنى مش هروح من الشغل عشان
نقعد نتكلم عن مشكلة الجولان وازمة الفكر فى العالم الثالث وميتافزيقية الاشياء
بس كفاية كدا عشان منجبش للناس احباط

هههههههه

دي سنتها سوده

ايه يابني ده

انت تروح تفصل واحده احسن

وبعدين يا استاذ لازم تكون مثقفه امال مين هيعلم الاولاد ولا هتجيب واحده تانيه

هههههههههههههههههههههههههههههههههههه

هههههههههههههههههههههههههه
ايه ياتايجر دا
على كده بقى انت ليوناردو دى كابرى

انا عن نفسي

الاولي

ان شاء الله يكون ليها ف البرمجه عشان تساعدني ف الششغل

التانيه

شرح الاولي

التالته

يكون معهاها تربيه طفوله او بتعرف تتعامل مع الاطفال

عشان تعرف تتعامل مع ولاد الدرر

ولو ربنا سهل تكون الرابعه ليها في ادراه الاعمال

الشرط الاساسي فيهم كلك

ان شاء الله يعني

يكون عندهم ميول دينيه مش شرط تكون متدينه لكن قابله للتدين والالتزام

وانا مقتنع ان الام مدرسه اذا اعدتها اعدت شعبا كاملا

وطبعا لازم يكون تفكير عالي شويه ودمها خفيف

ودا كله طبعا مش شرط يكون كله موجود

لو شئ مش موجود نعلمهلها

بس

دي وجهة نظري

لا ياعم هو يعنى طة حسين ولا العقاد كانت امة مثقفة
دا لو بئت مثقفة هتعقد العيال
اة انا نسيت شرط صحيح لازم تكون Certificate يعنى معاها oca-ocp-rhce-rhct-nca-ncp-nct
ويعنى لو مفيش ممكن نقبل حد معاة icdl

هههههههههههههههههههه

على فكره ياتيجر انت وتلموذ

بتحلموا بيتهيقلي مبقاش فيه حد كده من البنات دلوقتي

إلا عدد قليل اوي

انا لله وانا اليه راجعون

طب دا انا شروطي سهل

يعني انا شرطي مقبول مش لازم جيد جدا

ههههههههههههههه

انا بقى مواصفات شريك حياتي

انه يكون متدين

وطيب الي ابعد الحدود

دوري عيله ف كيس فيشار

ههههههه

والله الطيب دا عادت بيكون ممل

صدقيني

ههههههههههههههههه

انا بقول طيب

بس هوه فيه حد طيب في الزمن ده؟؟

لا في

دور ف كيس تاني لو مش لاقيه ف الكيس ده

هههههههههههههههههههههه

على كده انا هفتح علب كتير اوي يا تلموذ

والفيشار ده كله هيترمي

لا اديني الفشار

انا ممكن اجهز بيه نفسي

ايه ده

عايز تجهز نفسك من الفيشار

ده على اساس انك هتفتح مقله مش بيت

كله محصل بعضه

بيت من فشار بيت من رخام كله بيشقق

ههههههههههههههههههه

والله عسل يا امنية
المهم
مواصفاتى
مع ان على فكرة ماحدش بيجوز على حسب مواصفاتة كلة بيبقى قدر ونصيب
وساعة القدر تعمى البصيرة :shock:
بس يالا اقولكم

انا مواصفاتى 1-متدين
وعلى اساس تدينة هتيجى الحاجات التانية
لانة لو متدين صح وبيعرف ربنا صح هيعرف يعاملنى معاملة ربنا ازاى
يالا سلام يا جماعة
اة نسيت والشكل يكون شبة شاهيد كابور Very Happy

تلموذ كتب:

والله الطيب دا عادت بيكون ممل

ممل!!!!!!!!!!!!!

على كدا بقى انت عايز واحدة مش طيبة عشان ماتبقاش مملة

ربنا معاك

نيجى بقى للمواصفات اللى بتمناها

انه يكون متدين ومش شرط انه يكون مربى دقنه وبيلبس بنطلون قصير

ويكون ذات خلق بس دى مش مواصفات بتمناها دول شرطين اساسيين

بتمنى بقى انه يكون طيب بس ليه شخصية وشخصية جامدة
والصفة اللى بتمناها بجد انه يكون حنين

ونفسي يعنى على طاعة ربنا واعينه على طاعة ربنا

وانه يكون طموح وليه هدف واساعده انه يحققه

ويكون عارف يعنى ايه مسؤلية

ونفسى بقى يكون مجال شغله نفس مجال دراستى

انا عارفة ان المواصفات دى حلم

بس بتمنى انه يتحقق

ومانيل المطالب بالتمنى ولكن تؤخذ الدنيا غلابا

كله مقدر ومكتوب

كله واحد بيحلم ان يكون شريك حياته

او شريكه حياته فيها كل الصفات الحسنه

يعنى مثلا

منال

لو شريك حياتها متدين وفى كل الصفات الحسنه

ومبيربيش دقنه وبيلبس بناطيل طويله

هل هترفضه مثلا

وفى حاجات تانيه كتير عايزه تفكير مننا

ليس كل ما يتمناه المرء يراه

ولا ايه يا جماعه

ولو انا غلطان حد يقولى الصح

وشكراا