خطبة المرأة للرجل بين الدين والمجتمع

طيب يا حور طالاما احنا مش فاهمين

ماتحولي توصللنا اللي في دماغك

مش تقولي بدون تعليق

الموضوع أنة فى الزمن الى احنا فية دة كل شيئ جايز
لان حسب المعدلات الاخيرة
أن فية نسبة بنات كتيرة هتعنس
لان معدل مواليد البنات حاليا يساوى ضعف مواليد الشباب

انا اكتر حاجه مستغرب منها في بنات الجيل ده .. كلمة مفيش راجل يستاهل .. بجد حاجه غريبه
انا شخصيا بقول في بنات كتير جدا تستاهل ان الواحد يدفع كل فلوسه وأي حاجه علشان يتزوجها
بلاش تعميم ياجماعه .. انتوا ناس جامعيين وفاهمين
والغريب اكتر بقي ان الكلام ده يجي من جولد مشرفة التنمية البشرية .. يعني لو البلبل الشادي كنت قلت مفيش مشكله ..
البلبل الشادي وانا عارف دماغها ...

يابنات في شباب محترمين جدا
وياشباب في بنات مؤدبين جدا جدا

بس المشكلة ان احنا مش شايفين غير النماذج السيئة ..
والولد أو البنت اللي بيقول مفيش حد محترم يبص لنفسه ويعتبر نفسه من العينه دي .. عينة اللي متستاهلش! .. أو عينة الغير محترمين

شكرررا حور .. رسالتك وصلت ومفهومه بدون كلام .. انا نفسي واحد صاحبي خطبلي بنت اخته ودلوقتي تعتبر اهم حاجه في حياتي ..
ده مش عيب ياجماعه ولا حرام و لايقلل من البنت .. اللي يقلل من البنت انها تروح بنفسها للشخص
لكن لو اخوها او ابوها شايف انها مياله لشخص معين والشخص ده كويس مفيش اي مشكله انهم يعرضوها عليه
الموضوع ده ماشي عندنا وعادي جدا ...

انا معاك يا سعد ف كلامك وهو دا اللى كنت هقوله

والبنت اللى بتفكر ان ما فيش ولد يستاهل

يبقى من حق الولد انه يقول نفس الكلام ان ما فيش بنت تستاهل

ويا جولدن انتى بتقولى انه كان نبى من الانبياء

واعتقد ان حور تقصد الرسول صلى الله عليه وسلم

فقولتى ان ما فيش وجهة مقارنة وهل يوجد وجه مقارنة بين بنت من الزمن دا والسيدة خديجة ؟

وكمان السيدة خديجة لم تذهب بنفسها لخطبة النبى صلى الله عليه وسلم

واعتقد ان هو دا اللى تقصده حور

كلامك صح يا سعد والله

أصل معلشى بردة الزمن الى احنا

فية بيحكم علينا حاجات كتير جدا

ولازم نمشى معاة

يعنى فى مثل بيقول أخطب لبنتك وما تخطبش لبنك

اهووووووووووووو مثل

الكلام بتاع انكسف أقول أو ما أقولشى دة زمان

أيام جدى وجدك وحاليا الكلام دة تقريبا مات معاهم

يا جماعة

كلمة حــــــق

أنا شايف فى اليومين دول من ودى وجهة نظرى من البنات طبعا مش كلهم

دى قلة الجواز هى الى خلت البنت تخالف دينها والتقاليد

الى هى كانت متربية عليها ودى ممكن يكون غصب عنها

او امتحان من ربنا ليها بس يا جماعة البنات والشباب الى فى

اليومين دول بعتبرهم فى خلاط كبير جدا والخلاط بيدور براحة لغاية دلوقتى

وفية ناس كتير بتطلع منة لحد الان وبيفوق لنفسة وربنا يهدية

اما الى مستسلم للخلاط وبيقول بكرة الخلاط يقف وأطلع دة طول

عمرة هيفضل فى الخلاط ومش طالع ابدا وفية بنات وشباب ما دخلوش الخلاط دة

أصلا.عاوزين نفوق بقة احنا بنكدب على نفسنا ول على ربنا وعلى على مين بالضبط

لو كل واحد بقة صريح مع نفسة ولو لجزء من الثانية هيشوف فى نفسة عيبوب كتير

قبل ما تحاسب غيرك حاسب نفسك الاول على رأى المثل يالى بيتك من زجاج ما تحدفش الناس بالطوب

خليك فى حالك احنا عيبنا اننا بنبص لغيرنا ونشوف عيوبة وللاسف بنقلدها وما

بنحولش ولو لمرة اننا نعدل فيها يعنى بنريح دمغنا

انا اسف أذا كنت طلعت عن صلب الموضوع بس الكلام دة الى كان فى نفسى

فقولت الى فى نفسى

يا جماعة ولاخر مرة أحنا فى زمن الى العيب فية ان الواحد ينكسف

وشكرااااااااااااااااااااااااا

طبعا يا جماعه انا معاكم في ان كل انسان يشوف عيوبه ويصلحها ده امر لا اختلاف عليه

شكرا ليكم ياجماعه على ردودكم وبصراحه سعد ومنال وامير الزمان فهموا اللى انا اقصده
انا بصراحه مكنتش عايزة اكتب فى الموضوع تانى لانى لقيتكم بتتريقوا ومش مهتمين ودة السبب اللى خلانى اقول بدون تعليق
اما بالنسبه للموضوع ياجماعه مش لازم يكون البنت هى اللى تروح تخطب الولد وتروح البيت زى ما بتقولوا لا انا اقصد انا والد البنت او اخوها لما يكونوا يعرفوا شاب معروف عنه الصلاح والالتزام فانه بيقول له انه عنده زوجه ليه مش معناها انه بيرخصها ولا انها بايرة لا ولا حتى الولد هيبصلها بالشكل دة لا ياجماعه دة امر عادى وبعدين مفيش شئ ذكر فى القرآن الا وله اهمية وطبعا الاسلام حافظ على مكانه المرأة وكرامتها وانا اقصد قصه سيدنا موسى عندما عرض عليه ابو البنتين الزواج من احداهما عرض عليه لانه عرف فيه الامانه والتقوى ومترددش لحظه انه يقول ليه هى بايرة او ازاى اعرضها عليه ياجماعه خلينا نغير تفكرنا دة بقى المفروض احنا اللى نخرج الناس من الظلمات الى النور من نزيده ظلمه وبعدين دة بيحل ازمة العنوسه وكمان بيساعد الشباب اكثر واعتقد كمان ان السيدة خديجة عندما عبرت عن اعجابها الشديد لجاريتها وهى تكلمت مع سيدنا محمد بس مقلتلوش انها قالت كدة لكن بحسن التصرف والفطنه اتمنى ياجماعه ان نوسع مداركنا شوية وما فى شئ فى القران ذكر الا لناخذ منه عبره فى حياتنا
جزاكم الله خيرا

كلام معقول جدا

بس لو طبقناه يا حور

مع اول مشكله هتلاقيه بيقولها ........

انتى مصممه بقى ياجولدن خلاص براحتك
انا عن نفسى بتكلم عن الشخص الملتزم اللى يعرف ربنا كويس
مش حد تانى

مش حكايه مصممه انا بتكلم عن الواقع الحالي

مهما كان الانسان اللى بتتكلموا عليه

مينفعش
لان المجتمع نفسه اتغير

هو دا برضه اللي انا اقصده يا كنزي

لا ياكنزي المجتمع مبيتغيرش العقول اللي بتتغير ....
وبعدين ماهي البنات بتعرض نفسها بصوره غير مباشره .. لبس ومكياج وحاجات غريبه علشان تلفت نظر الشاب
وفي الاخر الشاب بيحتقرها .. وبيعتبرها سلعه مرميه ملهاش صاحب وبيقضيها تليفونات ومقابلات!!
-----------------
وكتير من البنات مفكرين ان الشباب عبيط ومبيفهمش .. بالعكس الشباب فاهم وواعي وكتير منهم بيستهبل وعارفين مين اللي تنفع للزواج ومين اللي متنفعش خالص ....
قليل اوي من الشباب اللي بيتقي ربنا في بنات الناس وده ربنه بيرزقه بواحده بنت حلال ..
الطيبون للطيبات والخبيثون للخبيثات
ده توزيع ربنا .. شوف نفسك بقي انت مين فيهم

المبدأ معروف .. كماتدين تدان ... ومن أعمالكم سلط عليكم

وصراحة الى قالة سعد انا كنت هقولة
صراحة بس هو صاغة أحسن منى بكتير
هو كلام ما يزعلش لان دى الحقيقة
فى مناظر بجد والله ربنا يتولهم برحمتة
بجد الله بكون فى عون الشباب معزورين والله
أنا هقولوا مثل أكيد انتوا عارفينة
والمثل دة والله العظيم مش من دماغى
دة كتير اوى بيطبقوة الشاب من دول يقول
انا عمرى ا هتجوز وحدة مشيت معاها
يعنى طول عمرة يمشى مع وحدة
ولما يجى يتجوز يتجوز وحدة تانية خالص
وغالبا لو لم يطتبق هذا المثل

سورى ياامير النوع الى انت قولت علية ددا

انا مش بعتبرة راجل اصلا مش يطلق علية لقب راجل من اصلة
ان يمشى مع البنت وفى الاخر يجوز واحدة تانية ويكون حاطط فى دماغة كدة
انا متاكدة بقا ان ربنا هيوعدة بواحدة تكون هى ماشية اصلا مع ولاد
علشان يعرف ان ربنا حق
دى حاجة
ثانيا ا
انا مع راى جولدن وكنزى ما ينفعش فى زمانا دا الى بتقولى علية
ما ينفعش خااااااااااااااااااااااااالص
لانة بيقلل من مكانة البنت بعد كدة خالص
وبعدين فية اية مالكم
انتوا خايفين من البنات ولااية
ما الى شايف نفسة معجب بواحدة يروح يخطبها ويلخص
انتوا مكسوفين ولاية
مستنيناها هى الى تيجى للدرجاااااااتى مكسوفييييين
اة منكم والله
ما تسيبوا الموضوع ماشى زى ما اهلينا اتجوزا
الاب اعجب بالام وهو الى راح قالها وخلاص واتجوزا
هنجى احنا ونغير القاعدة بقا
يا سبحان الله
عموما دا راايى
وكل واحد لية راى واحترمة بردة
وشكرااااااااااااااااااااااااااا

يانور انتى وجولدن زمانا احنا اللى غيرنا ه وخليناه كدة مش هو اللى اتغير من نفسه واحنا اللى لازم نرجعه الاسلام حفظ للمراة كرامتها وعزتها واحنا لو فكرنا فى كل شئ بنعمله وقلنا الواقع والزمان ومينفعش يبقى عمرنا ما هنمشى خطوة للامام هنفضل دايما ورا